Post: #1
Title: ما بغيرنى صدودك عنى .. الشاعر محجوب سراج
Author: قرشـــو
Date: 05-10-2006, 02:33 AM
أحبتى
حتى المنبر الحر تنكر لمحبوبنا الشاعر محجوب سراج وتخلى عن البوستات التى تطلب عونه فى حلته الجديدة ....
الشاعر الغنائى محجوب سراج :
حوش واسع عليه ثلاثة سراير حديد بلا مراتب .. الغرف مظلمة .. الا من لمبة واحدة في الحوش .. شابة لم تأبه لنا .. تقدمتنا خالة نعمات زوجة محجوب سراج حتي وصلنا الى سرير محجوب واقف مد يده في اتجاه غير اتجاهنا همس لنا الخير : اصلو عميان .. في اقصي الحوش سرير آخر عليه شاب نائم ذهلت .. هل صحيح هو محجوب سراج الذي نقصده ام هو شخص آخر يحمل ذات الاسم .. قطع هذه التساؤلات صوته العميق :
مرحب حبابكم .. شرفتونا .. زمن ما جوني ناس زيارة ..ثم عرفناه بأنفسنا ..
خليفة من الصحافة ..
قاده الخير لندخل الى غرفته .. سريرين ودولاب من الفورمايكا ابوابه بلا مفاتيح .. تربيزة متوسطة واخري صغيرة .. لحظات صمت يكسرها هو بتكرار ترحابه بنا ولعله شعر بحرج موقفنا .. ثم بدأت عملي معه .
يمكن الرجوع لهذه البوستات
والله كنا متعشمين في الحكومة ...
عـلاج الشاعر محجـوب سـراج .. بدأ العطــاء فشاركونا
هكذا يموت الشعراء مرض وإهمال .. محجـوب سـراج .. مثال
|
Post: #4
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 05-10-2006, 06:24 AM
Parent: #3
الحبيب لؤى محمد عثمان
لك التحية والاحترام
آلمنى حال شاعرنا الرقيق محجوب سراج بشدة كما تفاعل معه كل اصحاب الضمائر الحية ...
وفى عودة لرابطك سيدى تجدنى أكرر ذات الكلام :
Quote:
Quote: والسؤال المحير حقا اين اتحاد الفنانين ؟؟؟
لماذا لا يقدم لابناء قبيلته الدعم هم احياء ويحفظ حقوقهم بعد ان يغادروا دنيانا هذه ؟؟؟
الأخ قرشو
تحيّة
والله فعلاً سؤال محيّر ، والغريب انّنا نعرف نتفاصح ونتكلّم عن الإبداع وعن الخرطوم عاصمة الثقافة وعن وعن وعن ، وهى دى مشكلتنا ذااااااااتها ، اللغو الفارغ دا !!
وُدّى |
ترى اين اتحاد الفنانين واتحاد الشعراء والاذاعة والتلفاز وكل من انتفع بابداع هؤلاء ؟؟؟
هل هنالك أمل يرتجى من هؤلاء ؟؟؟
كســرة:
الاغنية ما اشتغلت عندى واوع بس تكون اغنية ما بغيرنى صدودك عنى لانى مكسر عديل كده فى الاغنية دى ..
لك تحياتى واحترامى
|
Post: #6
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 05-10-2006, 06:59 AM
Parent: #1
العزيز لؤى
لك التحية
يا سيدى لدى برنامج ريل بلير وبرنامج ونامب ومع كل ذلك لم تشتغل الاغنية
عموما ماحاسيبها اصله لما تشتغل
تشكر يا امير
|
Post: #7
Title: Re: ما بغيرنى صدودك عنى .. الشاعر محجوب سراج
Author: الجندرية
Date: 05-10-2006, 07:30 AM
Parent: #1
ربنا يواليه بالعافية يارب
الأغنية دي واحدة من اجمل اغاني صلاح مصطفى
لكن عشمك في الحكومة دا يا عمدة اخير تقطعو
|
Post: #8
Title: Re: ما بغيرنى صدودك عنى .. الشاعر محجوب سراج
Author: Rakoba
Date: 05-10-2006, 11:03 AM
Parent: #7
نسأل العلي القدير أن يأخذ بيد شاعرنا الرقيق محجوب سراج، وياريت يبادر اتحاد الفنانين أو على الأقل الفنانين الذين تغنوا من كلمات الاستاذ، بعمل حفلات خيرية تعود ريعها لصالح علاء الإنسان محجوب سراج.
أمنتك عواطفي وخنت الأمانة
وحطمت في دقيقة أحلامنا ومنانا
ياناسي المحنة ياناكر هوانا
رجع لي أمانتي وشوف لو تلقى تاني
عواطف أو محنة
زي عطفي وحناني
لو تعرف يا أسمر
معنى الشوق ونارو
كنت تنوح وتسهر
أسير ألمو وحسانو
تضوق ظلم الليالي
تقول الحب جناية
ودنياك تبقى حسرة
وعذاب من غير نهاية
أمنتك عواطفي
وخنت الأمانة
حطمت في دقيقة
أحلامنا ومنانا
تعال كلمني مرة
وإنت علل معنى بعدك
وأنا راجيك لعلك
إمتى ترحم وتترا وعدك
تنسيني المظالم
وقلبي تزيل شجونو
وأقول للناس حبيبي
غرامي حلف يصونو
|
Post: #10
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 05-11-2006, 03:06 AM
Parent: #8
الحبيب راكوبه
لك التحية
Quote:
نسأل العلي القدير أن يأخذ بيد شاعرنا الرقيق محجوب سراج، وياريت يبادر اتحاد الفنانين أو على الأقل الفنانين الذين تغنوا من كلمات الاستاذ، بعمل حفلات خيرية تعود ريعها لصالح علاء الإنسان محجوب سراج.
|
نعم سيدى فهؤلاء هم الذين يجب ان يتحملوا المسئولية كاملة لانهم ارتزقوا بكلمات شاعرنا الرقيق محجوب سراج ونحن لا نملك الا ان نرفع الاكف ضراعة لله عز وجل ان يشفيه ويعافيه ...
مع تحياتى وودى
|
Post: #9
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 05-11-2006, 03:02 AM
Parent: #7
العزيزة الجندرية
لك التحية
تعطر البوست بمرورك المضمخ بالشذى والعبير
وفعلا الاغنية دى رائعة جدا واعجابك بها يوضح رقة مشاعرك ... وكما قلت للاخ لؤى انا مكسرانى عديل كده وليها عندى زكريات جميلة جدا جدا ...
أما الحكومة والله ما فيها عشم والا كانت لغت لى ضرائبى
بس المساكين اهل الشاعر كانوا متعشمين فيها ...
تسلمى يا ستى
|
Post: #12
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 05-13-2006, 07:40 AM
Parent: #1
Quote:
أتمنّى تكون إشتغلت معاك ؟؟
|
العزيز لؤى
والله ياخوى ابت تشتغل كله كله معاى ما عارف الحكاية شنو ؟؟؟؟
ما تنسوا شاعرنا الرقيق يا جماعة محجوب سراح فهو يحتاج الى اياديكم البيضاء ودعمكم له
|
Post: #13
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 05-15-2006, 02:21 AM
Parent: #1
سيب نيران الشوق تحرقنى
|
Post: #14
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 05-23-2006, 04:22 AM
Parent: #1
ناس البورد غايتو البتدوروه تسموه بخيت ......
|
Post: #15
Title: Re: ما بغيرنى صدودك عنى .. الشاعر محجوب سراج
Author: wedzayneb
Date: 05-23-2006, 09:15 AM
Parent: #14
أخي قوشو: سلام!
أسجّل حضوري تقديرا و عرفانا بمكانة شاعرنا الكبير: محمود سراج في تشكيل الوجدان الفنّي السوداني. و ِأمدّّ لك يدي، أخي قرشو، مباركا خطوتك الميمونة لتقديم ما يمكن تقديمه
من مساعدات مادّية تساهم في غلاج شاعرنا الكبير: محمود سراج. اذا كانت غاية هذا البوست هي
شحذ الهمم للمساهمة في علاج الشاعر الكبير، فيجب أن نطرح تصوّّرات عمليّة لما ينبغي فعله في سبيل
تحصيل المساهمات المادّية. و أزعم أنّ هنالك جهودا جارية من جهات مختلفة لتحصيل مساهمات
نقديّة و عينيّة لرفع الفاقة و علاج الشاعر الكبير في مستشفيات متخصّصة في أمراض العيبون.
اّمل أن نتمكّّن من الحصول علي معلومات عن الجهود الجارية في هذا الصدد من قبل تلك الجهات الخيّرة. و بامكان الأخوات و الاخوة بمنبر: sudanesesonline.com ارسال مساهماتهم للجهات الناشطة في هذه الغاية النبيلة.
و لا يفوتني أيضا أن أعبّر عن اعجابي بالتسجيل الغنائي الجميل لأغنية: ما بغيّرني صدودك عنّي. للفنّان االكبير و الخلوق: صلاح مصطفي. و اّمل، أخي لؤي، أن تتمكّن من الحصول علي تسجيل اّخر لرائعة فنّاننا الكبير: صلاح مصطفي: حصاد الشزق. ( حصادالشوق في كبدي ظلال من بقاياه )
|
Post: #16
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 06-05-2006, 08:21 AM
Parent: #15
الأخ ود زينب
لك التحية والاحترام
أشكرك أخى الكريم على طرحك الجميل وعلى مشاركتك الرقيقة
هنالك أخ كريم من خلال هذا البوست وجد لنا طبيبا متبرعا لعلاجه وابدى استعداده للذهاب اليه فى منزله ولكن للاسف كان العلاج قد فات اوانه ..
هنالك بعض المحاولات الجادة فى مواقع اخرى لتقديم العون له وقد تم تقديم بعض المعونات ولكن من خلالنا لم يتم حتى التعاطف معه ...
اننى حزين جدا اخى الكريم والله
لك شكرى وامتنانى
|
Post: #17
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 07-04-2006, 05:03 AM
Parent: #1
سريرين ودولاب من الفورمايكا ابوابه بلا مفاتيح .. تربيزة متوسطة واخري صغيرة .. لحظات صمت يكسرها هو بتكرار ترحابه بنا ولعله شعر بحرج موقفنا .. .
|
Post: #18
Title: Re: ما بغيرنى صدودك عنى .. الشاعر محجوب سراج
Author: فارس موسى
Date: 07-04-2006, 10:31 AM
Parent: #1
الهم والاهم كيفية توصيل مساعدتنا ؟؟
انا من اكثر لو ما اكثر زول بحب محجوب سراج وغناهو
واحد من الد اصحابى كان بموت فى ابو اللمين ونحن طلاب ثانوى بامدرمان
قامت واحده ادتو شاكوش صغنتوتى ابت تشيل منو الجواب (اخر جيل حب بالجوابات)
وفى طريق خيبتنا واليوم دا كان جمعه وما يطلبه المستمعون وترزى الحله ود الدومه
كان صلاح يشدو بحبة شوق (الإسم الاصلى)لاغنيه ما بغيرنى صدودك ومن ديك فردتى البكاى
صار فنانو صلاح
لحدى ما جا الراحل مصطفى وشالو بالغنا وداهو للبنيه الكبيره
قرشو انقر صاحبى دا منو؟؟
بوريك ليهو المره الجايه!!
وتانى ورونا طريقه نساهم بيها معاكم لعلاج محجوب
التحايا وارقد عافيه
|
Post: #19
Title: Re: ما بغيرنى صدودك عنى .. الشاعر محجوب سراج
Author: قرشـــو
Date: 07-05-2006, 05:04 AM
Parent: #18
الأخ الكريم فارس موسى
لك التحية والحب
اشكرك على مداخلتك الجميلة جدا والتى اسعدتنى شخصيا لانك تحب شاعرنا الرقيق محجوب سراج ولتجربتك مع حبة شوق التى ظللت ارددها مابغيرنى صدودك عنى .. فهى ليست بحبة بل دفق اشواق وهذه الاغنية كل من يسمعها فى موقف صاحبك داك لازم يحصل ليه الحصل والا تكون مشاعره متجمدة..
تصدق رغم حبى لهذه الاغنية وتسجيلى لها يوما فى شريط بصورة مكررة حيث استطيع سماعها فى اى مكان من الشريط اضعه فى المسجل (كان ذلك قديما جدا) ولكن كلماتها غائبة عنى الان ..
عليك الله ورينى صاحبك ده منو لانه مفروض يكون صاحبى كمان ..
اما طريقة المساهمة لعلاج هذا الانسان الرائع فستجدها عبر هذا البوست عـلاج الشاعر محجـوب سـراج .. بدأ العطــاء فشاركونا للحبيب ثابت ..
لك شكرى كله للتفاعل سائلا الله ان يجعل ذلك فى ميزان حسناتك فالاعمال بالنيات سيدى وربنا يصلح النوايا دائما ويقويك للمساهمة ولو بالقليل ...
ثانية لك ودى وشكرى
|
|
