آدم الهلباوي أمش سوي ليك سواة رجال و سيب المطاعنات

Quote: أيووووووة جيت تاني مدردق يا عبدالرازق..أمانة( كراع البقر جيابة) مش المثل بيقول كدة ؟؟ والله يا عبدالرازق انا بصراحة عايز (أتسلى) بيك، لا أقل ولا أكتر، لأنه أي كلام جاد معاك بيكون مهزلة. انت شن راسك وشن قعرك؟؟ وتاريخك شنو جاي تتكلم اليوم عن تكسير القلل بعد ما نحن نفوت من حزب الأمة. والله لو انت حزب أمة ده يكون بقى حزب (لمة) مش أمة !! انت اصلا فهمك في الدنيا دي شنو وموقفك من نفسك ومن الحياة ومن الوجود شنو عشان الليلة يكون عندك موقف سياسي؟؟ وفاهم للضلال شنو ؟ انت عارف الواحد عشان يكون ضلالي لازم في الاول يكون زول (فاهم) يعني زول بيقرأ وبيفهم عشان يتخذ موقف، وموقفو ده ذاتو بيتغير بعد شوية لأنو دي طبيعة الناس البتفهم وبتقرأ. انت مشكلتك يا عبدالرازق انو حدودك العليا في القراية مجلة (الصبيان) وبعداك شوية تلاقيط من google وصدقني تلاقيطك دي عاملة ليك ازمة رهيبة في الكتابة لأنك بتلصق أي حاجة في أي حاجة..يعني حاجة (لبط) كدة. والله يا عبدالرازق انا متمني اقابلك عشان اقول حكمتو باااالغة..وسبحان الله خالق أينشتاين وخالقك واحد !! يا أخي انت بتفهم كيف؟؟وبي وين ؟؟ بتفهم بي رقبتك ولا بي كرعينك ؟؟ كوز شنو أنا يا (هلام) انت ؟؟ انت يا ريتك تلم في الكوزنة ذاتها. انت يا أخي ما في حزب بيقبل بيك أبدا لا كيزان ولا حزب الأمة ولا حتى حزب حجة كولنغ كولنغ !! ولله في خلقه شؤون، لكن انت شأنك غريب والله. قال كوز ومعترف بي كوزنتو؟ وانت اصلا متين قمت من وش الواطة عشان تصنف الناس وتحكم على ده وتقيم ده؟؟ يا خي انت تمامة عدد ساكت، قال رأي قال. وشنو؟؟ قال أنصاري ومنو جاي يشكك في أنصاريتنا ونكسر قلة وراك !! أنصاري وين يا اللخو ؟ ومن متين ؟ واسهامك شنو ؟ انت يا عبدالرازق وكت الدواس والنضال وبيوت الأشباح كنت تحت ياتو بطانية ؟؟ كنت مدسوس وين يا اللخو ؟ ما تزود المحلبية ما بعيد الاوضاع في السودان ترجع تاني للمربع الأول، تكون انت اتفاصحت وقلت أنا حزب أمة بعدين تلقى نفسك محشور في موقف بااااايخ ما عندك أي قدرة ليهو. هو انت قايل الشغلانية دي ساااهلة كدة، بس الواحد يقول انا حزب أمة وخلاص.اها كانت جاطت تاني انت بتدخل وين؟في....وزة؟ الحكاية ما حتدوم بااااردة كدة، اعمل حسابك. عالم وهم بشكل. لكن بي وهمك ده لذيذ والله يا عبدالرازق.لذيذ خالص.يا أخي انت كنت وين ايام صعلكتنا واركان النقاش؟ ما فات شي يا عبدالرازق.انا هسع ما عندي لا شغلة لا مشغلة غيرك، حأتفرغ ليك قول اسبوعين تلاتة اقزقزك واقشرك كويس واخلي الما يشتري يتفرج. ليه؟ مزاااج كدة.قلة ادب مني.عندك مانع؟طق راسك بالحيطة.ما عاجبك؟ احلق حواجبك.عامل فيها شفت؟ والله انت ما شفت الشفتنة بي عينك.وانا اصلا ما حأحسب شحمك ده شحم، ده يا عبدالرازق زي ما قال المتنبي ورم يا ورم. قال شنو قال ضلالي.انت العرفك شنو بالضلالي وغير الضلالي خليك في (جدادي) يلقط الحب ..وأجري انت معاهو فرحانين كلكم..انت والجداد. اقول ليك.. يا اخي قوم لف. بس ما تبعد بالله.خليك قريب عشان نتسلى. مشاهدينا الأعزاء..كونوا معنا خالد عويس .

(عدل بواسطة emad altaib on 03-30-2009, 05:24 PM)