|
|
 ما احنا فاضين بعد ده - ما يلي ردي ليك يا خضر حسين
|
كفارة شالو بوستيك بمويتو و شروهو ليك في حبل النسيان ...
هنا ردي ليك كان ما لحق ما ابتدرته و اتزاملوا في الحبل
____________________________________________________
كل سنة و انت طيب يا خضر و القابلة امنياتك طوع يمينك ..
كدي خلينا يا قريبي من لغة يارا لانها زي ما قلت بتتقال هنا بالمغتت و المكشوف
انحنا ما جايين نربى من أول و جديد والفاقد التربوي مالي الأفق العريض ..
اها ..
السيرة هنا ما سيرة مفصولين ولا سيرة مسجلين ... السيرة يا كبيرة شديد يا هينة شديد
في كلا الحالتين في داتا كبيرة قاعدة تضيع وبرانا متأخرين في التدوين و لو شالنا طوفان ما تلاقي وراك أثر
وياهو قدر الفي ضاع لا ايدنا لا كراعنا ...
الحل؟
قفل المنبر بيعطل الوصول للداتا و بيمسح تاريخ كامل بكل الجلبطة الكانت فيهو ...
اها ... نقعد كده في منبر متداعي الاطراف و تبقى ملفاتنا و خصوصياتنا في مهب ريح؟ برضو ما جاية..
الحل؟
ننقل الداتا الأول لمكان آمن و بعدين نرجع نشوف حال المنبر بشكله التفاعلي ..
طيب وما يترتب عليه ده على منو؟
على بكري برضو؟
بكري خلفنا و نسانا ولا شنو؟
الهكر ده لو علمنا شيء يعملنا انو مافي شيء (فور قرانتتد) وانو الضامن جاحد ما شاكر ...
ما هاماني لغة يارا و لا لغة الجايين من بعده، ما يقولوا الدايرنه هو الكلام بيلزق في الهدوم؟ ما كلام طاير في السايبر
البيهمني (الداتا)
أمنو لي الداتا بقضها و قضييضها بخرمجتها و هلوستها و باقي ما تبقى هين ان شاء الله نتشرد و يتلقانا الشتات
لانو باكر وبعد باكر حنلاقي نفسنا في الصقيعة
جرايدنا متصادرة و مقالاتها منخولة ناعم
و التلفزيون ايدك و الأرض
و الغربة حارة و اللي اتكتب هنا ما قليل و لا هين ..
و نحاور ياتو يارا ونخلي ياتو يارا؟
يا خيّ الحاصل ما لازمو حوار، لازمو مراجعة نفس من أول و جديد ...
الثبات .. الثبات
____________
ال في العروق دا مُو دمِّهُن ..
دمَّك .. يا أخيِّي ..
ودمِّي أنا ...
الَنَار تَقِيْد فِى الَكَان سَبَب
يَا الَضّو بِيُوتَنَا يَوقِعُو
اللّه يَجَازِى الَكَان سَبَب .. يَا الَضّو بِيُوْتَنَا يَوَقِعُو
نَهَجِر بَلَدَنَا نَزِح هِنا
كان سُلْطَة ينْسلّط عَلِيها .. أكَّان لِجانَّا يلجِّنا .
(حميد)
|
|
 
|
|
|
|
|
| العنوان |
الكاتب |
Date |
| ما احنا فاضين بعد ده - ما يلي ردي ليك يا خضر حسين | عزاز شامي | 12-12-08, 11:05 PM |
| Re: ما احنا فاضين بعد ده - ما يلي ردي ليك يا خضر حسين | الوليد محمد الامين | 12-12-08, 11:22 PM |
| Re: ما احنا فاضين بعد ده - ما يلي ردي ليك يا خضر حسين | showgi idriss | 12-12-08, 11:45 PM |
 Re: ما احنا فاضين بعد ده - ما يلي ردي ليك يا خضر حسين | saadeldin abdelrahman | 12-12-08, 11:59 PM |
| Re: ما احنا فاضين بعد ده - ما يلي ردي ليك يا خضر حسين | Adil Osman | 12-13-08, 00:00 AM |
| Re: ما احنا فاضين بعد ده - ما يلي ردي ليك يا خضر حسين | عبداللطيف حسن علي | 12-13-08, 00:16 AM |
| Re: ما احنا فاضين بعد ده - ما يلي ردي ليك يا خضر حسين | خضر حسين خليل | 12-13-08, 06:16 AM |
| Re: ما احنا فاضين بعد ده - ما يلي ردي ليك يا خضر حسين | عزاز شامي | 12-13-08, 10:05 AM |
| Re: ما احنا فاضين بعد ده - ما يلي ردي ليك يا خضر حسين | خضر حسين خليل | 12-13-08, 10:08 AM |
| Re: ما احنا فاضين بعد ده - ما يلي ردي ليك يا خضر حسين | mayada kamal | 12-13-08, 10:46 AM |
| Re: ما احنا فاضين بعد ده - ما يلي ردي ليك يا خضر حسين | خضر حسين خليل | 12-13-08, 11:02 AM |
| Re: ما احنا فاضين بعد ده - ما يلي ردي ليك يا خضر حسين | Ishraga Mustafa | 12-13-08, 11:19 AM |
| Re: ما احنا فاضين بعد ده - ما يلي ردي ليك يا خضر حسين | mayada kamal | 12-13-08, 11:27 AM |
| Re: ما احنا فاضين بعد ده - ما يلي ردي ليك يا خضر حسين | خضر حسين خليل | 12-13-08, 11:40 AM |
| Re: ما احنا فاضين بعد ده - ما يلي ردي ليك يا خضر حسين | عزاز شامي | 12-13-08, 11:53 AM |
| Re: ما احنا فاضين بعد ده - ما يلي ردي ليك يا خضر حسين | Ishraga Mustafa | 12-13-08, 12:32 PM |
| Re: ما احنا فاضين بعد ده - ما يلي ردي ليك يا خضر حسين | showgi idriss | 12-13-08, 05:30 PM |
|
| |
فيس بوك
تويتر
انستقرام
يوتيوب
بنتيريست