|
|
 Re: عباس يختار زمن السكوت: حكاوي الغبن (Re: Kabar)
|
حـكاوي الغبـن: الزهيرة بنت الجبــوري.. تعـد خطـاوي الغشـاشين..
2.
يصيح ديك حي على الثورة.. يصيح ديك غابت الثورة:
حدقتُ في الفراغ.. الغبار يسكن الفضاء بروح الإحتلال الأعمى الزحف..
قالت الزهيرة بنت الجبوري ، قارئة لما يجول بخاطري : كل الدنيا ماشة لي قدام.. و نحن لينا الغبار يا ولدي..!
قلت: و متى سنمضي نحن .. و نترك الغبار من خلفنا؟!
قالت: حلم..!.. شوقنا للمرقة أم دهن..!..اصلا يا ابوي.. ناس عباس ماسكين اللجام بالمعكوس..!
قلت: كيف؟
قالت: شدوا ضنب جوادنا لي..ورا..!
قلت: الناس في زمن الإنترنت.. يا حاجة.. يا بت الجبوري..
قالت: تحج للخير يا يابا.. لكن الدواس لزومو شنو؟
قلت: هي مرحلة تأريخية.. لابد من العبور بها.. الصراع مرحلة مهمة في حياة الأمم.. و من بعده يأتي السلام و الإستقرار.. و التقدم..!
قالت: عمري ما شفت لي ..و لا سمعت لي.. بأمة مخلوقة للصراع.. دواس في دواس.. عباس يديني العصاة..و يديك العصاة.. و يفضل بعيد يعدد في المصالح الذاتية..!
قلت: ما يا هو.. انتي فاهمة الحاصل بصورة كويسة..
قالت: قبال سنين.. جانا يرغي و يزبد.. يهدر زي الجمل الفحل الودر نوقو.. قال لينا.. انتو يا اما.. ناس بقر.. يا اما ناس زراعة.. ابدا لسانو ما عتر على كلمة صناعة.. حلف باليمين المغلظة..بأننا تب ماشين صاح.. و الثورة جات .. عشانا..و عشان عيالنا.. قامت فضة بت جاد الكريم.. زمانها يا ولدي حكامة لسانها طرين..و سألت عباس.. الثورة دي شني.. يا جنابك عباس؟.. ضحك الفاتي بلا خجلة..و قال ليها: بتعرفي التور يا الحكامة..؟.. قالت فضة: ربيت في البقر.. بعرف التور .. بالحيل..!
قال عباس يخاطب الجمعية: يا اخواناو اخواتنا.. يا ايها الجماهير الفتية الوفية.. اصلا كلمة ثورة دي جات من كلمة الثور..!
جنس كلام ياولدي.. في ذاك الزمان كتير.. و ما بتقال..
يصبح الصباح.. يصيح ديك : حي على الثورة..يمسي المسأ.. يصيح ديك : غابت الثورة..!
الثورات يا ولدي في دارنا دي.. زي غنم الضاي ولد غبوش..يتوالدن صباح و مسا.. لا بيعرفن مواسم خريف..لا مواسم صيف..ولا مواسم شتأ..
يوم سألت ولد بتي.. الزين الرقيق..و كان مشى يقرا الرسم في بلاد بره.. قلت ليهو: دحين يا الزين يا وليدي.. الثورات دي بتجي من وين؟..
ضحك الزين.. لمن وقع على قفاهو.. و قال لي: من زرايب الجيش.. القصاد وادي سيدنا الفكي ابو النو الخمجان..!
أهي دي حالنا يا ولدي.. من ما اللـه خلق الوادي ده.. خلق جنبو الناس البيقوموا بالثورات..!
قلت: هل عباس أحدهم؟
ضحكت بنت الجبوري بصفاء يتحدى عتو السنين الكابي على ظهرها المقوس..و قالت: ناس عباس غنايين ساكت.. و الغنا عمرو ما بسوي شي..!
قلت : كيف الكلام ده؟
قالت: اللـه يخلق البنات السمحات.. الغناي يشـكّر جمال البنات السمحات..!
قلت: و هل كل البنات اشبه بالبنات السمحات؟
قالت: ابدا.. لكن كل ثورة و ليها غنــاي.. اٍلإ عباس بـدّع..!
قلت: هو معني بثورة واحدة فقط..
قالت: وهم.. كضب..!.. أني من تبيت في غشفروا دي.. عباس ما سكت من الغنا للثورات.. كل ما تهب ثورة ، يطرّق حنجرة الغنا..و يفضل يقعد في الكلام..و يغني..!
قلت: نحن أمة تحب تمجيد ثوراتها..!
قالت: ما غابيني شي.. الروادي تجعجع صباح و مسا.. صيف و شتا.. الثورة الظافرة.. الثورة المجيدة.. الثورة الخالدة.. و الثورة بالنص..!
قلت مراجعا لها: ظني الخرف صابك يا بت الجبوري.. الثورة بالنص اسم شارع..و ليس اسم ثورة وطنية..!
قالت بعناد المغالطة الفتية : اسم ثورة وطنية..!
قلت: وحياة ربنا ده اسم شــارع..
قالت ، و هي تستجمع حجج الإقناع و صلابة الموقف : شن خبرك انت كمان.. هسع دي وريني ليه سموها الثورة بالنص..!
قلت: تمييزا لهذا الشارع.. لأن هناك الثورة بالوادي ..و الثورة بالشنقيطي..!
قالت: اسمع مني جنس الحكي ده.. في زمان فات يا ولدي.. جانا عباس..و لملم الناس لجمعية كبيرة و حاشدة.. بغرض مراجعة دعم الجماهير الوفية لواحدة من الثورات.. قام حسين ود ملاح و سأل عباس :دحين شواهد التأريخ .. رأيها شنو في الثورة بالنص..؟
ضحك عباس.. اصلا يا ولدي عباس ده عمرو ما كشر خلقة.. و قطب جبين.. يوت مبسوط.. وقال لحسين : في احدى الثورات العديدة .. التي انتابت هذا الوطن.. بفعل بنيه.. أو بفعل الغبار .. مرّ احد قواد تلك الثورات بهذا الطريق .. متوغلا داخل الحارات - حيث أن المكان الذي تهب منه الثورات بالقرب من تلك الحارات- و ذلك تفاديا للوشاة و المتآمرين..و الغلاة المأجورين..و حينما هب اهالي الحارة يستنكرون فعلته الشنيعة..و جبنه الذي لا يعجب الحكامات.. قال لهم.. فلنتفق!.. قالوا .. كيف؟.. قال.. يا اخوانا الثورة دي النص بالنص.. مناصفة بيننا و بينكم.. منا أمير و منكم والي.. و منكم محافظ و منا ضابط محلية.. و تخليدا لهذا الإتفاق التأريخي.. اطلق على هذا الشارع اسم الثورة بالنص..!
صفق ناس الجمعية في هداك الحين.. لأن كل صفقة و ليها تمنها.. خصوصا لو كان عباس هو المتكلم..!
قلت: و هل اكتفى عباس بهذا التوضيح.. فقط؟
قطبت الزهيرة بنت الجبوري تجاعيد وجهها الصغير.. و قالت: عباس يا ولدي .. بيشكر الما بتشكر.. صاح في الجمعية.. هز يمينو بأمجاد الثورة و الوطن.. و قال لينا:
لابد أن يملك المرء منا.. بعد النظر..و القدرة على التفسير.. الصحيح.. الثاقب.. للتأريخ..!
فاٍن تأريخ هذا الوطن لم يكن مصادفة.. أو عبث أقدرا .. يأتي خبط عشواء..و انما سطره الأبناء الوطنيين..
قلت ، مقاطعا : و من هم هؤلاء الأبناء الوطنيين؟
قالت: عباس هو الميزان.. و الفصل الخطاب.. براهو يحدد عيال الوطن..و المواطنين الصالحين.. و يحسب ناس الثورات فردا فردا..
قاطعتها للمرة الثانية و قلت: و انتي عمرك ، يا بت الجبوري ، ما فكرتي تسوي ليك ثورة عشان عباس يتغنى بأمجادك..و أمجاد ثورتك؟
قالت ، باٍستهزاء : الشكر البيجي من عباس.. ما بينفع الا مع زول اٍضينة ساكت..!
ضحكت و قلت لها: يعني قصدك ناس الثورات الوطنية ديل.. اٍضينات ساكت؟
قالت: ما تقولني الما قلتو.. يا ولدي عباس شي..و ناس الثورات ، رضي الله عنهم ، شي تاني..!
نواصل..
كبر
|
|
 
|
|
|
|
|
| العنوان |
الكاتب |
Date |
| عباس يختار زمن السكوت: حكاوي الغبن | Kabar | 01-06-07, 09:19 PM |
| Re: عباس يختار زمن السكوت: حكاوي الغبن | Kabar | 01-06-07, 09:30 PM |
| Re: عباس يختار زمن السكوت: حكاوي الغبن | Kabar | 01-07-07, 00:08 AM |
| Re: عباس يختار زمن السكوت: حكاوي الغبن | Kabar | 01-07-07, 09:42 PM |
| Re: عباس يختار زمن السكوت: حكاوي الغبن | Kabar | 01-07-07, 09:58 PM |
| Re: عباس يختار زمن السكوت: حكاوي الغبن | esam gabralla | 01-07-07, 11:37 PM |
 Re: عباس يختار زمن السكوت: حكاوي الغبن | tmbis | 01-07-07, 11:57 PM |
| Re: عباس يختار زمن السكوت: حكاوي الغبن | Kabar | 01-08-07, 05:01 PM |
| Re: عباس يختار زمن السكوت: حكاوي الغبن | Kabar | 01-08-07, 05:04 PM |
| Re: عباس يختار زمن السكوت: حكاوي الغبن | Kabar | 01-08-07, 05:11 PM |
| Re: عباس يختار زمن السكوت: حكاوي الغبن | Kabar | 01-08-07, 05:23 PM |
| Re: عباس يختار زمن السكوت: حكاوي الغبن | Kabar | 01-09-07, 01:06 AM |
| Re: عباس يختار زمن السكوت: حكاوي الغبن | Kabar | 01-09-07, 04:47 PM |
| Re: عباس يختار زمن السكوت: حكاوي الغبن | Kabar | 01-09-07, 04:52 PM |
| Re: عباس يختار زمن السكوت: حكاوي الغبن | Kabar | 01-10-07, 06:09 AM |
| Re: عباس يختار زمن السكوت: حكاوي الغبن | Kabar | 01-10-07, 06:16 AM |
| Re: عباس يختار زمن السكوت: حكاوي الغبن | Kabar | 01-10-07, 04:36 PM |
| Re: عباس يختار زمن السكوت: حكاوي الغبن | Kabar | 01-10-07, 04:46 PM |
| Re: عباس يختار زمن السكوت: حكاوي الغبن | Kabar | 01-10-07, 04:52 PM |
| Re: عباس يختار زمن السكوت: حكاوي الغبن | Kabar | 01-10-07, 11:42 PM |
| Re: عباس يختار زمن السكوت: حكاوي الغبن | Kabar | 01-10-07, 11:50 PM |
| Re: عباس يختار زمن السكوت: حكاوي الغبن | Kabar | 01-11-07, 05:06 PM |
| Re: عباس يختار زمن السكوت: حكاوي الغبن | Kabar | 01-11-07, 05:13 PM |
| Re: عباس يختار زمن السكوت: حكاوي الغبن | Ali Alhalawi | 01-11-07, 05:22 PM |
| Re: عباس يختار زمن السكوت: حكاوي الغبن | Kabar | 01-11-07, 09:30 PM |
| Re: عباس يختار زمن السكوت: حكاوي الغبن | Kabar | 01-11-07, 09:41 PM |
| Re: عباس يختار زمن السكوت: حكاوي الغبن | Kabar | 01-11-07, 09:48 PM |
| Re: عباس يختار زمن السكوت: حكاوي الغبن | Shams eldin Alsanosi | 01-11-07, 11:22 PM |
| Re: عباس يختار زمن السكوت: حكاوي الغبن | Kabar | 01-13-07, 09:35 PM |
| Re: عباس يختار زمن السكوت: حكاوي الغبن | Kabar | 01-13-07, 09:43 PM |
| Re: عباس يختار زمن السكوت: حكاوي الغبن | Kabar | 01-13-07, 09:56 PM |
| Re: عباس يختار زمن السكوت: حكاوي الغبن | Kabar | 01-14-07, 08:47 PM |
| Re: عباس يختار زمن السكوت: حكاوي الغبن | Kabar | 01-14-07, 09:02 PM |
| Re: عباس يختار زمن السكوت: حكاوي الغبن | ابوعسل السيد احمد | 01-15-07, 02:00 AM |
| Re: عباس يختار زمن السكوت: حكاوي الغبن | Kabar | 01-16-07, 04:13 AM |
| Re: عباس يختار زمن السكوت: حكاوي الغبن | Kabar | 01-16-07, 04:36 AM |
| Re: عباس يختار زمن السكوت: حكاوي الغبن | Kabar | 01-17-07, 06:00 AM |
| Re: عباس يختار زمن السكوت: حكاوي الغبن | 3mk-Tango | 01-17-07, 10:29 AM |
 Re: عباس يختار زمن السكوت: حكاوي الغبن | معتصم دفع الله | 01-17-07, 10:32 AM |
| Re: عباس يختار زمن السكوت: حكاوي الغبن | Kabar | 01-18-07, 10:54 PM |
| Re: عباس يختار زمن السكوت: حكاوي الغبن | Kabar | 01-18-07, 10:56 PM |
| Re: عباس يختار زمن السكوت: حكاوي الغبن | Kabar | 01-18-07, 11:01 PM |
| Re: عباس يختار زمن السكوت: حكاوي الغبن | Kabar | 01-18-07, 11:15 PM |
| Re: عباس يختار زمن السكوت: حكاوي الغبن | Biraima M Adam | 08-06-07, 01:21 PM |
| Re: عباس يختار زمن السكوت: حكاوي الغبن | Kabar | 01-19-07, 04:31 PM |
| Re: عباس يختار زمن السكوت: حكاوي الغبن | Kabar | 01-21-07, 00:18 AM |
| Re: عباس يختار زمن السكوت: حكاوي الغبن | أمير بابكر | 01-21-07, 08:58 AM |
| Re: عباس يختار زمن السكوت: حكاوي الغبن | Kabar | 01-22-07, 00:11 AM |
| Re: عباس يختار زمن السكوت: حكاوي الغبن | Kabar | 01-22-07, 00:21 AM |
| Re: عباس يختار زمن السكوت: حكاوي الغبن | Kabar | 01-22-07, 05:56 PM |
| Re: عباس يختار زمن السكوت: حكاوي الغبن | Kabar | 01-23-07, 05:03 PM |
| Re: عباس يختار زمن السكوت: حكاوي الغبن | عبدالرحمن عزّاز | 01-24-07, 05:00 AM |
| Re: عباس يختار زمن السكوت: حكاوي الغبن | عبدالرحمن عزّاز | 01-27-07, 09:26 PM |
| Re: عباس يختار زمن السكوت: حكاوي الغبن | بشير جبريل علي | 01-29-07, 05:58 PM |
| Re: عباس يختار زمن السكوت: حكاوي الغبن | ابوعسل السيد احمد | 02-10-07, 02:46 AM |
| Re: عباس يختار زمن السكوت: حكاوي الغبن | عبدالرحمن عزّاز | 02-10-07, 10:01 PM |
| Re: عباس يختار زمن السكوت: حكاوي الغبن | Kabar | 02-20-07, 07:52 PM |
| Re: عباس يختار زمن السكوت: حكاوي الغبن | Kabar | 02-20-07, 07:52 PM |
| Re: عباس يختار زمن السكوت: حكاوي الغبن | Kabar | 02-20-07, 07:53 PM |
| Re: عباس يختار زمن السكوت: حكاوي الغبن | Kabar | 02-20-07, 07:54 PM |
| Re: عباس يختار زمن السكوت: حكاوي الغبن | عبدالرحمن عزّاز | 02-24-07, 09:27 PM |
| Re: عباس يختار زمن السكوت: حكاوي الغبن | Kabar | 02-26-07, 06:29 AM |
| Re: عباس يختار زمن السكوت: حكاوي الغبن | عبدالرحمن عزّاز | 03-02-07, 02:03 AM |
| Re: عباس يختار زمن السكوت: حكاوي الغبن | Kabar | 03-03-07, 08:28 PM |
| Re: عباس يختار زمن السكوت: حكاوي الغبن | Kabar | 03-04-07, 07:05 PM |
| Re: عباس يختار زمن السكوت: حكاوي الغبن | Kabar | 03-04-07, 07:09 PM |
| Re: عباس يختار زمن السكوت: حكاوي الغبن | معاذ الدخري | 03-04-07, 07:26 PM |
| Re: عباس يختار زمن السكوت: حكاوي الغبن | Kabar | 03-04-07, 07:11 PM |
| Re: عباس يختار زمن السكوت: حكاوي الغبن | Kabar | 03-05-07, 07:24 PM |
| Re: عباس يختار زمن السكوت: حكاوي الغبن | Kabar | 03-05-07, 07:27 PM |
| Re: عباس يختار زمن السكوت: حكاوي الغبن | عبدالرحمن عزّاز | 06-26-07, 01:45 AM |
| Re: عباس يختار زمن السكوت: حكاوي الغبن | Biraima M Adam | 07-03-07, 04:21 AM |
| Re: عباس يختار زمن السكوت: حكاوي الغبن | Kabar | 08-27-07, 00:51 AM |
| Re: عباس يختار زمن السكوت: حكاوي الغبن | Kabar | 08-27-07, 01:06 AM |
|
| |
Kabar
فيس بوك
تويتر
انستقرام
يوتيوب
بنتيريست