المسكوت عنه فى شئون البيت السودانى...

Quote: من مشاكلنا انو نحن كلنا كسودانيين لم نجى نتناول شئونا العامة بنتناولنا كاننا بنتفرج فى فلم فى التلفزيون وبعد نهاية الفلم كل زول ينصرف لى شئونه الخاصة,,العام عندى لا ينفصل عن الخاص ,,العام هو صنيعة الخاص ,,لم نجى نتكلم عن الاسرة مانتكلم عنها وكاننا بنتكلم عن بيت الجيران لالالا حقو نتكلم وكل زول كانو بتكلم عن بيته هو الاسرة السودانية هى شنو ومنو الاسرة دى بيتى بى محيطها العائلى والاجتماعى وبيتك وبيت محمد الامين وبيت انتصار ,,كل زول بيشوف الاعوج فى بيته يبدا فى المعالجة ولم كل زول يحل مشاكله ويمد يد المساعدة لى مشاكل جارو وعمو وخالو وصحبو بنلقى روحنا ماشين فى الطريق الصاح لكن نظرية انا مستور وقافل بابى على وعلى اولادى هنا لا مابحبق لى ادلى بى راى عن الشان العام لانو بشوف فى نار المشكلة وبدل احل فيها ازيدها شماتة وحطب نميمة,,,الحاجة دى ملاحظة بى صورة كبيرة جدا مثلا فىالمسائل الاخلاقية زى الدعارة مثلاً الواحد يقول ليك البلد اتملت دعارة طيب ياخى البنات ديل من وين ياخ ديل موش اخواتنا وبنات عماتنا وبنات جيرانا فى الحلة ليه انا بتفاصح واقول البلد مليانة داعرات وفى نفس الوقت انت عندك اخواتك وبناتك بمرقو للحياة العامة وخت انو اختك واقفة منتظرة المواصلات يجى زول يعاين ليها من تحت لى فوق ويقول البلد اتملت دعارة,,شى مقزز جد التعميم مخل والتعميم مضر وسوء الظن ضد دينا واخلاقنا وعشان نعالج مشاكلنا كل زول يشوف المشكلة العامة كانها خاصة بيه ويشوف انجع الطرق لى علاجها ويبدا بى نفسو والحولو من الناس وطريق المليون بيبدا بى خطوة