عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات..

Quote: HAIDER ALZAIN لاتصطاد الصداقات فى الماء العكر.. ولاتخرج ماكتبته لك فى ذاك البوست المسحوب وسابقه عن سياقه.. أول واحدة كانت فى بوست لعضو حزب أمة ضد عادل وثروت وكانت عبارتى كالآتى: شهادتى فى ثروت مجروحة كما (يقولون): فثروت يموت من العطش إن لم يتوضأ عادلى عبد العاطى.. فجئت أنت لتصطاد صداقة عادل فاخترت (يقولون) وقلت: برضوا قوالة (أو نحو ذالك).. ففهمك الفطير والذى أدى لردك المستعجل فى شيئين: الأول كلمة يقولون هنا ليست بمعنى قالوا لى أو قوالة بل تأتى بمعنى العبارة التى تعارف عليها الناس وصارت كالمثل أو الحكمة وعندما توضع بين قوسين تعنى أننى عندى رأى فيها.. ومثال لذلك أن تقول: أنا وأعوذ بالله من كلمة أنا كما (يقولون). والثانية هو الكلام مبنى على مواقف سابقة بين ثلاثتنا وأعضاء حزب الأمة.. ففهم أعضاء حزب الأمة بأننى أقصدهم كما فهم عادل وثروت المقصود بالضبط.. لذا لتفهم النقطة الثانية يحتاج منك لزمن فى المنبر لمتابعة مواقف الأعضاء لتفهم سياق مداخلاتهم.. وهذا ليس تصغيرا لك بقدر ماهو شرح لواقع يحتاج منك زمن لتفهمه بالمتابعة وذلك طبعا إن أردت ذلك . أما ماورد فى البوست المسحوب لصاحبته تيسير عووضة كانت مداخلتى كالآتى: ياتيسير نحنا مصدقين رسالة هشام آدم.. لكن أنا ودكين وآخرين مامصدقين ال14 رسالة من (المحترم) ولانطالبك بإنزالهن ولكن نقبل شهادة حيدر حسن ميرغنى لوحده.. وجئت أنت لتصطاد لنفسك موقف العاقل الرزين وكتبت بعد أن إقتبست جزء من مداخلتى: يا اخوانا قبل ماتنظروا أقرو البوست من الأول.. وهنا ولحداثة عهدك بالمنبر لم تقرأ ما أقصده بين السطور والذى يقود لروح المداخلة.. وهذا هو أسلوبى فى بعض البوستات ولا ألزمك بهضمه أو فهمه أو متابعته ولكن إن أردت الرد فاسأل عن مغزى المدخلة وإلا تحمل ردة فعلى.. فالشرح كالآتى: حيدر يفترض يكون شاهد يقرأ المسنجر وبأتى بشهادته كمافعل كمال عباس وذلك تجنبا لإنزال الرسالة الخاصة فى العام, وإلا كانت تيسير أولى بإنزالها مباشرة. حيدرأنزل الرسالة (بضبانتا).. وفى قراءتى للبوست لاحظت بعض عاشقى الشمار عايزين يشوفوا الرسائل ال14 كان أصدقهم دكين, فجمعت دكين ونفسى وآخرين لإشهاد حيدر على الرسائل وحيدر يفعل بجميعها مافعله برسالة هشام. وكل الموضوع لايعدو كونه مزحة مع صديقنا حيدر. فهل أوصلت لك ما أوجزته سابقا?

اها هسع وقت جيت عدلت كلامك المائل هنا والكتبتو بدون ما تقرأ ان شاء الله برضو بصطاد صداقة هشام ادم لووول ما قلت ليك انت انتيكة وتحفة ومفروض نعمل متحف هنا للناس الاثرية الزيك ونوثق ليهم ..!!

كلامك الفوق دا كله ما عجبتني فيهو الا كلمة يصطاد دي اتخيلت الكيبورد خرطوش كدة وانت بشتت في الكلام عشان فلان يبقي صاحبي وعلان يبقي عدوي بس اهم حاجة استفدتها اني اصطدت لوح زيك بيقرأ بوهمو الخاتيهو في راسو ..!!
طيب يا دكتور كما عهدتني بصلح ليك قراية نضارتك الغلط لانك ما بتتم البوست وعاوز تشارك بس باعتبار انك موجود النشرح ليك :
المدعو عادل عبد العاطي ود نورة بت ادريس بعرفو قبل ما اعرف انه في حاجة اسمها سودانيز اونلاين وقبل ما اعمل ايميلي دا زااااتو كويس ؟!! ولو عندك طريقة ياخي تصيدني عداوتو اكون شاكر ليك
المدعو هشام ادم يا دكتور اكتر زول انتقدو هنا وانتقد موقفو الاخير بدءاً من مؤتمر الاميين لغاية قصة الماسنجر الاخيرة ( انا ) مش لاني عدوهو لو دا فهمك للمواقف والمداخلات بقراية الوهم لكن لاني صاحبو وما بحبو يغلط ويكابر في خطأه ..! وقع ليك ؟! ولو ما وقع ليك كدي ارجع اقرأ كويس وتعال تاني شارك او ما تشارك بالمناسبة تسجيل المشاركة ما ضروري الضروري انك تثبت موقف ايجابي على ضوء فهمك مش تكتب والسلام ..
لا يا بلة يا تحفة ما بوست عضو حزب الامة هو البداية انت جيت شاركت ببوست انا كاتبو بنفس مشاركاتك دي بدون لا تقرا لا حاجة قريت العنوان بس ورديت على اساسه ووصفتني بالجهالة وقت قلت ليك ليه انا جاهل ؟ لماذا ؟ اثبت ؟ جيب سطر ؟ لجلجت زي جنس لجلجتك دي وقعدت تتزواغ وتاني ما شفت عجاج كيبوردك بالبوست البتة !!
كتب محمد حسن العمدة في بوست الونسة لو تتذكر ( اسأل موسي او محمد بلة )
وكان الموضوع ونسة اصحاب - يعني برضو ما بصطاد صداقتو - جيت انت القاري بوهمك ورديت باعتباره قاصد موسي بلة وصلحك ملاسي يادكتور وبرضك جيت تلجلج ..
في بوست تيسير السابق جيت بتقول دكين متفق معاك انه مافي 14 ماسنجر وعملت فيها تفتيحة وبتاع تاريخ طويل وسنير في سودانيز ودكين متفق معاك وجاء دكين صلحك .. وبرضك بتلجلج..
هنا قبل ما تقرا رد هشام ادم بس كفاك تشوفو بين حضور البوست قلت اتعلق بالقشة .. وصلحناك .. وبرضك تلجلج ..!
لييييه كترت التصليح والجلجة ؟
اقول ليك .. لانك بتقرأ بوهمك .. بتقرا بحكم مسبق .. بتقرأ بفهم الذاتية .. بتقرا بفهمك البتقولوا هسع بتاع اصطياد الصداقات وانه الصديق لوقت الضيق بسودانيز وانه صاحبي معاي ولو غلطت بي يبربر لي مهما كان ..
انت عارف روح المداخلات الانت قاصدها زماااااان فهمتها من ردك قبل ما تقرا مداخلة هشام ادم وجيت كتبت اتعلق بقشة لانك بتعتبر انه طالما ياسر طيفور حاول يشكك في مصداقية تيسير بالحق او الباطل وطالما هشام ادم مشكلتو مع تيسير فمفروض هشام ادم طوالي يتعلق في قشة ياسر طيفور ويقول ااااي كلامو صاح لو كان صاح او خطأ واليغرقوا لو غرقوا سوا .. بس للاسف هشام ادم خذلك وطلع عندو مبدأ وما بيتعامل بقصة عايرة وادوها سوط وجاء ثبت موقفو الاحترمتو فيه ست الشان نفسها .. انت البيجيب ليك الاحترام شنو ؟
هل بيجيبوا ليك لقب دكتور او انك في مسجل في سودانيز من سنة الفين واربعة وحايم فيهو زيك وزي غنم الاشلاق ؟ ما اظن دا بيوفر ليك الاحترام لو ما سمعت نصيحتي الزماااان ديك وانه قبل ما تضغط رد مفروض تقرأ وتفهم الموضوع هو شنو .. والناس بتكتب لي شنو .. والحاصل لآخر لحظة شنو ..!!
لكن تجي ناطي كدة عامل فيها ( كريس انجل ) وبتفهم روح المداخلات من قراية العنوان او من اسامي المشاركين بس وترد .. بتجي تلقي دروس مجانية زي البديها ليك دي - عساها تفيدك - وانت تبقي في اللجلجة وكلام تصطاد صداقات وانت اساسا ما فاهم انه الناس البداخل معاهم سلباً او ايجاباً مؤيداً او ناقضاً بيجمعني معاهم واقع غير الافتراضي الاسمو سودانيز اونلاين دا .. لكن وهمك ما بيخليك تطلع من عباية الاقدمية وفهم الروح ..

ياخي لونت صباحي الليلة وخليتو عال العال ...

انت بالجد تحفة واصل بالله ما تنقطع ومنتظر رد منك منفصل هههههههه