الشرق الأوسط تدحض إشاعة خطف جثمان الخاتم عدلان

Quote: ترددت كتير قبل ما اكتب عن المسالة دي وخفت انها تجر علي مشاكل جديدة انا في غني عنها لكن بقولوا الساكت عن الحق شيطان اخرس *ظللت لمدة طويلة اتابع ما يكتب عن الموضوع دة مرة باهتمام واحيان كثيرة باسف وزعل من روحي وهسة بس قررت ابرئ ذمتي واقول انو في اليوم الوصل فيهو جثمان الغالي الخاتم عدلان وكنت اتابع الموقف لحظة بي لحظة من الصباح الباكر ساعة وصول الجثمان مرورا بشائعة خطفه وحتي عودة الوفد الذي ذهب لدفن الجثمان بام دكت الجعليين واذا كنتوا متابعين كنت انا اول من كتب عن ان الوفد في طريقه للخرطوم الان وانه الان _وقتها_بالقرب من جبل اولياء المهم بعد ما نزلت الموضوع دة طلعت طوالي من الجريدة ماشة علي محل المواصلات في السوق العربي اتخيلوا لاقاني منو والله العظيم لاقيت محمد حامد جمعة طالع من مبني smcولمن لا يعرف ان مبني جريدة الصحافة قريب من smcولمن اكون ماشة من الجريدة علي موقف اركويت كداري بجي بالشارع الفيهو smc وقفت سلمت علي محمد حامد جمعة وهو شخصية معروفة بالنسبة لي واتلاقينا كتيير في محلات كتيرة بحكم انو زول زميلي واذكر والله علي ما اكتب شهيد انه سالني عن انو ليه ما مشيت مع الوفد فاخبرته الاسباب وحدثته بعد ان تناقشنا حول ما اثير عن خطف ناس الامن لجثمان الخاتم عدلان عن اني ضربت لي زول ضمن الوفد وقال هم قريبين من جبل اوليا *لا اعني بذلك تكذيب الباقر عفيف الذي طالما حدثني عنه الراحل الخاتم عدلان لكن وددت لو كنت صادقة مع نفسي وريحت ضميري وبعدها يحصل اليحصل اللهم هل بلغت فاشهد