مركز الخاتم عدلان....مشروع لأنتصار الأستنارة

Quote: كمال انت مالك افلست وفقدت المنطق؟ ياخى ما تسطح بالقصص وتلقى اتهاماتك جزافا كدة قلت في فساد..اهو دة كلام كويس -على علاتو- احسن من قصة الباقر مصداقيتو عند شذى ومحمد سليمان ما بغلط وهالة زولة كويسة قلت فى فساد..بتتكلم عن المرتب والا حاجة تانية؟ بخصوص المرتب حصل وفق وثيقة واضحة لا غبار عليها والزول دة اخد آخر مرتب كان بياخدو فى وظيفة سابقة لهذه وانا كنت عضو لجنة تنفيذية وعارفة انو الكلام دة ما اثير حولو غبار الا بعد ما حصلت خلافات شخصية وهسة قلت في مقترحات اصلاح ادراي كتبتها فوق وانت وصفتها بانها اول كلام محترم تقراهو من زول عندو علاقة بالمركز انا بتمنى انك تسمع كلام رحاب الفوق دة كويس في فرق لمن نتكلم عن الاصلاح المؤسسي الما بفرق لي قدام يكون فيهو الباقر او سواه او لمن نتكلم عن المؤاخذات على الشخوص نفسهم..مدى ثقتنا فيهم او سواه لانهم زي ما قال احد المتداخلين الشخوص ذاهبون وستبقى المؤسسة كل ما يهمنا في هؤلاء الاشخاص هو مقدرتهم على قيادة الاصلاح المؤسسي في هذه المرحلة هذا ما التمسته انا بحكم معرفتى بدكتور الباقر العفيف وهذا ما جرني لافاداتى اعلاه وازعم انها افادات مطلوبا بعد ان عج هذا المكان بالذين يوزعون التهم بلا اى مسؤولية او حساسية ثم انو منظمة تنشر أشكالاتها في الانترنت مرفوقة بتقاريرها المالية هي مؤسسة جديرة بالاحترام وتؤسس لتقليد يحتاجه العمل العام فى السودان فخلونا ندفع بالاصلاح فيها الى الامام بدلا عن وضع المتاريس امامها وتعال بالله راجع البوست دة لانو انت بالذات من اسباب افتراعو يا كمال