نســـــوان....... ســــوق النــاقـة

نســـــوان....... ســــوق النــاقـة


05-19-2003, 04:50 AM


  » http://sudaneseonline.com/cgi-bin/sdb/2bb.cgi?seq=msg&board=61&msg=1135885082&rn=0

Post: #1
Title: نســـــوان....... ســــوق النــاقـة
Author: سجيمان
Date: 05-19-2003, 04:50 AM

سوق الناقة.... شية وشويات... ونسوان.....ورجال محترمين.... ولحم كيري....كل انواع اللحوم كيري...... اخر اجازة مشيت.......حمت فيهو..اكلت شيتو...قبيلة سوق الناقة....شي غريب...لحم وشية وبس... وشاي منعنع....ونضم مدلع.....وبخور مولع...حسي كان كل مرا..... بتقعد تتكحل وتشطف وتتجيه...وتهز كانونها لراجلها... وتضحك وتتنى وتحنى.... نسوان سوق الناقة ديل باقي لكم بياكلن عيش... ابدا..... لكن الرجال حليلكن منهم.... والغريبة يقولو لك والله سوق الناقة فيهو جنس شية.. شية شنو؟ دا علي منو دا؟ شية ؟ اهلا يا شية....بعدين راجلك ان دايرة تعرفيهو مشى سوق الناقة والله ما مشي..... فتشي هدومو عديل قطع شك تلقي لك. هبود رماد معلق في عمتو والله شالو والله بنطلونو.... لانهن النسوان ديك ... كل خمسة دقايق تقعد تهز في الكانون....وتقوم وتقعد تاني في البنبر.. عشرين مره..... وتشد توبها تحتها وان بقن كرعينها عاجبتنها.... تديهن مدا..وتكشف عن الساق...ويكون عاوز يحرق من الدخان والحنة مرسومة ومااااااااااشة لفوق.... هن اصلن دي شغلتهن بالنهار شية وفي الليل دخان......وكل كلمة والتانية...... قرقرقرقر......آآآآآآآآي مش كدا بالله؟....وهو لا كدا ولاحاجة...ولا ليهو علاقة بكدا.. لكن تقولو شنو؟... زيادة جلع ودلع.... وكل دقيقة تقعد تتمغا..وتشد السدر . والجماعة قاعدين يمشو... زرافات ووحدانا.... والغريبة نص الرجال المحترمين البيمشو هناك بيلبسو نضارات شمسية. للتنكر.. و المعاينة بالكُرُب....الواحد مقبل وشيهو على الشارع.....وعينو بجوا النضارة.... تتفسح في الشية وست الشية...وتلقاهو كل مرة يقول للمرا نارك دي باردة....ودي تقوم وتدنقر قدامو...كية للعواذل.. وتدي الكانون هزة..والتوب شدة والكرعين مدة....وهكذا لمن الشية تمرق..الغريبة شية البيت تمرق في خمسة دقايق...وشية سوق الناقة في خمسة ساعات.....مادام الكانون كل دقيتين يدوهو هزة...
وفيهن نسوان... بنات لزينا...الواحدة تدفق الشطة فوق جلابية الزبون.... عشان تحلف وتتيمن الا تغسلها ليهو...وهو لابسها طبعا...والغسيل بالابريق......والدنقير يطول.....وان شاء الله تقيف علي الدنقير
Post: #2
Title: Re: نســـــوان....... ســــوق النــاقـة
Author: AL GURAIR
Date: 05-19-2003, 06:01 AM
Parent: #1

انت عارف يا " سجيمان" بوستك ده ... نقر في الاوتار الحساسة ..وطبعا شبه " سوق الناقة ..كثير ....!!!لكن تعرف يا سجيمان ..كان البوست ..محتاج لشوية علامات استفهام وتعجب ..بين السطور والكلمات .عشان اللبيب بالاشارة يفهم!!!!!...
لك التحية ..وانت تنشر البسمة ...بين جنبات الديار ..في هذا الزمن ...الردي..
Post: #3
Title: Re: نســـــوان....... ســــوق النــاقـة
Author: سجيمان
Date: 05-19-2003, 06:06 AM
Parent: #2

شكرا يا القرير.......... البوست كدا ممكن يتفهم ......ويتفهم كويس جدا
Post: #4
Title: Re: نســـــوان....... ســــوق النــاقـة
Author: البعيو
Date: 05-19-2003, 06:18 AM
Parent: #1

والله ياسجيمان كلامك فى المليان ومقفل وجبت المجموع الكامل طبعا انا بقول كده لاتى داخل الفيلم.
المؤلم ان كل العاملين فى سوق الناقه من جزارين وحقين السلطه والشويات والاولاد والبنات الصغار الببيعو المناديل والريحه ان قدروا باكلوا حدهم الفول والبهوات يضربوا فى الشية امام هؤلاء المساكين
والحشاش يملا شبكتو
وكله بحقو
والله المستعان
Post: #5
Title: Re: نســـــوان....... ســــوق النــاقـة
Author: abuguta
Date: 05-19-2003, 06:32 AM
Parent: #4

سجمى ياسجيمان جبتها .....كبيرة مالها شيتنا بتاعة سوق الناقة
ما احسن من اللحم المجمد دا..
ذكرات كنت ايام زمان بمشى سوق ليبيا لزوم السمسرة ولما ما القى لى
بضاعة اشترى لى كيلو لحمة وهاك يامقيل.. لو الواحد كان فى السكة ديك
كان بقى تمساح كبير لكن قلنا اخير نتمدن.. وواصلنا القراية وزملانا تجار الشنط الان ماسكين السوق العربى والبقى كوز فيهم والاكل الموز فيهم
وانا من مطار لمطار لما اتمليت غبار وكرهت الترحال

بس سوالى انت وبت قضيم شغلوكم فى البلدية....من الكرنتينة الى سوق ليبيا
Post: #7
Title: Re: نســـــوان....... ســــوق النــاقـة
Author: سجيمان
Date: 05-19-2003, 07:04 AM
Parent: #5

ابقوتة......... اصلها القراية بتطير الزول من الجنة وصقطها
Post: #6
Title: Re: نســـــوان....... ســــوق النــاقـة
Author: سجيمان
Date: 05-19-2003, 06:33 AM
Parent: #4

والله شي محزن...... يا البعيو
Post: #8
Title: Re: نســـــوان....... ســــوق النــاقـة
Author: ود العجمى
Date: 05-19-2003, 07:42 AM
Parent: #1


...حسي كان كل مرا..... بتقعد تتكحل وتشطف وتتجيه..
939 عزيزى

أو سجيمان سابقا
انت لسع من زمن الشطيف ؟

سوق الناقة ظاهرة شعبية حلوة . والنفس دائما يا عزيزى تحتاج لبراحات . بس انت زدتها شوية
Post: #11
Title: Re: نســـــوان....... ســــوق النــاقـة
Author: سجيمان
Date: 05-19-2003, 08:47 AM
Parent: #8

ود العجمي..... الشطيف خلوهو والله شنو؟..... وبعدين يا اخوي من نضمك اظنك سوق الناقة قاعد تديهو طليلة
Post: #9
Title: Re: نســـــوان....... ســــوق النــاقـة
Author: بدرالدين شنا
Date: 05-19-2003, 07:45 AM
Parent: #1

بسم الله الرحمن الرحيم

يا سجيمان ياخوي
سلام وإحترام

غايتو سوقك دا لا ناقة لي فيه ولا جمل
Post: #12
Title: Re: نســـــوان....... ســــوق النــاقـة
Author: سجيمان
Date: 05-19-2003, 08:50 AM
Parent: #9

بدر الدين حلاتو........ امشي لو مرة واحدة بتسوي لك فيهو جمل
Post: #10
Title: Re: نســـــوان....... ســــوق النــاقـة
Author: sari_alail
Date: 05-19-2003, 07:49 AM
Parent: #1

يا سلا م يا سجيمان
أنا بمشي أجازنة كل سنة السودان
بس سوق الناقة مشيتوا قبل 6سنوات
بس ما كنت لابس جلابية وشال
كنت لابس جينز وهدوم بتاعت صعاليق
بس أن شاء الله أنا السنة حيكون ضمن برنا مج الحوامات بتاعتي


UP
Post: #13
Title: Re: نســـــوان....... ســــوق النــاقـة
Author: سجيمان
Date: 05-19-2003, 08:55 AM
Parent: #10

ساري الليل....... الله يبيّض النيّة
Post: #14
Title: Re: نســـــوان....... ســــوق النــاقـة
Author: ebrahim_ali
Date: 05-19-2003, 09:03 AM
Parent: #10

سيجمان تحياتي لهذه الوصف الراقي والتعابير الممتعة فانا كنت من المداومين جدا على الذهاب لهذا السوق باستمرار وبالذات يوم الخميس وكنت أذهب لصديق لي يعمل في سوق ليبيا وهو الآن من كبار تجار سوق القش وكنت ازوغ من شلتي في عمارة التبلدي الهندسية واحضر لصاحبي فوصفك السابق اعاد لي ذكريات مضت وايام خالدة في الذهن فشية سوق الناقة برغم مخاطرها الكثيرة الا انو الواحد كان بستمتع بيها وبالمناظر التي يشاهدها وحتى صاحبي في ايامي الاخيرة فكر في الزواج من احدي بنات العاملات في الشية فحاولت اقناعه بشتى السبل بعدم الاقدام على هذه الزيجة الا انه اصر بصورة مبالغ فيها وتم الزواج وهو الان لديه بنتين امورتين وانا من ديك قلت ليه لو انا قعدت معاك اكتر من كدي برضو حيسقوني بتاعك السقوقك ليهو وازوج واحدة من هنا
ومن ديك وعيييييييقك
Post: #15
Title: Re: نســـــوان....... ســــوق النــاقـة
Author: سجيمان
Date: 05-19-2003, 09:08 AM
Parent: #14

ابراهيم ازيك........ بركة يا زول النفت بجلدك... حسي كنت شايل الكوانين في راسك وماشي ورا المرا على موقف بحري
Post: #16
Title: Re: نســـــوان....... ســــوق النــاقـة
Author: سجيمان
Date: 05-19-2003, 01:58 PM
Parent: #15

قادر الله....... زبائن سوق الناقة يجو تاوقو ويمشو
Post: #17
Title: Re: نســـــوان....... ســــوق النــاقـة
Author: bint algazeira
Date: 05-19-2003, 03:07 PM
Parent: #16

هههههههههههههههه سجيمان الله يهديك
دا كلام شنو دا
سوق الناقه دا وين؟
ناس النظام العام ماشافوه ولا شنو؟
اوصف ليهم يمشوا ليه


لكم تحياتي
Post: #19
Title: Re: نســـــوان....... ســــوق النــاقـة
Author: سجيمان
Date: 05-19-2003, 07:06 PM
Parent: #17

بنت الجزيرة......سوق الناقة دي في غرب امدرمان.....وناس النظام العام عارفنو زقاعدين يجو يضربو فيهو الشية وكدا






شلاقة....... انا الودتني ليهو شلاقتي يا شلاقة
Post: #18
Title: Re: نســـــوان....... ســــوق النــاقـة
Author: شلاقة
Date: 05-19-2003, 06:42 PM
Parent: #1

سجيمان
عرفنا ديل كانوا بعملوا فى شنو
انت كنت بتعمل فى شنو؟
Post: #20
Title: Re: نســـــوان....... ســــوق النــاقـة
Author: EXORCIST7
Date: 05-19-2003, 09:54 PM
Parent: #1

سيجمان التعبان

سوق الناقة دا سوق دعارة عديل ومستغرب ليه ناس النظام العام غاضين الطرف عنه
قبل سنتين كنت ماشى لأعاين قطعة أرض لدكان فى أبوزيد القريب من سوق الناقة ومعى إبن عمى وأثناء عبورنا بالسوق إذا بواحدة من فتيات سوق الناقة تلحق بنا وتصر على دعوتنا إلى الإفطار رفضت بشدة ولإتخلص منها قلت لها إنى صائم فقالت لى تعال ريح شوية حتى وقت الإفطار ونعمل ليك الإفطار !!!!! هنا هربت بجلدى
وإستغربت أن هذا يحدث فى وضح النهار فى دولة ترفع شعار الشريعة
هن بائعات هوى يتخذن الشوايات واجهات

ولا حول ولا قوة إلا بالله
Post: #21
Title: Re: نســـــوان....... ســــوق النــاقـة
Author: abuguta
Date: 05-20-2003, 06:22 AM
Parent: #20

وينك ياسجيمان

والله امس الفضائية السودانية عرضت مناظر من نسوان سوق الناقة
والشية تتقلب واللحم بلعب و اخونا ماخد مقلب وقاعد فى بنبر البلاستيك
ونحن قاعدين نتعشى بفوووووووووووول لووووووووووووول
Post: #22
Title: Re: نســـــوان....... ســــوق النــاقـة
Author: Hozy
Date: 05-20-2003, 01:20 PM
Parent: #1

سيجمان
بصراحة كده انت مشيت السوق ده قدر شنو
بيني وبينك ده؟
لكن ياسيجمان
الرجال ديل يلومهم من شنو ولاشنو
نسوان سوق الناقة
ولا بنات الملح
ولا الموظفات العازبات
ولا امات الطرح الحايمات البوم كله
الماشه ليها معهد
ولا ماشه جامعة مع كترة الجامعات
والله البلد بقه حالته صعبة
والبنات سعرو بسبب الحالة المادية
تحياتي
Post: #23
Title: Re: نســـــوان....... ســــوق النــاقـة
Author: سجيمان
Date: 05-20-2003, 03:51 PM
Parent: #1

اكسورسيت7....... ابقوتة.... هوزي...... المشكلة فعلا اقتصادية في المقام الاول.....
Post: #24
Title: Re: نســـــوان....... ســــوق النــاقـة
Author: Ahmed Poison
Date: 05-20-2003, 05:01 PM
Parent: #23

والله يا سجيمان المشكلة انو البلد كلها بقت سوق ناقة كبير زي ما قالت هوزي.. وكلامك القلتو كلو صاح .. بس نصيختك شنو ليهن عشان ما يضطرن لي بيع لحمن مع لحم الناقة.. وبرضو الناس البتاكل هناك ، تقول ليهم شنو عشان يفرقو بين الاكل الحلال من الحرام؟؟!! ناس دايشة
Post: #25
Title: Re: نســـــوان....... ســــوق النــاقـة
Author: سجيمان
Date: 05-20-2003, 05:13 PM
Parent: #24

احمد يا بويظون الموضوع لكل الفيهو خير يقول نصيحتو...... وعشمي كان فيك............
هاك اللوووووووووووووول دي.......
Post: #26
Title: Re: نســـــوان....... ســــوق النــاقـة
Author: HOPELESS
Date: 05-20-2003, 09:28 PM
Parent: #25

يا سجيمان

انت ماشفت البنات البمشن يضربن الشيه هناك ولا شنو..؟
اها ديل يكونوا في رجال بيهزوا ليهم الكانون برضو ولا شنو..؟
والله ان كان فيها حاجه زي دي تكون شغلانه والبلد مدوره هز كوانين وخم رماد

وبعدين انت زااااتك مالك ومال اللحمه الكيري ماعارفه بتجيب المرض..؟
ولا عمتك ريحة الشيه .. والدنقيره الابديه



الله يستر الحاله بقت صعبه والاخبار البتجينا بقت تبكينا

ويلا سلااام
Post: #27
Title: Re: نســـــوان....... ســــوق النــاقـة
Author: Abd-Elrhman sorkati
Date: 07-31-2003, 08:56 PM
Parent: #1


up
Post: #28
Title: Re: نســـــوان....... ســــوق النــاقـة
Author: aboalkonfod
Date: 07-31-2003, 09:33 PM
Parent: #27


يا أخوي سجيمان .. الشقية سمعت
لكن العين ما شافت .. أنا يا يومة
أبرا من سوق الناقة ومن "كوانينو"

قلت لي الشية نار جمر ، كدي يا يومة
الكوانين ولا بلاش ،،، عيلا يا أخوي ما
قلت لي الخرفان بج ولا كجر !!!

ـــــــ
Post: #29
Title: Re: نســـــوان....... ســــوق النــاقـة
Author: انور عمر
Date: 08-01-2003, 09:16 AM
Parent: #28

الاخ عادل والاخوة الكرام
السلام عليكم ورحمة الله وبركاته
حقيقة الموضوع مهم للغاية ولكن كيف الحل
حقيقة البلد من هذه الناحية لا يقدر احد ان ويصف الدهور الحاصل وقد لا تصدق ما يحصل امام العين حيث انا خرجت عن السودان ورجعت بعد أربعة سنوات ولم أصدق ما يدور
ولكن اكثر ما المني هو قابلت أحد الباعت المتجولين وهو يحمل صور لبعض الفنانات حيث الاقبال الكبير عليها ولكن الادهي وامر هو بين هذه الصور يحمل آيات من القران الكريم تخيل صور فنانات عاريات وتكون وسطهن آية الكرسي وصورة الفاتحة وعندما تكلمت معه قالي يا اخي خلنا نشوف رزقنا