|
|
 Re: حوار ساخن مع الأستاذة فاطمة أحمد ابراهيم! (Re: عبدالأله زمراوي)
|
الاخ عبد الاله سلام
جاء في الحوار :
Quote: جاءني الترشيح من الحزب وكنت غير موافقة وشاورت اهلي واشاروا عليّ بعدم القبول وقالوا لي: ان الناس ديل ضدهم كل عمرك.. ما تدخلي معاهم لانهم ما بنفعوا معاك ولا بتنفعي معاهم.. وكنت اقرب للرفض ولكن اجتمع الحزب وقرر ان ادخل المجلس الوطني فدخلت.. وبعد ذلك بفترة عرفت ان قرار الحزب كان هو الصحيح.. وان رفضي كان هو الخطأ!
* كيف أحسست بأن مشاركتك في مجلس وطني به «ناس الجبهة» خصومك هي الأفضل؟
لابد ان اكون مع وطني ومع بلدي.. وفي المجلس الوطني صوتي مسموع وقد شاركت في احداث التغيير وسأواصل مسيرتي!
* أعطينا أنموذجاً للتغيير؟
في مرة من المرات كنت خارجة من المجلس الوطني جاءتني بنت اسلامية من اتحاد المرأة وقالت لي: يا استاذة فاطمة نحن عاوزين نحجبك فقلت لها: تحجبوني على حساب الفقراء المساكين؟! تأخذوا اللقمة من فم الطفل والارملة وتودوني بها بيت الله؟! انتو قايلين دا حج بقبلوا ربنا؟! وربنا قال: (لمن استطاع اليه سبيلا) وانا ما مستطيعة ولن احـــج بيت الله الا باستطـــاعتي ووقت ما يريد الله ذلك؟!
وبعد ذلك اثرت هذه المسألة بقوة وجاء قرار وزير الارشاد سريعاً بالغاء هذا النوع من الحج! |
لقد فهمت من الحوار ان اسرة فاطمة احمد ابراهيم قد رفضت دخولها المجلس اللاوطني واستغربت جدا لاني قرات في حوار لها مع الزملاء بسودانيات ان اسرتها كانت سبب رئيسي لدخولها مجلس الجبهة الاسلاموية حتى انهم اصروا عليها بقبول الراتب كعضوة بالمجلس لان الراتب ( ما مدفوع من جيب الجبهجية ) على حد تعبيرهم كما اوردت فاطمة !!
هذه الفقرة انقلها هنا مع الرابط :
Quote: سودانيات :
أستاذة فاطمة نسألك عن البرلمان ومشاركتك فيهو ؟ البرلمان الحالي الناس غير راضية عنه وهو يمثل نظام غير شرعي ، شنو الممكن تقدميه بهذه المشاركة ؟
الأستاذة فاطمة :
الحقيقة لما الحزب عرض علي المشاركة ما كنت مقتنعة لكن قلت أستشير ناسي وأهلي بالذات ، إستشرت دكتور الهادي أحمد الشيخ وزوجته وبنات اخواتي وأزواجهم وقلت ليهم حتى لو دخلت البرلمان ما حا أخد منهم ولا مليم ، كلهم كوركوا فيني قالوا لي يا فاطمة إنت طول عمرك بتشتغلي مجانآ والقروش دى ما طالعة من جيبهم . دخلت وإكتسبت من تجربتي السياسية حكمة إنه الواحد لو لقي خرم إبرة عشان ينفذ بيه ويحقق شي من مخططاته ما يتواني علي الإطلاق ، قد يعارضوها لكن لما يدخل ويحقق الأهداف الما مقتنع بيقتنع . |
http://sudaniyat.net/vb/showthread.php?t=3200
والاغرب من ذلك ان فاطمة احمد ابراهيم كانت تنادي الكوز رئيس مجلس الجبهة الاسلاموية بكلمة سيدي الرئيس ؟!!!!!!!!!!!!!!!!!!!!!!!!!!!!!
Quote: بعد ما قرأ القرآن قال نفتح باب النقاش؟ رفعت يدي وما إنتظرت حتى موافقة قلت ليه يا سيدي رئيس الجلسة
ده شنو البتعملوا فوقو ده ؟ الورق ده وزعوه لينا أسه قدامك؟ تقوم تفتح باب النقاش فيه؟
قال : أنبه مرة أخري يجب توزيع الأوراق فبل وقت كافي!!
وقف واحد وقال ليه الموضوع ما يتناقش الليلة وقال ليه تؤجل المناقشة. وحمدت الله علي دخولنا لأنو حا تنكشف أشياء وأشياء.
في مرة جابوا موضوع دارفور واكتشفت فيهم شي أنهم الحاجة الهم عايزنها يختوها قدامنا ويعارضوها ..
ختو موضوع دارفور وقالوا الأميركان دايرين يدخلوا دارفور ويجيبوا لينا قوات دولية لا قوات الأمم المتحدة ولا غيره . هم دايرين الأميركان!! قمت رفعت يدي وقلت ليه سيدي الرئيس أنت النساء ما قاعد تديهم فرصة؟ قال لي إتفضلي قلت ليه عندي إقتراح يا سيدي الرئيس قضية دارفور لا يحلوها لينا الإنجليز ولا الأميريكان تتكون لجنة من الممثلين للمجلس ده بكل فئاته وممثلين للحكومة ونمش دارفور نقعد مع أهلنا ديل بكل الفرق بتاعتهم |
واعجب اشد العجب لتواضع الاستاذة فاطمة في التغيير اذ يمثل لها وحتى هذه اللحظة رفضها للبس الحجاب في حين ان النظام لا يزال كابتا للحريات ومضطهدات لحريات الشعب وقاتلا لابنائه فلماذا الاستمرار طالما لم تستطع احداث تغيير سوا رفض الحجاب ؟؟؟
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست