طقوس العروس في امدرمان

Quote: ده المحلب الدقاق بالخط الكبير وبعدين ساحكي لك عن ايام زمان بدور اكلمك والله مرة عيني الانت عارفه دي مو شقية خلاس وقعت ليك في بوخة وحات الله الرجلين مبرومات زي عنقريب الجرتق مشترنو من حاج حسن في سوق الناقريب واللون بالله قزازة جوني ويكر ولون الكعب قدحة حلو كريم كرمله العين ماتملو ولا العجب ضاربه الاضافرين احمر انجليزي بالله في القدم زي حَمَار السيجارة والولعوها يا دوب وحات اسم الله وكت ضربني دعاش الصندل المخلوط بي خمرة الصندلية روحي فاتت لي وين ورجعت لي سكرانه والكلام ده كنت مستعجل لي هسع زعلان عشان ما وقفت وكملت باقي الفلم اصلي بخجل والله يا (.....) زمان النسوان كلهن نظر وانت قايل كيف بجيبو 12 ولد أنا خالتي والله عندها 17 فيهم اجواز كده يعني الليل كان كارب أها يا سيدي النحكي ليك الطقوس طبعا الشتاء بختلف من الخريف لكن حق الخريف كارب عشان الرطوبة تطلع من الجسم يا زول بعد صلاة المغرب النطُع بختوهو والحفرة بتولع وبحضروا الشملة وبُخسة الدهن وطبعا كورة البقنية لزوم العطش وكلما عطشت وشربت بقنية البوخه بتبقى احلى ، غايتو الواحده كان لون خمري بتطلع من الدخنه دي بلاك ليبل وكان بيضاء بتطلع جوني ويكر اها وكان خِديرا بتبقى زي لون الزيت في القزازة البيضاء الواحدة تقوم تلبس ليك الفركة والفركة بتشرب ريحة الخان وكسرة بخور الصندل اها الفركة دي يا ها البحومو بيها في البيت والضراع لي برة بس لاباس احرام الرجال في مكة والعجب القدلة وكتلة الحس والله تموت قلب الاسد وعاد الكلام كلو يا ابو فلان اها يا (.....) اتم ليك الباقي ولا ما داير في ناس هنا معانا مواعيدهم في وقفة العيد خايف عليهم من الشهيق