الى العضو (دينا خالد ) ذكرا كان ام انثى ... احب ميتنك زاتو

Quote: من وجهة نظرى دى شتايم شخصية، ومفروض تجى فى سياق النزاعات الشخصية (اللى هى ما واردة بينى وبينك أو بينى وبين قيقراوى)

سلوكو عريانة :
سلوكو جمع سلك مضاف ليها ضمير غائب بالبلدي ، و هي من سلك. . سلك العجلة . . و العجلة عجلة الطالب . . و الطالب طالب الجامعة . . الخ
و عريانة دي كلمة غاظتني في مداخلتك حبيت استعملا في جملة مفيدة بجد جد – من وجهة نظري طبعاً – ما لقيت غير اربطا بسلك عشان ما تبعثر لي جملتي المفيدة ! و تطير الفكرة . . .
المعنى المراد " فاطي سطر " . .
كلامك سمح بالحيل يا المبروك و عاجبني خالص خالص . . و مستفيد و مبسوط منك بسطة ما لقاه الشريف . . بالحيل الأخلاق متحرك، و يا قول – او ( على قول ) بقيتو تخوفوا الجمل من الاستنياق ذاتو ! - المسغفاتية " لا ثابت الا المتحول " بس ات فاطي سطر و اوريك السطر الفاطيهو :
القانون أخلاق السلطة السائدة ( أي سلطة : سياسية ، اجتماعية . . . . على حسب السياق ، هنا قوانين المنبر و القضاء ) . . و العارفو انو العدالة كمفهوم ( قانوني ) بتختلف من العدالة بفهمها ( الاخلاقي و الفلسفي ) . اقول ليك قولة ؟ حتى الاقتصاد و المحاسبة ، مش اولاد عم ؟ اها مختلفين في مفهوم العدالة . . شنو ليك ؟ اماني ماخداها من جانب و ات ماخدا من جانبن آخر . . و الاتنين صاح .
بس الاجابة الذممتني عليها اماني ؟ حسب فهمي لسؤالا اجابتا من نواحي الصعيد دا او جهة الاخلاق ، و جاوبتها بـ " الادانة " ، مؤجلة ألا ! . . و مرهونة بإثبات . و دا زي ما جات هي و وضحتا ليك بالدغري رداً عليك .
اها دا شوفي كان طشاش ؟ وروني بس اتاكد ما ضامر فيهو شر و لا اذية لزول خصوصاً انت
كدا يا تبارك - تتبارك ما تشارك كدي قو آمين باللول - كدا هديت لي الجملة من اولا لي آخرا و بقت مافي ميزة لـ دينا خالد كساحرة و طارت شرارة إلالتماس و كشفت تدليسي - مش ياهو دس المعلومات لا داك الغرر ؟ ( حكاية الكلمة الغاظتني ) . . و العرب قالت النار من مستصغر الشرر . . هو الماس دا الا يكتل عديل ؟
اها سلطة معتمدة ايثيكال كودز ولا اطار قيمي مفاهيمي ما بعرفو . . بتعرفا براها ؟ . .
تدليس ،غبن و غرر حذق ؟ . . محامي شاطر ؟ جنون مؤقت ؟ . . ظروف ساي ؟ . . قاضي بليد و سوء تأويل و تفسير لقانون جيد ؟ . . واسطة ؟ . . كلو ممكن تخارجك من العدالة القانونية
لكن العدالة البي الصح كيفن معاها ؟ حقت الضمير ديك القلتها انت ام معيار صاح / غلت ديك ؟ . . بالنسبة لاماني و لي الفعل مدان . . نقص فهم مننا ؟ . . جائز
تستخدم اعراب السودان المترادفات ( " سلوكو عريانة " . . " فاطي سطر " . . " رافع جنينة " . . جنريتر . . مشكنب . . مشوطن . . . الخ و حتى شقي و عفريت ) لعدة استخدامات اغلبها ما بحمل مضامين سوء و لكم في المنبر العام نماذج حسنة " مجنون الكتابة الجنن . . . " ، و في الاراشيف " عبد الغني كرم الله يا مجنون . . . " او نحو ذلك و كثير من المرات غير الموثقة عندي حالياً قريتا عن سيدنا محسن خالد و كلها في ابداء اعجاب بكولتي بتاع كتابة ( الشي الجامعنا هنا ابتداءاً ) او لو كان الفكرة غير كدا ؟ هذا و الا ح تبطل كل حججنا ( انا و انت ) في البوست دا .
شخصك سالم يا الحبيب و الانسان فيك كبيبر عندي ، و حتى ان حاولت ؟ لا يمكن الوصول اليه حالياً . . عليه عليّ باعادة المحاولة ؤ كدا حسب تعليمات الاتصالات . لكن و حات الله ما حاولت ذاتو .
و استخدامي ليها جا من الباب دا لا غير
بالمناسبة قبل دا استخدمت " جنترة " معاك و قعدت حارسك تردها لي يومين بحالن . . ابيت دت ! . . اها حسبتها من حقارة السناير الحقارين الما بردوا على برالمة ساي زينا و قطعتها في حناني . كان تقول لي انها زعلتك و اكون كلب لو كررتها .
يا زول ندمان و سافي التراب على ما جاك من تالاي و اعتذاري الاكيد على ما لحقك من اذى ، شاهد الله ما قصدتو . . و لك العتبى حتى ترضى
و انا على عكسك تاريخي هنا غارق في المسح و التعديل . . و مستعد امسح الـ 1600 مشاركة عربون عفو
كان موافق على الصفقة امسح الكوتو منها و انا بتولى الباقي . .
اما فيما يخصني ، بالمناسبة " سيم سيم " دي ما انقليزي صافي ! او ممكن توافق الفهم لكن ما " لغة انقليزية " عديل دي ما عند فيها مشهاد . حبيت اقول ليك انها دي لغة هجين ( عربي / اردو / انقليزي ) ممكن تكون الكلمات انقليزي لكن التركيب أي حاجة او و لا حاجة اساسوً . . . معناها " انا برضو " او " زيي " و هنا في الكوتو تبقى تأكيد لـ " زيي " . . تفتكر لو ماخد في " الجن " معنى سلبي كان وصمت بيهو نفسي ؟
اقرأ " الما جنّا يلحق يجن " في نكتة عمر الفاروق هنا . . و في اشاعة من زماااااااان مشت بها العربان ( في قول ) " الجنّا جنا و الما جنّا الجن كمل !
يا حبيب حب الاذية من طباع العقرب ، و ما لاقي لي عمامة غير مقلقة و غير قلقة اكتر من سيدنا اباذر الغفاري المغفور لقبيلتو كلها . . . فلك في رقبتي وط قدم فارسل من يفعلهااو تعال براك ؟
و لك العتبى حتى ترضى



---------------------
- مرة عصرتني لما زغت منك قلت لي " اجي يا الخروف ! " . . قريتا و ضحكت حتى طارت سجارتي . . ضمرت في سري كان خروف بتحلني منك اها : بااااااااااااااااع . . . المرجع وزارة الزراعة
طبعاً اول مرةاسمع التعبير لكن ما وديتو لشي شخصي ابداً . . بعد داك قمت عملت واحد كلك في اكس ركانية كدا , خلاس ، و احتوتني جغرافية تانية خالص ما فيها من هنا الا بعض طيوف رحيمة فقط لا غير . . بالبساطة دي . . تصدق ؟
اها كدا طالبك تحكي لي قصتو


لدينا خالد التحية و الاحترام للجميع

ماما دوما بطلي حركات ! برا سودانيين برا افغان . . !
ارجعي داوسي ما دام بديتيهو تعالي تميهو .. ما قلنا ليك ما تجي حفلة شواء بدون عكاز ؟

اماني الامين
اسي انت مش عارفة انو ماما دوما دي راجل ؟ مالك ما بتطلعي النصيحة ؟ اها دا ما تدليس