بيان هام وعاجل: إنطلاق الحملة الدولية لإنقاذ النوبة ومناهضة سد كجبار

Quote: رب ضارة نافعة.. نعم رب ضارة نافعة كنت بصدد التوقف عن الارسال في هذا البوست الذي اشكرك فية على الشجاعة التي ابديتها للدفاع عن ما تعتقد بانه هو الصحيح - العندوا قضية ويمؤمن بصوابها عمروا ما بيهرب من الساحة فالخلاني ارجع ليك يا استاذنا شخصنة هكذا موضوع عام بنعتي بالانسان الضار وافتكر في هاي الشتمة كنت رحيما جدا قياسا بشتمة الخنازير المقتاتة من النفايات - ما علينا من الشخصنة خليني في عودتي الأخيرة باذن الله لاني داير اسألكم علي النحو المكشوف التالي:- انتوا عايزين أية !! تنمية نظيفة ما تخرش موية تجييكم ماشة فوق اربعة رجول تغلقوا في وشها الباب فورا وتقولوا مش عاوزين – ما تجيكم تنمية بتملوا الدنيا صراخ وصخب – تفلحوا بس تقولوا الحقنا يا كوفي عنان والحقنا يا جورج بوش ويا بلير ويا جون هوارد ويا فلان ويا علان شرطا البيلحقنا يكون زعيم دولة غربية مش عربية ولا اسلامية – ناسنا يا بوش يا زعيم الحكمة العالمية مهددين بالموت تجويعا او غرقا ( أهو نحن الحلفاويين ما غرقنا لية لحدة هسع رغم انوا بلادنا اغرقها عبود رحمة الله علية – ناسنا يا توني مضطهدين - ناسنا عرب السودان قاعدين يعملوا ليهم ethnic cleansing و up rooting حصلهم انت يا جون ابازيد اصلك انت قريب منهم طالما انك قاعد تحوس في العراق – ارض النوبة يا بوش ويا كونقرس بتتعرض لعملية organized depopulation ( لماذا غادرتم انتم ارضكم الطاهرة صوب امريكا مش عشان ترطبوا وتبيضوا الوان وجوهكم المحروقة شوية – طيب لية بتستكثروا على الاخرين تجريب الترطيبة في الخرطوم او في أي مدينة سودانية اخري – يعني الانانية لزوما شنوا في الحتة دية ما كلنا اولاد تسعة ولون مصارينا واحد ولينا تطلعاتنا المشتركة للترطيب والروقة ... أها أن نسألكم عن حلفاويي مدينة حلفا الجديدة والقديمة هل هم جزء من منظومتكم النوبية المثيرة للاهتمام والا They were already kicked out of such golden ring just because of the so called mix blood - اصلكم مطولين من البلد ومش عارفين الحاصل فيها شنوا !! عايز اقول ليكم انوا الناس المتمردة في الشرق والغرب والجنوب شايلين البندقية شان اقل حاجة معيشتهم ترتفع لربع مستوي المعيشة اللي عند الحلفاويين في حلفا الجديدة – القبائل المجاورة للحلفاويين قاعدين في العراء وفي افضل الاحوال قاعدين في رواكيب متهالكة من البروش القديمة والقش الجاف بينما الحلفاويين قاعدين في بيوت مبنية من مواد اسمنتية ثابتة وبتلفون ثابت وكمان نقال ومواسير مياه موصلة لحدة تلاجاتهم – الحلفاويين قاعدين في بيوت موصل فيها كهرباء حكومية وبيستمتعوا باستخدام احدث الاجهزة الكهربائية بينما القبائل المجاورة لهم لسع ما عرفوا لون الكهرباء ابيض ولا بمبي – الحلفاويين في حلفا الجديدة تتوفر في قراهم واحيائهم السكنية المراكز الصحية والشفخانات والصيدليات الشعبية بينما القبائل الاخري تقطع عشرات الكيلومترات بحثا عن إبرة ملاريا او جرعة دواء --- اقول شنوا واخلي شنوا يا ناس --- احسن خلوها مستورة عشان القبائل الاخري ما تسحر معيشة اهلنا في حلفا الجديدة وفي وادي حلفا كمان لان المعيشة التي يديرها اهلنا في وادي حلفا في الوقت الراهن لا تتضاهيها اية معيشة في اية عاصمة ولائية ناهيك عن المعتمديات – الاجور في وادي حلفا تضاهي ما ما هو متاح في الخرطوم خاصة في الميناء النهري ومحطة السكة الحديد وفي غرب ارقين حيث تشهد تلك المنطقة حركة تجارية نشطة جذبت اخوانا المناصير ليعملوا فيها عمال يومية جنبا الي جنب مع اخوانهم الحلفاويين – الواحد فيهم بس يشتغل في غرب ارقين لمدة 15 يوم بيطلع لية بما يعادل 3000 دولار امريكي انا حولتوا ليكم للدولار لانكم ما بتحبوا تسمعوا سيرة الجنية السوداني – مبلغ زي دة في اميركا ما بتحصلوه – الكهرباء وفي الوقت الراهن في مدينة وادي حلفا على مدار الساعة دون انقطاع - البضائع المحلية والقادمة من كل فج عميق مالية ارفف الدكاكين لغاية بقوا يختوها ببرة – اها بعد السياحة المجانية التي اخذتكم فيها متنقلا بين سهل البطانة ووادي حلفا شن قولكم في حكاية التهميش الماشي في البلد منذ عقود..... قال مهمشين قال – تفلحوا بس تقلدوا في القود فاظر بتاعكم د. جون قرنق مطلق هذه النكتة السخيفة في السودان – يا اخي انا بنزل السودان سنويا ومرات كل تسعة أشهر ما لاقاني فرد حلفاوي بيشتكي من التهميش او التجويع كلامكم غلط وراسكم برضوا غلط – انت لو عندكم حاجة مسيسة يا ها ديك الخرطوم امشوا ليها بدل ما كل مرة تجونا عبر الحيطة القصيرة انا استقي هذه المعلومات من خلال التواجد المستمر في البلد وعبر الاتصال باقربائي العاملين بغرب ارقين عبر Sudani cell phone بينما اخباركم مستقاة من مكتبة الكونقرس وقصر الإليزية - خليكم في حالكم احسن .... (عدل بواسطة Faisal Taha on 05-19-2007, 08:52 PM)