السراي الصفراء ..

Quote: بما اني مكلف اني انجز الثورة الله و رقبتي .. و بما انو الشعب السوداني الفضل دا ما فضل منو كتير .. فآسف ياخ! لاسباب صحية و نفسية ما بقدر اعملا من دخان سجائري .. اضرار التدخين السلبي ياخ!؟ و نحن في ازبتاليا.

انا بس محتاجة فرصة اثبت نفسي ... اقول ليك كلام، اديني نفسي وانا الفرصة و الاثبات علي
على سيرة السميع الغلط، اختك صوتها مؤلم جدا
وما باحفظ الاغاني بس عندي قناعة داخلية
اني لو لقيت زول يتبناني فنيا ممكن ابقى كويسة

في يوم راكبين العربية بين مدينتين و صاحبتنا سايقة و متوترة
لانها سايقة عربية جديدة حقت صاحبتنا التانية - و صاحبة العربية
النوع النقاق العامل فيها GPS المهم الشاهد انا في المقعد الخلفي
طبعا شابكاهم ليك اغاني من الذاكرة الخربة و فاكرة روحي بطرّب
و بفط سطر و بفط لحن ... شيء رايع رايع فايت الروعة بهنووووك
و بتم الباقي خبيت في الشباك ترم تراالم
فجأة!
قركررررررررررروبح العربية وقفت والناس صنت
وانا لسه في عقاب مقطع بتاع عثمان حسين وبدندن
بتلفت انو في شنو؟ لعلو خير؟!
قومي يا صاحبتي السايقة و هبي فيني
(( Shut up! or get off the car
ما معقولة ياخ! لا لحن لا صوت لا هناي! وترتيني ياخ! ))

براااااااااااحة اتلفت للشباك و دندنت ليك "غضبك جميل زي بسمتك"

غايتو اليوم كان ظريف والله و اتغدينا في مطعم على البحر ..
يا سلام ذكرى جميلة ياخ لووووولز

_____________

اوعك تسألني لو اتحسست!
لاني حاتحسس من السؤال لانو طبعا لأ!
ما اتحسست ...
قول ليه؟
اقول ليك ليه ...
مشاعر تبش ... نفسيات حديد بس
و تعالوا نغنى غنى الايام الجايه كتير
ونفرح بيها سماء السودان
تعالوا نلم الوان الطيف الفى الخرطوم
ابناء شعبى والفى امدرمان