لقراء وقارئات المنبر العام غير الأعضاء ...... معرفة رأيكم تهمنا

Quote: الاخ ناذر تحياتى اغتنم الفرصة لتهنئية ابناء وبنات الاخوة بالمنبر الناجحين\ات فى مرحلة الاساس وعقبال مانشوفهم فى المستويات العليا وبنتائج نجاح اكبر ويكونوا نواة لبناء سودان افضل واجمل ولغد مشرق واهنئ اهلهم ناس المنبر كلهم واعرج على اسرهم الممتدة من ناحية الاب و الام فى التهنئية وتهنئية مع نعظيم سلام لاباء وامهات هؤلاء الذين كابدوا من اجل ابنائهم لبلوغ تلك النتائج وحقيقة التهنئية لهم لفت نظر سعادتنا فى التباريك والتهانى مايلى معتصم محمد صالح جاب الخبر وبارك للمسلمى وقعدنا نتابع كل مايجى زول يبارك نعاين وود المسلمى مالو ماظهر ليوم الليلى ود المسلمى مارجع البيت الا بارك الله فى معتصم وقف للجماعة ضب وماقصر بس انا كنت شفقان على معتصم ده فى الخبر بتاعهو ((احر التهاني للاخ العوض بمناسبة تفوق ابنته في شهادةالاساس واحرازها 274 درجة)) يازول القال ليك منو بنت وهو ماقال هى منو اه دخلنا ليك الشك وفضلنا راجيين العوض وانا من شدة خوفى انه ممكن اكون ولد قلت مابدخل ابارك ساكت الا نتاكد ونعرف اصلو العوض ده كان باركت ليه لولد وختيت تاء التانيث كان الحلة كلها تجى كاسرة هنا بس الحمد لله جاء عمها السيد وقالها ليك بالاسم حتى اتاكدنا انها بنية الا انتو دايرين الجد بنوت الزمن ده والله اشطر من الاولاد –اها شوفنا الوقت اتاخر على المباركة قلنا مافى داعى نمشى ونجيه بكرة كان الله مد فى العمر مرقنا من البكان ده الا دخلنا ليك محل العوة واقفة قرش ونص ياناس الحاصل شنو قالوا شبكة منشبكة ليك فى ود القريش والسبب معتصم معتصم قال امنية معتز القريش تتفوق وتحرز 266 وزولك ود القريش يعرض فى نص الحلقة ويكورك زغردن هييييييييع وشبكة مكشرة ليه ساكت وود القريش يجقلب زى الشراء فى القندول قال مارجعت ليهو فطوره اصلوا هى كانت عازمة امنية فطور بمناسبة النجاح وجابت كم سندوتش سغتنوتى قدر البنت وصاحباتها جاء ابوها اكل الفطور وخلاها منحرجة مع البنت الجابت صاحباتها للفطور((ود القريش سبت ليك عزومة البنت عند شبكة) اما اخونا هارون دياب جرسنى ليك عديل كدى ملعون ابو الغربة ياخى بعدين ياود دياب ومعتز انتو قبل 14-15 سنة كدى كان فى شنو فى موضوع اسم امنية ده يعنى انتو من الزمان داك متبارين ولا كيف الموضوع ده داير ليه حصة ودرس عصر تانى وعاشر ومليون مرة الف الف مبروك للناجحين الاباء الكرام ماتنوموا بهدايا النجاح ووعد الحر دين عليه