|
|
 ساخر سبيل : عارف؟
|
نصح الأطباء (الحاج سليمان) بالسفر إلى الخارج لإجراء بعض الفحوصات ، بما أن (الحاج سليمان) من الرعيل الأول الذى عاصر الحركة الوطنيه وشارك فيها بصفته كان أحد (عمال السودان) فقد إختار (الناقل الوطنى) إذ أعتبر أن إختياره لأى (خطوط طيران ) أخرى يعد عملاً يفتقر إلى ادنى مستويات (الوطنيه) ، لم ينس حاج سليمان عند مغادرته منزله ووداعه لأبنائه أن يقوم بتسليم زوجته (قروش المعيشه) خلال فترة غيابه وأن يدس فى يدها بعض (القريشات) لزوم الإستعانه بهم عند إقامة (ليالى المأتم) ، توجه سليمان إلى مبانى الخطوط وقف أما موظف الحجز الذى قام بتزيين مكتبه بصدر الحكمة التى تقول (ما طار طائر وإرتفع) :
- والله يا إبنى عاوز ليا حجز (الليله) ماشى الأردن إتعالج
- والله يا حاج عندنا الليله سفريه وااحده (عمان)
- مطار أربعه .. إقلاع سته .. (دفن) أقصد وصول تسعه !!
- طيب خلاص أقطع ليا ماشى وجاى !!
- (شخص خلفه) : يا حاج أحسن تقطع ذيى كده بس (ماشى) عشان (الورثه) يستفيدو من (الجاى) دى
- (غير مهتم لما سمعه) : خلاص يابنى أقطع ليا ماشى وجاى !
- طيب يا خال إنت عاوز مقعد إستواء ولا نص (إستواء)
- مش فاهم !
- لا يعنى أنا بقصد إنت عاوز مقعدك قريب من أبواب النجاة ولا بعيد منها
- أكيد قريب منها.. وإلا أقول ليك (مافى حاجه أحسن؟)
- والله إلا نحجز ليك (مقعد الكابتن) !
بعد أن قام موظف الحجز بتسليم (سليمان) التذاكر اشار عليه بالذهاب إلى (كاونتر) أخر مكتوب عليه (السلامة الشخصيه) ، طلب الموظف من (سليمان) التذكرة التى فضاها أمامه ثم خاطبه قائلاً :
- شوف يا حاج كل مسافر على خطوطنا دى أنحنا لازم نتأكد من سلامتو
- والله دى الخطوط وإلا بلاش
- عشان كده لازم كل راكب يشيل (أنبوب) الرغوة بتاعتو معاهو
- ومالو يابنى نشيل
- تشيل ساااكت لكن إنت عارف الأنبوبه بتاعت الرغوة دى بى كم
- يعنى ما مع التذكرة يعنى بى قروش؟
- أكيد بى قروش يا حاج هو نحنا مسئولين من سفرك وإلا من سلامتك قالو ليك
- كيف يعنى؟
- أفهمك يا حاج .. الطيارة دى مش ممكن تقع فى البحر؟
- ممكن
- أها يعنى نصرف لى كل راكب (قارب نجاة)
- طبعن لا
- أها والطيارة دى مش ممكن تتعرض لى عمليه (قرصنة) أو إرهاب أو عصابه تختفا
- ممكن
- أها يعنى نصرف لى كل راكب مسدس وسكين
- طبعن لا
- والطيارة دى مش ممكن تنزل أضطرارى فى الإسكيمو
- ممكن
- يعنى نصرف لى كل راكب بالطو وبطانيه
- طبعن لا
- والطيارة دى مش ممكن تتعرض فى الجو لى ضغط عالى والشباك بتاعا ينشق
- ممكن
- أها يعنى نصرف لى كل راكب (مكنت لحام)
- طبعن لا
- الحاجات دى يا حاج مش كلها ممكن تحصل ؟
- أها يا إبنى يعنى عشان سلامتى أنا هسه أشترى منكم شنو ؟ إنبوبة رغوة ولا قارب نجاة ولا بالطو وبطانيه ولا مكنت لحام ولا مسدس وسكين ؟
- والله يا حاج لو عاوز تضمن وصولك سالما غانما تشترى (الباقه) دى كلها وح نعمل ليك عليها تخفيض و نديك ليها بى سعر معقول
- أقول ليك حاجه يا بنى ؟ ما عندكم (باراشوتات) ؟
- الباراشوتات فى يا حاج لكن المشكلة إنك بعدين تطلع بى وين؟
أقتنع الحاج بكلام موظف مبيعات أدوات السلامة الشخصيه حيث عدل عن (الباراشوت) وقام بإقتناء أنبوبة (رغوة ضد الحريق ) ، وبعد أن قام الحاج بحمل الأنبوبه أشار عليه الموظف بالمرور على كاونتر (وصايا المسافرين) حيث قابله الموظف مبتسما وهو يسأله :
- يا حاج وصيتك دى عاوز ناس البيت يستلموها بالسريع ولا عادى ولا بالنت ؟
- والفرق بيناتم شنو؟
- بالسريع يعنى ح يستلموها قبل ما تبقى (فحمة) يعنى قبل ناس المطافئ ما يطفو النار (بالمويه) وعادى يعنى عادى بعد ما تمشى المشرحة ويتم التعرف عليك والشغلانيه تطول
- طيب ده كلو عرفناهو قصت (بالنت) دى شنو؟
- أيوااا بالنت دى يعنى إنت بس تدينا الوصيه والإيميل بتاع ناس البيت ومع (الوقعه) طوااالى نرسلا ليهم بالإيميل
- والله يا ولدى (تكنولوجيا الكوارث) ما عندكم !
- وبعدين يا حاج فى حاجه مهمة لازم توضحا فى الوصيه بتاعتك دى؟
- اللى هيا أيه يا إبنى
- اللى هيا يا خال إنك لازم تكون (عارف) منو الح (يستلم) التعويض من (أحفاد أحفادك) ! إنت قايل يعنى سمونا (عارف) كده ساااكت ؟
|
|
 
|
|
|
|
|
| العنوان |
الكاتب |
Date |
| ساخر سبيل : عارف؟ | الفاتح يوسف جبرا | 07-02-08, 07:58 AM |
| Re: ساخر سبيل : عارف؟ | الفاتح يوسف جبرا | 07-02-08, 01:38 PM |
| Re: ساخر سبيل : عارف؟ | ناهد بشير الطيب | 07-02-08, 01:40 PM |
| Re: ساخر سبيل : عارف؟ | محمد سنى دفع الله | 07-02-08, 01:44 PM |
| Re: ساخر سبيل : عارف؟ | ناهد بشير الطيب | 07-02-08, 02:02 PM |
| Re: ساخر سبيل : عارف؟ | NEWSUDANI | 07-02-08, 02:29 PM |
| Re: ساخر سبيل : عارف؟ | الفاتح يوسف جبرا | 07-02-08, 04:57 PM |
| Re: ساخر سبيل : عارف؟ | ناهد بشير الطيب | 07-03-08, 00:09 AM |
| Re: ساخر سبيل : عارف؟ | الفاتح يوسف جبرا | 07-02-08, 05:07 PM |
| Re: ساخر سبيل : عارف؟ | الفاتح يوسف جبرا | 07-02-08, 05:11 PM |
| Re: ساخر سبيل : عارف؟ | ناهد بشير الطيب | 07-03-08, 00:00 AM |
| Re: ساخر سبيل : عارف؟ | الفاتح يوسف جبرا | 07-02-08, 05:16 PM |
| Re: ساخر سبيل : عارف؟ | Salahaldeen Nadir | 07-02-08, 11:03 PM |
| Re: ساخر سبيل : عارف؟ | الزبير صالح الزبير | 07-02-08, 06:41 PM |
| Re: ساخر سبيل : عارف؟ | حسين محي الدين | 07-02-08, 07:30 PM |
| Re: ساخر سبيل : عارف؟ | محمد فضل الله المكى | 07-02-08, 08:14 PM |
| Re: ساخر سبيل : عارف؟ | الفاتح يوسف جبرا | 07-03-08, 06:23 AM |
| Re: ساخر سبيل : عارف؟ | Salahaldeen Nadir | 07-03-08, 03:39 PM |
| Re: ساخر سبيل : عارف؟ | Nasr | 07-03-08, 06:26 AM |
| Re: ساخر سبيل : عارف؟ | الفاتح يوسف جبرا | 07-03-08, 06:33 AM |
| Re: ساخر سبيل : عارف؟ | خالد العطا | 07-03-08, 08:27 AM |
| Re: ساخر سبيل : عارف؟ | Nader Abu Kadouk | 07-03-08, 08:38 AM |
| Re: ساخر سبيل : عارف؟ | ابراهيم محمد الحسن | 07-03-08, 08:38 AM |
 Re: ساخر سبيل : عارف؟ | Adel Sameer Tawfiq | 07-03-08, 08:37 AM |
| Re: ساخر سبيل : عارف؟ | Hala Hassan | 07-03-08, 11:37 AM |
| Re: ساخر سبيل : عارف؟ | الفاتح يوسف جبرا | 07-03-08, 01:36 PM |
| Re: ساخر سبيل : عارف؟ | ناهد بشير الطيب | 07-03-08, 02:41 PM |
| Re: ساخر سبيل : عارف؟ | عمر الحبر | 07-03-08, 04:07 PM |
|
| |
الفاتح يوسف جبرا
فيس بوك
تويتر
انستقرام
يوتيوب
بنتيريست