قصة الناقد سعيــد بوكرامي ...

Quote: خالص التحايا العزيز حيدر الزين.. على سريع ، انا زعلان منك شديد ياحيدر... بغيب واجي وعلى سطح المنبر ، لا اجدك الا في مكان به معترك المشاكل ، والقيل والقلنا.. حيدر والمؤلمنى اكتر لو خشيت ختيت نقطة اعتقد انك حتفهمها قبل ما اضيف التانية.. قاعد يؤلمني جدا البتعمل فيهو ده .. ارفع نفسك من ابتزال سودانيز اون لاين ده ، المنبر اصبح مكان لان يفقد المكان احترامو لنفسو ولا اظنني بحكم قرابتي بك ساسمح لك.. لا اتصور مثلا ان يكون والدي او شخصا عتيا ان يكتب هنا، نحن ذاتنا لولا اتبلبنا ما كان بقى علينا فرض العوم.. لكن قطيعة تقطع العوم وسنينو!! بالرغم من الزحمة التي انت تعلمها ، يجلبني الى النت ايميلي لا اكثر لاقراء رسالة من صديقي النيبالي او البوليفي او الاميريكى او الصيبني الغاني وغيرهم من زملاء الدراسة او من لمتني بهم دروب الحياة، ساعتها اكون مرغما للتعرج على سودانيز اون لاين ليس اكثر... رغم ذلك من خلال الصفحة الاولى التي لا اتعدها مهما كان خطر لي ببالي موضوع (السودانيون بقيتوا تخفوا)، من واقع ما يحدث هنا وعلى ارض الواقع استطيع ان اامن سري ليهودي ولا لسوداني وللاسف ياصديقي حيدر اجدك دائما في قمة ماهو مثير للبلبلة والمحككات التي لا تجعل من الشخص سوى عبارة عن اله لتفريخ الكره.. حرام عليك ياخ عشان روحك وعشان نحن اصحابك، وعشان تعاين للامور بابعد من المنبر ده لو كان عندك اولاد ولا اسرة يجوا اولادك يقولوا شنو ابونا بس ثاعد فلان عمل وفلان سوى ، قاعد وخاتي عكازو فوق كتفو سكينو في ضراعو للمشاكل... المنبر ده ياحيدر ، مهمته في تقدم شى انتهت حاول اخرج منو باقل الاضرار، ولو خليتو تب برضو انا شايف احسن، انتهت كيف دي شوف الصبغة العامة وشوف سياسية المنبر كيف وووالخ ما خُفي اعظم... نحن ما خليناهو لكن في الطريق لذلك لكن على الاقل دلوقت قاعدين نخرج باقل الاضرار... ياخ ابسط شي شوف البوست ده بعد شويه حيعمل كم مشاركين ، الاغلبية غير تجيب ليك الحطب لاشعال النار ما حتعمل شى ، وربما النار دي زاتها تحرقك انت ذاتك ، ونفس الناس الكانت بتساعدك حتجي نفسها تولع بيك النار الا من رحم ربك طبعاً... حيدر انا بالجد زعلان ومتالم من البتعمل فيهو ده.. وخلينا الباقى لمن اتصل عليك ... ياخ دم بعافية بقدر ما المتنا...