واشنطن : معارضين فى ضيافة الامن ؟؟؟؟؟

Quote: عندما كان الصحفي أبوذر علي الامين ياسين يتعرض الى أسواء أنواع التعذيب بواسطة جهاز الامن، كان جماعة من المعارضة يجلسون مع رجل أمن السفارة بواشنطن. فهل ياترى ورد بخاطر هولاء المعارضين ما يفعله حقا هذا الجهاز بالشعب السوداني؟ والمعروف هو أن رجل أمن السفارة بواشنطن متهم بأنه مارس التنكيل والتعذيب بحق المعارضين والمواطنين بدارفور وملكال بجنوب السودان.

Quote: هل طالبت المجموعة التي أجتمعت على مائدة جهاز الامن بواشنطن من مندوب الامن أن يطلقون صراح هذا الصحفي البرئ وبقية الشرفاء المعتقلين بواسطة جهاز الامن أم أن أصوات الموسيقى وطرقات الكسرة الاثيوبية قد طغت على القعدة الما خمج ؟

Quote: هذا هو موقف الحزب الشيوعي السوداني من حكومة الانقاذ. فمن ياترى كان يمثل الاربعة الشيوعين في ذلك العشاء؟ هل أنتم ملتزمين بقرارات الحزب أم أن لكم حزبكم الخاص؟

Quote: كستاوي. شئ مؤسف أن يلبي بعض أفراد المعارضة بواشنطن مثل هذه الدعوة من رجل أمن، وقف في ندوة سياسية بواشنطن وقال بالحرف الواحد "بانهم سوف يشترون المعارضة"

Quote: بريمة. معقولة بس جارك العزيز ما جاب لك الخبر ؟ أنت المسهرك لغاية الليل شنوا؟

Quote: العبار بريمة. أها النحدثك. عشا الجماعة كان فيهوا عبارات والدفع الحساب هو رجل أمن دولة الشريعة والمشروع الحضاري. أها تاني في مشكلة ؟ في أمريكا يجوز كل شئ ، ومن أجل شراء الرفاق تحلل المحرمات .

Quote: يا فتاح . ياخي ده ما رقاد. ده عشا عديل كده. وطبعا ما شفته بتاع الامن . كان فرحان جنس فرح. كأنه قد أصطاد صيد ثمين . بعدين الحسادة لك شنو . خليني أقز قز بباقي الشهور الفاضلة دي . لأنني بعد الاستفتاء الظروف ما معروفة ، يمكن بعد داك أجيكم زول ونسة ومجاملات ساكت وأنتوا تاكلو ناركم مع جماعة الطالبان ديل.

ما تسأل اسئلة غير ذكية يا دينق , المثل الشائع بقول إن كنت كذوبا , كن ذكورا, انت قايل القارئ ده ما بميّز ؟ كلامي كلو انا قلتو في ردودي علي إقبال و الخردة فياخي خلي التذاكي و ادخل النقاش بدون اسئلة سبق الاجابة عليها. راجع مداخلاتك اعلاه, كلامك فيها كلام مواطن متأكد من معلوماتو و بيسخر من الحصل .. فياخي ما تجتهد في انك تقول لي يا طارق شكرا انك أكدت لينا المعلومة , انت معلومتك متأكد منها يا اخوي لانو و بنص ردك علي عرمان انت واحد من اتنين يا كنت موجود و لابد في مكان ما او نُقل ليك المشهد كامل(راجع ردك لي عرمان)