ناس الزقازيق .. أجدع ناس .

Quote: الاخ سامى احكى ليك حكاية تسمية النضيف عندما حضرت الى الزقازيق برلوم وجدت امامى الاخ عبدالدئم رابح وهو يسبقنى بسنة فى الجامعة ومن ابناء منطقة تسمى الجديد الثورة بالقرب من مدنى اما انا طبعا ود الخرطوم والصحافة يعنى جاي الزقازيق تفتيحة ومرت الايام واتعرفت بجميع الاخوان والفطاحلة بكلية تربية وكانو مستغربين كيف انا يكون اسمى عبدادائم والشخص ده برضو اسمو عبدالدائم اللى هو عبدالدائم رابح وهو شخص ظريف ولطيف ومداعب وطيب القلب بس مشكلتو انو دشن وما عندو اتوكيت فى التعامل لدرجة انو البنات لما يكونو ماشين الكافتريا بذوقو منو عشان ما ياكل سندوتشاتم وبعد شهر تقريبا من حضورى للزقازيق صادف انعقاد الجمعية العمومية لاسرة تربية بدار الاتحاد وقبل ظهور نتيجة الانتخابات فى نفس الليلة انعقدت جمعية عمومية اخرى مصغرة ضمت فطاحلة تربية وهم عمر كشاح وحسن شطة وابراهيم فش وحسن برى وكمال ابراهيم وحسن طبلة من الرجال اما من الجكس فكان الاخوات اقبال سليمان ونوال محجوب وسوزان واخلاص عبدالقادر واخلاص عبدالله وسلمى خالد وسكينة قرشى وسعاد عبدالرحمن وبعد مداولات ومشاورات شديدة وتصويت استقر الراي على اقتراح الاخ عمر كشاح بتسمية الاخ عبدالدائم رابح بعبدالدائم الوسخان وشخصى بعبدالدائم النضيف. للعلم انو كلمة نضيف كانت تطلق فى ذلك الوقت على الشخص المنهدم او بالبلدى الزول السمح ام كلمة الوسخان كانت بتعنى الزول الشييييين وما تزعل يا الوسخان وياربى بعد السنين دى بقيت كيف ياوسخان اكيد بقيت كوشة عديل كده ومن الطرائف ايضا انو عبدالدائم الوسخان كان معروف بالنسبة لناس زراعة وبيطرة اكثر منى لانو كان يسكن فى لكوظ ففى احدى المرات ذكرت لى صديقتى العزيزة زهرة ابو على كلية زراعة انو صاحباتها فى زراعة سألوها كنت وين قالت ليهم كنت بزور صاحبى عبدالدائم تربية فقامو كلهم بصوت واحد قالو ليها اعوذ بالله انتى مصاحبة الزول ده كيف فقامت زهرة قالت ليهم دا واحد تانى انتو ما بتعرفوه وعزمتنى بعدها بكم يوم فى كلية زراعة ومشيت سلمت عليهم ولما شافونى قالو لى نحن شايفنك لكن ما بنعرف اسمك وقلت ليهم من الليلة فرقو بين النضيف والوسخان وتحياتى لاروع ناس ناس الزقازيق