مدرستان و 4 أزمات : تاريخ الغناء في السودان

مرحبا Guest
اخر زيارك لك: 04-24-2024, 10:01 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة د:أحمد عبدالفتاح محجوب النصري(أحمد طراوه)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
09-07-2008, 10:45 PM

عصمت العالم
<aعصمت العالم
تاريخ التسجيل: 04-03-2005
مجموع المشاركات: 3656

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدرستان و 4 أزمات : تاريخ الغناء في السودان (Re: Moawia Mohammed)

    دكتور احمد...

    طلاوة التعابير وهى تتراقص على إيقاعات الحكى الرصين..وامثلة شواهد الاغانى من مكتبة الفنان معاويه ...وتجانس العرض المذهل ..وظلال الدفء فى تخنج يمنح كل مدى تلك النشوه...
    كل ذلك يملانى بالتفاؤل ...وانا اطرح منافذ الشاعر المهيب محمد عوض الكريم القرشى...واستحضر روحه الطاهره ليهل علينا بكل ظلاله الوارفه..
    من البان جديد..مرورا بملامه.والقطار..والشاغل الافكار....والحالم سبانا..وعيد الكواكب..والذكريات...وكل الربوب..من رب الجمال.زالى رب الفن..والثاوث بلوك..وقابلنى ياهاجر...
    وليل سهر امدرمان الطويل..وامسيات مقرن النيلين...وتجمعات الاحباب والليل يجنح بطرب السهر فى شواهد تحكى عن زمان تلك الحقبه الرائعه..



    --------------------------------------------------------------------------------

    وقالو لي ده الملهم
    في نفسو عالي
    وفارض علينا هواه
    وهو سالي
    ده المستحيل ينزل
    من العلالي
    ده الموحي للشعراء
    الدرر الغوالي
    ولكن غرامي عفيف
    وأنا ما ببالي
    وروني وين أهله
    أكسب منالي
    __________________

    ثم الزهور والوردى




    فيا صحابي
    يكفيني صنت عهدا
    من المودة
    وجزائي كان صدا
    الجور تفشى
    والهجران تبدا
    الحب ده ولى
    والاخلاص تعدى

    ترك حمامة
    تخبرني بيه ياما
    تقولي اصبر
    في العجلة الندامة
    وكم صبرنا كم كم
    كم الاما
    تضيع عهودنا
    وتحرمنا من غرامها
    __________________


    ورب الشعور


    احييت قلوبنا
    كانت سويعات
    غمرت نفوسنا
    كم كنت بينا
    و نشتاق تزورنا
    ما انت بدر الحسن
    يا باهي نورنا
    نورت ايامنا
    و اضئت دورنا
    انت
    انت
    انت الملاك السامي
    يا رب الشعور
    __________________

    والقطار...



    --------------------------------------------------------------------------------

    القطار فرقنا
    وآه حزنا ملكنا
    فى الرمال الباسمه
    تحكى الرياض مجلسنا
    فيها هل هلالنا
    وبين ربوعه نشأنا
    الوداع يا حبيبى
    الوداع يا روحى
    وربى ليك يصون
    الليلة وين يا روحى
    __________________


    وعشقته من نظره...




    ما أصلو ما ممكن
    يرد لسؤالي
    كأنوا ما شاعر
    كيف بشقى بالي
    يمر علي كالطيف
    وتضوي اللآلي
    العقل فار واحتار
    فيك يا غزالي
    سألت مين ياناس
    هذا المثالي
    اليانعة وجناته
    والخصره بالي
    المحتشم ومهذب
    وطرفو حالي
    هل حور هو أم أنسان
    أم شيء خيالي
    وفضلت أترقب
    برقه الموالي
    وأمتع النظرات
    في كل غالي
    ديل الرموش
    العكسن اعتدالي
    ويا ناس أجيبوني
    عن سؤالي
    وقالو لي ده الملهم
    في نفسو عالي
    وفارض علينا هواه
    وهو سالي
    ده المستحيل ينزل
    من العلالي
    ده الموحي للشعراء
    الدرر الغوالي
    ولكن غرامي عفيف
    وأنا ما ببالي
    وروني وين أهلو
    أكسب منالي

    عشقته من نظرة
    هو قلبو خالي
    كيف الطريقة
    البيها يتم وصالي
    __________________


    والفارقت ...مالقيتا..



    كم جلست معاهو
    واحتميت بي نورو
    كم قسمت معاهو
    الحب وضقت سرورو
    كم تعبت معاهو
    يوم حرقني نفورو
    هو الحبيب الحازم
    والوديع في خدورو
    بلغيه سلامي
    الحاجبو يحكي النون
    الليلة وين يا روحي
    __________________

    اله....فنى..


    نور عيونك
    اخفى منى بدور
    لونك الذهبى
    غيره صرت كفور
    فيك طفولة بريئه
    باقة شعور
    يحفظك مولاك
    لينا يبقى غفور
    حيث احلى الناس
    بين قلوب و صدور
    __________________


    والحالم..سبانا..



    في انضر بهاه
    زي الفل مفتح
    يا ورد الخميل
    وين بنشوف نظيره
    يمرح في شروقه
    ويصدح في الاصيل
    ما احلاها بسمة
    وما أسماها رسمة
    تفرح للحزانا
    تحمل لي غنانا
    ترمز عن كتير
    __________________



    نذكر وطنا دوام
    وحده وعمل وسلام
    سيبو الخلاف يا عظام
    دايرين يكون لنا شأن
    مجلس نبيل طاهر
    فيه الادب زاهر
    لي نيلنا بنفاخر
    وبي وطنا السودان
    ساهرتو بينا
    في الشاطي يا حبان
    ساهرتو بينا
    __________________


    رب الجمال..



    رب الجمال كفاه
    الغالى رضاه
    العالى سماه
    تنظر سر عظمته
    و تهرب من لقاه
    يغريك بى عيونو
    و يشجيك من فنونو
    لكن هو المحال
    رب الجمال
    رب الجمال

    رب الجمال اذانا
    ايقظ لى هوانا
    فى الطيف ما غشانا
    ليه يا قاسى تنكر
    اخلاصنا و وفانا
    لمين اشتكيك
    انا المجبور عليك
    كفاية الاحتمال
    رب الجمال
    رب الجمال

    غرد يا كناري
    و حاكى العندليب
    و ابسمى يا خميلة
    فى اليوم الحبيب
    قد دنت السعادة
    و قد زال النحيب
    عطف اليلة بي
    و شرفني الحبيب
    فنعمنا سوى
    فارقنا النوى
    و هتفنا لنرشف
    من هذا المنال
    فملانا كؤسنا
    و غمرنا نفوسنا
    من فيض الجمال
    رب الجمال
    رب الجمال

    المالك شعوري
    انا لى فيك امال
    رب الجمال
    رب الجمال
    __________________


    رب الفن..



    تعال يا رب الفن يا سيدي
    وفيك نظمت الدر نشيدي
    تعال يا حبيب اه
    تعال بيك الامال جديده
    تعال اللحظه معاك سعيده
    اوريك فنوني يا وحيها وعوده
    اوريك شجوني المرسلة لعيوني
    تعال ان ليك في قلبي ريده
    معذبة تشتاق لي وحيده
    تعال حبيبي تعال
    حذاري تالمني حذاري
    وكتير يا اليك ما طاب مزاري
    بخليك لانك ما ارواني دنك
    واقول ليك هجرتك
    وتكفى الذكرى عنك
    انا الفي هواك عفيف وبائن
    يصح تعذيبي واحتقاري
    كتير ده كتير اه اه
    تعال يا رب الفن يا سيدي
    تعال
    هب الحب حباني بي لطفو واحتواني
    قال لي كنت عنيف بتعرفوا
    ما قصدت اهوى براك شوفوه يا ظرفو
    تعال يا اخلاق الملائكة
    ودنيا الحب اسلاكه شائكه
    تعال يا حبيب
    ترنم نغماتك واسبح في اهاتك
    وغني البلابل منتظره صيحاتك
    اعزف عودي يا رب الفن ذاتك
    انا وانت الاحلام نعيده
    روحي يا روحي الليله عيده
    تعال يا حبيبي ..
    ......................

    ملامه..



    سألوني مين عنك
    عرفتهم
    إيه الصفات عنك
    خبرتهم
    شافو الجمال منك
    أقنعتهم
    طولت لكنك
    انا يا حبيب الروح
    أعفيني من ظنك
    محبوبي الجميل

    سالمني بإيدو
    والدمع انهمر
    ذكرني بريدو
    في أوقات السمر
    ساحرني بمحيو
    و جنني و أسر
    شاغلني بنورو
    و كم أخجل قمر
    بس تنسى كيفنك
    و إنت الوحيد بالذات
    الكنا ذاكرينك
    محبوبي الجميل

    وفيما الملامة يا روحي
    وكل هياما يا روحي
    ويامن تعامى يا روحي
    سلاما سلاما يا روحي
    وذكرى محب يا روحي
    تموج بقلبي يا روحي
    وأنت بقربي يا حبيبي
    حياتي و حبي يا روحي
    أهنأ وانت بعيــد
    ما كنا ناسينك
    و الحب عليك إزداد
    غمر النفوس ضنك
    محبوبي الجميل

    لحن الحياة منك
    و ما تقول نسينا الماضي
    و صرنا ناسينك
    محبوبي الجميل
    __________________


    وقابلنى...يا هاجر..



    بي سهر الليالي
    أمرتني
    بي طرفي الموالي
    أسرتني
    جمّدت حبي
    عزلتني
    ما تقدر الموقف
    وتزورني مرة
    وسيب المضرة

    أنا قلبي عارف
    حبّو ليك
    إخلاصو ظاهر
    في عينيك
    ومهما بعدت
    بيرجو فيك
    قبل حاصل
    وما عليك
    ماتقدر الموقف
    وتزورني مرة
    عليك الله

    --------------------------------------------------------------------------------

    بين زهور الروضة
    المبيضة لونها وعدني
    هناك كنت اقول
    و اآمل المأمول
    و هل من المعقول
    يزورني
    زهر الرياض ميل
    و مشاعري تتخيل
    اشوف حبيب عمري
    و الحالة تتغير
    أمل عشقته و راح
    و عشقت بعده الراح
    يا حبيبي هجرك أضر
    __________________


    عيد الكواكب..




    يوم قالوا لي الاقمار عليمة
    انك تراها و تلمس اديمها
    يا ريتني ابقى سعيد
    واشوفها ديمه

    يا فني جود و انصفني ديمه
    يا لحني اشدو شعرا قويما
    تصور الاقمار عرفت غناك
    نزلت من السموات تسمو حداك
    و ازدانت الحفلة و النور تجلى
    يا الله زيد في الحب و العفة ديمه

    فلتسالوني عن عيد الكواكب
    الفيه نور الدنيا صفاه ساكب
    صوت المغني اصف المواكب
    دا الدهب المجمر بجماله انضر
    دا الفل يحكي لونه ما احلى نونو
    فشهدت استغراضا كان عظيما
    و سهرت والاقمار لسواى ظليمة

    الحقيقة حبي بعيد و بعيد سماه
    و ما ذنبي لو عازل بالجور رماه
    ليه التجني و انا راقي فني
    و حلو التثني قد غاب عني
    معروف هواى و طاهرات نوايا
    و الا لو اصررت تكون اليمة
    ساجفو و الاقمار لي داني ريمها
    __________________


    نبذه.منقوله من بوست يا بلدى يا حبوب....سودانيزاونلاين




    ....... ولد الراحل المقيم الفنان عثمان الشفيع عام 1924 بمدينة شندى بدا تعليمه بالخلوة كسائر جيله بخلوة اولاد حاج جابر ومن ثم المرحلة الاولية وانتقل ا ليعمل مع ابيه فى دكانه بالسوق لمساعدته وحوجته له .
    نشأ فى بيئة دينيه حيث كان يسمع المدائح النبوية من والده وتلاوة للقران بامتلاكه لصوت جميل الشىء الذى كان دافعا له وسببا خفيا لاحترافه الغناء لاحقا فهو قد بدأ كمادح صفير من مداح الطريقة الختمية ومؤذنا فى جامع حوش ودبانقا.ويقول عثمان الشفيع فى مذكراته ( ان قصتى الحقيقية مع الفن والغناء بدأت مع الحياكة الذى جذبته فعملت بعد ذالك ترزى وكان الغناء السايد يومئذ غناء الحقيبة وكنت احفظ تلك الاغانى فور سماعها لها وكان لى زميل يدعى صالح شيخ العرب وكان ترزيا ايضا نعمل فى مكان واحد وكنا نتبارى فى الغناء وكنت اعامل مكنة الخياطة كأنها اله موسيقية حيث احركها بقدمى بصورة ايقاعية مع ترديدى لغناء الحقيبة. انتشر خبرى كفنان فى شندى وكان الناس يطلبون منى الغناء فى افراحهم الخاصة واحيانا كان يستعين بى فنانى شندى الفى الساحة لاعمل معهم -كورس)
    ظل الفنان الشفيع يغنى حتى عام 1943 ولكن فى افتتاح الاذاعة عام 1940 حدث له تطور فنى هام وذالك بسماعه لاغانى عمالقة الفن انذالك احمد المصطفى وحسن عطيه والكاشف عبر الاذاعة واخذذ يردد اغانيهم ويحفظها وبدا يغنى الاغانى الحديثه وكان دافعا له ان يتعلم العزف على العود حيث ساعده خاله فى توفير ثمن العود وكان عبارة 175 قرشا وتعلم مبادئ العزف على العود والنوته الموسيقية بواسطة شخص يدعى الزين بابكر ا وبعد فترة اصبح يجيد العزف عليه وكان سببا فى احترافه الغناء.
    فى رحلة بالباخرة الى كريمة التقى بالشاعر مبارك المغربى والموسيقار وعازف الكمان وقتها علاء الدين حمزة وطلبا منه الغناء بعد مشاهدته يحمل العود فغنى لهما اغنيى الكاشف -الشال منام عنيى - واعجب به الشاعر مبارك المغربى ووعده بارسال اغنية له وكانت قصيدة يجارى فيها الفنان الكاشف فى اغنيته الشال منام عينى وهى اغنية الباسم الفتان .بعد احترافه الغناء الحديث اول حفل غنى فيه كان بنادى خريجى كريمة .وفى نفس العام جاء للخرطوم لزيارة صديقه صلاح الجمل الذى اصطحبه الى الاذاعة فغنى اغنية الباسم الفتان عبر المايكرفون عام 1943 وبعدها عاد للخرطوم بدعوة من نادى الخرجين بامدرمان ليشارك فى حفل يحيه كبار المطربين .غنى فى الحفل اغانى الباسم الفتان- حيتو ما حيانى-يافتاى اين سخصك اين رسمك. وكان وقتها لا يعرف الشاعر ودالقرشى بل يسمع به ولكن عبر بعض ابناء شندى العاملين بالتجارة واللذين يسافرون الى الابيض كانوا سبببا فى علاقته مع الشاعر ودالقرشى وتحولت الى صداقة عميقة بينهما وكونا ثنائيا مميزا وظهرت عبرها اجمل الاغانى ومن اميز الاغانى التى تغنى بعا الشفيع لود القرشى الذى كان يسمى بالارباب- رب الجمال- رب الشعور- رب المحاسن-رب الفن- رب السعادة -رب الوداعه-رب الدلال- واخرى .
    وهكذا يمكننا القول ان مشواره مع ودالقرشى انتج ما يمكن تسميته بالينبوع العذب الصافى الذى امتزج فيه سمو التعبير الراقى بلاداء واللحن ومشواره مع ود القرشى اعطى رصيد فنى للغناء السودانى .

    يحكى الراحل المقيم الفنان الشفيع فى ذكرياته عن ودالقرشى حيث يقول( توفى ودالقرشى عام 1969 فى نفس اللحظة التى كنت احتفل بيها بزواجى حيث اجتابنى اكتئاب غريب قبل وفاته بدقائق رغم بعد المسافة بين الخرطوم والابيض وبكيت بكاءا شديدا وتركت الحفل ولكن الاهل وبعض الصحاب اوهمونى بعدم صدق الخبر وان ودالفرشى لم يمت الا اننى عرفت اخيرا خبر وفاته وهكذا كانت عمق الترابط بيننا رحمة الله عليه)

    انتاج الشفيع الفنى اهم ما يميز تجربته الاتى

    ان قمة مجده كانت فى الاغانى الوطنية وكانت مرحلة المطالبة بالاستقلال وخروج المستعمروكانت اغانيه الوطنية تقوم بدور فى اذكاء المشاعر الوطنية منها الاناشيد =المؤتمر-للعلا - صرخة روت دمى- واخى النصر للكتل اللجائعة-وطن الجدود-ام ضفاير قودى الرسن- بل تعداه الى خارج حدود السودان وذالك بمشاركته مع بعض الفنانين فى الترفيه على الجنود السودانيين فى ارتريا وغيرها ابان الحرب العالمية الثانية.

    له كم هائل من الاغانى تعدى المائة والثلاثون اغنية وقد شاركه عدد من الملحنين منهم محمد عبدالكريم القرشى- برعى محمد دفع الله-علاء الدين حمزهيمتلك صوتا جميلا واحساسا صادقا ويتدرج صوته تحت فصيلة الاصوات الرجالية الحاده >كما يتميز بمدى صوتى واسع ونفس طويل وتمكن فى الاداء. احساسه بالكلمة المغناه عمق عنده التعبير والاداء ويرجع الى علاقته بالشاعر ودالقرشى. الا رحم الله الشاعر ودالقرشى والفنان عثمان الشفيع وانزل السكينه على قبريهما وكان الراحل المقيم مدرسة نهل منها العديد من الفنانين اللذين يتربعوا على عرش الغناء الان وقد كانت تربطه علاقة قوية مع الراحل المقيم الفنان خوجلى عثمان رحمة الله عليه فلقد كان يصفه باستاذه.





    __________________
    وهذه بعضا من....الملفات..

    سيظل الشاعر الفنان الراحل محمد عوض الكريم القرشى مرحلة ممتدة وزاخرة وعامرة وضخمه ومترعة بالدفق والحب والفن والانتماء .والحميمية والارتباط..عشق ملأ مدى مساحات كردفان كلها وارتحل للعاصمة المثلثةثم لكل السودان.وكثيرون ممن واكبوا تلك المرحلة .يغرقون فى ملامح عطائها الثر المنى والارتعاش ..التقى القرشى مع عثمان الشفيع فى توافق غريب وربط اعجب .والتصقا وانصهرا وقدما معا اروع الاغانى ..حتى الافتراق كان فى ربط القدر علامة ..يوم زواج عثمان الشفيع يرتحل الى الرفيق الاعلى ود القرشى..ود القرشى لحن ا غلب اغانيه كانت جاهزة.له صوت جهورى عذب وفيه شجو الطرب..كان يضىء ليالى امدرمان عندما ياتى لها .زمن مقرن النيلين الى الامسيات الخاصة حتى تعانق اغنياته فجر الصباح..وزاحم السمار الليل فى تمدده وفى امسياته.طرب الليل وانتشى ورقص وهو يسمع ود القرشى يردد ويقول... يا اله فنى هاك قولى عنى بهدى ليك اسما . اسما الفنون .منى يا اله فنى كم نظمت قصيد.. رد الوحى لحن ذاك نشيد. شيدك .شدويد كان صداه بعيد. بين محب وحبيب. كم يتم الريد هلا يوم الحب هلا يوم العيد كان الزمن الجميل تضىء امسياته مصابيح الفن والشعر والغناء والطرب..يسرح ويسبح سماره فى ارتحال المنى على افق الجمال..حيث احلى الناس بينن نهود وصدور.. معذرة سابدا غدا بالحلقة الاولى ونواصل يا مسافة.


    ..........................................................................................


    جيلنا ومن عاصروه فى منتصف ستينيات القرن الماضى والى الان.يندهشون .وترتجف ازمانهم وهم يسمعون الذكريات ..فى كل ليلة.. وفرح الاحبة يتم فى الامسيات..وكانت اسميات معطره باريج ذاك الزمن الصبا.وذلك الحس العباب..تاتيك الانسام من كل الربى ..وتلفح رياح العشق كل الوجوه..وياتى الخدر حين تعاد ذكرى الاحباب الذين رحلو فى تمرد 1955 ..الفاضل الشفيع ونورى .وكبيدة ..ومصطفى بشير .ويا الفى جنوب حيى الشمال..ولدكتور جلتلى يا الفى الشروق ليك شوقنا طال طال...ويا الفى الغروب ..عبد العزيز ابو عيسى ..وهاشم عز العرب..وصلات ليالى كردفان. هاك لحنى قال ..قال...وتبكى الاماسى فى غنج دلالها .والاغنيات تقسم قواصل الليل .وترسم محى اخر لمحى الجمال النور.فى ندى الازمان .وهمس الليالى بدور ... تغنى بالذكريات عثمان الشفيع...زيدان الكابلى خوجلى عثمان.وتغنى بها الصيت محمد عوض الكريم القرشى ..وزامله الشفيع والكابلى وزيدان فى جلسة فى امدرمان فى مايو 1966 فى حى مكى ..تلك الليلة طرب المساء وتكسرت مقاديف سهده على اعتلاء كل ذلك النغم الجمال..فى ابيتسامات الارتحال الانتشاء..

    ..............................................................................

    العزيز دكتور احمد طراوه....

    لعلك تضيف الكثير لزمن هذا الشاعر المهول..وهو يرافق الليل والطرب والابداع والجمال فى حله وترحاله .يجوب ديار الاحبه بكل كثافة ذلك الحضور.وعمق الانتشاء والانتشار.والانتماء .والوان المساء المحمر.خجلا..وخفرا...وطيب ليل العاشقين والسهر الطويل..
    ولعلها الافلاك عليمه...

    هذه اضافة لعوالم هذا الشاعر المبدع المهيب...محمد عوض الكريم القرشى...طيب الله ثراه..واسكنه الجنه..بقدر فيوض عطائه الانسانى البديع...
    ونواصل..

    وكل الاعزاز

    (عدل بواسطة عصمت العالم on 09-07-2008, 10:46 PM)
                  

العنوان الكاتب Date
مدرستان و 4 أزمات : تاريخ الغناء في السودان أحمد طراوه07-01-08, 03:21 AM
  Re: مدرستان و 4 أزمات : تاريخ الغناء في السودان HAYDER GASIM07-01-08, 03:37 AM
    Re: مدرستان و 4 أزمات : تاريخ الغناء في السودان الزاكى عبد الحميد07-01-08, 03:55 AM
      Re: مدرستان و 4 أزمات : تاريخ الغناء في السودان أحمد طراوه07-01-08, 04:40 AM
    Re: مدرستان و 4 أزمات : تاريخ الغناء في السودان Osman Musa07-01-08, 04:01 AM
    Re: مدرستان و 4 أزمات : تاريخ الغناء في السودان أحمد طراوه07-01-08, 04:22 AM
    Re: مدرستان و 4 أزمات : تاريخ الغناء في السودان Omer Mahagoub09-03-08, 08:01 AM
  Re: مدرستان و 4 أزمات : تاريخ الغناء في السودان أحمد طراوه07-01-08, 03:52 AM
  Re: مدرستان و 4 أزمات : تاريخ الغناء في السودان خالد العبيد07-01-08, 04:42 AM
    Re: مدرستان و 4 أزمات : تاريخ الغناء في السودان محمد سنى دفع الله07-01-08, 05:12 AM
  Re: مدرستان و 4 أزمات : تاريخ الغناء في السودان محمد عثمان07-01-08, 05:06 AM
    Re: مدرستان و 4 أزمات : تاريخ الغناء في السودان HAMZA SULIMAN07-01-08, 05:19 AM
    Re: مدرستان و 4 أزمات : تاريخ الغناء في السودان محمد عثمان07-01-08, 06:33 AM
  Re: مدرستان و 4 أزمات : تاريخ الغناء في السودان أحمد طراوه07-01-08, 05:49 AM
  Re: مدرستان و 4 أزمات : تاريخ الغناء في السودان محمد أبوالعزائم أبوالريش07-01-08, 05:52 AM
  Re: مدرستان و 4 أزمات : تاريخ الغناء في السودان أحمد طراوه07-01-08, 06:26 AM
    Re: مدرستان و 4 أزمات : تاريخ الغناء في السودان Saifeldin Gibreel07-01-08, 07:57 AM
    Re: مدرستان و 4 أزمات : تاريخ الغناء في السودان محمد عثمان07-01-08, 08:12 AM
      Re: مدرستان و 4 أزمات : تاريخ الغناء في السودان Moawia Mohammed07-01-08, 11:21 PM
        Re: مدرستان و 4 أزمات : تاريخ الغناء في السودان أحمد طراوه07-02-08, 09:45 AM
          Re: مدرستان و 4 أزمات : تاريخ الغناء في السودان اسيا ربيع07-02-08, 10:58 AM
  Re: مدرستان و 4 أزمات : تاريخ الغناء في السودان Moawia Mohammed07-01-08, 08:35 AM
  Re: مدرستان و 4 أزمات : تاريخ الغناء في السودان أحمد طراوه07-01-08, 08:38 AM
  Re: مدرستان و 4 أزمات : تاريخ الغناء في السودان ناذر محمد الخليفة07-01-08, 08:48 AM
  Re: مدرستان و 4 أزمات : تاريخ الغناء في السودان سيف بخيت موسي07-01-08, 08:56 AM
    Re: مدرستان و 4 أزمات : تاريخ الغناء في السودان الطيب شيقوق07-01-08, 09:13 AM
  Re: مدرستان و 4 أزمات : تاريخ الغناء في السودان Moawia Mohammed07-01-08, 09:06 AM
  Re: مدرستان و 4 أزمات : تاريخ الغناء في السودان Alsa7afa_3007-01-08, 11:55 AM
  Re: مدرستان و 4 أزمات : تاريخ الغناء في السودان هشام المجمر07-01-08, 12:04 PM
  Re: مدرستان و 4 أزمات : تاريخ الغناء في السودان Ishraga Haimoura07-01-08, 12:22 PM
    Re: مدرستان و 4 أزمات : تاريخ الغناء في السودان سلمى الشيخ سلامة07-01-08, 12:46 PM
      Re: مدرستان و 4 أزمات : تاريخ الغناء في السودان Emad Abdulla07-01-08, 12:58 PM
        Re: مدرستان و 4 أزمات : تاريخ الغناء في السودان Osman Musa07-01-08, 01:24 PM
          Re: مدرستان و 4 أزمات : تاريخ الغناء في السودان محمد جميل أحمد07-01-08, 02:32 PM
  Re: مدرستان و 4 أزمات : تاريخ الغناء في السودان أحمد طراوه07-01-08, 04:41 PM
    Re: مدرستان و 4 أزمات : تاريخ الغناء في السودان خالد علي محجوب المنسي07-01-08, 05:22 PM
    Re: مدرستان و 4 أزمات : تاريخ الغناء في السودان الطيب شيقوق07-01-08, 05:34 PM
      Re: مدرستان و 4 أزمات : تاريخ الغناء في السودان soma07-01-08, 05:55 PM
        Re: مدرستان و 4 أزمات : تاريخ الغناء في السودان محمد المرتضى حامد07-01-08, 06:44 PM
  Re: مدرستان و 4 أزمات : تاريخ الغناء في السودان أحمد طراوه07-01-08, 09:22 PM
    Re: مدرستان و 4 أزمات : تاريخ الغناء في السودان خالد علي محجوب المنسي07-01-08, 09:35 PM
      Re: مدرستان و 4 أزمات : تاريخ الغناء في السودان الطيب شيقوق07-01-08, 09:59 PM
  Re: مدرستان و 4 أزمات : تاريخ الغناء في السودان sami Alzubair07-01-08, 09:59 PM
  Re: مدرستان و 4 أزمات : تاريخ الغناء في السودان Moawia Mohammed07-01-08, 10:14 PM
    Re: مدرستان و 4 أزمات : تاريخ الغناء في السودان soma07-01-08, 10:25 PM
  Re: مدرستان و 4 أزمات : تاريخ الغناء في السودان عثمان دغيس07-01-08, 10:24 PM
    Re: مدرستان و 4 أزمات : تاريخ الغناء في السودان الطيب شيقوق07-01-08, 10:38 PM
  Re: مدرستان و 4 أزمات : تاريخ الغناء في السودان أحمد طراوه07-01-08, 10:44 PM
    Re: مدرستان و 4 أزمات : تاريخ الغناء في السودان الطيب شيقوق07-02-08, 06:18 AM
      Re: مدرستان و 4 أزمات : تاريخ الغناء في السودان محمد عثمان07-02-08, 07:11 AM
      Re: مدرستان و 4 أزمات : تاريخ الغناء في السودان حسن الجزولي07-02-08, 07:39 AM
        Re: مدرستان و 4 أزمات : تاريخ الغناء في السودان الطيب شيقوق07-02-08, 09:37 AM
  Re: مدرستان و 4 أزمات : تاريخ الغناء في السودان altahir_207-02-08, 10:31 AM
  Re: مدرستان و 4 أزمات : تاريخ الغناء في السودان أحمد طراوه07-02-08, 02:06 PM
  Re: مدرستان و 4 أزمات : تاريخ الغناء في السودان عمر ادريس محمد07-02-08, 04:04 PM
  Re: مدرستان و 4 أزمات : تاريخ الغناء في السودان ابراهيم عدلان07-02-08, 04:43 PM
    Re: مدرستان و 4 أزمات : تاريخ الغناء في السودان اسيا ربيع07-02-08, 06:31 PM
      Re: مدرستان و 4 أزمات : تاريخ الغناء في السودان الطيب شيقوق07-02-08, 08:24 PM
      Re: مدرستان و 4 أزمات : تاريخ الغناء في السودان altahir_207-02-08, 10:36 PM
      Re: مدرستان و 4 أزمات : تاريخ الغناء في السودان محمد عثمان07-02-08, 11:24 PM
  Re: مدرستان و 4 أزمات : تاريخ الغناء في السودان أحمد طراوه07-02-08, 10:38 PM
  Re: مدرستان و 4 أزمات : تاريخ الغناء في السودان أحمد طراوه07-03-08, 10:05 AM
    Re: مدرستان و 4 أزمات : تاريخ الغناء في السودان الطيب شيقوق07-03-08, 10:37 AM
    Re: مدرستان و 4 أزمات : تاريخ الغناء في السودان محمد عثمان07-03-08, 12:03 PM
    Re: مدرستان و 4 أزمات : تاريخ الغناء في السودان سلمى الشيخ سلامة07-05-08, 02:58 PM
  Re: مدرستان و 4 أزمات : تاريخ الغناء في السودان Haitham Labib07-03-08, 11:19 AM
    Re: مدرستان و 4 أزمات : تاريخ الغناء في السودان محمد عثمان07-03-08, 11:56 AM
  Re: مدرستان و 4 أزمات : تاريخ الغناء في السودان أحمد طراوه07-03-08, 06:24 PM
  Re: مدرستان و 4 أزمات : تاريخ الغناء في السودان أحمد طراوه07-03-08, 06:46 PM
    Re: مدرستان و 4 أزمات : تاريخ الغناء في السودان الطيب شيقوق07-03-08, 06:50 PM
    Re: مدرستان و 4 أزمات : تاريخ الغناء في السودان Moawia Mohammed07-05-08, 04:12 AM
  Re: مدرستان و 4 أزمات : تاريخ الغناء في السودان abubakr07-03-08, 07:05 PM
  Re: مدرستان و 4 أزمات : تاريخ الغناء في السودان أحمد طراوه07-03-08, 07:17 PM
  Re: مدرستان و 4 أزمات : تاريخ الغناء في السودان أحمد طراوه07-03-08, 07:48 PM
  Re: مدرستان و 4 أزمات : تاريخ الغناء في السودان طه كروم07-03-08, 08:09 PM
  Re: مدرستان و 4 أزمات : تاريخ الغناء في السودان أحمد طراوه07-04-08, 10:19 AM
    Re: مدرستان و 4 أزمات : تاريخ الغناء في السودان الطيب شيقوق07-04-08, 11:49 AM
  Re: مدرستان و 4 أزمات : تاريخ الغناء في السودان أحمد طراوه07-04-08, 07:51 PM
  Re: مدرستان و 4 أزمات : تاريخ الغناء في السودان أحمد طراوه07-04-08, 09:57 PM
  Re: مدرستان و 4 أزمات : تاريخ الغناء في السودان Moawia Mohammed07-05-08, 03:18 AM
  Re: مدرستان و 4 أزمات : تاريخ الغناء في السودان Moawia Mohammed07-05-08, 03:40 AM
  Re: مدرستان و 4 أزمات : تاريخ الغناء في السودان Moawia Mohammed07-05-08, 07:27 AM
  Re: مدرستان و 4 أزمات : تاريخ الغناء في السودان Moawia Mohammed07-05-08, 07:40 AM
  Re: مدرستان و 4 أزمات : تاريخ الغناء في السودان Moawia Mohammed07-05-08, 08:02 AM
    Re: مدرستان و 4 أزمات : تاريخ الغناء في السودان الطيب شيقوق07-05-08, 10:58 AM
  Re: مدرستان و 4 أزمات : تاريخ الغناء في السودان Moawia Mohammed07-05-08, 12:32 PM
    Re: مدرستان و 4 أزمات : تاريخ الغناء في السودان الطيب شيقوق07-05-08, 12:37 PM
  Re: مدرستان و 4 أزمات : تاريخ الغناء في السودان Moawia Mohammed07-05-08, 12:41 PM
  Re: مدرستان و 4 أزمات : تاريخ الغناء في السودان Moawia Mohammed07-05-08, 12:50 PM
  Re: مدرستان و 4 أزمات : تاريخ الغناء في السودان Moawia Mohammed07-05-08, 01:11 PM
  Re: مدرستان و 4 أزمات : تاريخ الغناء في السودان أحمد طراوه07-05-08, 01:17 PM
  Re: مدرستان و 4 أزمات : تاريخ الغناء في السودان أحمد طراوه07-05-08, 01:33 PM
  Re: مدرستان و 4 أزمات : تاريخ الغناء في السودان Moawia Mohammed07-05-08, 01:54 PM
    Re: مدرستان و 4 أزمات : تاريخ الغناء في السودان الطيب شيقوق07-05-08, 02:30 PM
      Re: مدرستان و 4 أزمات : تاريخ الغناء في السودان سلمى الشيخ سلامة07-05-08, 03:13 PM
  Re: مدرستان و 4 أزمات : تاريخ الغناء في السودان abubakr07-05-08, 04:35 PM
  Re: مدرستان و 4 أزمات : تاريخ الغناء في السودان عبدالله الشقليني07-05-08, 05:41 PM
  Re: مدرستان و 4 أزمات : تاريخ الغناء في السودان أحمد طراوه07-05-08, 05:50 PM
  Re: مدرستان و 4 أزمات : تاريخ الغناء في السودان أحمد طراوه07-05-08, 06:09 PM
    Re: مدرستان و 4 أزمات : تاريخ الغناء في السودان سلمى الشيخ سلامة07-05-08, 06:31 PM
      Re: مدرستان و 4 أزمات : تاريخ الغناء في السودان الطيب شيقوق07-05-08, 07:10 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de