اعتذار لاخي بدرالدين اسحق احمد

Quote: الاخ بدرالدين شكرا لتكرمك بالرد {المثالى} معليش يابدرالدين, الطريق اللى سميته كمال بشرى لا استطيع ان ابت فيه, فلنا رب كريم يعرف صالحنا من طالحنا ولكل نفس جزائها مما فعلت فى دنياها لكن سؤالى كان فى اتجاه واحد زايد واحد تساوى اتنين عرفتك منتميا للاتجاه الاسلامى حينذاك ورأيت فى مداخلتك الاولى تحريضا على سبر اغوار احزابنا السياسية ولكن ردك الثانى نحو الكمال البشرى جعلنى اراجع انطباعى الاول سؤال كان واضح من المداخلة التى اتيت بها من بوست الاسلامية اللذى افترعته انت تحدثت فيه عن تمزيق الجريدة الحائطية للجبهة الديمقراطية ترى لو عاد الزمن للوراء ستفعلونها؟ ربما يكون سؤال غبى جدا لو طرحته لك فى اطارك التنظيمى- كاسلامى- لان على يد تنظيمك تحديدا تمزقت احلام بلد بحالها وتجىء تقول لىّ الكمال البشرى.. طريقة ردك ذكرتنى قصة بنات الحور اللى عرسوهم الشهداء وذكرتنى الملائكة اللى اشتركت فى حرب الجنوب وبينهما طالت دقون وذادت كروش وتداعت اغنية { راجل المرة} سؤالى كان واضح يابدرالدين.... الى اين تنتمى الآن؟ للحكومة ولا لجماعة الترابى؟ سؤالى ده ما اعتباطى بقدر مابيحدد لى لاى مدى حدث تحول فكرى وذهنى بالنسبة ليك حتى اعرف لو كنت حا استمر فى محاورتك ولا نخليها على امنياتك الطيبة لى -------- بمناسبة الحج يابدر الدين, تصدق لو قلت ليك انى عرفت الله ورسوله هنا فى بلد {النصارى} اكثر مما عرفته عن طريق زعيق تلك الفترة فى الجامعة الاسلامية؟ ده بجيك ليهو فى بوست الاسلامية -------- خالد حتى لو سلمنا جدلا إن فى ذلك محاولة لاغراق البوست الاّ ان الاغراق نفسه بيعرى العقلية التى تمارسه دعنى و { اخى} فى زمن الاسلامية {نتحاور}

(عدل بواسطة صديق عبد الجبار on 01-12-2009, 07:29 AM)