ممثل الحركة الشعبية شمال بأمريكا وسفيرة الإنقاذ (حصان طروادة)..

Quote: نواصل مع كادر "عاش ابوهاشم" محمد يسن: وماهي بذور العنصرية هذه، البحاضرنا حولها، جلابي زي محمد يسن؟ هل بلغك يا محمد انو العميل سليل العملة، شيخك، بورد سودانيات للسعودية، للعمل في قصور سادته العرب، بعد ما يقوم باستلامم كاطفال من اهاليهم، هبة، او عطية، لله ساكت، باسم الطريقة، لانو جمل الطين مثلا، جدو الرسول او كده؟ عندك وش تسوي عنصرية او دي ممارسات زعيم طائفتك؟ بالنسبة للجلابي صاحب الحظوة بالميلاد، انور، فحقيقة امر فرضو علي القواعد بالقوة، او بلا ادني مؤهل، وهو الجلابي، وهم مهمشي الجلابة، ينطوي علي استعلاء، بغض النظر عن النوايا، يبرر مثل هذا الاستنتاج، في اذهان من استنتجو هذا. اذن الصاح في موقف زي ده، قيادة الحركة، تاخذ هذا الاستنتاج، ماخذ جد، ك"فييد باك" او تعمل حاجة. اذن الانتا بتسوي فيهو ده، لايخرج عن اطار الارهاب الفكري المعهود في الخطاب الجلابي، لقهر، احرار الهامش، او تدجينم من جديد. Quote: الذين لن تهمهم أي فرقعات هوائية ناتجة عن كيديات شخصية نجمت عن تجاهل البعض لهم. تري ماهي هذه الكيديات الشخصية من قبل بشاشا، او موجهة ضد من؟ لو عرمان فلاعلاقة لي به، من اي نوع، لتكون ارضية لاي كيد، فمافاهم انتا بتتطاعن او بتقول في شنو زاتو؟ بالنسبة لي انور، نعم اعرف انور معرفة شخصية، بي معني اتلاقينا او اتونسنا او كده من كم او عشرين سنة والسلام. خارج السودان او من الزمن داك لم التق بي انور الا هنا، زيك واحد. العكس، لو كنت زيك، بلا زمة، مجاملاتي، كان الاحري ان اقف الي جانب انور كما يفعل كودي، بحكم الصداقة ما بين الاسرتين! فما مسوغ ما تتصورو كيد، اذا ما حصل اي احتكاك من اي نوع مع ايا من هؤلاء؟ نعم، عرمان تحديدا، انطباعي الاول عنو لما لاقيتو، كان سئ، بل بطني طمت منو، لما شفت تعاملو مع منظر اخواتنا من الجنوب، وهن، بحبن في البلاط، علي الركب، في شكل صف، لتحيتو، من باب الوفاء لي دورو في الحركة الشعبية. فهل ياتري هذه الخلفية تصلح كاساس لي كيد شخصي من بشاشا تجاه عرمان مثلا؟ لو كده، كتر خيرك، علي الاطراء! ولكن نمشي او نجي او نقول، انك كربيب طائفية، بتفهم الراي الاخر، بالذات في "الشيوخ" بي فهمك، ككيد، مؤامرة، وما شابه! هذا طبعا نفي، لي مبدأ امكانية، تصويب، شيخ الطريقة، اي الانسان الكامل في وعيك! بقول ليك تلقينا مكالمات من خارج امريكا، او من قادة مكاتب الحركة، بخصوص موضوع "انورقيت" هذا، تقول لي كيد او ضغينة، يا بتاع "عاش ابوهاشم"؟ مرة اخري راجع عدد نقرات هذا الخيط او تعال تاني سوي ضغينة او تجاهل! لا ادري من تجاهل من، ولكن لو في مسؤول في الحركة تجاهل احد ناخبي الحركة، فهذا عيب، يمس فهم، ادراك، وعي هذا المسؤول اكثر منو مساس بي ناخب الحركة هذا، ولكن مرة اخري، صعب توصيل مفاهيم كهذه، لي ربيب طائفية زيك، للاسف! فانت فاهم كل شئ بالمقلوب، وحتظل كده، الي ان يتحرر وعيك من الاستلاب الطائفي، لو ده ممكن، في زي عمرك ده! عالم!