زعيم الكبابيش الراحل الشيخ المر//عبيد الطيب (ودالمقدم)
زعيم الكبابيش الراحل الشيخ المر) الكاتب: عبيد الطيب (ودالمقدم) الإثنين, 24 تشرين1/أكتوير 2011 13:03 والمر هذا هو زعيم الكبابيش الاستثنائي الشيخ محمد ابن السير الشيخ علي التوم ناظر عموم قبائل الكبابيش وعندما توفي شقيقه الاكبر الشيخ التوم علي التوم ناظر عموم الكبابيش واول ناظر للكبابيش بعد والده السير علي التوم خلفه الشيخ محمد علي التوم (المر) لان ابن الشيخ التوم الناظر الشيخ حسن التوم والد امير الكبابيش الحالي التوم حسن كان صغيرا لذا صار عمه الشيخ محمد (المر) وكيل نظارة عموم الكبابيش ورئيس كل محاكمها الشعبيه من ام قوزين و ام سنطة وحمرة الشيخ غربا الي فتاشه شرقا ومن ام بادر جنوبا الي ام قرين وعد احمد وابوسفيان ودادي هور شمالا وكل قبائل السودان تعرفه وخاصة قبائل كردفان ودارفور ويعرفونه نظار القبائل وزعماء العشائر لانه موضع تقديرهم بشجاعته وحكمته التي دائما ما يكون لها قدح السبق في الصلح بين القبائل والشيخ المر هو الزعيم الكباشي الذي اوقف العداء مع كل القبائل المجاوره وخلق معها علاقات وطيدة وقوية ومتينة وصداقات راسخة الي يومنا هذا والمر هذا هو الزعيم القبلي الذي قال قولته المشهورة للزعيمين السيد الازهري والسيد المحجوب ( احزابكم دي ماعندها رماد خشمها اذا ما خدمتو لينا مناطقنا وعملتو الدوانكي والمدارس والشفخانات باكر بتجي الانتخابات ونحن النظار سوف نرشح ودابوسن والله ود منعم منصور وبنفوزو وبنسوي رئيس) والمر هذا هو الزعيم القبلي الوحيد الذي اوقف بما يسمي بكتائب مايو في منطقته وقصته مشهورة مع الرئيس الراحل جعفر نميري والمر هذا امتدت صداقاته خارج السودان وله علاقه وقصة مشهوره مع الزعيم المصري الراحل جمال عبد الناصر وقد اهدي له الزعيم عبد الناصر بندقيه في احدي زيارات المر لمصر رايتها بعيني والي الان عند ابنائه و المر هذا له علاقات وطيده وقوية مع بعض شيوخ القبائل الليبيه والتشادية لان الكبابيش في رحلة الجزو يتوغلون حتي حدود ليبيا وتشاد وحتي عندما توفي الزعيم المر بكاه الجميع ورثاه الشعراء وامتد رثاؤه خارج السودان الي مورتانيا و حتي الكاتب الصحفي المعروف والباحث الكبير في الفن الشعبي الراحل المقيم الاستاذ الطيب محمد الطيب كتب مقالا مطولا بجريدة الايام بعنوان (نجم الكبابيش الذي افل) لا نريد ان نعدد مناقب الزعيم المر لان اكثر اهل السودان يعرفها ولانستطيع حصرها وان الفنا مجلدا ولكننا احببنا ان يعرف القاري من هو المر الذي ذكره عرضا الدكتور العاقب ومادام الدكتور العاقب بصدد الكتابة عن الدوبيت ومن محبي الدوبيت نورد بعض الدوبيت الذي قيل في مدح الشيخ المر وبعض حكايات كلابه الشهيرة وجماله والمر هذا لقبه وايضا لقب بازرق وبابو ام عزين وابو التوم وابويعقوب تيمناً بعمه فارس النوراب المشهور محمد ودالتوم وما اروع الشاعر محمد احمد سعيد الكباشي الربيقي حين يقول فيه ان زاينتو ما بتقدر تكمل زينو وان خاصمتو خط سنتين بينك وبينو تمساح بحر موية الكتير عنينو تصاقر الشَم ولا اللزرق تحامرك عينو وكذلك يقول فيه احد شعراء الكبابيش:- ازرق يا دقَر كردة النوايحك فاحَنْ وياضٌلي وضراي يوم الخلوق الجاحنْ يا أطُرْد الحلب خلّي العقول يرتاحَنْ يا سيبونا عقبان الملاعب راحَنْ والشاعر المجيد النور شيخ ادريس ما اروعه حين يقول فيه :- علي النظَار قدل بي فاشرو كسّار غارِب البدنيهو بمشي يكاشرو بي نصر الملك مولاهو ربو مِباشرو بتقِلب دقر حمَام وجنُّو نواشرو تمساح المهده الكاسر جسمو عشاري في التنين مراقدو جواسِر بتْهمك الخصيم نامن يطيع متقاصر مبسوط منك آ زنق التريا العاصِر اصيل نورابي ماك مجهول اصل في حيرا والتضغط عليهو بتوري الصفيه وريرا يا ابو التوم جليس جقله ام فواقاً ديرا خيلك مدرعات متل البنات في السيرا ثم احد الشعراء يقول فيه مسدارك علي جيهة ام عمد وام حايمي ونايبك كك بشيل عضم الضهر والقايمي تسدّد في قضاياك والكبابيش نايمي جيداَ جيت تسبت ها النفوس القايمي ثم الشاعر محمد فضل الله العايدي الكباشي يقول فيه هو واخوانه:- يا با دِي النُجوع ما شفت خير السيد قطاع الفجاج فوق المِصاعو جديد شَلَعْ (ام حوش) وقام من (الطويشة ) صعيد ودي الولد البصوقر في (البطيحة) رشيد عبد الخير ركِب ليها وباقلها عقيد دليل الْبِلْ بقول المَرْقَه في الويحيد ياناقه اصبَّري براق دُوانه بعيد هبارت الزّرار امانه عندك سيد سلطان بي جوابات الكتابه بفيد ابوام عزين جليس الفاها مو تقليد الفي جوارك بخيت والفارقك جِلّيد نقارتك تُقُحْ نزلك علوهو بعيد وابوالتوم جليس ام شوره عنز اللّيد نزلت (ام قوز) نحاسك لي القبيلة بكيد ابوعلي فارس ام دروع وحديد وعجل ام ناطِحْ الفي الجبها قرنو فريد وبحر المالح الفوق الكباري بزيد عِتلكم بقلع الرفه وعليها شديد وقدحكم بقرع الالفين يوم العيد وميزانكم تقيل في الحاره مالو نديد اما قصة كـلـب الفرجوني قد زكرها الدكتور في كتابه ولا داعي لتكرارها ولكن هنا احب ان اورد قصتين الاولي عن كلاب الشيخ المر والثانيه عن جمال الشيخ المر معروف ان الشيخ المر عليه الرحمة كان مهتما بتربية الكلاب لانه منذ صغره كان مولعا بالقنص والفروسية وتربية النجائب من الجمال والابل ورايت بعيني جماله بعضها من دامر المجزوب وبعضها بيجاويات ابو الطيب المتنبي من كسلا التي من سلالتها جمل ابنه الشاعر علي الشيخ الكسلاوي (الكسلاوي داك ماببيعو طامس قلبي بي بارد الخبيب ونجيعو اضليم حمره كولا الفي هواهو وريعو يوم ساقوهو لندن زاتها حقو تزيعو) وجلبت خصيصا للفزع وراء السرقات وللسباق في المناسبات وحتي بعضها من نجائب الزعيم الراحل يوسف الهندي وصدقوني كان هذا الزعيم كل حيواناته تختلف ويقتنيها بدقه وكانت مرحاته من الابل مميزة جدا الابل (البيض- الزرق – الحمر – الصهب)وحتي حميره كانت تختلف عن الحمير المالوفه في البادية وكنا نتعجب ونحن صغار حين نرى حميره (البرق) لذا جلب شيخنا الكلاب من رفاعة ود ابوسن وهجنها لا ادري من سباع او ذئاب او كلاب اخري وجلب لها المدربين حتي صارت متفرده في كل شئ في سرعتها ومطاردتها للصيد وفي قوتها وافتراسها وقتلها للزئاب والضباع وقد كان الشيخ كثير الاسفار في بادية الكبابيش لانه رئيس كل محاكمها الشعبية وعندما كنا صغار كنا نتعجب عندما نرى كـلـبه الشهير (عكام) يجري وراء سيارة الشيخ الميركري باقصي سرعته وحين يدركها يقفز فوقها ويجلس في مكانه المخصص له وفي احدي الايام اغتال عمال التاجر المعروف بمنطقة ام سنطة عمنا محمد احمد مركزالشهير (بودفعيم) احد كلاب الشيخ عندما نصبو له شركا ولقد غضب الشيخ المر غضبا شديدا لان هذا تعدي علي اعز ممتلكاته ناهيك علي انه المر والكل يعرف سطوته وباسه ولكنه صمت ولم يحرك ساكنا لان ودفعيم غريب لم يكن من الكبابيش لذا طلب منه ان يغادر الشابين اللذان قتلا الكـلـب علي الفور منطقة ام سنطة ولكن الشاعر يوسف عبد الماجد (كُريَتْ) من التجار بمنطقة ام بادر وهواصلا من الدامر واستقر به المقام بام بادر وكان صديقا للشيخ المر وله مراثي جميلة في المشايخ ارسل الشاعر (كريت) قصيده جميله للشيخ المر يرثي فيها الكـلـب يقول فيها:- البارح هناك بعد الخلوق مانامو ناس ودفعيم شمروا السواعد وقامو نصبو الشرك لي الكَلِب قدامو عملوها المابحقو العشره مابنلامو شوف الجماعة فوق الكـلـب كيفن هاشو لا عاملين حسابوولاسيدو خايفين باسو ود اللمين استعدالو بي طرباشو والفاضل هناك راجيهو بي تركاشو اتلمو فوقو تقول مساطيل بنقو قالو اندودرو في القطيه جوه نَزنقُو عبدالله سوالوالحبل في عنقو نورين دوخو وعجبنا قام بي شنقو رئيس الشرطة عليك تكلنا اللوم وين دوريتك المفروض عليها تحوم اجمع خدمتك حرك سلاحك قوم كـلـب المر كتل سيب الرقاد والنوم كـلـب المر ماهو كـلـباً عادي وسبيب الخيل سبيبو ولونو باقي رمادي مقوّس ضهرو ومن قفاه متسادي اصلو اوربي جي من المحيط الهادي من ماقام صغير مادجا بي الفرقان ومافتح المخازن وحرك البيبان جي مارْ مرور من كل شي قنعان نصبولو الشرك في شارع الدكان من ماقام جرو مالحس مرحاكه وما ناص شهق عند الكمشه والمفراكا وما دج بي الفريق طارد الجداد الكاكا ومافتح المغطي ولي الدخول اتاكا واسفاي ماكتلوك سود عربانك وماكتلوك عند دار ام بخيت جيرانك وما كتلوك قريب نا س قريش فرقانك انت رقدت لكن مابتنطفي نيرانك جمعية الرفق بي الحيوان ارسلت برقيه وتاني استنكرت بي اشارة لا سلكيه قالت يازعيم لازم تقيمو قضيه 100بقرة يدفعها ودفعيم في الديه اما عن قصص الشيخ المر مع الجمال كثيره سوف اتطرق لها لاحقا ولكني اختم ببعض اغاني الشيخ المر لانه كان شاعرا : تفاح دنقلا البلغ النجاض فوق اكلو طامس واحدين ضوقو وعجايب شكلو همهاد ديسو فوق نهادو متشربكلو واني عارفو ببهدل الكاشم نديدو ضحكلو ليمون سودري الفو قو السواري اترادنْ الني ضاربو النسام فروعو اتقادنء ديفة الطاردن وادي الفتيك ماعادنْ واح من جمرة الخطواتو ما بنصادنْ هاكع من وري وقدام طوال سيقانو قطّاع العتامير الكبار قيزانو الكليق بلا قعاد العرب شن هانو سيدو مقاصر المتل البروق سنانو (عدل بواسطة munswor almophtah on 06-06-2012, 01:06 AM)

العنوان	الكاتب	Date
زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-06-12, 00:53 AM
Re: زعيم الكبابيش الراحل الشيخ المر//عبيد الطيب (ودالمقدم)	حسن مضوي	06-06-12, 01:59 AM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-06-12, 09:03 AM
Re: زعيم الكبابيش الراحل الشيخ المر//عبيد الطيب (ودالمقدم)	حمزه بابكر الكوبي	06-06-12, 10:23 AM
Re: زعيم الكبابيش الراحل الشيخ المر//عبيد الطيب (ودالمقدم)	Yahia Abd El Kareem	06-06-12, 10:45 AM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-06-12, 10:15 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-07-12, 01:20 AM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-07-12, 10:15 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-08-12, 04:07 AM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-08-12, 10:41 AM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-09-12, 00:25 AM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-09-12, 11:18 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-11-12, 01:39 AM
Re: زعيم الكبابيش الراحل الشيخ المر//عبيد الطيب (ودالمقدم)	Yahia Abd El Kareem	06-11-12, 10:59 AM
Re: زعيم الكبابيش الراحل الشيخ المر//عبيد الطيب (ودالمقدم)	عبدالله الشقليني	06-11-12, 05:31 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-12-12, 09:54 AM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-17-12, 12:00 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-17-12, 09:01 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-18-12, 10:56 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-20-12, 11:59 AM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-20-12, 10:05 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-21-12, 09:47 PM
Re: زعيم الكبابيش الراحل الشيخ المر//عبيد الطيب (ودالمقدم)	munswor almophtah	06-21-12, 10:28 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]