|
Re: (( سُلاف الغُنَا )) أغنية وردى الجديدة (Re: لؤى)
|
الإبن الفاضل /لؤي.. المحترم لك تحياتي الطيبات وكل سنة وانت طيب.. أولا أعجبتني (سلاف الغنا) فهي ابداع في ابداع وكلمات تفيض نبلا واحساس ولكني لم اسمعها ملحنة ..في انتظار ابني مجاهد (ليظبطها لي )لآنني لأنني لا اجيد تقنية الأُديو فلك الشكر على هذا الإهداء الجميل
ثانيا: أرسل لك القصيدة التي كتبتها إبان مرض الأستاذ محمد وردي أطال الله في عمره والتي نشرت قبل ذلك ولقت رواجا كثيرا ..أرجو ان تعجبك واتمنى ان تستطيع ايصالها للأستاذ محمد وردي ..ولك مني الف الف شكر ودمت في حفظ الله أم مجاهد/ السعودية *********************************************************** ليكَ يا وردي الأصيل في 15/أكتوبر/2002م
ليكَ يا وردي الأصيلْ ليكَ يا وردي الأصيلْ أنا من جوايا شديت الرحيلْ رحيل بالكلمة للزول النبيلْ عسانا نطرق باب وفاكْ وإنشاء الله نفرح بي شفاكْ ونسمع اللحن الجميلْ لو بهمسة ..ولو بايدي .. وكمان المســتحيلْ. ***************** و ليكَ يا وردي الأصيلْ نظمتَ مُسداري الجميلْ إنتَ يا عملاق وطنْ أضناه في البعد الرحيلْ في غيابك ضاعت الألحانْ والنغم الجميلْ بالله يا (الطير المهاجرْ للدوحه ) ساعات الأصيلْ أرجوكا أوصل: مِرسالي لي فنان أصيلْ أوْصِل دُعانا الغالي ليهو عسانا نطْرق باب وفاهُ أو حتى نوفيهو القليلْ أصلو مبدع الألحانْ فيهو صادق القول قليلْ بالله يا الطير المهاجرْ للدوحة ساعات الأصيلْ أوصل دعانا الغالي لي فنان أصيلْ من أُمة حافظالو الجميلْ عساها تسمعْ فيض غُناههو يصدح يردد من جديدْ لو بهمسة ولم بايدي وكمان المستحيلْ ************** وليكَ يا وردي الأصيلْ أنا من جوايا شديت الرحيلْ أنا ما راهقة انا أم مهاجره من زمناً طويلْ أنا وافدة من بلاد النيل عديلْ أنا أم مهاجرة في زمن الشّتاتْ زمن الرحيلْ أنا أم شباب . .رغم العذابْ وطول الإغترابْ ما عرفوا غير وردي الأصيلْ وما سمعوا غير وردي الأصيلْ وكل زاوية في بيتنا الصغيْر فيها بصمة من وردي الأصيل وكل نغمة في حياتنا بوحي من وردي الأصيل ****************** وليكََ من كل القلوب من كل بيت من كل جيل حلو التهاني والعود الجميل ومنانا ليكَ العافية والعمر الطويل عسانا نسعد بي لقاكا هِناكَ.. في (امدرمان ) هِناكَ ونسمع الحن الجميل لو بهمسة ولو بايدي وكمان المستحيل **************** أم مجاهد أرامكو /المملكة العربية السعودية
|
|
|
|
|
|
|
العنوان |
الكاتب |
Date |
(( سُلاف الغُنَا )) أغنية وردى الجديدة | لؤى | 12-23-03, 04:11 PM |
Re: (( سُلاف الغُنَا )) أغنية وردى الجديدة | لؤى | 12-30-03, 10:57 AM |
Re: (( سُلاف الغُنَا )) أغنية وردى الجديدة | essam&amal | 01-01-04, 09:20 AM |
Re: (( سُلاف الغُنَا )) أغنية وردى الجديدة | abdelrahim abayazid | 01-01-04, 03:38 PM |
Re: (( سُلاف الغُنَا )) أغنية وردى الجديدة | أم مجاهد | 01-03-04, 00:16 AM |
Re: (( سُلاف الغُنَا )) أغنية وردى الجديدة | أم مجاهد | 01-03-04, 00:50 AM |
Re: (( سُلاف الغُنَا )) أغنية وردى الجديدة | إيمان أحمد | 01-03-04, 03:34 AM |
Re: (( سُلاف الغُنَا )) أغنية وردى الجديدة | لؤى | 01-03-04, 08:09 PM |
Re: (( سُلاف الغُنَا )) أغنية وردى الجديدة | معتز تروتسكى | 05-21-04, 05:08 AM |
Re: (( سُلاف الغُنَا )) أغنية وردى الجديدة | Mamoun Zain | 05-21-04, 08:26 AM |
Re: (( سُلاف الغُنَا )) أغنية وردى الجديدة | لؤى | 05-21-04, 11:47 AM |
Re: (( سُلاف الغُنَا )) أغنية وردى الجديدة | لؤى | 05-21-04, 11:50 AM |
Re: (( سُلاف الغُنَا )) أغنية وردى الجديدة | معتز تروتسكى | 05-21-04, 01:41 PM |
Re: (( سُلاف الغُنَا )) أغنية وردى الجديدة | Kostawi | 05-21-04, 10:11 PM |
Re: (( سُلاف الغُنَا )) أغنية وردى الجديدة | لؤى | 05-22-04, 00:21 AM |
Re: (( سُلاف الغُنَا )) أغنية وردى الجديدة | Nada Amin | 05-21-04, 11:20 PM |
Re: (( سُلاف الغُنَا )) أغنية وردى الجديدة | لؤى | 05-22-04, 00:27 AM |
Re: (( سُلاف الغُنَا )) أغنية وردى الجديدة | حبيب نورة | 05-22-04, 00:30 AM |
Re: (( سُلاف الغُنَا )) أغنية وردى الجديدة | معتز تروتسكى | 05-22-04, 11:49 AM |
Re: (( سُلاف الغُنَا )) أغنية وردى الجديدة | لؤى | 05-25-04, 10:02 AM |
Re: (( سُلاف الغُنَا )) أغنية وردى الجديدة | خالد الحاج | 05-25-04, 03:52 PM |
Re: (( سُلاف الغُنَا )) أغنية وردى الجديدة | لؤى | 05-25-04, 04:55 PM |
|
|
|