وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع

Quote: ود خالتي، حلفاوي، شغال في مصايد الاسماك في اعالي النيل، اها يوم عرف انو في خور وفيهو سمك كتير وكبير، لكن الخور بقع ضمن منطقة سلطان، ولازم يتفاهم معاهو ويدفع للسلطان عشان يخليهو يصيد هناك، اها، مشى عليهو وقعد قدامو وجنب السلطان قعد مترجم، لمدة ساعتين من النقاش والسلطان ما قال كلمة واحدة عربي، الا في لحظة كده المترجم قال ليهو يا عربي وللا شنو كده ما عارف، قال ليهو يا زول انا ما عربي زاتو، انا نوبي من حلفا، هنا السلطان بدأ يتكلم عربي زي الطلقة وقال ليهو من وين في حلفا، قال ليهو ارقين واسمي فلان الفلاني، طلع السلطان زاتو قرى وهو طفل في خلوه جدي، المهم، قال ليهو صيد زي ما داير وقرش ما دايره منك. يعني الشلكاوي دا مستعد يقاتل عشان نويراوي من يصيد هناك، ويشيل قروش من العربي ويخلي الحلفاوي يصيد بالمجان. مهما كان من درجة الخلاف مع الآخر، فلابد وان صيغة للتعاون في النهاية.