أسعار السيارات بالسودان تقسيط ونقداً

احبائى.... السلام عليكم ورحمة الله وبركاته

هل فيكم من خاض تجربة شراء سيارة بالسودان؟

وددت فتح هذا البوست حتى نتبادل المعرفة

فيما يتعلق بأنواع السيارات المتوفرة بالسودان

والوكالات ومواقعها وامكانياتها الفنية

توفر قطع الغيار

الأسعار النقدية للسيارات

هل يتوفر نظام التقسيط وماهى شروطه

وهل يتم مباشرة مع الوكيل ام هل هناك

شركات متخصصة

وهل توجد وكالات متخصصه فى السيارات المستعملة؟

انا عايز انتهى من الهم ده

الاخ انور البعيو


السيارات بالاقساط فى السودان موجوده لكن الاسعار بالمقارنه مع


السعر فى السعوديه مبالغ فيه وكان لى مواقف سوف اسردها ليك


من خلال اتصال واتابع معك من خلال البوست0


بالتوفيق0


تحياتــــــــــــــــى


ســــــــــــــــــــيد

اهلاً بيك ابو السيد
وفى انتظار مساهمتك
وانشاء الله نستفيد منها

ذكرت ان نظام التقسيط هنا فى السعودية افضل
لكن المشكله الجمارك بتكون عاليه
عندنا اخونا ادخل سيارة ميتسوبيشى باجيرو (دفع رباعى)
موديل 2003
السنه الفاتت (2005)
تعرف تم تقدير الجمارك بـ 45 مليون
واكيد نفس السياره دى بتكون معروضه
لدى مجموعة دال الوكلاء فى السودان
....

البعيو

ازياك

اول حاجة الجمرك يحسب حسب سعة ماكينة السيارة

فالسيارات ذات السعة 1.4 و1.2 و1.6 ذات جمرك معقول

ولكن دخوك سعة الماكينة للفئات 2.0 و زيادة بتدخلك في شرائح جمركية عالية جدا

فهذه السيارات تعتبر سيارات رفاهية لذلك تحسب عليها جمارك عالية

انا معاك لازم تعرف اولا توفر القطع وبعدين تقوم بالتصدير

وعلى حسب علمي البسيط بالسيارات فسوقها نائم في السودان

واذا عملت حسابك ممكن تشتري واحدة من السودان ((كاش )) باقل من سعر التصدير وذلك لعدم توفر السيولة في سوق السيارات


ومبروك مقدما

بس ما تنس المخدات

شان تشوف قدامك

الأخ قرجه
مساك الله بالخير
وشكراً على المرور الكريم

والمعلومه الهامه التى وردت فى مداخلتك هامه بالنسبة لى
وهى المعلومة المتعلقه بعلاقة سعة الماكبنه مع الجمارك
ايضاً علمت من احد الخوة ان سيارات الدفع الرباعى
بغض النظر عن نوعهاإلا انها تتساوى فى جماركها ولا أدرى عن صحة هذه
المعلومة

تخريمة:
ياعم قرجه انا من الضخامة مافضل لى إلا ان اضع كرسى السواق
فوق المقعد الخلفى عشان الكرش .... بعيو دى حركات ساكت....

الرسوم الجمركية علي بعض السيارات التي تستورد بواسطة المغتربين
فى الرابط ادناه للموقع الرسمى للجمارك:

http://www.customs.gov.sd/Yellowpage/4.html

السياسة العامة لإستيراد المركبات

أ/ ينص المنشور الصادر من وزارة التجارة لتنظيم سياسة إستيراد المركبات من الخارج رقم (346) لسنة 2001م علي الضوابط التالية :-

يحق لأي شخص بإستيراد مركبة دون مطالبة بإستيفاء من وزارة التجارة للأتي :-

الصوالين والبكاسي والأستيشن دايموند عمر (6) سنوات من تاريخ الصنع
الشاحنات الثقيلة والآليات والشاحنات الخفيفة والحافلات سعة (25) راكباً فأكثر عمر (12) سنة من تاريخ الصنع.
الحالات الآخري تتطلب معالجة من وزارة التجارة الخارجية.

ب/ الفئات الجمركية المقررة علي المركبات :-

1. مركبات سعة ماكنتها اكثر من (1500 سي سي) تخضع للفئة (45%) رسم وارد +40% رسم أضافي +5% دفاع +10% قيمة مضافة (من الرسوم +القيمة).

2. مركبات سعة ماكنتها اكثر من (1000 سي سي) واقل م (1500 سي سي) تخضع للفئة 25% رسوم وارد + 30% رسم أضافي + 5% دفاع + 10% قيمة مضافة (من القيمة + الرسوم).

3. مركبات سعة ماكنتها اقل من (1000 سي سي) تخضع للفئة 25% رسوم وارد +20 رسم أضافي + 5% دفاع +10% قيمة مضافة (من القيمة + الرسوم).

4. حافلات سعتها تزيد عن (11) راكب وتقل عن (40) راكب تخضع للفئة 10% رسم وارد +5% دفاع + 10% قيمة مضافة.

5. حافلات بصات اكثر من (40) راكب تخضع للفئة (10%) رسم وارد +5% دفاع ومعفاة من ضريبة القيمة المضافة (من القيمة + الرسوم).

6. شاحنات خفيفة (light taner) تخضع للفئة (45%) رسوم وارد +5% دفاع + 10% قيمة مضافة ( من القيمة + الرسوم).

7. شاحنات حمولتها تزيد عن (5طن) وتقل عن (20طن) تخضع للفئة رسم وارد + 5% دفاع + 10% قيمة مضافة من القيمة + الرسوم.

8. شاحنات حمولتها تزيد عن (20طن) تخضع للفئة 10% رسم وارد +5% دفاع ومصفاة من ضريبة قيمة مضافة.

9. الآليات والمعدات الثقيلة (10% رسم وارد +5% دفاع ومعفاة من ضريبة القيمة المضافة

الأخ البعيو
لك الشكر على التوضيح
هل المنشور الصادر عام 2001 والخاص بتنظيم سياسة إستيراد السيارات مازال ساريا دون أي تعديلات عليه ؟؟
أرغب في تصدير هايلكس موديل 2000 أو 2001 دبل كابينه بنزين هل لك مشكور الإفادة عن مبلغ الجمارك عليه ؟؟ وهل أرخص هناك بالسودان أو بالسعودية أرجو النصح
ملخوظة موقع الجمارك أغلب الروابط فيه معطلة كنت أنوى سؤالهم الاسئلة المذكورة أعلاه
أخوكم
الشفيع إبراهيم

انتو بتلقوا القروش دي وين؟

انا لدى صديق فى الجمارك قال تم التعديل فى الائحه وانه فقط مسموح بدخول العربات عمر 3 سنه

واما العربات فلدى صديق احضر حافله من السعوديه اكثر من 40 راكب وربح فيها



السنجك

انا لدى صديق فى الجمارك قال تم التعديل فى الائحه وانه فقط مسموح بدخول العربات عمر 3 سنه

واما العربات فلدى صديق احضر حافله من السعوديه اكثر من 40 راكب وربح فيها



السنجك

انا لدى صديق فى الجمارك قال تم التعديل فى الائحه وانه فقط مسموح بدخول العربات عمر 3 سنه

واما العربات فلدى صديق احضر حافله من السعوديه اكثر من 40 راكب وربح فيها



السنجك

فوق

Quote: واما العربات فلدى صديق احضر حافله من السعوديه اكثر من 40 راكب وربح فيها

اما انا وديتا ...واتزبلعوا علي زبلعة....


يجوا يفتشوها السماسرة....ويقولوا لي جاز والله بنزين...اقول ليهم جاز يقولوا يا سلاااااام
والله نحن مفتكرنها بنزين....الجاز دا جروا ما تقيل....

يجوا البعدن ويسألوا نفس السؤال...اقول ليهم بنزين...يقولوا لي والله كان جبتها جاز هسي
تنباع...العربات الجاز مرغوبة خلاص...ولما اقول ليهم لا جاز....يفتشوها ويقولوا فيها دخنة
العربية دي اصلا كانت بنزين ومقلوبة جاز....

أخر واحدين قلت ليهم العربية دي لا جاز لا بنزين.......مووووووية....


تصوّر قالوا لي شنو؟

ها زول الموية في بلدنا دي ما بتشتغل....قايلا زي بلدا...مويتنا عكرانة...

وفي السخانة الا تربط ليها مكيفات...وقربتين...

وأخر النهاية قايضتها....بي قطعة ارض في سقط لقط وغنمايتين...
قطعة الارض لا هسي جهتها ما بعرفها غير العصار ود عم الكتاحة

والغنمايتين ما بعرف الحصل عليهن شنو اظنو مسكن اب نيني الفريتيني

يا ود حسين

ياخي عالم السماسره ديل براهم
مره وحد جاب ليهو شاحنه (مان)
جو الجماعه مجرجرين شالاتم واحد ادشه( تقول ماكل كبك )ودخل عودفرق سنونو
انت عارف ياود اخوي انت المان الجبتو دا الانتايه ممو الضكر!!!!

Quote: جو الجماعه مجرجرين شالاتم واحد ادشه( تقول ماكل كبك )ودخل عودفرق سنونو انت عارف ياود اخوي انت المان الجبتو دا الانتايه ممو الضكر!!!!

تصور انا في النهاية اديتا ابان شالات ديل زاتم وجابو لي قطعة وغنم
والكلام دا جد جد...اصلو ما فيه هظار...

الاخ العزيز البعيو


الشكر مره اخرى لهذا البوست لان العربة او وسيلة الحركة


اهم شىء اليوم فى السودان خصوصا ان المغتربين اصبحوا


يمشوا البقالة بالعربه ، وليس لزوم الفنكهة لكن لظروف


الكسل وبعضهم اصبح يخاف من الطائشين ومعاملتهم مع


الراجلين من البشر ، واستحقار البعض للذى يمشى على


رجليه ونسوا انها احسن رياضات الدنيا، لكن فى السودان


لبعد المسافات والاهل والاسواق والمستشفيات لازم عربيه


لان الرياضه فى السودان اجباريه لزوم التواصل وظروف


المصروفات0


اخى انور والمتداخلين فى البدايه نحدد للاخ انور بعض


مواقع الشركات :-


دال بجوار المركز الاسلامى الافريقى وتايوتا فى المنطقه


الجديده فى الخرطوم ( الغابه سابقا) والماذدا فى كوبر


وشركة جياد لها عدة مواقع0


وظهرت وكالات تبيع السيارات المستعمله القادمه من اوربا


مثال البيجو والفلكسواجن غير ان هناك اخرى فى المنطقتين


الصناعيتين فى بحرى والخرطوم تبيع السيارات الكوريه0


اما موضوع الجمارك سوف اواصل اخر ما توصلت اليه العبقريه


السودانيه نحو حرمان من افنى شبابه من ادخال سياره شخصيه


برفع الجمارك ونسوا ان بعض العوائل المغتربه لا تكفيها


سيارات سعة 1000 سى سى لعدد 10 الى 12 فرد غير الجيران


والاهل الذين يستعينوا به 0


الاسؤ من ذلك هو اخر القوانين والصادر من وزير التجاره الخارجيه


ورغم انه اصدر مع تباشير السلام والديمقراطيه لكنه بنفس النكهة


القديمة ومميزاتة دوما للمبتعثين والدبلوماسين والمعارون رغم


انهم لم يقدموا 10% مما قدمه المغترب لبلاده


غدا اواصل000000000000000000000000000000000


تحياتـــــــــــــــــــــــــــــــــــى



ســـــــــــــــــــــــــــــــــــــيد

وفى قانون فى الجمارك ممكن تستفيدوا منه وهو اذا كان فى واحد قريبك او صاحبك عنده شركة ..بس ماشركة زى شركات البرير وابوالعلا واسامة داؤود.. ممكن تدخل العربية باسم الشركة وما تدفع الجمارك الا بعد خمس سنوات ...وبعد الخمس سنوات عربيتك بتكون دقة قديمة داخل السودان وجماركها تكون ملاليم .. بس المشكلة بعد الخمس سنوات دى ما حتقدر تبيع العربية لانه ببساطة مافى زول حيشترى منك عربية قديمة عمرها خمس سنوات .. وانا سمعت ان الناس فى السودان هسع راكبين همر ورولزرويس

Quote: وانا سمعت ان الناس فى السودان هسع راكبين همر ورولزرويس

كان سمعت بيهم راكبين بوينج من اللفة لي السوق العربي ما تستغرب تب يا السر

يا جماعة الخير :
نزار قال ليكم بجيبوا القروش دي من وين ؟

وبعدين الدواب غير السيارات ما كثيرة !

مثل ( لا مؤاخذة) الحمار الريفاوي أو ( الدنقلاوي) للنزهات والرحلات السريعة.

أو الحمار الأغبش أو البلدي للحمل الثقيل ورحلات العمل.

أو الجمل البشاري لمن ينتسب إلى فئة الهمباته من شاكلة ودضحوية وليس همباتة القرن الحالي.

أو الحصان ود المهيرة ( في حال تضمن عدم وضع إسمك مع الجنجويد).

أو ال خ 11 ، و ال خ 11 مالو ما تمام التمام، لا مخالفة ولا إشارة ولا حتى محتاج للطريق أصلا ممكن تمشي بالتلب من فوق الحيط.

كل هذه البدائل متاحة فلماذا السيارة. التى تلوث بيئة البلاد النظيفة، وتزعج النائم وتجفل الراتع من الغنم بالحدائق العامة أو شجر البيوت ....

صدقوني لو سمعتم هذه النصيحة وقاطعتم ركوب السيارات ، ومنعتم ذكرها في البيوت
( بالرغم من أن إبني أنس عرف السيارة وحلاوة ركوبها قبل ان يعرف ينطق بابا وماما)، لو فعلتم ذلك ستقوم الحكومة وشركات إنتاج السيارات بعمل ( Promotion)، سياره لكل من يشتري حليب أو زبادي


على كل حال شكرا لكم على هذه المعلومات القيمة والرابط القوى لمعرفة جمارك السيارات وقد عرفت جمارك سيارتي وهو رقم (94) ومن فوق دينار فهل هو فعلا (94) دينار،أم(94) ألف دينار أي
(940) ألف جنيه سوداني (القديم ) أم (94) مليون جنيه وستكون تلك الطامة الكبري في حالة (لا سمح الله ) الخروج النهائى غير المبرمج، فمن أين لى (94) مليون جنيه( جنيه ينطح جنيه)......

نسأل الله السلامة ودمتم.

يا حماد الخروج النهائى ده ما تفكر فيه قبل ما تلم ال94 مليون جنيه

الخ نزار
اسعد الله صباحك
قالوا الجاتك قى مالك سامحتك
الحمد لله الما مرقت من الشغله بمرض
والجايات اكتر من الرايحات

انور الشيخ

Quote: انتو بتلقوا القروش دي وين؟

الاخوة الاعزاء المغتربون هذا هو اخر الفنون نحو الجحافل الذين لم

يبخلوا على الوطن طوال السنين ، وفى احلك الظروف كانوا هم مخرج

الاقتصاد السودانى طوال كبوتة ونصيبهم بالوفاء السماح بعربة لا تكفى

لتوصيل الابناء الى المدارس اذا ربنا فرجها، ليكون القانون لك بالمرصاد

للموديل ثم الجمارك لافراغك من كل شىء لتكون مواطن0




التاريخ : 28.08.2006 النمرة : و ب ح / م و / 13 2/1قرار وزاري رقم (17)

ضوابط ومعايير استيراد السيارات بمختلف أنواعها

-: وزير التجارة الخارجية

أعمالاَ للسلطات المخولة لي تحت المادة (73) من دستور السودان الإنتقالي للعام 2005م وإستشعاراَ للحاجة الملحة لتنظيم وضبط ممارسة استيراد السيارات أصدر الأمر الأتي :-اسم الأمر وبدء العمل به :-يسمى هذا الامر "أمــر وزير التجارة الخارجية لتنظيم وضبط اســتيراد الســيارات بمختلف أنواعها" ويعمل به من تاريخ التوقيع عليه.

-: إلـغــــاء
-:تعتبر الأوامر التالية ملغية

الأمر الوزاري رقم 347 لسنة2001م
الأمر الوزاري رقم 34 لسنة 2003م

تنظيم
يمنع استيراد السيارات ما لم تستوف الشروط المبينة ادناه

3/1. استيراد الســـيارات لأغراض تجاريــــــــة
أ. أن يكون المستورد مسجلاَ بسجل المستوردين وله سجل ســاري المفعول
ب. أن يتم الاستيراد من أصل المنشأ
ج. أن تكون العربات جديدة لنفس عام الاستيراد ومن الأنواع التي أخضعت لشروط شهادة المواصفات وقانون الطرق البرية (بالنسبة للشاحنات والناقلات
د.إتباع الإجراءات المصرفية وفقاَ للمنشورات التي يصدرها بنك السودان
هـ . أن يتم الاستيراد عبر الوكيل المحلي المسجل لدي مراقب الوكلاء التجاريين
و. أن يلتزم بتوفير خدمات ما بعد البيع لمدة (5) سـنوات لكل عربة استوردها ويودع تعهداَ بذلك لدى وزارة التجارة الخارجية

3/2 . استيراد السيارات لأغراض استثمارية
يتم الاستييراد وفقاَ للشروط والضوابط التي تحددها وزارة الاستثمار

استيراد العربات للإستعمال الشخصي.3/3
يسمح للسوداني باستيراد عربة واحدة لغرض الاستخدام الشخصي (والتي لا تشمل الشاحنات والآليات والمقطورات) وفقاَ للضوابط الآتية

العربات الصغيرة .1/3/3
أ. الصوالين ذات سعة الماكينة التي لا تتجاوز (ألف س س) يجب أن تكون جديدة على الصفر
ب. الصوالين والبكاسي وعربات الدفع الرباعي - يجب ألا يتجاوز عمرها ثلاث سنوات
ج. عربات النقل الخفيف خمسة أطنان يجب ألا يتجاوز عمرها ثلاث سنوات
د. تقديم وثائق ثبوتية توضح عنوانه - عمله ...إلخ. إلي السلطات المختصة

عربات نقل الركــــــاب .1/3/3
يســمح باستيراد الأنواع الآتية شـريطة ألا يتجاوز عمره خمس ســنوات وبالشروط المحددة للاستيراد

أ. البصات سعة أربعين راكباَ فأكثر
ب. الحافلاتالكبيرة سعة اقل من (40) راكباَ وأكثر من عشــرين
ج. الحافلات سعة غقل من عشرين راكباَ وأكثر من عشـرة
د. عربات الاستخدام التخصصي كعربات المطافئ والنجدة والطوارئ والآلــيات الصغيرة

ويسمح باستيراد النواع الآتية شـريطة ألا يتجاوز العمر ثلاث سنوات وهي

الحافلات سعة أقل من (10) راكباَ -
عربات النقل الخفيف حمولة خمسة طن فأقل -

3/3/3. عربات نقل البضائع
يسمح باستيراد الأنواع الآتية :- لأغراض العمل التجاري وبالشروط المنصوص عليها للعمل التجاري

أ. التناكر والشاحنات حمولة اقل من عشرين طناَ - ألا يتجاوز العمر (12) عاماَ
ب. عربات نقل البضائع (كاللوري - الدفارات - القلابات - ألا يتجاوز عمرها 12 سنة (اثني عشرة عاماَ)
ج. الشاحنات حمولة عشرين طناَ فأكثر ألا يتجاوز العمر (15) خمسة عشر عاماَ مع استثناء سنة الصنع

3/3/4. الآليات المتحركة
وتشمل آليات التربة – الروافع – آليات السفلته والآليات الزراعية شريطة ألا يتجاوز عمرها عشر سنوات.

4. ضوابط عامة
4/1. تخضع كل الآليات والسيارات لمطابقة المواصفات السودانية كما تخضع الشاحنات والناقلات الثقيلة لقانون حماية الطرق بواسطة الهيئة العامة للطرق والجسور (وزارة النقل).
4/2. لا يسمح بشحن السيارات الصغيرة (الصوالين والبكاسي وعربات الدفع الرباعي والحافلات بجميع أنواعها لأغراض الاستعمال الشخصي الا بعد الحصول على موافقة مسبقة من وزارة التجارة الخارجية بعد تقديم الوثائق الثبوتية.

5. اســــتثناءات
تستثنى الفئات الآتية ويسمح لها باستيراد عربة واحدة للاستعمال الشخصي ويجب ألا يتجاوز عمرها العشر سنوات.

5/1. الدبلوماسيين
يتعين تقديم خطاب معتمد من وزارة الخارجية يحدد فترة العملبالخارج وتاريخ العودة واستلام العمل برئاسة الوزارة.

5/2. المبعوثون:-يشترط ألا تقل فترة البعثة عن سنتين.تقديم خطاب معتمد من الجهة التي يتبع لها المبعوث تفيد استلامه للعمل بوحدته وحصوله على المؤهل.

5/3. المـعـارون
أ. ألا تقل مدة الإعارة عن سنتين
ب. أن تكون عن طريق جهة حكومية وليس تعاقداَ شــخصياَ
ج. خطاب معتمد من الجهة الحكومية المختصة تحدد فترة الإعارة وتاريخ استلام العمل بوحدته

5/4. المغتربون
أ. ألا تقل فترة الإغتراب عن ثلاث سنوات وأن تكون العودة نهائية
ب. تقديم خطاب معتمد من جهاز تنظيم شـئون السودانيين بالخارج يحدد فترة الإغتراب وتأكيد العودة النهائية

5/5. العائدون نتيجة لإتفاقية السلام
ونعني بهم المدنيين والعسكريين الذين عادوا إلي الوطن عقب اتفاقية السلام الشامل 2005م -:على العسكريين تقديم خطاب معتمد من القيادة العامة للقوات المسلحة أو قيادة الحركة الشعبية يؤكد اللجوء وتاريخ العودة.على المدنيين تقديم خطاب من معتمد اللاجئين أو قيادة الحركة الشعبية يؤكد اللجوء وتاريخ العودة.
ج. لا يتم استيراد أي عربة تجاوز الموديل إلا بإستثناء من وزير التجارة الخارجية وسوف تحدد رسوم غرامة الموديل لاحقاَ.



(صدر تحت توقيعي في اليوم الثامن والعشرون من شهر اغسطس 2006م ).

بروفسير / جورج بورينق نيومبي وزير التجارة الخارجية

شكراُ ابو السيد على هذه المعلومة الموثقة
بجيها راجع انشاء الله

هذا الموقع به عروض سيارات مستعملة لعدة دول منها السودان

http://www.automobilepurchase.org/class/index.php

أنور الشيخ

والله يا سيد محمد ما قصرت واديتنا كل المعلومات التى يحتاج اليها المغترب .. لكن سمعنا ان جهاز المغتربين لا يعتبر السودانيين فى اوروبا وامريكا مغتربين و لا ينطبق عليهم التسهيلات التى تمنح للمغتربين وان المغتربين فى نظر جهاز المغتربين هم فقط الذين يعملون فى دول الخليج العربى .. هل هذا الكلام صحيح؟؟

الاخ العزيز السر عبدالله


اولا الشكر لك وما قمت به من انزال للقانون


هو اهتمامى الدائم بالاخوة المغتربين لمعرفة


اخر المستجدات وتنويرهم0


اما موضوع الاخوة المغتربين من خارج الوطن


العربى لا تشملهم صفه مغترب لا ادرى صحتعا


من عدمه، والذى متاكد منه اننى وخلال اجازتى


هذا العام وانا احمل هم شركة دلائل التى


اسست من خلال بوست هنا، شاهدت وسمعت بعض


المغتربين انهم قادمين من دول غير عربيه


وبعملوا اجراءات سفر ، معناها مغتربين والا


كانوا يعملوا تأشيرة السفر من الجوازات العامه


لكن ليك على ابحث عن هذه المعلومة0


تحياتـــــــــــى


ســـــــــــــيد

شكرا كتير يا سيد محمد وهنا فى امريكا وكندا واوربا ناس كتار بيسالوا من الموضوع ده .. واذا انت جبت لينا الاخبار الاكيدة تكون ما قصرت وجزاك الله خير

بمناسبة السماسره أسمعوا دي حصلت بالجد:
واحد مغترب رجع السودان ومعاه جهاز ساوندسيستم متكامل عشان يشغلو حفلات لكن لقي السوق ملان أجهزه ففكر يقايطو بدفار أو حافله عشان يتعايش بيهو , أها قام مشي الدلاله واتلببو ليك أبان شالات ديك , واحد منهم قال ليهو عندك شنو يا شيخنا, قام قال ليهو عندي ساوندسيستم , السمسار قال ليهو واقف بي وين.