اعتذار للاخ بكرى ابوبكر والمشرفين وثلاث نساء واخرين

Quote: شكراً صديقي الجديد دوت ما تابعت الحاصل منهم ومنك او منك ومنهم - لا يهم - يهمني اعتذارك هذا واتمني انه النفوس تصفي ونبطل اجترار المحن !!! الحصل هنا كتير ( بسودانيز ) لكن اتمني بوعيك وحكمتك انك تتجاوز وتخلي اعتذارك شامل فمافي زول ماخد منها حاجة .. وحاول بقدر الامكان اتشعبط في رقبة الاعضاء ذات نفسهم وما تنزل منها - مهما قالوا - وتلحسهم طراشهم لكن ما تمشي ابعد من كدة عشان ما تكون في موقف المُطالب .. حقيقة ما قريت ما كتبتو عن والدة ابو دية وخالة اخونا طارق جبريل لكن ام هذا وخالة ذاك من الرجال الافاضل اكيد تستحق اعتذار بين وواصل في نهجك وفكرتك ... وابعد من المهاترات جايينا زمن قادم محتاجين لأي قلم من الجنوب معانا هنا نعرف الحاصل والوضع وكيف سير الامور في ( جارنا ) الجدي جنوبنا الحبيب لس قدام ما تحرمونا من طلتكم وتاخذونا بجريرة افعال اسحق احمد فضل الله والطيب مصطفي ومن ماثلهم قلوبنا كما كانت مشرعة لكم وتقدمكم يهمنا كما يهمك تحسن اوضاعنا السيئة للافضل مودتي تصلك ... مع احترامي وتقديري الشديد للوالدة الربتك وكل افراد اسرتك فمثلك لا يخرج الا من رحم طيب يا صديقي