الجمعية السودانية لخريجي الزقازيق

Quote: انا شخصيا عندى فكرة غير مكتملة الجوانب ولكن اطارها العام واضح فى ذهنى اطرحها ليكم مع قبولها الأكيد لكل درجات التجاوب علما بانه (عدم ) التجاوب , هو ذاته ادنى درجات التجاوب مرورا بالملاحظات والتعديل والتحوير اذا سلمنا بان النشاط الأجتماعى كضرورة حياتية لأسرنا هو اكثر فكرة محورية تناسبنا فاننى سانتقل الى الخطوة الأخرى مباشرة الزقازيقاب يمثلون شتاتا , شانهم فى ذلك شان كل السودانيين ولكن السودان والخرطوم تحديدا , هى مركز متفق عليه وما دام ان النشاط الاجتماعى هو فكرة المحور فأن النشاط هذا يحتاج لمكان دار وبيت فاذا كان هذا البوست , كما قال وصدق ياسر نجيلة يؤدى دورا اجتماعيا تواصليا فعالا فما رأيكم فى دار زقازيقية جامعة ؟؟؟ قولوا نادى كان بتقرب ليكم الصورة اكثر وبتوضح المعنى لو تأسيس الدار دى بقى هدف محورى نحدد ليهو لأنجازه سنتين ثلاثة نشحذ هممنا , ونركز فى هدفنا ونتكلم فى البوست ده عن تفاصيله فى الحقيقة تفاصيله مادية فى المقام الأول متكاملة مع مجهود من ناس الداخل فى ايجاد المكان المناسب مكان اسرى بديع ولذيذ ومنوع وجاذب تترصد ليهو الميزانيات المنطقية والممكنة التنفيذ بجهدنا اولا , بجهدنا ثانيا , بجهدنا اخيرا ارض مناسبة يا زهير , مكان مناسب يا جنابو , ميزانية ودراسة جدوى يا ريس معتصم ومن ثم الأنتقال لتفاصيل اخرى رأيكم شنو ؟؟؟؟