|
|
 Re: عباس يختار زمن السكوت: حكاوي الغبن (Re: Kabar)
|
حـكاوي الغبـن: الزهيرة بنت الجبــوري.. تعـد خطـاوي الغشـاشين..
4.
محنة محمود الصالح ولد عجبان:
و قالت: سيد الثورة في هداك الحين.. سوا لينا..ايلول شهر الكوانين..و الثورة في ذات نفسها.. قام عباس و سوا ليها.. كانون كبير و عظيم.. يشبه مقامها و عزها..و ذلك خصيصا للشيّة..!
غشفروا في هداك الحين..يا ولدي.. صابها القحط..و كان الجفاف ضارب بأطنابو..الفي السما..وقفت في أبواب السمأ..و الفي ارض.. غابت في باطن الأرض و ابت تمرق..!.. البقر ماتت..الإبل ماتت.. الزراعة حرقت بالعطش.. غشفروا ضاقت بينا يا ولدي.. الناس بقت تآكل في بعضها البعض..!..
قام سيد الثورة..و قال لعباس: شوفوا ليكم مخرج لهذه الجماهير الوفية الفتية..!
قام عباس..و سافر لبلاد بره.. يشحد في الأكل..ظني ناس بلاد بره.. برضك صابهم جفاف..اصلا يا ابوي .. نهار خياسها .. كلبها ما نبيح..!
و في صباح يوم أغبر..ملتو الكتاحة من شرقة الشمس..سمعنا ليك عباس يلعلع في الراودي..و قال لينا: غشفروا الآن في محنة عظيمة.. نسأل اللـه أن يرفع عننا البلاء..و يكفينا شر المحن الحقيرة.. و كما تقول الحقائق العلمية و الشرعية باٍباحة المحظور في حالات الضرورة القصوى .. لذلك نوجه افراد شعبنا النشامى بفعل كل شئ لإنقاذ أفراد أسرهم من شر الجوع..فيجوز أكل لحم الكلاب و الحمير و القطط ..و الثورة الظافرة ما قصرت.. و قد أهدت في عيدها الفات الكوانين للأسر كافة..!
بعد يوم.. قام واحد من أهالي غشفروا رسل جواب لعباس و قال ليهو..الكلاب أجهزت على القطط..ثم هي و الحمير ، عن بكرة أبيها ، نفقت قبال شهور..!
رجع عباس تاني لدار الراوادي..و قال مزبدا هادرا..الضرورة تبيح المحظور..و المعنى واضح..كل الدول و البلدان تأكل لحم بنيها في حالة الجوع..لأن الجوع كافر يا اهلي و عشيرتي..و افتكر كل جماهيرنا الوفية.. تعلم جيدا أن جارنا السلطان أبو كاسا.. سلطان الديار الغربانية.. قد امتلأت ثلاجاته و حلله و صحونه بلحوم أبناء عشيرته و داره.. و هم ليسوا في حال مجاعة أو كربة.. فما بالك بأهالي غشفروا..!
قلت: أيعني عباس بذلك.. أن يأكل اهالي غشفروا لحم أخوتهم و بنهيم..؟
قالت: بالواضح المافاضح..!
قلت: ألم يستنكر أهالي غشفروا مثل ذاك الكلام الغريب؟
قالت: قام محمود الصالح ولد عجبان.. و كان زمانو يا ولدي..ولدا نقي و تقي.. دغري و حقاني.. و قال لعباس.. قول لسيد الثورة ..شيل كوانينك و غور من غشفروا بسراع..!
سمع سيد الثورة ديك.. بكلام محمود الصالح من عباس.. الذي يتواني قط في توصيل مثل هذه المعلومات..و قال سيد الثورة اياها لعباس.. الراجل ده لازم تشوفو ليهو صرفة.. قال عباس.. حاضر يا سعادتك..
بعد يومين .. سمعنا عباس يلعلع في الروادي ..و قال لينا.. أن غشفروا قد أمتلأت بالكفار الفجار..عبدة النار..فبالأمس القريب.. ضبطت شرطتنا الباسلة الفتية الساهرة.. محمود الصالح ولد عجبان.. يوزع المناشير..و يدعو أهالي غشفروا .. أن يتخلوا عن عبادة اللـه.. لأن اللـه قد تخلى عنهم في محنتهم تلك.. و انزل عليهم الجفاف..و زاد أكثر من ذلك بأن أساء اسأءة بالغة الى الرمز الوطني العالي.. المنزه عن الصغائر بقدرة ربنا.. لقد خان محمود هذا..أهالي غشفروا.. و طعن في ثورتهم الظافرة المنتصرة أبدا..و في قائدها الملهم.. ذلك الرائد الذي لا يكذب أهله..!
و طالما أن الجماعة لها الحق في حماية نفسها و ثورتها.. فاٍن الثورة قررت ردع كل من تسول له نفسه في الطعن فيها و في أهاليها..!
قلت: و هل قبل أهالي غشفروا بذلك؟
قالت: قبل ما تحصل الشورة.. بين أهالي غشفروا.. لحقوا ناس عباس قطعوا ليهم ايدين كم نفر كدي..و شووها في كوانين الثورة المنتشرة..في الحقيقة يا ولدي.. الناس خافت و صابها الذهول.. بتك تمرق مشوار و ايديك في قلبك لمن ترجع.. ولدك يمرق..تسمع بيهو قطعت ايدو و تم شيها في كانون من كوانين الثورة العظيمة المنتشرة كالهم..
قلت: و هل قطعت ايد محمود ولد عجبان؟
قالت: ايدو و بس..!.. الشغلانة زادت.. ساقوهو يا ولدي.. في التلت الأخراني من الليل.. قطعوهو حتة حتة.. و شووهو في كانون الثورة الأعظم.. !
قلت: و ماذا فعلوا بشيّة لحمه؟..هل أكله سيد الثورة كما يفعل السلطان أبو كاسا؟
قالت ، بمرارة: عباس صاح في الروادي و قال لينا.. أن لحم محمود ولد عجبان .. نجس..لآ يجوز أكله حتى و لو في حالة الضرورة القصوى.. لذلك قررت الثورة حرقه و دفن رماده في مدافن النفايات النووية التابعة للولايات الأمريكية..!
قلت: و لماذا مدافن الولايات الأمريكية؟
قالت: من باب المكاواة الدينية البينة..عباس افتي بعدم جواز دفن محمود في جبانة الإمة المسلمة..!
قلت: و هي مدافن الولايات الأمريكية دي وين؟
قلت: شن خبرني بيها يا ولدي.. سألت منها ولد بتي الزين الرقيق.. و قلت ليهو.. دحين يا الزين يا وليدي..مدافن الولايات الأمريكية دي دارها وين؟..ضحك الزين في وسط البلية تلك.. و قال لي.. في دار سافل..! قلت ليهو.. سافل منو؟..قال لي.. سافل على جهة وادي الملك و درب الأربعين..!.. قلت ليهو في الصقيعة الصحرا دي؟.. قال لي.. أصلا يا حبوبة.. ناس عباس قالوا.. الصقيعة الصحرا دي مافي زول ساكن فيها..و ناس عباس تب ما محتاجين ليها..عشان كده لازم يستفيدوا منها .. انشاء الله يؤجروها لزول ساكت..عشان كده أدوها للولايات المتحدة الأمريكية..ووثق عقد الأجارة في مكتب عباس.. ايام كان محامي و موثق للعقود..!
قلت لها: هذه مغالطة تأريخية يا بت الجبوري.. لأ يمكن أن تشتري أو تستأجر دولة .. من دولة أخرى.. قطعة أرض..و توثقها في مكتب محامي..!
قالت ، بسخرية: كلمتك و ما سمعتني.. دوبك وضح لي .. انك مهبوش ساكت..!.. عباس لحق باع الناس الفلاشا في الدار الصبحانية.. ما يقدر يبيع أرض الصقيعة للولايات الأمريكية..؟؟!!
قلت: يا بت الجبوري ما تجيبي لينا هوا ساكت.. الولايات الأمريكية دي.. قط.. لم تدفن نفايات في غشفروا ..
قالت: شن عرفك..الولايات دي.. السوتو في غشفروا.. قط.. مو هين..!
نواصل
كبر
|
|
 
|
|
|
|
|
| العنوان |
الكاتب |
Date |
| عباس يختار زمن السكوت: حكاوي الغبن | Kabar | 01-06-07, 09:19 PM |
| Re: عباس يختار زمن السكوت: حكاوي الغبن | Kabar | 01-06-07, 09:30 PM |
| Re: عباس يختار زمن السكوت: حكاوي الغبن | Kabar | 01-07-07, 00:08 AM |
| Re: عباس يختار زمن السكوت: حكاوي الغبن | Kabar | 01-07-07, 09:42 PM |
| Re: عباس يختار زمن السكوت: حكاوي الغبن | Kabar | 01-07-07, 09:58 PM |
| Re: عباس يختار زمن السكوت: حكاوي الغبن | esam gabralla | 01-07-07, 11:37 PM |
 Re: عباس يختار زمن السكوت: حكاوي الغبن | tmbis | 01-07-07, 11:57 PM |
| Re: عباس يختار زمن السكوت: حكاوي الغبن | Kabar | 01-08-07, 05:01 PM |
| Re: عباس يختار زمن السكوت: حكاوي الغبن | Kabar | 01-08-07, 05:04 PM |
| Re: عباس يختار زمن السكوت: حكاوي الغبن | Kabar | 01-08-07, 05:11 PM |
| Re: عباس يختار زمن السكوت: حكاوي الغبن | Kabar | 01-08-07, 05:23 PM |
| Re: عباس يختار زمن السكوت: حكاوي الغبن | Kabar | 01-09-07, 01:06 AM |
| Re: عباس يختار زمن السكوت: حكاوي الغبن | Kabar | 01-09-07, 04:47 PM |
| Re: عباس يختار زمن السكوت: حكاوي الغبن | Kabar | 01-09-07, 04:52 PM |
| Re: عباس يختار زمن السكوت: حكاوي الغبن | Kabar | 01-10-07, 06:09 AM |
| Re: عباس يختار زمن السكوت: حكاوي الغبن | Kabar | 01-10-07, 06:16 AM |
| Re: عباس يختار زمن السكوت: حكاوي الغبن | Kabar | 01-10-07, 04:36 PM |
| Re: عباس يختار زمن السكوت: حكاوي الغبن | Kabar | 01-10-07, 04:46 PM |
| Re: عباس يختار زمن السكوت: حكاوي الغبن | Kabar | 01-10-07, 04:52 PM |
| Re: عباس يختار زمن السكوت: حكاوي الغبن | Kabar | 01-10-07, 11:42 PM |
| Re: عباس يختار زمن السكوت: حكاوي الغبن | Kabar | 01-10-07, 11:50 PM |
| Re: عباس يختار زمن السكوت: حكاوي الغبن | Kabar | 01-11-07, 05:06 PM |
| Re: عباس يختار زمن السكوت: حكاوي الغبن | Kabar | 01-11-07, 05:13 PM |
| Re: عباس يختار زمن السكوت: حكاوي الغبن | Ali Alhalawi | 01-11-07, 05:22 PM |
| Re: عباس يختار زمن السكوت: حكاوي الغبن | Kabar | 01-11-07, 09:30 PM |
| Re: عباس يختار زمن السكوت: حكاوي الغبن | Kabar | 01-11-07, 09:41 PM |
| Re: عباس يختار زمن السكوت: حكاوي الغبن | Kabar | 01-11-07, 09:48 PM |
| Re: عباس يختار زمن السكوت: حكاوي الغبن | Shams eldin Alsanosi | 01-11-07, 11:22 PM |
| Re: عباس يختار زمن السكوت: حكاوي الغبن | Kabar | 01-13-07, 09:35 PM |
| Re: عباس يختار زمن السكوت: حكاوي الغبن | Kabar | 01-13-07, 09:43 PM |
| Re: عباس يختار زمن السكوت: حكاوي الغبن | Kabar | 01-13-07, 09:56 PM |
| Re: عباس يختار زمن السكوت: حكاوي الغبن | Kabar | 01-14-07, 08:47 PM |
| Re: عباس يختار زمن السكوت: حكاوي الغبن | Kabar | 01-14-07, 09:02 PM |
| Re: عباس يختار زمن السكوت: حكاوي الغبن | ابوعسل السيد احمد | 01-15-07, 02:00 AM |
| Re: عباس يختار زمن السكوت: حكاوي الغبن | Kabar | 01-16-07, 04:13 AM |
| Re: عباس يختار زمن السكوت: حكاوي الغبن | Kabar | 01-16-07, 04:36 AM |
| Re: عباس يختار زمن السكوت: حكاوي الغبن | Kabar | 01-17-07, 06:00 AM |
| Re: عباس يختار زمن السكوت: حكاوي الغبن | 3mk-Tango | 01-17-07, 10:29 AM |
 Re: عباس يختار زمن السكوت: حكاوي الغبن | معتصم دفع الله | 01-17-07, 10:32 AM |
| Re: عباس يختار زمن السكوت: حكاوي الغبن | Kabar | 01-18-07, 10:54 PM |
| Re: عباس يختار زمن السكوت: حكاوي الغبن | Kabar | 01-18-07, 10:56 PM |
| Re: عباس يختار زمن السكوت: حكاوي الغبن | Kabar | 01-18-07, 11:01 PM |
| Re: عباس يختار زمن السكوت: حكاوي الغبن | Kabar | 01-18-07, 11:15 PM |
| Re: عباس يختار زمن السكوت: حكاوي الغبن | Biraima M Adam | 08-06-07, 01:21 PM |
| Re: عباس يختار زمن السكوت: حكاوي الغبن | Kabar | 01-19-07, 04:31 PM |
| Re: عباس يختار زمن السكوت: حكاوي الغبن | Kabar | 01-21-07, 00:18 AM |
| Re: عباس يختار زمن السكوت: حكاوي الغبن | أمير بابكر | 01-21-07, 08:58 AM |
| Re: عباس يختار زمن السكوت: حكاوي الغبن | Kabar | 01-22-07, 00:11 AM |
| Re: عباس يختار زمن السكوت: حكاوي الغبن | Kabar | 01-22-07, 00:21 AM |
| Re: عباس يختار زمن السكوت: حكاوي الغبن | Kabar | 01-22-07, 05:56 PM |
| Re: عباس يختار زمن السكوت: حكاوي الغبن | Kabar | 01-23-07, 05:03 PM |
| Re: عباس يختار زمن السكوت: حكاوي الغبن | عبدالرحمن عزّاز | 01-24-07, 05:00 AM |
| Re: عباس يختار زمن السكوت: حكاوي الغبن | عبدالرحمن عزّاز | 01-27-07, 09:26 PM |
| Re: عباس يختار زمن السكوت: حكاوي الغبن | بشير جبريل علي | 01-29-07, 05:58 PM |
| Re: عباس يختار زمن السكوت: حكاوي الغبن | ابوعسل السيد احمد | 02-10-07, 02:46 AM |
| Re: عباس يختار زمن السكوت: حكاوي الغبن | عبدالرحمن عزّاز | 02-10-07, 10:01 PM |
| Re: عباس يختار زمن السكوت: حكاوي الغبن | Kabar | 02-20-07, 07:52 PM |
| Re: عباس يختار زمن السكوت: حكاوي الغبن | Kabar | 02-20-07, 07:52 PM |
| Re: عباس يختار زمن السكوت: حكاوي الغبن | Kabar | 02-20-07, 07:53 PM |
| Re: عباس يختار زمن السكوت: حكاوي الغبن | Kabar | 02-20-07, 07:54 PM |
| Re: عباس يختار زمن السكوت: حكاوي الغبن | عبدالرحمن عزّاز | 02-24-07, 09:27 PM |
| Re: عباس يختار زمن السكوت: حكاوي الغبن | Kabar | 02-26-07, 06:29 AM |
| Re: عباس يختار زمن السكوت: حكاوي الغبن | عبدالرحمن عزّاز | 03-02-07, 02:03 AM |
| Re: عباس يختار زمن السكوت: حكاوي الغبن | Kabar | 03-03-07, 08:28 PM |
| Re: عباس يختار زمن السكوت: حكاوي الغبن | Kabar | 03-04-07, 07:05 PM |
| Re: عباس يختار زمن السكوت: حكاوي الغبن | Kabar | 03-04-07, 07:09 PM |
| Re: عباس يختار زمن السكوت: حكاوي الغبن | معاذ الدخري | 03-04-07, 07:26 PM |
| Re: عباس يختار زمن السكوت: حكاوي الغبن | Kabar | 03-04-07, 07:11 PM |
| Re: عباس يختار زمن السكوت: حكاوي الغبن | Kabar | 03-05-07, 07:24 PM |
| Re: عباس يختار زمن السكوت: حكاوي الغبن | Kabar | 03-05-07, 07:27 PM |
| Re: عباس يختار زمن السكوت: حكاوي الغبن | عبدالرحمن عزّاز | 06-26-07, 01:45 AM |
| Re: عباس يختار زمن السكوت: حكاوي الغبن | Biraima M Adam | 07-03-07, 04:21 AM |
| Re: عباس يختار زمن السكوت: حكاوي الغبن | Kabar | 08-27-07, 00:51 AM |
| Re: عباس يختار زمن السكوت: حكاوي الغبن | Kabar | 08-27-07, 01:06 AM |
|
| |
Kabar
فيس بوك
تويتر
انستقرام
يوتيوب
بنتيريست