ناس الزقازيق .. أجدع ناس .

Quote: وعشان الواحد ما يلخبط الكيمان نخش في موضوع تاني ونطلع شوية من شغل الرابطة ، لانه في ناس كتار محتاجين التحية وفي ناس محتاجين نسأل عنهم أولاً نبدا بي ناس البورد : - عصام دهب : سيد البيت ياخي بالغت عديل كده والله الواحد كان مفتكرك متنكر في الصورة دي لكن الجماعة قالوا ياهو ده ذاتوا عصام دهب بس سمن شوية . - عبد الدائم النضيف : نائب سيد البيت واظنك بعد ده عايز تبقي سيد البيت عديل كده والله العظيم شغلك نضيف بس نزل لينا باقي القوائم عشان الجماعة الباقين ديل ما يزعلوا عليك الله شوف لينا أي قائمة فيها بشير علي العبيد بس لازم الصورة تكون بالبدلة الكاملة لأنه الزول ده شيال حال ، - حيدر حنين : الزول مشتاق ليك وقبل كده رسلنا ليك تحية خاصة عملت نايم عموماً المرة الجاية نرسلها بالياباني يمكن نسيت العربي وله أحسن بالتاميلي يا لغم . البنية ما شاء حنينه بس أولاد عمها هنا بالصف . - وكمان أبو الجكس النضيف حاتم جبارة عليك الله يا حاتم البنات ديل أحجز لينا واحدة إنشاء الله الصغيرة رغم إنه الولد حنا لسه صغير لكن ما مشكلة . وسوف أرسل ليكم صورة لي للأولاد طبعاً بناتنا ما للعرس قالوا عايزين يقروا بس وما عايزين أي عروض سماعين يا اخوانا للعرض فقط ، أما أخونا حنا ما عنده مشكله ممكن يعرس ويقرأ خاصة لو العروس أبوها مغترب ، وما عنده مشكله ممكن يسكن مع نسابتو ، وبعدين هو في الأيام الجاية دي عنده خطوة عملية خالص خالص في موضوع العرس ما بقدر أقولها هنا لكن يا حاتم ممكن بالتلفون نطمك علي الموصوع كله . - سامي عبد الوهاب وسيف النصر : بس من ديك وعيك يا كافي البلاء لا رسالة لا تلفون ولا حتي مس كول ياخي حيرتونا خاصة إنه سافرتوا في طيارة واحدة يبدو اتفقتوا علينا ، ما مشكلة سامي عليك تحية للأولاد خاصة للصغير الحلو داك لمن سكره زايد ، ويا سيف النصر مشغول بي شنو حتي في البوست ما قاعد تظهر ، أوعي تكون روفي هارشاك عليك الله سلم عليها شديد وقوليها مشتاقين بس ما شديد . والتحية لكل الأمامير طرفكم . - السمؤال حسان : عليك الله بقيت قدر شنو متخيلك لسه السمؤال البرلوم داك بس ما تكون عملت عملية عصام دهب ، طبعاً صاحبك محمد حسن لغاية حسي عامل لينا فيها برلوم ، وبعدين ياخي صاحبك عماد شقلي أخباره مقطوعة مننا خالص ، عليك الله أعمل لينا ليهو بحث إنشاء في قوقل . - العزيز طارق جبريل : جبر الله كسركم والبركة فيكم وربنا يصبركم علي هذه الإبتلاءات ، ووعليك الله عزاءنا لكل العائلة دون فرز . - الجميل عبد الحميد البرنس ، الشوق أرتال ليك ولكل الناس الحلوة طرفكم ، الواحد متابع كل كتاباتك في سودانيز أون لاين حقيقي مدهشة والناس زمان كانوا بيقولوا البرنس مشروع كاتب كبير أصلاً ما خيبت أملهم فيك . عليك الله فترة الزقازيق دي عايزة منك قعدة كاربة عشان توثقها لينا . - د. أحمد أمين : حقيقي الناس كلها تشكر فيك عشان الحركة الجميلة العملتها دي والله الناس الزقازيق دي محفورة في وجدانهم بشكل غير عادي بس ما قدرنا نعمل ليها down load عليك الله رسلها لينا علي البريد الإلكتروني عشان نقبض ليك بيها الجماعة هنا . صديقي السهيلي : وين يا راجل ما لسه بينا الأمنيات والتضحية ، وكثير من المواضيع ونحن في إنتظارك وفي إنتظار مكالماتك الحنينة (أوعي تكون أسعار المكالمات زادت في أمريكا عشان كده عامل نايم) . د. الصادق عبد الله : ماشاء لسه شباب اليشوفك يا دكتور يقول أصغر مننا عشان نحن السودان دقشنا وبقانا كبار وعجاز . - ياسر نجيلة : وين يا راجل حتي في البوست تظهر مرة وتختفي مرات والله حقوا عقوبة ليك كل يوم تقوم تكتب ليك موضوع في البوست لمدة شهر عشان يا جماعة البوست ده لازم يبقي اسمي علي مسمي وبعدين حقيقي الصور البتنزل دي حاجة في غاية الروعة ونحن بأستمرار قاعدين نعمل ليها حفظ في الجهاز ، وعندنا ليكم في الفترة القادمة مجموعة مذهلة من الصور من بيت الكلاوي : أخونا صالح : إنت معانا في السودان لكن عامل فيها برضو تقيل ويا جماعة يوم الرحلة صالح إتقدم لإبتهاج قال ليها عرسي لي واحدة من بناتك ديل ميار 10 سنوات ومزن 5 سنوات طوالي قامت ابتهاج قالت ليهو والله الكبيرة ما بتقدر تنتظرك لكن ما عندنا مانع ممكن نديك الصغيرة طوالي صاحبنا قام جاري ، لكن بالشايفه ده أنا خايف الصغيرة ذاتها ما تنظره تعرس وهو لسه يتلفت هوي يا صالح إنت قايل روحك صغير وله شنو . عثمان الجيلي : طبعاً اليومين ديل معانا في السودان ، ويا ناس السعودية رسلنا ليكم السي ديهات بتاعت الرحلة مع عثمان الجيلي وأديناها ليه زمـــــــــــــــــــــــــــــــــــــــــــــــــــــــان ولغاية حسي هو يتمحرك في السودان وكلما أقول ليهو يا عثمان إنت مسافر متين الناس ديل منتظرين الإسطوانات دي تقوم نوال البلول تهرشني عشان كده أنا سكت لكن حقوا يا ناس السعودية الزول تزعجوا بالتلوفونات والماعندو تلفونه بتاع السودان يضرب لي . أما الأخوة خارج البوست حقيقي الواحد عايز يسلم عليهم كلهم وعلي العموم يا جماعة أي زول يخش البوست من ناس الزقازيق داخل وخارج السوادان فلتقبل تحياتي وتحيات خاصة لكل من - الرشيد بابكر والله مداخلاتك قاعده تسعدنا ، ويبدو إنه أخونا الرشيد ده أديب ونحن ما عارفين لغته ما شاء الله رفيعة جداً ، وبالمناسبة قابلت أخوك مع نادر فاروق - نجاة حوفي (وبالمناسبة الأولاد حلوين ماشاء الله حتي مزن الصغيرة يا نجاة نزلت صورتهم في الـ desktop بتاع الكميوتر الظاهر الولد عجبها ما عارف البت دي طالعه بكاية ما عارف علي منو لكن ما أظن علي أبوها. - عادل الجعلي ، سامية أسماعيل البركة فيكم والله يومداك مشينا السامراب عشان نعزي البيت طشه لينا كلكله . والتحية لجميع ناس الزقازيق - أبو علي ، ود الفيصل ، محي الدين علي يوسف ، هاني برعي ، شيخ عشري ، صلاح علي صالح ، دفعة ، مامون ابراهيم ، موسي الراجل والجيمع بدون فرز ويا جماعة بسأل عن أخبار عماد عبد القادر (لوفا ) والصادق قرشي بالله أي زول عنده أي خبر عنهم ليهو جايزة وممكن نعفيه من اشتراك الرابطة لمدة 3 أشهر وللجميع حبي ومعزتي زهير الزناتي الخرطوم في 31/5/2007م ت : 0922220158 - 0912325880 بريد ألكتروني : [email protected]