هُشام آدم لم افهم وجهة نظرك فيما يخص حمور ...

Quote: فهل فعلاً أنحنا محتاجين نغيّر القوانين دي؟ يعني هل أنحنا دايرين نزيل الرقابة نهائياً؟ يعني أيّ واحد يكتب أيّ حاجة وبالطريقة اللي بتعجبوا وعلى الآخرين احترام الحاجة دي ليهو؟ هل دي فعلاً حرية أم فوضى؟ أنا شخصاً أعتقد إنها فوضى، لأنو بكره ممكن نجي نقرا لينا قصة فيها ذكر للأعضاء الجنسية باسمها الوااااضحة الما فاضح، وما في زول حيقدر يقول ليهو تلت التلاتة كام، ولا في زول حيقدر يقول إنو النص ده خادش للحياء العام، ببساطة لأنو فقرة "خادش للحياء العام" دي حتكون اتلغت من القانون، وما في رقيب زاتو عشان ما يحدد العيب من الما عيب. يبقى الحل شنو؟ الحل في رأيي لازم يكون في رقيب واعي عنده أفق معرفي وثقافي متقدم ومستنير وإنو الناس تحترم وجهة نظر الرقيب وتقبل بقرارتو وما تحاول هي كمان تمارس دور الرقابة على الرقيب. الحرية بأي حال من الأحوال ما مرادف للفوضى، وما في حرية مطلقة أبداً.