|
Re: (يوم قالوا لي سكت الرباب) ..اغنية في رثاء محمود بصوت الفنان سامي (Re: الامين موسى البشاري)
|
Quote: أغنية تمتلئ حزناً ونواحاً في رثاء محمود عبد العزيز |
ببساطة هي أغنية للتعريف بأسماء البومات وأغاني محمود عبد العزيز وما عندها علاقة بي رثاء.. النوع ده من الكتابات الشعرية متهالك ينم عن كتابة نابعة من تفكير ونحت راس أكتر من إنها إحساس .. تلتيق وتفكير في إسم شريط ومن ثم البحث عن إسم شريط تاني يوازي القافية ويلفق النص مع التعبير والشخصية .. في الرثاء تحديييداً لازم الكتابة تطلع من القلب عشان تصل القلب ..ما سمعت اللحن لأنو ما شغال معاي بس انا بتكلم عن الكلمات .. عن نفسي قريت الكلمات وما حركككت فيني رمشة أو حتتتى دمعت عيني لأني وبكل بساطة كللل المكتوب في القصيدة دي عندي في طبلون العربية وبسمع فيهو يووومي ..أبكي وأدمع وانا بسمع في صوت الحوت ..وافرح وانتشي حد الجنون بي اسماء اغاني محمود عبد العزيز .. بالنسبة لي أي زول قررتو تقولوا إنو صوتو زي محمود فبكل بساااطة فتشو لي الزول البيغني لو طلع بيطلع صوتو من بطنو وتحدييداً صرّتوفيادوووب ابدوا فكرو ولاحظو في إنو ممكن يقدر يقلد محمود..لكن لو لقيتو أييي زول بيغني من حلقو فمهما كانت درجة التطابق الصوتي فهو ما بيشبه محمود..
تخريمة: يا ناذر اللي تحت ده ممكن نسميهو رثاء وهو من أجممل ما قريت ..ووصية ليك في الذمة يا ناذر ..جاتني فكرة بعد ما قريت المرثية دي إنو مفروض يدوها لي مجموعة عقد الجلاد تقوم بتلحينها وتوزيعها وتقديمها لي روح محمود ..هو إحساس داخي انا حسيتو ممكن يصيب وممكن يخيب بس يا ريت لو تقدر تساعدني في مشروعي ده ونتصل بالطرفين الشاعر والمجموعة
Quote: ما بسّ صوتك ولاغِنواتك رغم الأبعاد الفي صوتك رغم حلاوة كل° غنواتك ما بسّ صوتك ولاغنواتك ديل آخر آخر حَسناتك يالما غنَّيت غنية رديئة يا الما ختّيت كلمة بذيئة مابس صوتك ولا غنواتك القصة بتكمُن في ذاتك في السر الكامن في الإحساس في السر الأودعو ربّ الناس في ذاتك وفي كلِّ صفاتك مابس صوتك ولاغنواتك يا قاضي حوايج كل الناس بالليل والناس همّاً نايمة يا مريِّح بال كل الأجناس نغماً والناس غمّاً هايمة وتكون وحدك بالليل حايم سبحان الله حيّ الدايم لا دايم إلاَّ الله يمكن محمود نايم نايم حبَّة وحالاً حيقوم حيقوم ويلبّي دعاء الناس غوث المظلوم عون المكلوم حيقوم ويقضّي حوايج الناس يمكن نايم لكن ياربّي الجدَّ شنو !؟ خلاَّهو ينوم كدة من بدري ! الجدَّ شنو ومحمود مهموم صارم ودغري من هو صغيِّر نومو شوية أكلو شوية جاذباهو النزعة الصُّوفيّة الجدَّ شنو وخلاّهو ينوم !؟ يارب نايم بيقضّى الفات ؟ بيقضِّي سنين السهر الفات !؟ بس ما من عادتو ينوم أصلاً ساعات سهراتو بيتَّصلن مرات أيام أيام وشهور ما بنوم ليلة يارب مسحور ؟ من هو صغيِّر شايل الشيلة يا فايزة يكون محمود نايم؟ يارب وين الراحة الليلة ؟ يافايزة محمد يا حاجة يابت الحاج ود الطاهر فايزة محمد ود الطاهر ياربّي يكون محمود نايم ؟ نايم حبَّة وحالاً حيقوم ؟ حيقوم ويلبّي دعاء الناس ؟ حيقوم ويقضَّي حوايج الناس؟ محمود من هو صغيِّر فلتة مليان إحساس ما همّو الدنيا الحسِّيَّة هامّاهو الآخرة المنسيَّة محمود من جينات ثوريَّة في الروضة اختار الحريَّة في الرابطة اختار الختميّة واختار الفرق المنسيَّة ومن كلّ الفرق المنسيَّة إختار الفرقة الزنجيَّة محمود من جينات ثوريَّة غنَّى ولوَّن دنيا الأطفال غنَّى القيم الإنسانيَّة قيم الأبطال اتدرَّج بالحب والإحساس ربَّى الأجيال من حبّ الشافع لى أمُّو لى حبّ الزول لى كل الناس من حب العاشق لى وطنو لى حب الخالق ربّ الناس من حبّ السّيرة النبّويّة لى حبّ الآخرة الأبديّة محمود من هو صغيّر حسّاس حتى وفي الموت إختار الموت بى حنِّيَّّة فكّر يمشي شويّة شويّة كان بجبر خاطر المنتظرين ماداير يفجع خاطر زول وعشان الفرقة الأبدّية تصبح هينة واحساس مقبول بدا يتسرَّب منّنا خلسة شوية شوية وجاراهو الموت في الحنِّيّة باصر روحو شويّة شويّة من قبل سنين مهَّد لى شيلتك يا حوتة ونحنا الرّايدنَّك ما عارفين في العايلة السمحة المتحابّة بدا بى خالك وبتّو الشابّة ونحنا الرايدنَّك منشغلين الفين وحداشر واتناشر شالت نَّوارة الفنّانين ونحنا الرايدنّك منشغلين شاغلانة الدنيا الدونيَّة من قبل سنين يا حوت الموت كان بيرتِّب في العملِّية في ضلّ الروح كان متخبّي من بين الناس كان متدِّبي خجلان من روحك يا حوتة حيشيلك كيف من وسط الناس الحبّوكا من وسط الكانوا ملازمنَّك من ناس حبّيتم وحبّوكا من ناس حابّيهم وحابنّك ! حيشيلك كيف من بين الناس الرّايدنّك ديل ما جمهور ديل حبّاً صاروا مريدنَّك ياشيخ الراية الحوتيَّة حيشيلك كيف من بين حيران ماديّن أرواحم حاضننَّك من بين جيران فاتحين أبوابم راجنّك سبحان الله حيّ الدايم لا دايم إلاّ الله محمود نايم يا فايزة محمد في لمحة محمود نايم نايم في النومة الأبدّية يا نومة النفس المنشرحة النفس الراضية المرضيّة النفس الخالدة الأبدية وختمت حياتك بى مدحّة !؟؟ ما أحلاها السيرة السمحة
د. عــز الدين هلالــي 25/1/2013
|
|
|
|
|
|
|
|
العنوان |
الكاتب |
Date |
(من قالوا لي سكت الرباب) ..اغنية في رثاء محمود بصوت الفنان سامي حمد | ناذر محمد الخليفة | 02-11-13, 04:58 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-11-13, 05:00 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-11-13, 05:05 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-11-13, 08:45 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-11-13, 08:47 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | Hani Arabi Mohamed | 02-11-13, 09:21 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | الامين موسى البشاري | 02-11-13, 10:19 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 09:59 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 10:02 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | Mubarak kunna | 02-12-13, 11:08 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | عبد الله فقير | 02-12-13, 11:19 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | مزمل خيرى | 02-12-13, 11:31 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 11:41 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 11:43 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 11:52 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | الامين موسى البشاري | 02-12-13, 12:07 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 01:35 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 01:40 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | مزمل خيرى | 02-12-13, 02:04 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | عزان سعيد | 02-12-13, 03:12 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 03:23 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 03:25 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | Mahmoud Mustafa Mahmoud | 02-12-13, 06:43 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-12-13, 08:18 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | الامين موسى البشاري | 02-12-13, 10:07 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | عمر الفاروق | 02-13-13, 10:03 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | Mubarak kunna | 02-13-13, 10:36 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-13-13, 11:17 AM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | عمر الفاروق | 02-13-13, 01:17 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | وائل فحل | 02-13-13, 01:28 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-13-13, 03:01 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-13-13, 04:37 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-14-13, 01:01 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-14-13, 06:42 PM |
Re: (يوم قالوا لي سكت الرباب) ..اغنية في رثاء محمود بصوت الفنان سامي | ناذر محمد الخليفة | 02-14-13, 06:46 PM |
|
|
|