|
Re: Who let the dogs out? (Re: mustafa mudathir)
|
أهلا سامي عبدالوهاب مكي شرٌفت يا أخي ومشكور على الزيارة بيان كيف حالك؟ عارفة؟ وما طالباني حليفة قصة الكلبة القالت إحم دي هي الشئ الوحيد الحقيقي في الحكاية أعلاه وللان لٌما نتلاقى نحن الهسع بقينا ناس كبار (كبار شديد، أظن) ونطرا القصة دي نحتار دون حسم للغزها وإننا ما قدرنا نقنع الكبار وقتها (اللي هسع دي قضوا) إنها قصة حقيقية وإننا سمعنا قولة إحم وما كان فيه زول غير الكلبة. حتى فينا واحد حجا بسبب القصة دي وواحد تاني درس البيطرة و و غايتو كان ما مصدقيني ما ح أحكي ليكم قصص أخرى حقيقية مثل الكلبة التي أحبتني حب جد زي حب البشر أو حب الشحيح للمال أو مثل قصة الكلب الذي إنتحر لأن الكلبة التي أحبها مش لم تبادله الحب وبس بل أحبت كلبا غيره. وقد شهدت واقعة إنتحاره وقمت بدفنه دون غسل لأنني لم أعرف كيف يكون غسل الكلاب أو الحاجة المعادلة لهذا الطقس البشري عند الكلاب ولم يسعفني صديقي الذي تبٌحر في البيطرة لأنه للأسف فقد عقله تماما وصار بيطقع وحريف كمان في الطقيع وحاجات بالشكل دا أوعى تقولوا لي ما مصدقينك لاني ح أعرف قاصدين شنو وبالتالي ح أتغاتت وأحكي ليكم قصة النمل الحج في لمبة أوسرام ظنا منه أنها مكة.
|
|
|
|
|
|
|
العنوان |
الكاتب |
Date |
Who let the dogs out? | mustafa mudathir | 02-26-06, 11:34 PM |
Re: Who let the dogs out? | mustafa mudathir | 02-27-06, 08:33 AM |
Re: Who let the dogs out? | mustafa mudathir | 03-01-06, 08:36 AM |
Re: Who let the dogs out? | سامى عبد الوهاب مكى | 03-01-06, 08:51 AM |
Re: Who let the dogs out? | bayan | 03-01-06, 09:13 AM |
Re: Who let the dogs out? | mustafa mudathir | 03-01-06, 08:56 PM |
Re: Who let the dogs out? | mustafa mudathir | 03-22-06, 01:09 AM |
Re: Who let the dogs out? | AlRa7mabi | 03-22-06, 02:16 AM |
Re: Who let the dogs out? | tmbis | 03-22-06, 10:37 AM |
Re: Who let the dogs out? | mustafa mudathir | 03-22-06, 11:37 PM |
|
|
|