واشنطن : معارضين فى ضيافة الامن ؟؟؟؟؟

Quote: سيف مصطفي الليل هود برجع ليك باكر الساعة عندي اسه 2 صباحا انا يا سيف ما بنادي بي صفوية ولا عاوز اغتغت لي زول و نوع كلامك ده واحد من الحاجات الخلت سودانيزاونلاين تتحول لمكان لتصفية ثآرات شخصية لا إجتهاد في دفع العمل العام للامام. يعني يا سيف جملتينك الاوائل ديل بس كافيات للإطاحة بالبوست ده و تحويلو لي بوست نبذ و شتائم و حقي و حقك و لانو انا متأكد انو ده ما غرضك ولا غرضي حا إتجاوز عن كلماتك دي , عموما كلامي انا قلتو داخل البوست ده , انت ما عندك وكت تقرأ كلامي كلو .. ياخي ده ما ذنبي لكن برضو ما تجي ترمي لي كلمتين ملغومات زي ديل و بعدهم تقول لي يا طارق يا اخوي انت ما عارف نحن هنا ممكونين كيف , اضبط كلامك فيما يخصني يا سيف لانو انا بتعب جدا عشان إتعامل معاك و آخرين في المنبر ده بأدب الحوار . عشان كده و عشان الزمالة و المودة بقترح عليك يا سيف بدل ما تفتش ضميري فيهو شنو حقو تقرأ كلامي القلتو كلو في البوست ده.