الشعبية نجمة تزين سماء مدينة الخرطوم بحري (الجزء الثاني)

Quote: احبتي اخوتي وأخواتي مبدعي النجمة السلام عليكم ورحمة الله وبركاته اسعد الله اوقاتكم بكل خير الاخ (آبدوون ) سلام كيف حالك قرأت فى البوست من الاخ عادل عثمان بان اكتب للاخ بكري وبالفعل عملت ايميل للاخ بكري وارسلت لك منه صورة وكذلك الاخ هلباوي عمل ايميل رشحني لنيل الباسوورد وبالمناسبة سألت عن قصة حمله زي ما قال اخونا وحبيبنا عادل على صالح وافتكرت انه قصة حمله دي يعني كذا شخص يرشحني اي عدد كبير من البورداب ذي ما بيقولوا معليش اخي عادل بعدين تعال هنا والله يا عادل ما عرفتك اظنه الكبر حصل وبقيت ديناصور لحدي ما اتصلت بالاخ عابدون وعرفني بعلاقتك بعلي صالح سيرباك الصداقة الجسور من زمان ياجماعة قلنا عرفونا بالناس واحد اشتغل بى مافي عشان كدة ارجو ترشيحي لنيل الباسوورد حتى يتسنى لي معرفة الاشخاص فردا فردا ومشكور الاخ عادل عثمان الذي ايضا ذكر بأن ارسل ايميل لبكري ولقد ارسلت يا اخ عادل وبالمناسبة موضوع الهلباوي دا كان مجرد ونسة بيني وبينه لانه كان زميل عمل بالاتصالات السعوديه ولكني لم انسي الزملاء بالاتصالات السعودية وعلى فكرة ايضا الاخ موسى الجيو وهو ايضا احد لاعبي الصداقة وبعدها انتقل للزهرة من الصداقة وكذلك عبد الحميد كباشي ويوسف المفك واظنه فى احدي البوستات ذكر الاخ يوسف المفك بانه انتقل من الصداقة للتحرير هو وعبد الحميد لكن شخصي الضعيف لم يستمر في الميادين وقد تركناها من الثانوي بالخرطوم القديمة وفي الخرطوم لعبنا بمنتخب الخرطوم وكان به فطاحلة كرة القدم اذكر منهم اللاعب الكبير قرن شطة وهو الان بالقاهرة هاشم العمدة لاعب النيل يوسف اب صلعة لاعب النيل وهو الان بجدة اللاعب الكبير ود الجاك لاعب القوز حارس مرمى الهلال احمد ادم وديل كلهم من الخرطوم القديمة هولاء ما اذكرهم ويمكن هناك اخرين وطبعا عابدون قرا الخرطوم القديمه على ما اعتقد ويمكن يكون عارف هولاء الاشخاص بس ورانا كتير ما يسمع اخونا شمس يا عبدون ويقوم يكبرك بالجد غايتو يا جماعة انا آبدوون دا خليتو زي ما في الصورة مع سلامة الصادق وبعدها انا رحلت المزاد بعد الزواج قرب مستشفي احمد قاسم لكن برضه بجي الشعبية بتفرج على الكورة بميدان الصديق وهاك يا غلاط مع عطا باقرين واخوه بابكر نسيب آبدوون والله زمن جميل الاخ وليد طبعا عجبك الكلام ومتابع عارفك جنك كورة اظنه انغمست بما اوكل إليك من عمل بواسطة الدكتور المبدع دائما وابدا امير قناوي ماشاء الله عيني باردة وليد مالك ما ظهرت فى البوست متعك الله بالصحة والعافية واخبار الوالدة علها بلغت الصحة ربنا يطمنك عليها يا رب دكتورة روما مالك قطعت الحركة ولا بقيتي ذي وليد عاملة مشغولة بما اوكل لك من عمل الله يديكم العافية والله اتحفتونا وبالاخص الاخوان خالد درق والدكتور عماد والدكتورة ستنا وذي ما قال آبدوون باصات بين خالد وعماد والله عمل متقن ودعاء ان شاء الله مستجاب وربنا يتم هذا العمل بخير ويقوي ضراع اخونا الدكتور امير وكذلك الموثق الكبير الاستاذ عماد عثمان ربنا يديهو الصحة والعافية وطبعا بقية العقد الفريد والذي لا يسع البوست بذكر اسمائهم وكما قلت والله والله والله الشعبية انجبت عباقرة ربنا يديم المحبة والود والاخاء ومرة اخري اخي عادل علي صالح واخي عادل عثمان شكرا لاهتمامكم ولكم مني كل الود والمحبة ولنا لقاء وانشاء الله المرة القادمة مش من الشباك من الباب لكم جميعا كل المحبة والسلام ختام اخوكم / فيصل عبد الله محمود / الرياض