يوميات الثورة السودانية – الجزء الثانى

Quote: عند حضور الطلاب اليوم للجامعة كالعادة وجدوا ان الكيزان قد حشدوا ناسهم من النيلين والإسلامية .. وبعد ده كانوا أقل من طلاب الجامعة الأحرار وبدوا الجمعية عمومية دون ان يتم توزيع خطاب الدورة والميزانية للطلاب . تم تلاوة المشاريع والميزانية .. في أقل من ساعة .. فتحوا فرصة للمناقشة .. الطلبة رفضو يناقشو أو تجاز الجمعية من غير ما يتوزع الخطاب ، وطالبوا بتوزيع الخطاب على الطلاب .. وفجاءة بدأ كوادر الكيزان القاعدين قدام فى فلق الطلبة بالكراسي ، والملتوفات جاءت من عمارة الليزر بالقرب من ساحة النشاط . وبالطبع الجمعية أجيزت بالتكبير وبالملتوف !!!! لحدي هنا قررنا نخش الجامعة نعتصم قدام مكتب المدير وعميد شؤون الطلاب .. عشان تتم إعادة الجمعية العمومية وتسليم نسخة من الدستور .. والطعن في نزاهة وحيادية اللجنة العليا للإنتخابات .. إنتظرنا الرد الكيزان كانوا شغالين مخاطبة بي ساوند بيكضبوا .. الناس ديل نسفوا الجمعية العمومية وما عارف .. مع العلم إنو لمن تخش الصيوان بتتفتش من راسك لحدي كرعيك .. وكان شايل إبرة ما بتتدخلها .. المهم .. عميد شؤون الطلاب .. قاللينا هنسلمكم الدستور .. ونستدعي لجنة الإنتخابات .. فإذا بنا نشوف فجأة الكيزان ، بيهاجموا مكتب المدير بالسيخ والملتوف ويدقوا الطلبة المتواجدين هناك من طرف .. بنات ع أولاد !! الكلام ده وين ؟؟ داخل مبنى الإدارة بالغربي . وبعد ما يطردوا الطلاب يدوا التحية .. للسيد عميد شؤون الطلاب !!! ده كل الحصل .. طيب أها والمفروض نعمل شنو ؟؟ قبل ما نعمل شنو .. مفروض نفهم الحصل ده حصل ليه ؟؟ الحصل الليلة مؤشر يدل على شيء واحد فقط لا سواه وهو ان الكيزان شعروا بضعفهم وانهم خسروا كل شيء وفقدوا ماتبقى من ماء وجههم ذاك الجزء القليل الذي كان ينخدع به بعض الطلبة لكن في العام المنقضي فقد فقدوا كل شيء وتبين لهم هذا الامر واضحا جليا ومافعلوه اليوم الا خير دليل على ذلك .. يعني جماهيرياً أنا ساقط .. وسياسياً ساقط .. ما عندي حل غير حل واحد ... إني أرهب الطلبة ووأدقهم .. يقوموا يخافوا أو ييأسوا .. أو أو .. ألتعرفو .. يا طلاب .. أكبر عدو لينا ما الكيزان .. العدو الأكبر هو اليأس والخوف .. نحنا بدينا طريق .. وقوفنا ويأسنا وخوفنا في وكت زي ده .. يعني بالواضح .. نحنا ضيعنا زمن في حاجة فارغة .. وأديناهم الشرعية يكرروا السيناريو ده علينا تالت ورابع .. وتاني يسرقونا وتاني يدقونا .. ونكون عايشين في الدوامة دي !! طيب أها .. الحنك شنو ؟؟ بكرة تقديم القوائم النازلة الإنتخابات .. أولا نحنا كوحدة نازلين نازلين لا مفر ..... !! الحصل الليلة بيورينا حاجة واحدة انو الكيزان سيحاولون الا تصل قائمة اخرى غير قائمتهم الى المسجل يوم بكرة . وبالتالي يفوزو بالتزكية .. طيب أها وانحنا نعمل شنو ؟؟ العليكم حاجتين بسيطات .. أولن توعوا ناسكم إنو يوم التلاتاء الإنتخابات .. لازم الناس تجي تصوت ..والأهم تحرس صوتها .. تاني حاجة .. بكرة الناس تقيف مع اخوانها عشان يوصلوا قائمتهم بكرة الصباح .. نفس الحتة بتاعة الجمعية العمومية .. بكرة الساعة 8 يكون الحضور .. أنحنا زهجنا خلاص من ال###### ديل .. صبرنا وسكتنا .. كفاية لحدي هسي ... ومتأكد إذا القائمة بكرة إتقدمت .. بنقطع شووووط كبير في تغييير الجامعة .. دي !!