لديه شهادة ميلاد سودانية .. التلفزيون الاسرائيلى : صول تنانياهو سوداني

Quote: و يبدو أنهااطلقت بجانب ما اطلق عليه من القاب محورة بواسطة اعدائه من العرب للتقليل من مكانته .................................. يعني يا هشام لمن العرب يقولو انه من السودان بيققلوا من مكانته عشان العررب اساسا ما بيعترفوا بالسودان كدولة عربية وقرأنا في التاريخ ان السودان عندما تقدم لعضوية الجامعة العربية اعترضت دول عربية ومنها لبنان على ما أذكر... وما عارفين ناس البشير وحكومته جارين وراء العرب لي شنو!!! زمان قلنا نحن ما عرب واننا أفارقة ونحن تعلمنا العربي في المدارس وما نتكابر ساكت ونقول نحن عرب... وما دام هم ما عاوزننا نتلصق فيهم لشنو؟ وهل الانتماء للدول العربية مفخرة يعني؟؟ يا حليل اسماعيل حسن الكان بيتفاخر انه سوداني وبيقول ما عارف كنت اعمل ايه لو ما كنت سوداني... والله هسع تلقى واحد ابوه سوداني وامه عربية بيتفاخر انه سوداني وما بيتفاخر انه عربي...واذا كان فعلا نتنياهو سوداني واعترف بهذا حنعمل دعاية لاسرائيل ونطالب بتطبيع العلاقات