|
الريدة وسط «صُنان» الغنم و«لبليب» التيوس
|
10:40 AM Mar, 23 2015 سودانيز اون لاين طارق جبريل-المغرب مكتبتى فى سودانيزاونلاين
انتو يا جماعة ريدة بت الجيران ديك انتهت ولا لسة في... طبعا كانت أأمن حتة هي بيت الغنم لانه بيكون قصاد بيتهم في حتة ميتة كدة ما فيها حركة كتير.. اها تقوم تنسرق مع المغربية بعد ما يحلبوا الغنم تدخل بيت الغنم وتقعد في البنبر حق الحلب داك.. وتصنقر تقعد لامن الجكسوية تجي تطلع ليها في بنبر وتمد راسها بالحيطة زي المسجل المفاتيحو كلهن اتكسرن وفضل بس مفتاح الplay... واصلو وانت منتظر في الجمر وما تقدر تقول بغم وانت بقى تيس الجن قعد يلبلب اصلو كان مناك تمسكه تخنقه لامن يفطس وان بقى في غنماية عندها (أبو قِنٍيتْ) أصلو تقعد تهبب فيها بي كرتونة ولا هبابة وان كان ليك تديها بخة بي البخاخ حق ناس الازمة داك وكتين ينضايقوا ويقحقحوا فشان امك ما تجي تشوفها... ومرات علي التعترك التيس يجي ينكرش في ركبيك وانت قاعد ممحن منتظر دة ان بقى ما قال شوووووو كبى مويته في سفنجتك ولا بطنه تكون مغلتة عليه وقال كدي بٓعٓر في حجرك... نان انت بتقدر تقول شي.. ماك ممكون صابر وتمني نفسك بي حنك حنكين من الجكسوية... وباقيلي ريحة صُنان التيس دة تبقالك بس صندلية والعجب ان بقى المراح فيه جدادة راكضي...وحات الزينين تنقد في اصابعينك وانت مبنج وراقد كاويق متل الناس العندهم سكري وماهن حسين بي رجليهن... وكمان بقى عندكم تيسين وقاعدين يتناطحو مرات تللللللل النطحة في نص ضهرك بس تقنت وتاكلها.. والزغاليل في الصفايح تمد فنانيسها وشووووو في قميصك وان بقى في نص شعرك تحسبو سخخخخخخخن ما مارق طازة بعد الزغيد... غايتو تشيل الصبر وتنتظر واصلها وكتين يظهر رويسها من فوق الحيطة تجيك خمة نفس وابو الشهيق وعيونك ديل يزغللن بس تبقى فاضلالك الريالي... غايتو وكتين تاخد حنك الريدي وتجي مارق تكون ريحتك مصنني وسفنجتك ملياني فوق تحت بعر ونصايب جداد... يمين ان قابلتلك زول وشماك يكون شاكي انك كنت ميت ومدفون وطلعت من القبر.... الله لا كسبكن ياخ ريدتكن أماني ماها كانت صعبي وتسل الروح..... هههههههههههههههههههههههههههههههههههههههههههههه
|
|
|
|
|
|
|
العنوان |
الكاتب |
Date |
الريدة وسط «صُنان» الغنم و«لبليب» التيوس | طارق جبريل | 03-23-15, 11:40 AM |
Re: الريدة وسط «صُنان» الغنم و«لبليب» التيوس | عواطف ادريس اسماعيل | 03-23-15, 11:47 AM |
Re: الريدة وسط «صُنان» الغنم و«لبليب» التيوس | ismeil abbas | 03-23-15, 12:14 PM |
Re: الريدة وسط «صُنان» الغنم و«لبليب» التيوس | طارق جبريل | 03-23-15, 02:42 PM |
Re: الريدة وسط «صُنان» الغنم و«لبليب» التيوس | طارق جبريل | 03-23-15, 12:32 PM |
Re: الريدة وسط «صُنان» الغنم و«لبليب» التيوس | قسم الفضيل مضوي محمد | 03-23-15, 02:52 PM |
Re: الريدة وسط «صُنان» الغنم و«لبليب» التيوس | طارق جبريل | 03-23-15, 05:14 PM |
Re: الريدة وسط «صُنان» الغنم و«لبليب» التيوس | Osman Musa | 03-23-15, 03:35 PM |
Re: الريدة وسط «صُنان» الغنم و«لبليب» التيوس | طارق جبريل | 03-23-15, 05:15 PM |
Re: الريدة وسط «صُنان» الغنم و«لبليب» التيوس | mekki | 03-23-15, 06:09 PM |
Re: الريدة وسط «صُنان» الغنم و«لبليب» التيوس | طارق جبريل | 03-24-15, 10:34 AM |
Re: الريدة وسط «صُنان» الغنم و«لبليب» التيوس | عبدالحليم حامد النعيم | 03-24-15, 12:48 PM |
Re: الريدة وسط «صُنان» الغنم و«لبليب» التيوس | طارق جبريل | 03-24-15, 10:21 PM |
Re: الريدة وسط «صُنان» الغنم و«لبليب» التيوس | Osman Musa | 03-25-15, 08:23 PM |
|
|
|