|
Re: صينية الغدا (Re: سلمى الشيخ سلامة)
|
الصديق صديق ، تعرف الغدا فى القطر احلى وجبه ، كنا بنسافر بالقطر من الابيض للخرطوم ، ودى قصة طويلة ، لكين نحكيها ليكن ، اها من اليوم القبل السفر نقوم ياسيدى نسوى الزوادة ، نحمر اللحمة فضلة خيرك ، والطعمية من بالليل ، والسامبكسة دى ناس رحاب ما بعرفوها الفطير المحشى باللحمة هسى بقوا يسموه فطائر كل زمانا يخدكوه رجالو ، وكل فولة ليها كيال ، المهم يا سيد اللمنتى ليك ، نشيل الحاجات دى كلها ومعاها الجبنه حقت الدويمالسمحة ديك ، والمربى والطحنية، وكان سمافرين بالصالون ما بنتعب لانو الصالون فيهومطبخ ، حال التريددك ، لكين دا كلو بقى حكايات، طبعا القطر ذاتو حكاية فيهو شكلة لازم تقوم ، بين المسافرات ، حجزى وحجزك ، وبعد داك بتصالحو وتبقى الصداقة قرابة ونكسب الودين ، اها خته كراعنا فى القططر القيامة تقوم فى الشباك ، شباكى وشباكك ، انحنا الكبار بنقعد فى الممر عشان نخلى الشكلة تروق لانو امى الله يرحما كانت بالا طويل ، لكين لمن يكتروها الشفع بتنهر ولا بتقرص الفطيرة خاصة للبنات ، المهم ، اول ما القطر صفر مارق من الابيض ابوى الله يرحمو كان بعمل الحركة دى لما يكون ما مسافر معانا ، وتشوفو زى اليتيم يلوح لينا بايدو وتحت تحت بكون اخد ليهو جعرة ، المهم ما مشى القطر سمح الا والعيال طالبو بالاكل ، كانت امى بتقول ليهم لسه انحنا ما اتحركنا سمح ، اول رد بكون : ياامى نحنا مافى البيت ياخى ، وتقوم تجر الكرتونه من تحت الكنبة ، كان مسافرين بالاولى ولا التانية ،فى القمرة الدرجة الاولى الكرتونة بتكون مختوته فى الرف وفى التانية تحت الكنبة ، تجر لكرتونة نجرررر ، الكرتونة اياها العملناها اميارح ،وتبدا تعمل الساندوتشات، ابوى ما كان بدور الاكل المشحتف دا ، بنقوم نخت ليهو صحن ، اتغدينا ولمينا الحاجات ، بعد شوية تانى زول بقول جيعان ، المرة دى بدوهو مربى ولا طحنية ، دا غير طعمة فلاته اللذيذة من الرهد ، والفول المدمس من كوستى او تندلتى ، والبطيخ والجوافة من العين ، المحطة ما الامارة ، ونشترى من كوستى الرز ، ومن ربك ، والطف حاجة لمن القطر يكون ماشى فى الكوبرى بين كوستى وربك ، مشهد النيل الابيض والاعشاب مغطية النيل ما بتكرر ، واصوات عجلات القطر تعمل نغمات بنتابعا بالغنا ، معاوية اخوى كان صوتو جميل ، وبغنى فى القطر ، امى طبعا حافظة الحقيبة بتصلحو كان غلط ، ولا ابوى وببدا نقاش جميل حول الاغانى والمناسبة بتاعة الاغنية والشاعر وبتتحول السفرية لندوة حميمة ومرت فى زول بكون لابدليك كل ما القطر يقيف يجى جنب الشباك ، ويعمل ليك حركات كده ويكتب ليك ورقة ويجدعا بحرفنه عالية ، مرة كنا مسافرين (طالبات كلية معلمات الابيض )رحلة تعليمية لمن وصلنا سنار كان فى مجموعة من الطلاب معهد تربية الخرطوم مسافرين نفس البرنامج ، المهم القطر لمن وصل درديب ، قام اتعطل ، وكان الاساتذة عاملين فيها حريفين عشان الاولاد ما يشاغلونا ، لكين تمت المشاغلة وواحدات اتخطبو من الرحلة ديك ، كنت واحدة من الاتخطبو ، وقصة طويلة ،اها القطر واقف ليهو زى اتناشر ساعة ، واتعارفنا زى الماحصلت حاجة وبقينا نكتب المذكرات ونرميها من الشباك ، وحركات صبيانية لذيذة ، بس يا سيدى قمنا بعد داك مشينا بورسودان سوا ، ومن بورسودان قبالا مشينا كسلا ، وتميناها فى الخرطوم ، الغدا كيف ؟
|
|
|
|
|
|
|
العنوان |
الكاتب |
Date |
صينية الغدا | سلمى الشيخ سلامة | 03-13-07, 05:56 AM |
Re: صينية الغدا | معتصم عبدالرحيم | 03-13-07, 06:15 AM |
Re: صينية الغدا | منوت | 03-13-07, 06:24 AM |
Re: صينية الغدا | سلمى الشيخ سلامة | 03-13-07, 06:26 AM |
Re: صينية الغدا | سلمى الشيخ سلامة | 03-12-07, 09:28 PM |
Re: صينية الغدا | منصوري | 03-12-07, 09:35 PM |
Re: صينية الغدا | صديق الموج | 03-12-07, 10:04 PM |
Re: صينية الغدا | سلمى الشيخ سلامة | 03-12-07, 11:05 PM |
Re: صينية الغدا | نادر السوداني | 03-13-07, 00:06 AM |
Re: صينية الغدا | سلمى الشيخ سلامة | 03-13-07, 00:25 AM |
Re: صينية الغدا | علي طاهر | 03-13-07, 01:12 AM |
Re: صينية الغدا | سلمى الشيخ سلامة | 03-13-07, 01:55 AM |
Re: صينية الغدا | علي طاهر | 03-13-07, 02:08 AM |
Re: صينية الغدا | مصطفي سري | 03-13-07, 02:58 AM |
Re: صينية الغدا | سلمى الشيخ سلامة | 03-13-07, 05:14 AM |
Re: صينية الغدا | سلمى الشيخ سلامة | 03-13-07, 03:15 AM |
Re: صينية الغدا | صديق الموج | 03-13-07, 03:27 AM |
Re: صينية الغدا | سلمى الشيخ سلامة | 03-13-07, 05:48 AM |
Re: صينية الغدا | صديق الموج | 03-13-07, 06:04 AM |
Re: صينية الغدا | سلمى الشيخ سلامة | 03-13-07, 06:30 AM |
Re: صينية الغدا | حمد اسماعيل | 03-13-07, 07:34 AM |
Re: صينية الغدا | سلمى الشيخ سلامة | 03-13-07, 07:43 AM |
Re: صينية الغدا | زهير عثمان حمد | 03-13-07, 01:44 PM |
Re: صينية الغدا | سلمى الشيخ سلامة | 03-13-07, 05:37 PM |
Re: صينية الغدا | رشا سالم | 03-13-07, 01:58 PM |
Re: صينية الغدا | سلمى الشيخ سلامة | 03-13-07, 05:55 PM |
Re: صينية الغدا | nourelhadi awad | 03-13-07, 03:00 PM |
Re: صينية الغدا | سلمى الشيخ سلامة | 03-13-07, 06:01 PM |
Re: صينية الغدا | معتصم دفع الله | 03-13-07, 03:50 PM |
Re: صينية الغدا | سلمى الشيخ سلامة | 03-13-07, 06:11 PM |
Re: صينية الغدا | منصوري | 03-13-07, 04:53 PM |
Re: صينية الغدا | سلمى الشيخ سلامة | 03-13-07, 06:21 PM |
Re: صينية الغدا | willeim andrea | 03-13-07, 05:17 PM |
Re: صينية الغدا | سلمى الشيخ سلامة | 03-13-07, 06:28 PM |
Re: صينية الغدا | مصطفي سري | 03-13-07, 07:22 PM |
Re: صينية الغدا | منصوري | 03-13-07, 08:25 PM |
Re: صينية الغدا | سلمى الشيخ سلامة | 03-13-07, 11:30 PM |
Re: صينية الغدا | سلمى الشيخ سلامة | 03-13-07, 08:32 PM |
Re: صينية الغدا | ismeil abbas | 03-13-07, 10:24 PM |
Re: صينية الغدا | سلمى الشيخ سلامة | 03-13-07, 11:17 PM |
Re: صينية الغدا | Nadia Elsir | 03-14-07, 11:38 AM |
Re: صينية الغدا | سلمى الشيخ سلامة | 03-14-07, 04:58 PM |
Re: صينية الغدا | Nadia Elsir | 03-17-07, 12:07 PM |
Re: صينية الغدا | سلمى الشيخ سلامة | 03-18-07, 02:04 AM |
|
|
|