|
Re: رجب !! حُوشِِِْ صاحبك عني!! رجب...!!! (Re: معاذ حسن)
|
شبهينا واتلاقينا .. والواحد بس لو عايز يكتشف هبالتو بالجد يوطي صوت التلفزيون ويعاين لي نفسو من غير صوت الموسيقى هبالة ما اعتيادية .. في زيارة لصديق لي في الدمام يا ابو العز واجهتني نفس المشكلة .. دخلت ليهم في اول زيارة وهو يسكن مع عزابة لم التقيهم من قبل.. اول ما دخلت عايز يعرفني على الشباب مديت لي الاول فقال لي: ده هيثم .. ده عمر الفاروق... فرد هيثم : ايوة يا احمد مش ده الزول الكان بينطط في عرسك وحاتيهو قرض.. اكلتها في حناني وناتقلنا لي الاوضة التانية حيث بقية العزابة (ناس الكوتشينة) يا جماعة سلموا على عمر الفاروق زميلنا جاي من الرياض .. اول واحد قال ليهو : ده مش زولك بتاع الشريط ؟؟؟ وكالعادة اكلتها في اللبادي وجلست في انتظار البيبسي المعلب .. فجأة دخل واحد شايل بطيخة وشكلو جاي من الدوام وما انتبه لي وجودي فما كان من احمد الا وقال ليهو : يا مروان سلم على عمر الفاروق .. مروان مسك يدي وبيقول لي ياخ والله انا شايفك في حتة ..انا شفتك وين ؟؟ شفتك وين ؟؟ شفتك وين؟؟ فكان ردي سريعاً: يا زول اااااااااااااااي ده انا الكنت بتهابل في شريط عريس احمد !!!
في يوم التخريج وانا البس البرنيطة ونادي الضباط مليان (فل) التقول حا تغني ام كلثوم .. وما ان نده أسمي: " الخريج عمر الفارووووووووووووووووووق شيخ الدييييييييييييييييييييييين " وما ان اشتغلت أغنية " أسمر جميييييييييييييييييييييل فتااااااااااااااااااااااان " وما ان سمعت صفافير وزغاريد بحكم انني حينها كنت اقنع نفسي بانني محبوب من قبل الطلاب والطالبات فما كان مني الا وان رميت البرنيطة فوووووووق وحتيتو كما لم تحت حنان بلوبلو وهاجر كباشي وفي رواية فاطنة الجمكو .. الغريبة الناس تشيلني في الاكتاف وانا يا زول انط ليك منهم واواصل في الحت بي اهمال .. ولا ابالغ لو قلت ليك بعد كم يوم في مواصلات الشنقيطي في الشهداء لاقيت لي واحدة فقالت لي ياخ بتعرف سمية ؟ قلت ليها ابددددددددددددا .. قالت لي ياخ انا جيت معاها ضيفة اول امبارح في التخريج ..مش ده انت الكنت بترقص شديد ده !!! نكرتو نكرة سنينك واقنعتها بانني الشبيه رقم 37 من الاربعين ..
بعدها بي كم يوم مشيت جامعة الخرطوم لي بعض الفرد في كلية الهندسة وكعادة ضهب الجامعات الزوار بيجيبوا ليك مجموعة من الجكس دفعتهم عشان يوروك انهم ماسكين الجو .. واحدة نجاضة جات قعدت وبدو يعرفونا وبعد دقيقتين بس زولتك نطت : يااااااااااااااااااه ياخ انت زول عسل خلاص !!! مش انت الولد اللذيذ اللي رقص يوم تخريجو في نادي الضباط؟؟؟؟؟
حينها عرفت انو الموضوع مستمحي وحينها تزكرت اننا كنا كاولاد دفعة عدد 100 خريج كل واحد منهم طبع الشريط لزوم الزكريات وكده .. وحينها عملت معادة إنو اي خريج نفترض انو افراد اسرتو 5 نضربها في 100 يصبح عدد المتفرجين 500 نضيف ليهم الضهب والبنات البيعملوا فيها ظريفات وعايزين يوروا بنات الحلة معاهم دفعة اخوهم اللذيذ ليرتفع العدد لي 700 مثلك يا معاذ حالياً اعتمد على تغيير الشكل والكرش اضافة للصلعة التي افتخر بها كثيراً لتغيرها لملامحي تماااااااااااااماً بعد القجة الكنت خاتيها في راسي ديك ..
|
|
|
|
|
|
|
العنوان |
الكاتب |
Date |
رجب !! حُوشِِِْ صاحبك عني!! رجب...!!! | معاذ حسن | 11-23-06, 04:55 AM |
Re: رجب !! حُوشِِِْ صاحبك عني!! رجب...!!! | معاذ حسن | 11-23-06, 10:16 AM |
Re: رجب !! حُوشِِِْ صاحبك عني!! رجب...!!! | نعيم على حماد | 11-23-06, 10:27 AM |
Re: رجب !! حُوشِِِْ صاحبك عني!! رجب...!!! | معاذ حسن | 11-23-06, 02:16 PM |
Re: رجب !! حُوشِِِْ صاحبك عني!! رجب...!!! | معاذ حسن | 12-04-06, 05:28 AM |
Re: رجب !! حُوشِِِْ صاحبك عني!! رجب...!!! | Dina Faisal | 12-04-06, 05:40 AM |
Re: رجب !! حُوشِِِْ صاحبك عني!! رجب...!!! | معاذ حسن | 12-04-06, 03:12 PM |
Re: رجب !! حُوشِِِْ صاحبك عني!! رجب...!!! | عمر الفاروق | 12-04-06, 05:58 AM |
Re: رجب !! حُوشِِِْ صاحبك عني!! رجب...!!! | عبده عبدا لحميد جاد الله | 12-04-06, 06:17 AM |
Re: رجب !! حُوشِِِْ صاحبك عني!! رجب...!!! | معاذ حسن | 12-06-06, 06:29 AM |
Re: رجب !! حُوشِِِْ صاحبك عني!! رجب...!!! | معاذ حسن | 12-06-06, 06:26 AM |
Re: رجب !! حُوشِِِْ صاحبك عني!! رجب...!!! | ناذر محمد الخليفة | 12-04-06, 07:02 AM |
Re: رجب !! حُوشِِِْ صاحبك عني!! رجب...!!! | عماد شمت | 12-04-06, 06:35 PM |
Re: رجب !! حُوشِِِْ صاحبك عني!! رجب...!!! | معاذ حسن | 12-06-06, 06:33 AM |
Re: رجب !! حُوشِِِْ صاحبك عني!! رجب...!!! | الفاتح يوسف جبرا | 12-05-06, 03:23 AM |
Re: رجب !! حُوشِِِْ صاحبك عني!! رجب...!!! | abuguta | 12-05-06, 03:53 AM |
Re: رجب !! حُوشِِِْ صاحبك عني!! رجب...!!! | Nasser Mousa | 12-05-06, 04:12 AM |
Re: رجب !! حُوشِِِْ صاحبك عني!! رجب...!!! | manubia | 12-05-06, 05:39 AM |
Re: رجب !! حُوشِِِْ صاحبك عني!! رجب...!!! | معاذ حسن | 12-06-06, 06:39 AM |
Re: رجب !! حُوشِِِْ صاحبك عني!! رجب...!!! | طارق جبريل | 12-05-06, 09:04 AM |
Re: رجب !! حُوشِِِْ صاحبك عني!! رجب...!!! | Adel Sameer Tawfiq | 12-06-06, 05:36 AM |
Re: رجب !! حُوشِِِْ صاحبك عني!! رجب...!!! | Wefag Osman | 12-06-06, 06:13 AM |
Re: رجب !! حُوشِِِْ صاحبك عني!! رجب...!!! | ابو عثمان | 12-06-06, 06:42 AM |
|
|
|