وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع

Quote: تأسيس .. أحسب ان المقدمات غائبه .. وان الخليفه عبدالله التعايشي لم يك المرجعيه الاولى لتأسيس العلاقه بين " اولاد البحر " و " الغرابه " كما وأننا لا نستطيع باى حال من الأحوال نزع توجهاته فى الضد من أولاد البحر من سياق مداولات الحكم والسلطه .. وها هو " عمر البشير " يرتكب من الأخطاء ما يثقل اخطاء " الخليفه" بالاف المرات .. وفى زمان حديث تأسست فيه جيدا حقوق الانسان ومفاهيم الدوله الحديثه ؟!.. فهل نعده ضمن ما اضمره " أولاد البحر " وكثار تأريخى " تجاه " الغرابه"؟؟!! ويبرز السؤال .. هل يبقى ما أرتكبه النظام العنصري للانقاذ تعبيرا امثل عنك واهل الشمال قاطبه ؟؟! ولأن الخليفه عبدالله لم يكن ملتقى إقتران الانسان السودانى فى تمايزه .. كان لابد من نقطة التقاء ما .. وهى حتميه باحكام الجغرافيا وواقع الأرض وتدافع الالناس بعضها ببعض وبدفوعات السنن الإلهيه .. او كيف تشكل هذا " السود..ان" .. ليجعل منك أنت و السنوسي بيضا ومن غير سوء .. ومنى وكبر وبريمه سودا ومن غير سوء .. واللون هنا مسأله نسبيه,, احسب ان التاريخ الغائب .. كما الوعى الغائب .. دليل للمساله تجليات التأريخ الغائب دى عاوزه مباحث كتيره ولكن .. تجليات الوعى الغائب هو البتسوى فيهو انت وتراجى وبشاشا .. انتهى التأسيس ..

- رسم خارِطة السودان بِواسطة الألباني "محمد علي باشا"، منصة
- مآسي الخليفة التعايشي، السواها بِغرابتو في "الشمال" منصة
- مُذكِرة زُعماء الطوائِف الإعترضت على قرار الحاكِم الإنْكليزي، بِإلغاء الرِق، منصة.
- مداميك "الغرابا" المُثبِتة "الإنقاذ" منصة.
- فرض الثقافة العربية، على السُكان الأصلِيين، منصة.
- تصنيف الوثائِق البريطانِية بين أهالي/عرب/أرقاء مِن واقِع مُعاش، منصة.
- إسْتمرار الفهم الفقهي لِلـ "حُر" ولِلـ"عَبْد" مع إهمال تاريخِية النصوص، منصة.
- شعور "الغرابا" بِالدونِية، منصة.
- شعور "العرب" بِالفَوقِية، منصة.
- كريمات تفتيح البشرة، منصة.

السودان (سواهو محمد علي باشا، مُش مُنْزل مِن رب العالمين) الشمال+الجنوب+الغرب ما كان مُمْكِن يستمر، حاولنا 55 سنة، وفي النِهاية وصلنا "نيفاشا".
بقى مِن التركيبة الغلط: الشمال+الغرب. العاقلين مِن "الغرابا" نادو بِالإنْفِصال، وأنا بحب أشجِع اللعبه الحِلوه..

"الإنقاذ" إسْتغلت المَوجود في نِفوس الناس.. ضربت ده بِده، رفعت قبايِل، ونزلت قبايِل، وضربت قبايِل بِقبايِل، أصلو لو القبايِل دي ما كان عِندها مخزون مِن الأحقاد، ومُتواترات بِتلغي الآخر، ما كانت "الإنقاذ" إشْتغلت فيها، الإنقاذ ما صنعت "العُنْصُرِية"، الإنقاذ هبهبت نار العُنْصُرية الهامِد..

بعد 55 سنة تانيات، حيكون الشكل المعقول لِلسودان الحالي كِده:


ـــــــــــــــــــــــ

Quote: الشاهد فى الموضوع أن اى تكييف عرقى يدخل الجميع فى متواليات لا متناهيه نحو حتات سحيقه جدا .. هذا عدا كونه خارج الاطار الحضاري المنجز للبشريه ..

أعظم إطار حضاري مُنجز لِلبشرِية كان مِن نصيب الإسلام، قبل عِبادة أصحاب المذاهِب الأربعة، وقفل باب الإجتهاد، وبِرغم عظمة ها الفترة، برضو كان في "خِيار" وفقوس"، كان في "حُر" وكان في "عَبْد" وديل أصناف وأصناف، ومشروعِية ها التصنيف، العمل بِالنص القُرآني وإهمال تاريخيتو..

ماف مُنجز أفضل مِن الجا مِن رب العالمين، أي مُنْجزات تانِية ناقصة، والبشرِية بتلتِق فوقا مِن إكْتِشاف العجلة، لامِن بِقت شُروح المُنجرات مفتوحة ليها مراكِز..

يعني شوف "المُنجز" الرباني.. الجنوبي صُنانو (صُناتو) فيهو حكمة بالِغة، لأن الله غرزو في بيئة طبيعِية، ها الرائِحة بتحميهو مِن أغلب الحشرات الهو عايِش أو مفروض يِعيش جنبها، الدينكا طُوال، لأن بلدُمْ بلد سافنا ولو ما بِقو طُوال الوحش حيكون قاب قُوسين منهُم أو أدني وما جايبين ليهو خبر، وعلشان يتمكنو مِن الصيد، نوبة الجِبال قُصار، لأنهُم ساكنين فوق جبل، حيعملو بِالطول شنو، أها ده مُنجزات رب العالمين، تجي تشيل ده توديهو لِده بحصل كبسيبا، لأن كُل زول بِدافِع عن حياتو وثقافتو وإرثو، وشوية حكاوي حبوبات على فهم ديني مُتحجِر لِوضعِية "الحُر" و"العَبْد" بخلي الدكشُمان يحصل، وحصل 55 سنة، وإنتهينا بِنيفاشا، مؤدبة وبِت ناس، تاني بِنفع أي فزلكة في مَن هو الأحسن والأفضل. الأفضل والأحسن الرضعوني ليهو.. القُمت فيهو.. الإتربيت بيهو.. مُش أنا، لا، لا ده فهم "أولاد البحر" أنا جيت قُلتو، علشان الناس تصحى، وتلحق تنجُر ليها نيفاشا، قُبال ما نخُش في دائِرة الـ55 سنة، هسِع الوضع مُمْكِن، القتل الحصل في دارفور، يتحملو قائِمة أوكامبو، بعد شوية حيكون دم "الغرابا" ديل إتفرق في قبايِل كُل الشِمال.
ــــــــــــــــــــــ

Quote: معقوله .. مابعرس ليك أختى وأنا أسمح منك وبناتكم ######انات ؟!

ده تقراهو في سِياقو يا دِكتور.. ما كِده! وأنا أسمح منك دي مِن عِندك