مركز الخاتم عدلان....مشروع لأنتصار الأستنارة

Quote: وبرضو خلونا نواصل فى التوثيق لمن يبحث عن الحقيقه فى كيف اعاد الباقر انتخاب نفسه فى تلك الجمعية الاخيرة؟ وكيف تم تعيين بقية تلك اللجنه فيما سماه انتخاب والحمد لله أنه كشف ولوحده فى رده واستبساله عشان يطلع منى كذابه كشف كيف انه لمركز الخاتم جمعيه عمومية صورية وهو على راس هذه المؤسسة والمسؤل الاول عن مؤسسيتها وشفافيتها يقول انو هاله اخرجت منى و يحكى كيف تم طبخ اللجنه التنفيذيه بمساومات وتدخلات خارج جمعيته العمومية ما قلت ليكم دعوا الباقر يتحدث؟

Quote: 9- بموجب التعاقد المشار إليه في البند (8) تم الإتفاق على سداد مبلغ (500 دولار) يقوم بسدادها مركز كارتر للمشكو ضده كحافز لصالح الشاكي، ولم يقم المشكو ضده بسدادها للشاكي وفقا لصرف العملة الجاري بموجب سعر الصرف من البنك المركزي أو سعر السوق الجاري

لم ترد الدعوى على هذا الشكل هنا!؟ لا من قبل خالد بحر ابتداءاً .. و لا حتى في رسالتك لكمال!
اذا كان القضية مجرد مطالبة زي ما ورد في صلب الدعوة، فهي كافية ..
اما لو المسألة زي ما طارحنها هنا " بـ :

Quote: كنت اوقع على ال 500 دولار واستلم 500 جنيه سودانى

اذا كان دي القضية، تذكر تاني انو مكتب العمل ما جهة الاختصاص في وجهة نظري. دي قضية مختلفة خالص
و مختلفة خالص خالص في سياق المناقشة هنا!
ممكن تتكرم و توضح علاقة د. الباقر المباشرة و الشخصية في الحتة دي!؟
هل كنت بتتعامل مباشرة معاهو هو شخصياً .. و التوقيع دا هو البجبرك عليهو؟

ثم ثانياً - للمرة التانية - ممكن استوضح منك عن [ اعاد الباقر انتخاب نفسه فى تلك الجمعية الاخيرة؟ ]
المعترض عليه في اعادة انتخاب د. الباقر عن ياتو منصب بالضبط؟ رئاسة اللجنة التنفيذية ام ادارة المركز؟
الخلل الهيكلي في نظام المركز الاساسي .. و بالمناسبة وظيفة الـ CEO او المدير التنفيذي، هي وظيفة بالتعيين ما انتخاب، و ممكن تكون مدى الحياة ذاتو، طالما انو الشخص يحمل المؤهلات الكافية، و خاضع لتقييم الادارة العليا - الجهة البتعينو ( التنفيذية هنا ) - و رقابتها المباشرة، و ملتزم بتوجيهاتها و محافظ على رسالة المركز .. المافي شنو؟




-----

لاحظت ليك بتتكلم كأنو د. الباقر شارك في البوست دا!!
دا كلام لا يليق منك ..
و عليك الالتزام بالتعامل مع المعرفات الظاهرة قدامك
البتكتب بمعرف " قيقراوي " مسئول عنو قيقراوي قانونياً و اخلاقياً .. و امام الله

غايتو الا كان بكري تاني قام على جنو و غباو و بقى يمسح المداخلات!!

بالمناسبة - و انت جديد هنا - عشان ما تقول ما كنت عارف ..
المادة الاولى من قانون البورد دا بتدي بكري - وحده لا شريك له - حق انو يمسح اي مداخلة و بدون ما يوريك الاسباب .. و ممكن يمسحك انت دا ذاتك و يرجعك تاني .. و برضو بدون ما يوريك الاسباب!!
شفت كيف؟
و تاني مرحب بيك في وطن من لا حقوق له.