( أجمل خبر ) قصيدة لكل من يرتاح على نظرة عيون فيها

مرحبا Guest
اخر زيارك لك: 03-29-2024, 09:07 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة طه حسن عبدالله(طه حسن عبدالله)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-25-2004, 03:47 PM

طه حسن عبدالله
<aطه حسن عبدالله
تاريخ التسجيل: 02-17-2004
مجموع المشاركات: 249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
( أجمل خبر ) قصيدة لكل من يرتاح على نظرة عيون فيها

    أجمل خبر

    راجيين سنين
    طلّة بهاك
    وتجينا يا أجمل خبر
    زي الدُعاش
    فتَّح مياسم الزهره
    في الأرض البكر
    و زي الصباح
    فارد شـراع النشوه
    و الليل إنحسر
    و تجينا يا أجمل خبر
    يسعد نفوسنا
    الهايمه في ريدك
    تصارع في القدر
    رغم الظروف
    رغم الموانع
    والدروب الحبلى
    بي كل الخطر
    تتشابى أرواحنا
    وتحلّق في مداك قبل النظر
    بنغوص جوّانا
    نفتّشك... و نأترك
    وبنسأل الشوق العصف
    حامل منانا لعلّو
    يلقالك أثر ...نتّبعك
    ونستف الشوق في الدموع
    ملفوفه خاطر منكسر
    مرسول غرامنا الما همد
    لا إندسّ في الخاطر هجد
    لاكن ...كمان
    عجز القلم المن سنين
    في حسره عدمان الحبر
    ونرسّل الآهات تطوف
    تحكي الكتير...
    طيّاتها حاضنه لى ألف سر
    يشرح حزنُّا
    الفي مكامن جوفنا
    إترعرع ..كبر
    وألم الجراح النوسرت
    عامّه البدن
    في كل شبر
    في كل أنّه
    رساله ليك تنبهك
    تترجى فيك تذكرك
    مشدوده بي خيوط الأمل
    متكيه فوق تلّة صبر

    فرّيتي حزنك ..في غناي
    زي أي خاطر منفلت
    لا قرب الكان في البعيد
    لا شدَّ عزماً في حشاي
    ما غطى دمعك وحشتي
    وكان صمتك
    الجاهر .. أساي
    والحسره غطّت للدروب
    وبتجري سيلاً منحدر
    والكون لبس توب الغروب
    مشوارك الكان
    في القلوب..
    ما كان بعيد
    لا كان في يوم سكّة سفر
    والجفوه شالت
    كم سؤال..
    وطلاسم أبداً تنقدر
    والحال صبح مابدور سؤال
    في شرحه إستعصى المقال
    عايشين سـنين ..
    في جوفنا بركان منفجر
    بس قولي ليه
    طول الغياب ..رغم المصاب
    والحاله أبداً ما بتسر
    عجز القلم
    حتى الشفاة في حال سكون
    حيرانه ..ما قادره النضم
    مرسالناكان ...
    سحب الدموع المنهمر
    شايلاهو ليك
    ريح إشتياقنا
    الغطى أعماقنا وغمر
    يا بسمة ..
    أفواه الحزانا
    وحب دفين ..عايش جوانا
    ونور أمل حامل منانا
    وفرحه لى كل العمر
    راجيين
    رجوعك بالسنين
    نلقاك بي كل الفرح
    صاعدين على
    درج المنى
    ونازلين على خاطراً سرح
    ما همّد أشواقنا الأنين
    وجَِرحْنا ....
    بي حبك صدح
    ما تطلي بادلينا الحنين
    من سيرتك القلب إنشرح
    يا كل عزانا
    ويا منانا
    ويا حلم
    لون غنانا
    عشمنا في طلّة صباح
    وتجينا يا أجمل خبر
    ما تطلّي ...
    يا أجمل خبر

                  

العنوان الكاتب Date
( أجمل خبر ) قصيدة لكل من يرتاح على نظرة عيون فيها طه حسن عبدالله04-25-04, 03:47 PM
  Re: ( أجمل خبر ) قصيدة لكل من يرتاح على نظرة عيون فيها طه حسن عبدالله04-25-04, 09:54 PM
    Re: ( أجمل خبر ) قصيدة لكل من يرتاح على نظرة عيون فيها طه حسن عبدالله04-28-04, 00:34 AM
      Re: ( أجمل خبر ) قصيدة لكل من يرتاح على نظرة عيون فيها طه حسن عبدالله04-29-04, 02:46 PM
        Re: ( أجمل خبر ) قصيدة لكل من يرتاح على نظرة عيون فيها abuguta04-29-04, 03:16 PM
          Re: ( أجمل خبر ) قصيدة لكل من يرتاح على نظرة عيون فيها طه حسن عبدالله04-29-04, 08:04 PM
            Re: ( أجمل خبر ) قصيدة لكل من يرتاح على نظرة عيون فيها طه حسن عبدالله05-04-04, 02:03 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de