ما بين زول ساكت وصـديق المـوج تــيه وإتـاكا ..

ما بين زول ساكت وصـديق المـوج تــيه وإتـاكا ..


07-03-2005, 04:35 AM


  » http://sudaneseonline.com/cgi-bin/sdb/2bb.cgi?seq=msg&board=60&msg=1147194008&rn=0

Post: #1
Title: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-03-2005, 04:35 AM

تيه وإتاكا
كلمات الشاعر محمد ودالرضي ..


تيه واتاكا مراض وصحاح مقله الفتاكا ظبى الرام
_________________________________

خريف وشتاك ميس يابان المصرى اتاك النسام
البى افتاكا جاب لى روايحك لى هتاكا عود يا منام
_____________________________

ما بيغباك شغفى عليك ومتى متى اصباك تذيدنى هيام
وترينى صباك وتزيدنى عتاب وحنان نتباكا على الايام
_________________________________---
لعلى اراك ضحا تتجلى بطيب واراك ولو فى منام
ويكون سمراك جوارى تيلاد وبعض امراك وبعده تنام
________________________
كفى كفاك بعاد حلماتك من كتفاك در ومدام
والراح فى فاك شعرك عاتم وبدر صفاك وحسنا دام
____________________________---
غريزة حياك عيونا تخشى جمال محياك تاخد السام
ويفوح رياك ينعشنى يجيب خمرا جالياك النسام
____________________________
زور مرضاك وخدك ناعم يذودبو فضاك جيدا جام
على بعضاك وبعضا يميس يعانق اعضاك فوق اردام
_______________________________
التجى طالباك اولى بيها انا وبغضاك الالام
تيه واقضى قضاك الاقى رضاك ورضاى فى رضاك وهذا تمام



الناس ديل طالبني حاجات كتيرة ..
وأنا طالبهم يجو يحدثونا عن الحقيبة وشعرائها ..
Post: #2
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-03-2005, 06:08 AM
Parent: #1

ســـيد عبد العزيز

بإسم الحب أقدم ليك حياتى

حياتى - ومعاها العطف الجزيل
بإسم الحب أقدم ليك حياتى

عليك يا حب تحياتى عليك أوقفت غاياتى
لحبى أضحى بحياتى أحب الحب وأيامه
وذكرياته وأحلامه وما يوحيه إلهامه

حياة الحب أسميها السعادة بكل معانيها
أقيم ليلاى أغنيها روح يا لليل تعال يا ليل
أحب فى كل أوقاتى ألاقى حبيبى يوماتى
أقول ليه ويقول لى العهود بيناتنا مرعية
أقول ليه تعال لى نجلس جلسة غزلية

أمتع فيك عيني أشوفك وأنسى ألامي
وأقول حققت أحلامي على تميل وعليك أميل
فيك أمعنت نظراتى وجدتك كل مسراتى
وأفراحي وملذاتي أحبك وأنسى فيك ذاتي
حبيبي أراعى تقديسك ويرتاح قلبي لحديثك
حديثك يشفى العليل والله يا السامي الجليل
الحب الصادق قليل البشبه حبي النبيل
فبدون جميل أهوى الجميل
Post: #5
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-04-2005, 04:19 AM
Parent: #2

ويقول سيد عبدالعزيز

لي نيه في قمر السماء

لي نيه في قمر السما مقاصدي آه ما أجسما

أبني الفكر وأهدما والعين تسيل دمعة الدما
والدمعة مرات أعدما لحبيب روحي أقدما
يا ... ليته يرضى .. يخدما

حواسي ماله كلما هبت نسمة تألما
روح يا نسيم لها كلما لو جاهلة كنت أعلما
حن .. المعذب لي ... اللما

عجباً ملاك ساكن حما في حماية الحيا أحتما
منعه الدلال يظهر حما هلك النفوس وأبى يرحما
من ... هجره يا حامي ... الحما

بديها روحي تقسما بدل الزهور في مواسمها
معها النفوس قدرن سما تفدي العيون الباسما
الفي ... القلوب ممضي ... اسما


كم من محاسن أعظما فيك خايله خلقه منظما
زي معنى شاعر نظما صفا بهجتك ما أعظما
شوفتك ... ظما وتروي ..... الظما

حي المسالمة ومسلمه الذكراها انسى وقلما
الذكرى دائماً مؤلمه لله أموري أسلما
القمره ... مـــا لقيت .... سما


شكراً جميلاً خال العيال ..
خليك معانا لغاية الرحلة ..
ودي قصيدة لي نية في قمر السماء لسيد عبدالعزيز ..
غناها ميرغني المأمون وأحمد حسن جمعة ..
Post: #3
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-03-2005, 07:28 AM
Parent: #1

المعتصم
يازول ماوكرتني تب تختني مع الموج في فد مركب
وانا الما بعرف مسكة المجداف


كان شفت راسي بقى كبير خلاص
وقربت اقول ليك انا عوض بابكر زاتو

حقيبة الفن او حقيقةالفن
خليل فرح
سيد عبالزيز
العبادي
ابوصلاح
الامي
علي المساح
ودالرضي
الجاغريو
عيبد عبدالرحمن
عبدالرحمن الريح
عمر البنا
محمد بشير عتيق
وغيرهم
كرومه
سرور
الامين برهان
عبدالله الماحي
زنقار
عبيدالطيب
ميرغني المامون واحمد حسن جمعه
اولاد شمبات
ثنائي المورده
بادي محمد الطيب
خلف الله حمد
احمد الطيب
مبارك حسن بركات
عوض الجاك
وغيرهم

بجيك بي رواقه يامعتصم واكلمك عن جداً لي له اغاني حقيبه لايعرفها الا قليل من الناس
واحدثكم عن علاقته الوثيقه بصديق عمره الشيخ محمد ود الرضى كما كان ينادى

بس انت شوف لي ود الموج وين اراضيهو
Post: #4
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-04-2005, 02:15 AM
Parent: #3

كتب ود الرضي مفتخراً

من العقبه قري لي عتمور حمد نحنا الطردنا سباعا

اسود الخلا بتعرفنا وبقينا رباعا

بكرتنا ام عرف مافيش ودمقنعه باعا

الازرق دا من ابروف لي ود العجب لي يوسف جميل لي الخرطوم هنا هيلنا نحنا رفاعه

هنا يفتخر ود الرضي بقبيلته(رفاعه)
البيت الاول يعني انهم سكنو هذه المنطقه وقد كانت مليئه بالسباع والوحوش
البيت الثاني ان شجاعتهم اصبحت معروفه حتى للاسود التي اصبحت كالند لهم
البيت الثالث يفتخر بانهم يملكون افضل المواشي التي لاتوجد عند غيرهم
البيت الرابع يفتخر فيه بانهم كقبيله يسيطرون على ضفاف النيل الازق من الحدود وحتى الخرطوم
وكما هو معلوم ان جميع النظارات هي من قبيلة رفاعه كما ذكر

اموت في الرفاعه
قال عنصريه قال
Post: #6
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-04-2005, 04:26 AM
Parent: #3

يا ليل أبقالي شاهد

يا ليل أبقالي شاهد على نار شوقي وجنوني

يالليل صار ليك معاهد طرفي اللي ومنامي زاهد
دنالي سهري وأشاهد فوق لي نجمك ظنوني

يا جميل لي سهري واجد وأراك نائم وهاجد
مين لي عيني ناجد بي دموعي الغرقوني

لا تكون بالنظره جاحد حلمك في المية واحد
منك لي قلبي شاحد بين ايديك يا حنوني
خده البي مطارقه فاصد جامع كل المقاصد
طرفه الكحول وراصد بي سهامه الألموني

براق سنك يساعد القيم المزنه راعب
ساكن قلبي ومباعد تشتاق شوفتك عيوني
حبك في الجوف يطارد ما بين صادر ووارد
يا حبيبي اللي فارد نظراتك يأسروني

بعدك لي عقلي فاقد وقربك جوه جوفي واقد
حبك على طلمس عاقد أشوقك ضيعوني
على نار شوقي وجنوني

عوجة ما بتجيك يا عباس ..
إنتظر ودالموج جاييك بالتقيل خليك جاهز ..
خد دي أتصبر بيها ..

يا ليل أبقالي شاهد .. كلمات صالح عبدالسيد أبوصلاح ..
وغناها أولاد شمات عوض وإبراهيم ..
Post: #7
Title: Re: ما بين زول ساكت وصـديق المـوج تــيه وإتـاكا ..
Author: عمر محمد عبد القادر
Date: 07-04-2005, 04:40 AM
Parent: #6

واصل يا معتصم مع رفاقك الميامين.. لا تتوقفوا في نشر هذا الطرب الاصيل الذي ما زال يتغلغل في دواخلنا بهجة ومسرة .. كنت من المتابعبن المهووسين لبرنامج حقيبة الفن صباح كل جمعة .. رحم الله الفن رحمة واسعة . وحمانا الله واياكم من ( البانسلين .. الشمار ... حمادة تش ... سمح انت وعسل انت .. البابور جاز .. وغيرها..



ود الباوقة
Post: #13
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-05-2005, 04:51 AM
Parent: #7

Quote: رحم الله الفن رحمة واسعة . وحمانا الله واياكم من ( البانسلين .. الشمار ... حمادة تش ... سمح انت وعسل انت .. البابور جاز .. وغيرها..

دي العولمة يا ودالباوقة ..
والله هسي تمشي حفلة ما تسمع الحاجات دي تجي زعلان وتقول والله الحفلة دي بائخة ياااااااخ ..
وفي مقولة دي أغنيات "الجبجبة" البتخلي الشباب من الجنسين يطرب ويتلولح ويفك الزهجة والخرمة بتاعتو كمان ..
أها رأيك شنو بالله ؟
الغناء الجميل دا أصلو ما بتجيهو عوجة ..
لسه الناس باقية عليهو ومحافطة عليهو شديد ..
هاك دي شوف ناس زمان ديل كانوا بكايين كيف ..


ولهان دمعي هامي
عبيد عبدالرحمن

ولهان دمعي هامي وسهران ساهي بالي
بعدك ليه ميسر وقربك ليه أبالي

أخشى يكون حبيبي صرم البين حبالي
ما ضراه طيفك لو في النوم صبالي
يوم ودعت حسنك يوم ودعت بالي
امتى أشوف جمالك وامتى تكون قبالي

بي ذكراك معذب كل ما الليل مسالي
قلبي يزيد حنانه وقلبك ليه قسالي
جرت وجار زماني وخاطرك طاب نسالي
مهما جدّ بينك صابر وماني سالي

أبكي حبيبي بعدك أيامي الخوالي
أنشد فيك صفاهن وأنشد فيك موالي
لولا مسيل دموعي بلاني ورواني
خرقت جسمي نارك وحرق الكان حوالي

صده سبب نحولي وبعده سبب ملالي
حبه ملك فؤادي واتمازج خلالي
أما سبب شقاي ودائي وغتلالي
نور محيه الهلالي ونور خده البلالي
Post: #8
Title: Re: ما بين زول ساكت وصـديق المـوج تــيه وإتـاكا ..
Author: خدر
Date: 07-04-2005, 05:32 AM
Parent: #1

تيه وإتاكا
كلمات الشاعر محمد ودالرضي ..


تيه واتاكا مراض وصحاح مقله الفتاكا ظبى الرام

خريف وشتاك ميل يابان المصرى اتاك النسام
اللى افتاكا جاب لى روايحا لى هتاكا وذادني هيام

ما بيغباك شغفى عليك ومتى اصباك تذيدنى هيام
وترينى صباك ونجري عتاب وحنان نتباكا على الايام

لعلى اراك ضحا تتجلى بطيب واراك و نجري كلام
ويكون سمراك جوارى حسان وبعض امراك وبعده تنام

كفى قفاك بعاد حلماتك من كتفاك درر ومدام
والراح فى فاك شعرك عتمة وبدر صفاك وحسنك تام

غريزة حياك عجيب تستحي من نور محياك داخل السام
ويفوح رياك ينعشنى يجيب خمرا جالياك ولو في منام

الشادي شداكـ موجو ترتل تل نهداكـ و قود اللجام
وتلا يداكـ وري الفن فرج ننداكـ و عوم يا حمام

ما اسماكـ سماء المجد علوت سماكـ عبير الشام
وفاح نسماكـ من تنا جيدكـ و حامي حماكـ حمي الاسلام

ده النص الصحيح معتصم
و اظن ان مولانا مباركـ حسن بركات حفظو شفاهه
لكن هذا ما حفظناه منذ صغرنا عن ديوان ودالرضي
تحياتي
و واصل توثيقكـ .. شغلكـ نضيف
Post: #14
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-05-2005, 04:02 PM
Parent: #8

الحبيب خدر
وأهل مكة أدرى بشعابها ..
وأنت ترعرعت على حب هذا الفن الجميل ..
شكراً للتصحيح وهذه الإشادة ..
أتمنى أن تمدنا بكل ما تعرفه عن الحقيقة لمزيد من التوثيق ..
أهديك رائعةالشاعر عمر البنا ..

زهرة الروض الظليل
عمـر البـــنا

زهرة الروض الظليل جاني طيبك
مع النسيم العليل زاد وجدي
نوم عيني أصبح قليل

يا زهرة طيبك جاني ليل
أقلق راحتي وحار بي الدليل
كنت أراك مع الخليل
وأسجد أمامك خاضع ذليل

دائماً أنوح وأقول حليل
صفي القلب القدره جليل
كلما يجي ليل أكون عليل
أنا في الثرى وهو في الإكليل
يالليلك عفافك دائماً زميل
يالمن طيبك زهر الخميل

لو مرّ نسيمك على ألف ميل
يخلي العالم طرباً تميل
يا أهيف يا ذو الطرف الكحيل
يا الصدرك عالي وخصرك نحيل
مناي في الدنيا قبل الرحيل
أرى شخصك لكن. مستحيل

امتى تعود أيامي القبيل
يا حبيبي أوجد للقاك سبيل
ومعاك يتخاذل في قبابل
شفاء دا قلبي الوبيل

قال لي صحيح جسمك هزيل
أحمر الغرام في أعضاك نزيل
لو ما بخاف عقلي الهزيل
كنت أوصلك ولي عياك أزيل
Post: #9
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-04-2005, 06:52 AM
Parent: #1

سيد عبد العزيز - من حور الجنان

من حور الجنان أم أنت إنسان الكمال
هل أنت الملاك جيت تورى الناس الجمال

سبحان من نشاك حسنه وفى غاية الكمال
يهواك الجنوب وإليك ينقاد الشمال
وما أظن يحصوا حسنك لو يحصوا عدد الرمال
بى إيه يقدروك يا ملك ملوك عصر الجمال

سلطان بهجتك محروس بجيوش الجلال
ويغار من صفا حسنك صفا ماء الزلال
فى مراية خدودك أشوف تأكيد سحر الحلال
وأشوف فى سما حسنك كل يوم يسطع هلال

صفا ماء الجمال فى مجال جمالك راق وجال
زى ماء الحياء فى عيون ربات الحجال
ما فعل السلاح تفعل عيناك النجال
مكسور الطريف كسر قلوب الرجال

يا خلاصة المعانى الصار معناك موضع مثال
فوق المحسنات حايز لطف وكرم خصال
آلهة الجمال اعترفوا ليك ما ليك مثال
وتتمنى البدور تقبيل يداك بى امتثال

يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال

يا الغصن الرطيب عاجبنى فيك الإنهدال
اللادن قوامك من ملبن وذو اعتدال
جوهر حسنك الصافى وسيرك طاهرات عدال
آيات بينات ما فيهن للكافر جدال

شاركت الغمام والموج مناظر وارتحال
شاركت الظباء فى نفرتن والإكتحال
شاركت القلوب فى موضعن وعلى كل حال
نفداك بالنفوس وفداء النفوس كان المحال
Post: #10
Title: Re: ما بين زول ساكت وصـديق المـوج تــيه وإتـاكا ..
Author: معتز تروتسكى
Date: 07-04-2005, 07:00 AM
Parent: #9

خالص التحايا
شقيقى معتصم
التحيه ليك ولى
ساكت وصـديق المـوج ..

وكل الحضور
*بوست نفيس

واصل
Post: #11
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-04-2005, 07:14 AM
Parent: #10

احدى اغاني الشاعر الشيخ عباس عبدالملك
رفيق وصديق ود الرضي

وللاسف لااحفظها كامله
(غزال البانه)

Quote: غزال البانه اريدا ام قامةً عاجبانا فرعاً

ياكريم انجانا قادت الروبه مي خمجانه
وارداف الردف عرجانه جسم اللؤلؤه ومرجانه
صنعاً
ربي اتولانا من شان نظرتك فالانا
كالسقد النام خلانا مجنون ليلى اخير ملانا
نوعاً
من الردف غلبانه تتخنتل كغصن البانه
حاكمه العصر ياحبانه بي كبارنا وصغار جالبانا
طوعاً
بي اقداما التبر سارجانا جات والحفله زاد هرجانه
شوف ديك صاره ديك حرجانه من شان عينا زي فنجانه راعن

قطره من اوزانا رخروخه ومطيريق زانه
فقله ووحلةً عجزانه في نار نشأتك لازانه
طبعاً
Post: #12
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-04-2005, 11:09 PM
Parent: #11

إنت حكمه

محمد علي عبدالله الأمي

إنت حكمة
إنت آية
ولا إنسان
إنت صاحى
ولا نائم
ولا طرفك من طبعه نعسان

إنت راحى
إنت روحى
إنت إنسان عينى يا صاحى
إنت إحسان

ولا طرفك من طبعه نعسان

إنت نادى
إنت هادى
إنت ميسان
إنت ظافر
إنت ضافر اسود وفرسان

ولا طرفك من طبعه نعسان

إنت شادن
إنت لادن
إنت فتان
إنت ضامر
إنت تآمر
إنت هتّان

ولا طرفك من طبعه نعسان

إنت نادر
إنت ناضر
إنت بستان
إنت صافى
إنت نافى
زور وبهتان

ولا طرفك من طبعه نعسان

يا حياتى
يا مماتى
هاك سكران الصبابه
مر عذابى
قلبى إقران

ولا طرفك من طبعه نعسان

إنت ساهى
إنت لاهى
إنت بطران فى دلالك
فى حلالك يا سيدى مكران

ولا طرفك من طبعه نعسان

يا هنايا
يا وفايا
هاك برهان عن غرامى
كل هيامى
سابنى ولهان

ولا طرفك من طبعه نعسان

عز قربك
أما بعدك
ماله لى هان
قلبى خافق
هل توافق
قدرى ينهان

ولا طرفك من طبعه نعسان

يا حبيبى
كون طبيبى
أمرى حيران
طول نهارى
أما ليلى
ساهى سهران

ولا طرفك من طبعه نعسان

طال عذابى
صاح غرابى
جوى عكران
دمعى هامى
شوقى نامى
وفرشى نيران

ولا طرفك من طبعه نعسان

إنت حالى
إنت عالى
إنت سلطان
وأنا ساجع
بى غناك طان

طال أنينى
فاق حنينى
الحان لأوطان
واليلومنى
فى هواك
يا سيدى غلطان


تحيه مع التقدير للاخ ابوذر المطر
Post: #19
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-10-2005, 04:00 AM
Parent: #10

شكراً شقيقي معتز

معك كل شئ يكون أحلى وأجمل ..
خد دي من روائع ودالرضي ..

أنا في التمني

محمد ود الرضي

أنا في التمني ديمه هديلي ساجع
ما لقيت لي مغيث ولا لقيت لي مراجع

داير أشوف حبيبي اليوم داك شفته رايق ودمعه ناقع
أسود شعره حالك أما صفاره فاقع
تتلاصف خدوده لا حجاب ولا براقع
أشوف لعسو ونواعسو جل الباري صانع
أشوف في خده شخصي وفي صدري المضارع

يفرخيت بسمه برقاً ليله هاجع
يرفع لي رشاشه يسبل نظره واقع
داير أشوف غافل وداير أشوف جاذع
يتغطى بي سوعده ومحنو كان واجع
يردد لي نغيماً تشتاق لي المسامع

أعاين فيه وأضحك وأجري وأجيه راجع
متلاعب ليس إلا ما موضوع مطامع
أقيس بالليل شعره ألقى الفرق شاسع
دي ما بيلقاها زول زي صيده ناجع
Post: #15
Title: Re: ما بين زول ساكت وصـديق المـوج تــيه وإتـاكا ..
Author: صديق الموج
Date: 07-06-2005, 06:17 AM
Parent: #1

معتصم وزول ساكت طلبتكم بالمصطفى ما تقيفوا لما اجيكم صاد

مع وعد يا معتصم باعطائك شريط خالك عبد الرحيم سليمان عشان

تنزل منه شوية،،
Post: #20
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-10-2005, 04:11 AM
Parent: #15

والله يا ودالموج شحتفت روحنا ياخ ..

أظهر وبان عليك الأمـــان ..


إنتظارنا ما يطول بالله عليك ..
Post: #16
Title: Re: ما بين زول ساكت وصـديق المـوج تــيه وإتـاكا ..
Author: صديق الموج
Date: 07-06-2005, 06:17 AM
Parent: #1

معتصم وزول ساكت طلبتكم بالمصطفى ما تقيفوا لما اجيكم صاد

مع وعد يا معتصم باعطائك شريط خالك عبد الرحيم سليمان عشان

تنزل منه شوية،،
Post: #17
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-06-2005, 07:38 AM
Parent: #1

فريع البانة المن نسمة
يتمايل حاكى المنقسمة

نار قلبي بتوقد من وسمة
تلمع في خديدها وتفِر بسمة
الفم الزي خاتم نص قسمة
يا الماك داريابي والغي قسمة

نص وسطك خاتم بي زنده
وصديرك قائد والديس جنده
كفيلك قلع من عنده
و أكتافك فوقو يا روحي بسنده

حبوب الفاطر درية
وجهك يتلألأ من دون ريه
الجبهة تلاصف بدرية
والحالة البي ماها مدرية

الجيد الوافر كالجامة
فاقت أعرابها وأعجامها
المهرة العاصية في لجامها
لقلوبنا لحاظك يا روحي رجامة

زبرجد لونك ما ضرّّ
ولع نار قلبي وأخضر
أنا قلبي فدايتك ما ضرّّ
لو كان يدقدق يا روحي ويضرّ

يا ريلة بزازك ما نوعها
من خز أو عسجد مصنوعة
قادت لي أعطافها المرنوعة
دي ثماري ولكن يا روحي ممنوعة


والشكر لي بدرالدين شنا
Post: #18
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-10-2005, 03:13 AM
Parent: #17

جزء من اغنية
ترام ابروف
للشاعر الشيخ عباس عبدالملك

غناء علي الشايقي


ترام ابروف امس شال السمح معروف صبقني
ياحارق الحشا والجوف ويانور البصر والشوف سبيتني
حاكمه الدنيا لاالمسكوف قليب عاشقك عليك معكوف عاذلي دعني
هي ملكه ولابسه الملكوف مناي من ايدا عشره كفوف التزيدني
حباب يوم زعلتو المعروف غضب قال ليا هاك مصروف كفتني
ضحك وانحظ زوق وظروف قلبنا الشكله بالمعروف بصطني
جسيمك ناعماً كالغوف كخذ او نرجساً ملفوف يريعني
بريد شخصك جلوس ووقوف اكون بي عفوكم محفوف يسعني
Post: #21
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-10-2005, 04:16 AM
Parent: #1

أسمعنى نشيدك .... ورينى كمان فى الفن تجديدك

يا حمام الدوح

أسالنى أفيدك ... عن حالى البى وأحسبنى شهيدك

ولهى ما بفيدك ....أبقالى رسول أو خذنى فى أيدك

أترك تهديدك ....أسمعنى درر وواظب ترديدك

وين القى نديدك ...يا جالى الهم زيد شجوى وأزيدك

عقب تغريدك ...يا ساجع الدوح خلينى أريدك

وأًل ليه بريدك ....وألأبس روحى يا حمام فى وريدك

لا تخش هجيرك ...سافر يا حمام مولاك يجيرك

سارع فى سيرك ...لو لى جناح أنا كنت وزيرك

رحماك فى صعيدك ....أندب حظى وأدنى لى بعيدك

يوم عيدى وعيدك ...يوم الأيام لديارى تعيدك


-----------------------------------------


ولف وتعال تلقاني ازيدك - الخال
Post: #22
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-10-2005, 04:58 AM
Parent: #21

شكراً يا خال ..
وإليك رائعة سيد عبدالعزيز ..

يا أنة المجروح

يا أنة المجروح يا روح حياتك روح
الحب فيك يا جميل معني الجمال مشروح

الحب زناد في الجوف زي الزناد مقدوح
منه الجبارة تلين زي صوت بلابل الدوح
وتصاحبه النسمات تفضل معاها تدوح

من نعمة الأشواق ومحاسن الممدوح
مصرية في السودان بي حبي ليه أبوح
يا عنب جنائن النيل أتمنى حسنه صبوح

وأنشد فؤاد الدار بين الرياض مذبوح
وأرى الهلال في ظلال تلك الخميلة يلوح
الناس تحب رؤياك بي الخاطر المطروح

يا ملفت الأنظار يا بسمة المفروح
وأنا أهدي ليك الحب حب من فؤاد مجروح
حب الشحيح للمال وحب الجبان للروح

أنا لو ضمنت رضاك أكون سعيد ممنوح
يا من تسر رؤياك تفرح تنسي النوح
تكسي النهار بجمال خديك جمال ووضوح

منه الغزاله تقيف في موقف المفضوح
من الوله لي لقاك دمعي الغزير مقروح
ناقم على الأيام مع اني طبعي صفوح

أنا والخيال في جدال وانت بنداك بتفوح
كل ما النسيم يغشاك زي الحديقة تفوح
ناير كحيل نعسان إنسان رقيق وجموح

ساحر العيون بجمال في سواك ما ملجوح
ان تميس بنميس وان كان تموح بنموح
عدل الطبيعة جعل جور الحبيب مسموح
Post: #23
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-10-2005, 06:55 AM
Parent: #1

الأوصفوك
بالبدر أم بالزهر هم ما أنصفوك
ياجميل الأوصفوك

كيف يجهلوك وكيف يجهلوك

وعلى الجمال العادي راحيو يمثلون
ولو بادلوك عين الحقيقة أو بالبصيرة تأملوك

بالنور أم بالنار أم بي قدر ما صاغ الخيال ما عادلوك

ياحليوه الأوصفوك


محمد بشير عتيق
Post: #24
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-12-2005, 07:23 AM
Parent: #1

بالبدر او بالزهر هم ما انصفوك يازول الاوصفوك
كوكب منزه فى علوك يبرق سناك فى غيهب الليل الحلوك
واغرب شمائل زاملوك وهم اكملوك
ادبك هبه وفيك موهبه حسن الظباء وطبع الملوك

up
Post: #25
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-13-2005, 04:51 AM
Parent: #24

عقلي إنشغل بهواك

مصطفى بطران
عقلي إنشغل بهواك والحكمة عيني
لاجه ومجافيه النوم يا أربعيني

هاك بعض حالي البي روقي اسمعيني
شاكي الغرام ما لقيت لي من معيني
لو كان كلام في الطيف مره أسمعيني
وخليني أصلى النار في هواك دعيني

فوق اللي جاري على لا تجرديني
ثوب الغرام ودوام عنه اشدني
طائع مريد لقساك باهل بديني
ما اخترت غايته سواك وحتى ديني

مهما يلاقي عذاب قلبي السجيني
مهما يريد ويفيض همي البجيني
لو كان يزورني الطيف مره ويجيني
تلبس الســـود ثوباً لجيني

من يوم رماني لحظه السنيني
محّق على نومي ومحّق سنيني
أصبحت كل صباح يزداد أنيني
كالبلبل المغرود ياما حنيني
Post: #26
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-13-2005, 07:37 AM
Parent: #1

ما بخاف من شىء برضى خابر
المقدر لابد يكون
ان أتانى الهم جيشة دافر
يلقى يا خلاى صبرى وافر
يلقى عزمى التام ليه خافر
ويلقى قلبي شجاع ماجبون
بالعداء معروف ما ببادر
وما بخون الجار مانى غادر
وما بقول للناس مثلى نادر
بل بقول للخالق شئون
ما عصيت مولاى مانى فاجر
لا ولا بالعالم بتاجر
نفسى يا أحباب ليها زاجر
لم أكن كل يوم لى لون
الثبات معروف لى معاصر
لو بقيت فى داخل معاصر
والإله غير شك لى ناصر
رغم أنف الواشى الخؤون
قول لشاهد الزور فيم ساير
هدى روعك قبل الخسائر
يا ما قبلك عميت بصاير
من لسانى وقولى الهتون
قول لأهل الجور والمساخر
مافى أول ماليه آخر
ما بدوم الظل والحصون
عن سبيل الحق مانى نافر
وما ضمرت السوء مانى حافر
للصديق هاويات السجون

ما بخاف
Post: #27
Title: Re: ما بين زول ساكت وصـديق المـوج تــيه وإتـاكا ..
Author: waleedi399
Date: 07-13-2005, 12:08 PM
Parent: #1

Quote: معتصم وزول ساكت طلبتكم بالمصطفى ما تقيفوا لما اجيكم صاد

مع وعد يا معتصم باعطائك شريط خالك عبد الرحيم سليمان عشان

تنزل منه شوية،،

صديق الموج ..

لا جيتنا ولا جبت لينا الشريط،،

مساحة








محجوزة




لتوثيق



أغنية




أ.هـ
Post: #28
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-18-2005, 05:37 AM
Parent: #27

يا ولي مكانك محجوز ..
أنا منتظرك لي فترة ..
جيب معاك العدة وتعال ..

المشوار طويل وأنا وخال العيال حيلنا إنهدّ ..
Post: #29
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-18-2005, 06:24 AM
Parent: #28

تأملوها

تيهي فوق العز
الشاعر محمد ود الرضي

ليلى ليلى ليلك سدل ليك عليل الصبا إعتدل
النجم بي بهاك ليلى دل والفهيم بالآيه استدل

فيك كل الخير انبهل والعفاف المزجو الجهل
بس السرور كل وجه استهل والجميع لله ابتهل

ليلى قدرك ماانجهل ليلى سعدك هدا شهرو هل
بالطرب كل عقل انذهل المهل ياليلى المهل

المبطر مال واعتدل والمرجرج فاضل بدل
جوري تيهاً جورك عدل انا لا اروم عن جورك بدل

المدلل مهما فعل والجبين النافي الزعل
الخدود النورن شعل ياسعادة الام والبعل

ماح رتل فوق هيبه ونفل خر بدرو وطمح الكفل
بي المنير التام ماافل استقل ورفد الحفل

هل اتانا قول والوحل والوطيب الحبسو الكحل
الركيب الغيم الرحل الخريف الخصب المحل

خدر للمراجعه
Post: #30
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-18-2005, 10:49 PM
Parent: #29

up
Post: #31
Title: Re: ما بين زول ساكت وصـديق المـوج تــيه وإتـاكا ..
Author: خالد عويس
Date: 07-18-2005, 11:26 PM
Parent: #1

صديقي الجميل معتصم
تعرف، هذه أجمل "هدية صباحية" أتلقاها منذ زمن بعيد. شكرا جميلا يا صديقي الرائع
Post: #32
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-19-2005, 02:21 AM
Parent: #31

ما بنسي ليلة كنا تايهين في سمر
محمد البشير عتيق
ما بنسي ليلة كنا تايهين في سمر بين الزهور
انا وانت والنيل والقمر

وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر


ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر


الليل هدا والجو صفا وغاب الاتر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان عن وتر


شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من غذر
في هوانا لا واشي ولا مراقب حذر


انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر
Post: #35
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-19-2005, 04:33 AM
Parent: #31

يا سلااااااام صديقي الحبوب خالد عويس ..

ودي منك أجمل هدية برضو على الصباح هذا الحضور الأنيق هنا ..
خليك معانا المشوار طويل ..

دم أخي وصديقي ..
Post: #33
Title: Re: ما بين زول ساكت وصـديق المـوج تــيه وإتـاكا ..
Author: ala elfaki
Date: 07-19-2005, 02:57 AM
Parent: #1

الاخ معتصم دفع الله ..

احيك على البوست الرائع ده ..

Quote: تيه واتاكا مراض وصحاح مقله الفتاكا ظبى الرام


من اكثر الاغانى البستمتع بيهم شديد

ياخى الف شكر ليك وللرائعين فى هذا البوست

واصلوا عليكم الله


علاء الدين
Post: #43
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-23-2005, 03:58 AM
Parent: #33

العزيز علاء الفكي

والتحية لك أيضاً وأنت تبحر معنا في هذه السياحة ..
عبر الكلم الجميل وحقيبة الفن وشعرائها ..

يقول ودالرضي عن هذه القصيدة الرائعة والحديث لصديق الموج ..

Quote: كفا كفاك بعاد حلماتك من كتفاك

سئل ود الرضى هل يقصد بعاد حلمات الاذن من الكتف بمعنى ان جيدها طويل

وكما قالت العرب بعيدة مهوى القرط قال لا الاثنين

اى ان حلمات الصدر بعيدات من الكتف بمعنى ناهد...

شكراً لك هذا الحضور الجميل ..
خليك معانا لنهاية الرحلة ..

محبتي وودي ..
Post: #34
Title: Re: ما بين زول ساكت وصـديق المـوج تــيه وإتـاكا ..
Author: بدرالدين شنا
Date: 07-19-2005, 04:16 AM
Parent: #1

Quote: بس انت شوف لي ود الموج وين اراضيهو
وإنتو زعلانين لا سمح الله

Quote: والشكر لي بدرالدين شنا
أها وأنا أعيِّد بي شنو؟؟؟ ياها فرمالتي الوحيدة يا خال العيال لكن ما مشكلة بحاول البس دي

خمرة هواك يامي صافية وجلية
هي اللاَّعبة بالألباب ما البابلية

كم ليل أنوح سهران والناس خلية
عيني سهاد ودموع أمست ملية
شهدي إضطراب ونحول ظاهر عليَّا
راضي وبشفوف هجرك أكبر بلية

أنا لم أزل لهفان وإنت الأسية
سبتيني أم تحي ودائما خليَّة
لو في النساء رسلاً كنتي النبية
ما بسلى ريدك لا وحيات أبيَّا

هاك مني بي الإخلاص وبحسن نيَّة
درراً تنافس الدر وازهار نديَّة
هلمي روحي ليك يامي هدية
كان النبي المعصوم قبل الهدية

ليك مني الف سلام والفي تحيَّة
تغشاك مع النسام وبروح شجيَّة
ما قال محب وعلى محبوبو حيَّا
وتغر عيونك يا نور المحيَّا
Post: #39
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-20-2005, 04:26 AM
Parent: #34

كثيراً ما حدثني عنك هذا الموج ..
وبيقول عليك بدرالدين حلا ..
ووالله أنت كذلك وأكثر حلاوة كمان ..
سلمت وأنت تطل علينا هنا في دارك وعبر هذه السياحة حول الحقيبة وما خطه شعرائها الكبار ..
يلا أدينا من عندك وأنا عارفك حافظ كتير كتير ..

تسلم يا حبيب ..
وهاك دي من كلمات خليل فرح ..
وغناء عبدالعزيز محمد داؤد ..

يا ليل صباحك مالو أحبابك جفوني ومالو
لا يفرز يمين من شمالــــو
ما دام الحبايب مالـــــو
بدرك ما بشيقني كمالــــو

يا ليل طول وسيبو في حالو
ما بزحزح إنتحالــــــــو
باليل والنهار بوصالــــو

يا حاسد سعي ونمالــــــو
لكن قلبي ما اهتمالـــــو
ما يحقد وديع في جمالـــو
ضاحك كالزهر في رمالــــو

زاد تيه ودلاله وحالـــــو
بلفي قلبي مين او حالـــو
سيب الواقع ارضى محالـــو
لابد العيون تصحالـــــــو
Post: #36
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-19-2005, 04:54 AM
Parent: #1


بدر الدين فرمالتي ياه دي :-


في رونق الصبح البديع
قوم يا حمام اسمعني الحان الربيع

قوم يا حمام حي الغمام
انا لي فيك شوق واهتمام
اسمعني من شدوك صدى
اهو ده الربيع ناظر بدا
ومن الرياض اوكت يدا
وشاها بي قطر الندى

في رونق الصبح البديع
صحت الورود في كل روض
وتبسم الزهر البديع الوديع


اهي الطبيعة الكون تحلى بناظره
للعالمين سفرك باحلى مظاهره
من روضه تغري لناظره أطياره عاشقة زائرة

هي والنسيم في مناظرة ترسل حقائق وجوهره
هي حكمة بل هي اية من صنع البديع

انا يا حمام
حي الغمام
اسمعني
اسمعني

اسمعني عن تصويرو كيف
هو غاية في جنس اللطيف

وبالاختصار هوحسنو صار فوق الجميع




يامعتصم - زولك ده ما بين مالوا الفرقة ده جاعت وما اتعشت وبعدين ده بره العداد وريني اذا في اوفر نايت الساعة11 قربت
Post: #44
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-23-2005, 04:06 AM
Parent: #36

ديل بتعشوا مرتين يا خال ..
فيها كمان رق وصفقة ومعاها متاوقة وسرقة لعب ..

وفي النهاية يقولوا ليك عايزين شعرية ..
ودي فيها قصة طويلة خلي ودالموج يجي يحكيها ليك ..

أرقد عافية ..
Post: #37
Title: Re: ما بين زول ساكت وصـديق المـوج تــيه وإتـاكا ..
Author: صديق الموج
Date: 07-19-2005, 09:02 AM
Parent: #1

معتصم وبقية الاعزاء ولننال اجر المقل ونرفع البوست

ريثما نعود
Post: #38
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-20-2005, 02:23 AM
Parent: #37

ريثما ريثما


هادي قعده
في رجاك
Post: #47
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-08-2005, 02:49 PM
Parent: #38

يا عبس
تحياتي ..

ريثما دي شبعنا منها ..
الزول دا غاتس في ياتو حته ما عارفين ؟..
نحن حا نعمل إستداء عاجل ..
وحا نصدر فرمانات عجيبة جداً ..
والعقوبة حا تكون شديدة ورادعة ..
غرامة غير مدفوعة الأجر ..

تعرف قبل كم يوم قال لي ياخي أنا مجهز لي حاجات حلوة ..
وفيها شريط لخالنا عبدالرحيم سليمان ودا صاحبه الروح بالروح ..
لما يغني ليك أغاني الحقيبة تقعد تستمع بس ..

أها الننتظر ريثما يعود ..
Post: #40
Title: Re: ما بين زول ساكت وصـديق المـوج تــيه وإتـاكا ..
Author: Khaalaleyaal
Date: 07-20-2005, 07:26 AM
Parent: #1

طيب دي تصبيره صغيره

مداعب الغصن الرطيب

فى بنانك ازدهت الزهور
زادت جمال ونضار وطيب
يا مداعب الغصن الرطيب

يا المنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب
زادت جمال ونضار وطيب
يا مداعب الغصن الرطيب

تعجبنى والشىء العجيب
هادىء وأليف ماك النفور
بى عفتك صنت السفور
والحسن والأصل النجيب
زادت جمال ونضار وطيب
يا مداعب الغصن الرطيب


أنا وإنت فى الروض يا حبيب
راق النسيم وحلى لى المرور
بقى أحلى من ساعة السرور
وأدق من فهم اللبيب
زادت جمال ونضار وطيب
يا مداعب الغصن الرطيب

والروضة فى موقع خصيب
حضنوها واتلاقوا النهور
ترى فيها أنواع الزهور
من كل لون أخدت نصيب
زادت جمال ونضار وطيب
يا مداعب الغصن الرطيب

يانع ثمارها ونص طيب
أشبه بربات الخدور
الأنبرجن فى يوم حبور
زادت جمال ونضار وطيب
يا مداعب الغصن الرطيب

فى الروضة غنى العندليب
ورددوا غناه الطيور
ترتيل أناشيد الحبور
وفتيانها يوم عيد الصليب
زادت جمال ونضار وطيب
يا مداعب الغصن الرطيب

دنت الثريا بقت قريب
بين السلوك فى تانى دور
فى ثانية كم سطعت بدور
وأهلة كان نوعن غريب
زادت جمال ونضار وطيب
يا مداعب الغصن الرطيب

شىء ينعش الروح فى الأديب
ويحيى روح ميت الشعور
للقاه ترتاح الصدور
ويفرح القلب الكئيب
زادت جمال ونضار وطيب
يا مداعب الغصن الرطيب
Post: #49
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-09-2005, 04:36 AM
Parent: #40

وينك يا خال ليك وحشة والله ..

منتظرين منك الكثير الجميل ..
ما تطول الغيبة ..

نار وجنة .. أحمد فلاح

عيوني وعيونك اسباب لوعتي
اسباب تشوقي نظرتك واسباب نفورك نظرتي
هواي يعجز فكرتك وجمالك يعجز فكرتي
في الصد تزيد في جبرتك في الحب ازيد في خبرتي
دايما اردد ذكرتك هل مرة فهمت بذكرتي
انت الذي اتعبتني وانت الذي بك راحتي
لو ان هلاكي ولي دنيت احيا وتحل بي فرحتي
كم اشتقت وكم شكيت من سقمي واتلاف صحتي
كم رددت اهاتي وكم دوي في الافق صدي صيحتي
سندس وعسجد حلتك ولما انا الهوي حلتي
ماذا جنيت يامعبدي ماذا جنيت ياقبلتي
ماضر يا محبوبي لو تنظر لحالتي بالتي
هي احسن النظرات ثم ثم تريني فيك اهلتي
هلا تركت تصددك هلا حببت مودتي
هلا رضيت تمازج الحب بيننا لافادتي؟
رفقا بمن يهواك يا من انت صفوة سادتي
رحماك بي ضاق الفضا رحماك طالت وحدتي
جيوش اشتياقي هزمتني زادت انتي
لوكنت قربي لاسرها اجعل لحاظك انتي
ياروحي ياراحي ويانوري وناري وجنتي
اهوي الهلال في هواك ليتخذ العوازل سنتي
Post: #41
Title: Re: ما بين زول ساكت وصـديق المـوج تــيه وإتـاكا ..
Author: ALGARADABI
Date: 07-20-2005, 08:48 AM
Parent: #1

الأخ معتصم
تحياتى
الرجاء وضع اللنك بتاع تيه واتاكا


لزوم الحفظ
مع الشكر
Post: #45
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-23-2005, 04:18 AM
Parent: #41

الحبيب القرضابي

يأخي إنت تأمر ..
ودا لنك الأغنية دعواتك لينا بس ..
أضغط عليه ..



تـــيه وإتاكا

شكراً لحضورك الأنيق ..
Post: #42
Title: Re: ما بين زول ساكت وصـديق المـوج تــيه وإتـاكا ..
Author: ala elfaki
Date: 07-23-2005, 00:57 AM
Parent: #1

العلو سمة الابداع والفن




علاء الدين
Post: #46
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-26-2005, 07:23 AM
Parent: #42

ست البيت
ودالرضي

اريدا براها ترتاح روحي كل مااطراها ست البيت


قالت جارتا مجاوراها تجي شايله وتجي مزاوراها
تلحظ احتياجنا براها نشكر سعيها بي وراها
ست البيت
ربنا بالجمال كافاها لامن قال قواما كفاها
المسروره مي تافاها ياحلاة الكلام الكلام في فاها
ست البيت
راقيه سكوته من ميلادا مو سكاتاً تنوبوبلاده
نضيفه ومنظمين اولادا برضها عندي حلوه جلاده
ست البيت
تتلاصف سرور وجناتا الرافيه الكتار حسناتا
طيبة عشره مي غلاتا ماسابت الشباب لي بناتا
ست البيت
مابتحسب علي كليا تكرم كل منسوب لي
اطوع من بناني الي واشفق من جنايا علي
ست البيت
ماقالت بقيت حبوبه وتركت بوختا المحبوبه
لوجات من رياحا هبوبه بتحيي عروقك المهبوبه
ست البيت
من صابحتها وماسيتا طاعمه وناعمه لومسيتا
ماقاستني ماقاسيتاوتشكر فضلي كل ماكسيتا
ست البيت
مي العزايه دايماًساقده ومي الغبشه المفبره حاده
مي اللهفانه بي ورا الماده دي اللي شبابا ديمه موادا
ست البيت
فاضي البال حليللا جنابو مااتغضبن لمس اشنابو
ولايوم سوء تفاهم نابو دي الامثالا نتغنابو
ست البيت
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي
ست البيت
ليه ماشكرا مطاوعاني وحافظه لمتعتي وحافظاني
حاويه من الانوثه معاني ومها ابقى مر بالعاني
Post: #48
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-09-2005, 04:17 AM
Parent: #42

العزيز علاء الدين

ربنا يعلي شأنك ..
ويديك الصحة والعافية ..
شكراً لرقيق كلماتك ..

فى الضواحى .. خليل فرح

في الضواحى وطرف المداين
يلا ننظر شفق الصباح

قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح

للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح

يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيح والبراح

شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لاح بهل الوشاح

يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
Post: #50
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 08-17-2005, 00:33 AM
Parent: #48

ريثما يعود الموج
Post: #51
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 08-17-2005, 00:50 AM
Parent: #50

في الخوجلاب ياقلبي
صالح عبدالسيد ابوصلاح

مـاكنت رايق وساكن في صفاءوتأمين
فـي الـخوجلاب ياقلبي مني شالك مين

ديـل الـبروق الـشالن ام درر ياسمين
مـابين ظـل الايـك ونـفحه الياسمين
أم ديـل شلوخه تلاته ومن تحت وسمين
يـاقلبي بـينه وبـيني اليقسمك قسمين

جـات روايـح الورود مع الزلال والتين
فـوق الـجمال الـفردي اليلة ملتفتين
بس ايه لزوم انوارنا من شموع ورتين
مـادمت انـت وبـدر الـتم زي اختين

بـقي ديـسك اطول منك ولله متقايسين
شـفنا الـضفاير جـرو للقديم كايسين
أنا شوقي دايماً زايد وماشي في تحسين
انـا صـبري قل ويشهد بي ازاي حسين

برزن نهوده وعامن في الهواء مجاهدين
وعـلي هـلاك العاشق ديمه مجتهدين
صاح وهبه فاقد عقله كم جريح وطعين
الـناس جروحن تسعة انا لي جروح تسعين

عـد الـشوادي الـغنن يالغرام نايحين
عـد القماري القوقن في الفروع مايحين
عـد الـنسايم الـمرن بالمسك فايحين
تـغشاك ياعثمان نعمة وسرور كل حين
Post: #52
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 08-20-2005, 07:32 AM
Parent: #51

وصـديق المـوج
Post: #53
Title: Re: ما بين زول ساكت وصـديق المـوج تــيه وإتـاكا ..
Author: waleedi399
Date: 08-20-2005, 12:18 PM
Parent: #52



عجـباً لهذا،،

يجب أن يكون هذا البوست دائماً في المقدمة،،

لمعلومات الثرة التي تملؤه ،، والدرر النفيسة

روائع اغاني الحقيبة ،، ولولا ظروف صديق الموج القاهرة

لرأيتكم العجب العجاب ،، ولكن شاءت الظروف ان تجيئ هكذا

ولا زلنا في العشم بعودة صديق الموج .. ويا زول ساكت والله مقصرت تب

متعك الله بالصحة والعافية ،، وزادك بعلمه
Post: #54
Title: Re: ما بين زول ساكت وصـديق المـوج تــيه وإتـاكا ..
Author: Abdulla Ageed
Date: 08-21-2005, 06:39 AM
Parent: #1

Quote: يجب أن يكون هذا البوست دائماً في المقدمة،،

لمعلومات الثرة التي تملؤه ،، والدرر النفيسة

روائع اغاني الحقيبة ،،
Post: #55
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 08-23-2005, 02:22 AM
Parent: #54

دي الليله بجيب ليكم موجكم دا يهدر هنا
وكما ماجاتو دي
اقنعوا ساي

الحفظ
Post: #56
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 09-16-2005, 04:16 PM
Parent: #55

ريثما يعود ..

زول ساكت ..

ود الموج ..

خال العيال ..
Post: #57
Title: Re: ما بين زول ساكت وصـديق المـوج تــيه وإتـاكا ..
Author: ثابت محمد
Date: 10-24-2005, 06:12 AM
Parent: #56

الأخ الشـفيف معتصم دفع الله
قد لا تصـدقني إن قلت لك
أن من بين الأسباب التي دعـتني للإشتراك في الحوش
أن أشارك في هـذا البوست الجميل عن ( حقيقة الفن )
ولك مني الوعـد بذلك

وهنا رائعـة طالما أدهشتني تأملها ملياً

الشاعر : صالح عبد السيد أبو صـلاح
غنــاء : أولاد شمبات

من فروع الحنـة وزهرة التفاح
هـاج بلابل فكري النسيم الفاح

الجداول تجري فوق خدودك دُر
والرشيمات بقّت بي أشعة خُدر
يعمي عيني قبلك ما نظرت بدُر
فوقو ليلاً حالك يعلو غصناً ماح

كل معصم جدلة والكفيفــات غـوف
والكتيف الهادل بالكفــل مشــغوف
نايمة او كان صاحية حال جلوس و وقوف
فيهو لاحـــم ديمة ومنو مالو بـراح

إختصر أفـكاري خصـرك المعقود
ما بيمس بي كفة لا قميص لا عقـود
جالبو ردفاً جايل حلمو ليه مفقــود
عذرو وااضح صدرك مالبو جوز تفـاح

القوام متوازن لا قُـصر لا طـول
والخديد أفعالو تصرفــات مسطول
ماهو خاتي دا ساند ضهرو فى الأسطول
والعيون حراسن فوق جفونو صـفاح

إنتي روحي وراحي ليك ظمآن غاب
ما بصرح بإسمك ما بجيب ألقـاب
إنتي ديسك خدرك ماكي صيدة غاب
من فوارس حييك ليكي غابة رماح

خلي أمعن شوفا قول لي إيه النـور
هل رأيت لك صيدة أم دا جام بلـور
جـلّ من أنشاها وصاغا شُـعلة نور
هل دا جيـد وقلادة أم نجوم وصباح
Post: #63
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 01-16-2006, 03:29 AM
Parent: #57

الحبيب ثابت محمد

كل سنة وأنت بألف خير ..
شكراً لحضورك الجميل وألف مرحب بيك في الحوش الكبير ..
عذراً إن جاء ردي لك متأخراً لظروف خارجة عن الإرادة ..
واصل فنحن ننتظر منك الكثير والحقيبة فيها الكثير الرائع ..

لك تحياتي وتقديري ..

في إنتظار ودالموج وزول ساكت ..

ريثما يعودان ..
Post: #64
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 01-16-2006, 04:16 AM
Parent: #63

ياه يامعتصم

وين انت ياخ

مشتاقووووووووووون
Post: #68
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 01-23-2006, 06:37 AM
Parent: #64

الحبيب زول ساكت ..

والله الشوق بالكوم ..
وكل سنة وأنت بألف خير ..

قريباً سوف أكون بينكم ..

تحياتي ..
Post: #90
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-15-2006, 03:14 PM
Parent: #54

حبيبنا عبدالله عقيد ..
الزول المسافر السودان وعينه قوية ..
معليش ردي ليك جاء متأخر ..
والله أنا اعتبرتك من ناس البيت وجيت ماشي فيك ساي ..
غايتو امسحه لي في وشي الشين دا ..

شكراً ليك يا زول يا جميل ..
وكدي قبل السفر طلع لينا المستخبئ من الحقيبة ..
يعني بي قوة عين كده هات العندك ..

سلام كتير يا صاحبي ..
Post: #58
Title: Re: ما بين زول ساكت وصـديق المـوج تــيه وإتـاكا ..
Author: صديق الموج
Date: 10-24-2005, 01:38 PM
Parent: #1

Quote: وهنا رائعـة طالما أدهشتني تأملها ملياً

الشاعر : صالح عبد السيد أبو صـلاح
غنــاء : أولاد شمبات

من فروع الحنـة وزهرة التفاح
هـاج بلابل فكري النسيم الفاح


ثابت البطل تسلم لايراد هذا النص المترف ...فقط تنويه بسيط الكلمات للشاعر

الفحل ابراهيم العبادى،،،،
Post: #59
Title: Re: ما بين زول ساكت وصـديق المـوج تــيه وإتـاكا ..
Author: ثابت محمد
Date: 10-25-2005, 02:13 AM
Parent: #58

صديق المـوج وأهل الحقيبة
ســلام يشبهكم وهيهات

صديق المـوج البركة فى زهرة التفاح المرقتك من ( ريثما )
كنت أظن أن القصيدة لـ ( صالح عبد السيد أبوصلاح )
ولكن لا تؤاخذنا فقد هرمت الذاكرة حتى أن القصيدة لها تكملة ( كوبليهين )
أتمنى أن تكملها إن كانت قابعة في ركن من ذاكرتك
شكراً على لفت المظر
===========


يجلي النظر .. سيد عبد العزيز

يجلي النظر يا صاحي منظـر الإنسـان
الطرفه نايم وصاحي صاحي كالنعسـان
فى الضي جبينها النادى والبدر خـلان
تجمع لطافـة ورقـة ونفـرة الغـزلان
ما بين أن جسيمها الـلادن الكسـلان
يزرى الحرير الناعـم والفريـع الـلان
دعجة ومكحلة خلقة عظمهـا الرحمـن
بكمال جمال الخلقـة وشحهـا الإيمـان
جذب المناظر مننـا منظرهـا الفتـان
حين جات تميس تتختل وشفنا فيها البان
بدرى وغمامة ودميه فـى فريـع البـان
وردفاً يتب بدروعـه والقديـم غلبـان
من دون مرور النسمة أم قـوام نديـان
تجى فى الدروع منقسمة تميل تخذ أحيان
تقدل تتاتى كفيلـة ويلعـب الطغيـان
وتبـرع المتبـرع وبالخمـرة نـديـان
أنا قلب طار من صدرى يا صديقى عشان
شفت حـور الجنـة داخـل الحيشـان
شفت العيون بتقهقر ضابـط النيشـان
شفت الجمال الوافر في عظيمة الشـان
أقسم يمين يا بنيـه الهـلاك لـى هـان
ذرفت دموع عينـى والفـؤاد ولهـان
أنا في الخلوق ما عليّ الراضى والكرهان
لو كان وهبتي الي نظـرة بـا أم دلهـان
أنتي نور الدنيـا الضـاوى ليـه زمـان
أنتي وهبـك ربك تـاج بهـا الأزمـان
إنتي آمنـة خـدرك وبهجـة أمدرمـان
إنتـي منـاي اللـي مخافـي أمــان
ليكى السلام ما غنى شـادي أو رطـان
ليك الســلام ما حن مفـارق الأوطـان
يخضب بنانك حنـــة وللوريـد قيطـان
وأنيــل رضاك يا الملكة نجلـة السلطـان
Post: #60
Title: Re: ما بين زول ساكت وصـديق المـوج تــيه وإتـاكا ..
Author: ثابت محمد
Date: 10-25-2005, 02:29 AM
Parent: #59

هــواك وهــواي
محمد عبد الله الأمي .. ولا ماكده يا المـوج

هواك وهواي بي جاروا وسبن أفكـاري نظراتـك
أحب تعطف تزيل وجدي وأحب كل البحب ذاتك
بحب لونك بحب لونك بحب يـا حبـي نفحاتـك
بحب فى خدك الزهرة وبخـاف ترمينـي لمحاتـك
أخاف صدك بخاف جورك وأحب تتهنى بحياتـك
بحبك حبي للعافية وكمان يـا سيـدي وحياتـك
بحب فيك الحيا الفطري وبذوب من حالي صيحاتك
إذا في حبكم ضعـت واذا أقبـر فـى ساحاتـك
أكون للحظ دوام شـاكر وأقبل أنـت راحاتـك
أحب أنظر جمال محياك وأخاف تسحرني بسماتـك
وأخاف لحظك يجرحني واحب تسكرنى بسماتـك
وأحب طيفك يأنسني وأحـب تسمعنـي نغماتـك
وأخاف هجرك يطول بي وأخاف تحرمني كلماتك
منعم يا فريد عصرك سعيـد وسعيـده ساعاتـك
مكمل يا نزيه صافي وعفافك فطـري مـا فاتـك
وديع وبـديع مثال رقة حشيم والريم هوى صفاتك
أنرت فؤادى يا ضامر ودمعي خضاب فى كفاتـك
زيد يا دمعي فى سيلك وزيد يا صـدري زفراتـك
حبيبك ودعـك راحل زيد يـا طرفـي عبراتـك
حمام الأيك حـن مـره تعـال أسمعنـي نبراتـك
طريت أم در مقـر أملي زمـاني كفـاي عباراتـك

حاشية
بحب لونك بحب لونك
شفتو جنس الجن ده ؟؟
اللون الأول لون البشرة
اللون الثاني طراوة الجسد وملمسه اللّين الناعم

ولي قــدام
Post: #61
Title: Re: ما بين زول ساكت وصـديق المـوج تــيه وإتـاكا ..
Author: صديق الموج
Date: 10-25-2005, 02:39 AM
Parent: #1

Quote: صديق المـوج البركة فى زهرة التفاح المرقتك من ( ريثما )
كنت أظن أن القصيدة لـ ( صالح عبد السيد أبوصلاح )
ولكن لا تؤاخذنا فقد هرمت الذاكرة حتى أن القصيدة لها تكملة ( كوبليهين )
أتمنى أن تكملها إن كانت قابعة في ركن من ذاكرتك


ثابت تحايا كوم...ولك كل الود

غايتو مرضانين الحقيبة ديل بيت ما بخلوا..هاك البيت الناقص ما تلد

ياام جبينا نادى بالحسن نضاح.... حالى من دون شرحى كامل الايضاح

ستى لاتآخذينى الغرام فضاح......... والمحلق قبلى فى سبيلن راح
Post: #62
Title: Re: ما بين زول ساكت وصـديق المـوج تــيه وإتـاكا ..
Author: ثابت محمد
Date: 10-26-2005, 04:05 AM
Parent: #61

الشاعر عبيد عبد الرحمن
زاد أزاي يا صاحي

زاد أذاي يـا صــاحــي وإعــتــرانــي نـــحـــول
طـرفـي دامـع وصــاحـي وبـالـسـهــاد مـكــحــول

عـلـيّ حــال الحـول والموانـع بينـي وبيـن حبيبـي تحـول
قلبـي قـال ما بـحول وصبري ضاع يا جافي وخصبي صار ممحول

الـعـلــي مــابـزول والأنيـن يـا بـدري والحنيـن مبـذول
والجــسـيـم مـهـدول منيتي وآمالي ونومـي فـى عيـون زول

لا قـصـــر لا طـــول ربعه قامتو وحسنو وصفو شرحو يطـول
مــن دلال مـسـطـول كـم يواعـد ويمطـل والمطـل ممطـول

الــقــوام مـــعــدول والوريد كالدمـية والأسيـس مسـدول
والكـتـيـف مـهـدول بعضو نام فى بعضو تقول حريـر مجـدول

يـا نـسـيـم مـرســول لى حبيبـي لعلـك منـه واجـد سـول
أجــثو لـيــه مـثـول علّـي أنظـر حسنـه وأقبـل المعسـول

كـل شــىء مـقبـول إن تجور أو ترحـم فـى رضـاك مجبـول
وبـي هــواك مـشـبول ما علي في اللايـم لـو ضربلـو طبـول


ولنا عــودة
Post: #65
Title: Re: ما بين زول ساكت وصـديق المـوج تــيه وإتـاكا ..
Author: Mohamed Abdelgaleel
Date: 01-16-2006, 08:42 AM
Parent: #1

الاخ معتصم .. لك الشكر على ما أوردت من شعر سوداني عامي مبين رصين .. ولزول ساكت والموج .. إن كانا قد أوحيا لك .. فلهما الشكر على ما زودانا به .. وظني الذي يشبه اليقين أنك تدعى فأنت ذاهب مع ريح هذا الفن الأصيل هداك حسن الكلم ولا تثريب .. فأوغلوا جميعا في الحقيبة برفق وسنقرأ حتى نستيقن ..
Post: #66
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 01-18-2006, 01:46 AM
Parent: #65

up
Post: #69
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 01-23-2006, 07:02 AM
Parent: #65

الحبيب محمد عبدالجليل

كل سنة وأنت طيب ..
شكراً لوجودك هنا على ربوع حقيبة الفن وروائعها ..
نتمنى أن نقدم ما يعجبك منها ..


ودي ..
Post: #67
Title: Re: ما بين زول ساكت وصـديق المـوج تــيه وإتـاكا ..
Author: أبووجيدة
Date: 01-18-2006, 12:59 PM
Parent: #1

الغالي معتصم (( الجاذبية ))
التحية لك ...
كيف لاّ وأنت دوماً تنثر فينا الأفراح أمد الله في عمرك وحزم أمتعتك وجئت إليناونحن أكثر شوقاً إليك من كل مرة .
Post: #70
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 03-13-2006, 02:49 AM
Parent: #67

نعمل حركة كفاية عشان ترجع يامعتصم؟
Post: #71
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 03-15-2006, 08:40 AM
Parent: #70

تــيه وإتـاكا
Post: #72
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-17-2006, 02:07 AM
Parent: #71

رفقاء هذه السياحة ..

تحية محبة وإخاء ..

معاً لنواصل ما أنقطع من هذه الرحلة ..
Post: #73
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 04-17-2006, 02:45 AM
Parent: #72

هاك يامعتصم فلق الصباح بصوت الكاشف
وبالرق كمان




الحفظ
Post: #74
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-17-2006, 05:03 AM
Parent: #73

الزول الجميل عباس ..
مشتاقين كتير والله ..
وشكراً للأغنية الرائعة ..

معي مجموعة كبيرة من أشعار الحقيبة ..
ونبذة عن شعرائها وكتابها ..

سوف احاول أن انزلها تباعاً ..

خليك معانا ..
Post: #75
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-17-2006, 11:25 AM
Parent: #74

الشيخ محمد ود الرضي ..

المولود في 1865 والمتوفي في 1982

ولد في العيلفون وتربى فيها ..
قرأ القرآن وحفظه وقرأ العلم والحديث ..
وأهل العيلفون أهل خيال وحواس ..
كان يستمع للمدائح وينشدها مع الذاكرين وبعدها ظهرت موهبته في الشعر ..
وخصوصاً شعر الوصف وكانت للمنطقة دور لما تتمتع به من طبيعة وجمال الحسان ..
ويقولون أنه كان كثير التسفار ولكنه كان يحن للعيلفون ولأهلها ..
عمل في بناء مشروع خزان سنار وفي هذا حكاية قيلت عنه ..
كان يزور إحدى الأسر القريبة له وقد كبرت بناتها وحينما سأل عن البنات أنكرت أمهم ..
وكانت إحداهن تسترق النظر فكتب في محاسنها ..
ولم يمر يوم حتى تزوجن الأخوات الثلاثة ..
عمل ثنائية بديعة مع الفنان محمد أحمد سرور ..
وكان يشترط في كتابة الشعر رؤية الفتاة والتحدث معها ويحبذ شرب القهوة التي تصنعها له ..
أجمل شعر في وصف الشلوخ كان شعره ..
وأحلى تأمل في العيون تسمعه وتقراه في شعره ..
ويعتبر الشيخ محمد ود الرضي من أوائل الذين كتبوا الرميات كفن جديد على الأغنية السودانية يختلف عن الدوبيت ..

هذه نبذة بسيطة عن الشاعر الشيخ محمد ود الرضي ..

ونماذج من أشعاره ..

الجرحو نوسر بي

الجرحو نوسر بي غور في الضمير
في قلبي خلف الكي يا ناس الله لي
لو ما المشي قسم وأنا عقلي ما داير
يمشي الكي قبل وينسف الداير
والمحي المتل قمر العشا الداير
والديس الغزير لي قامته يداير
يجيك بي عجن ويقولي شن داير
رحماك يا عشوق طاش الفكر حاير
يا ناس الله لي






ملوك أم در

الليه كيف أمسيتو
يا ملوك أم در يبقى لينا نسيتو
الخيال لي جسمي وخليلي اسيتو
مالو لو بي طيف الخيا استيو
جلسن شوف يا حلاتم
فزر في ناصلاتن
قاللولي جن هوى هباين
الحبايب حباين
حوى السبع التاني
ان نعمات الحسان
ملكن قلبي ولساني
تبرا ناي الخديدن
هدل طايل وريدن



طابق البوخة

الجميل واصل درة الاصل
الله لا وراك العلي حاصل
العذاب أنواع جملة غير فاصل
فردت المهمات بالالي واصل
مجلي كبريته كبدي في بنزين
فادمة كبريه
اصل هالكني منه ما بريته
يا جراح غور إن شاء الله ما بريته
طابق البونه قام ندا يهتف
نام من الدوخة
ايده عاقباه جدله مملوخه
لي معالق الجوف موسه مجلوخه
Post: #76
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-17-2006, 12:09 PM
Parent: #75

إبراهيم بابكر العبادي

يعتبر ألمع شعراء الدوبيت ..
وقد أطلق عليه أمير الشعراء ..
وهو رائد مسرح الشعر السوداني ..
ومن مسرحياته المك نمر وقد كتبها سنة 1927م وبعد أربعين سنة كانت هي مسرحية الإفتتاح للموسم المسرحي السوداني الأول الذي قدمه المسرح القومي ومسرحية عائشة بين صديقين ..
وكان أحد الشعراء الذين قام على أكتافهم غناء الطمبور ..
وقد شارك مع صديقه محمد أحمد سرور في تأسيس غناء حقيبة الفن وكانت البداية سنة 1914م ..
ويعتبر العبادي فارس الدوبيت بلا منازع ..
وقد كتب الشعر السياسي والاجتماعي والغزل ..
وكان العبادي حاد الذكاء ذو ثقافة عربية واسعة ..
يحفظ الشعر الجاهلي وأشعار صدر الإسلام والعصر العباسي ويعرف فن الغناء القديم والجديد ..
وكان لا يجامل أحداً صريحاً في أرائه ..

ومن أشعاره ..

برضي ليك المولى الموالي

لو تحول دون قصدي العوالي برضي أغوص في بحوري واوالي
ليك اخراج درري الغاولي وانشئ شعري وزجلي وموالي
في سناك قليل يا جميل برضي ليك المولى الموالي
وفيك لازم الصبر الجميل

يا ملاكي ظروفي العصيبة حايله دونك مالي صيبه
قالي هاك اقوالا مصيبه كل نفساً توجد نصيبه
واليصيبه المولى أليصيبه بالقدر كم عزّ الذليل
كم ربوعاً أجدب خصيبه ومافي فجراً ما عقبه ليل
المكارم خلقي الجبيلة والمحامد سالك سبيله ....
ديمه شارب من سلسبيله من اخاير أخير قبيله
ومن أعالي العايلة النبيلة وكل صميماً لصميم بديل
الليالي الليلة وقبيله للجلل معدود الجليل

تشكي كتر النوح العيالك وديمه تشكي أيام زاهيالك
يا مهفهف سيرك أمالك والنسيم الساير أمالك
إنت زاهي ولاهي ويالك من مرائي وصدقك قليل
إنت عاشق بالجد خيالك ومنه ساكن ظلاً ظليل

يا سما الغايات يا ملاكا من تطاول لي نيل علاكا
عشت دم يا حلية حلاك يا حياة أرواحنا هلاكا
لو سليتو النار ما سلاكا قلبي راضي وهاك الدليل
انه صابر وحامل بلاكا مرة ارحم يكفي القليل
برضي ليك المولى الموالي وفيك لازم الصبر الجميل





نواصل في شعر العبادي ..
Post: #77
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-17-2006, 12:48 PM
Parent: #76

عازه الفراق بي طال .. شعر إبراهيم العبادي


يا عازه الفراق بي طال
وسال سيل الدمع هطال
طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال
أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال
حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا
ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي

نواصل ..
Post: #78
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-17-2006, 01:12 PM
Parent: #77

سائق الفيات .. شعر إبراهيم العبادي

يا سايق الفيات عج بي وخد سنده بالدرب التحت تجاه ربوع هندّ

بوصيك قبل تبدأ سيرك داك طريقك سابق الربده
منك بعيد جيده حي هند المرام عج بي ربوع عبده
شوف سياق الفيات الليلة كيفن هاش والشجر الكبار بقى شوفنا ليهو طشاش
قول لي دحين وين ماش فارقت الطريق أتيامم الرماش

شق حشا الطريق وأتيمم الحلال زفنه الكلاب ما نالن إلا علال
باقيات ثواني قلال بينك والغروب داك مشرع الشلال

أطوي الأرض وأضرع ومن افكارنا سيرك يالفيات أسرع
ميل على المشروع لا تريع القطيع وتجفل الأدرع

شوف النهر مار بخشوع تقول مجسان كما مرّ المنام في مقلة النعسان
جلت قدرته ما أظلم الإنسان كم ينسى الجميل كم يجحد الاحسان

ما نفرن تقول سايق الكلام إلفة عطشان قلت ليهن وصحت البلفه
ما فيش كاس قريب قالن لي دون كلفه تشرب من كفوفنا لمّ تتكفى



نواصل ..
Post: #79
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-18-2006, 02:41 AM
Parent: #78

صالح عبدالسيد أبو صلاح

المولود في 1902 والمتوفي في 1966

ولد في حي المسالمة بأم درمان ..
كان من أبرع شعراء الغزل والوصف ..
كأن في شعره يصنع التماثيل ..
وكان بارع في وصف أعضاء المرأة وكأنه درس وظائف الأعضاء والتشريح ..
وكان بارعاً أيضاً في الهجاء ووصفه ...
ورأى فيه الشيخ الأديب الطيب السراج فحولة ونبوغاً فأحبه وقربه منه وكانا يعملان في مصلحة الوابورات معاً ..
يعد أبوصلاح رأس المدرسة التشكيلية في الشعر الغنائي السوداني ..
وقال عنه الشيخ عبدالله محمد عمر البنا لو نظم أبو صلاح الشعر بالفصحى لفاقنا جميعاً ..



قسم بي محيك البدري

قـسم بـي محيك البدري غرامك منه ضاق صدري
حــبــيـبـي بــالــعـلـي تـــــدري

المحي نور ليلة القدري نصيب قول حاجبه لي قدري
مـعاك فـي داخل الخدري فؤادي المالكه من بدري

حياتي ونعمتي ويسري رضيت لو يرضي بي أسري
فـري يـادموعي وانـتشري إذا منه النسيم يسري

حـمام الايـك والـقمري يـصيح ينبيك عن امري
بـين عـواسلك السمري روايحي وفاكهتي وخمري

فـبالك ويـن اجـد فكري مصافحة اليمين iiسكري
بـبالك هـل يطوف ذكري وأمامك شكوتي وشكري

صحيح لي جروحي لاتبرئ هواك بي رضاي ماجبري
نسيمات فاهك التبري ياجميل آه كم قللت لي صبري


نواصل ..
Post: #80
Title: Re: ما بين زول ساكت وصـديق المـوج تــيه وإتـاكا ..
Author: waleed500
Date: 04-18-2006, 03:08 AM
Parent: #79

معتصم دفع الله
من حور الجنان أم أنت إنسان الكمال
هل أنت الملاك جيت تورى الناس الجمال

متل الجمال ده تب انا ما شفتا
يعطيك العافيه سيدى
Post: #82
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-18-2006, 04:03 AM
Parent: #80

الحبيب وليد500 ..
تحيات المحبة والسلام ..
وجودك أضاف للمكان رونقاً وجمال ..
خليك معانا لنهاية الرحلة ..
وجيب معاك حقيبة كبيرة ..
الشغل دا كتييير ..

دم بألف خير ..
Post: #81
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-18-2006, 03:55 AM
Parent: #79

شوف العين قالت دا لا لا ...... صالح عبدالسيد أبوصلاح



شوق العين قالت دا لا لا صدت من تيها ودلال
ريدتك ساكنة الجوف خلالا والاعضاء امتزجت خلالا
براق سنك شق لا لا وسهمك صاب احشاي قلالا
اسباب الغي والعلالا ضمرتها والخصر العلالا
نور في نور يا ذا الجلالا وخدانا بالمعه انجلال
في الترنيع ما ليك مثالا علمتي الغصن الرتالا
شوفتك كم عاشق اتالا وعاد مطعون بسهام قتالا
يا نسام اوصف جمالا والقامة السيرك امالا
اوصف لي اسباب كمالا وقول لي أم خد هجراني مالا
النسام شال الرسالة وفي التوضيح روق رسالا
ذكرني الرطب العسالا وهاج الشوق والدمع سالا



نواصل ..
Post: #83
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-18-2006, 04:10 AM
Parent: #81

قلبي همالو .......... صالح عبدالسيد أبوصلاح


قـلبي هـمالو خـديدك وجـمالو مـعذب فـي هـواك مـالو

بـدر حـسنك لاح والـقليب مالو لي هواك وشوق قلبي عمالو
يافريع ياسمين متكي في رمالو قولي عاشقك وين ضاعت آمالو

شـعره حـاكه الـغيم حاجبه هلالو فر بسمه غيم والبروق لألو
مـافي مـانع لـو مـوتي حلالو افدي جوز تفاح صدره لو لالو

الشادن المحكول قلبي يصبالو وأخشى من لحظه ومن رمي نبالو
كـم جـريح لـسهام عينه ضاربالو وبيه لايدري ولا علي بالو

الـجوهر الـفردي الـماتلقي مثالو ليه قلبي يلين وقلبو يقسالو
حبه صبحني وحسنه مسالو غير رشيم في خدوده دموعي ماسالو

خصره ناحل زاد جسمي انحالو طرفه ناعس نام وطرفي يصحالو
الـفريع الـلان دمـعي سحالو يانسيم ارجوك شوفه كيف حالو

فـي الـنجوم مرفوع مجده يبنالو بين سماك اعزل حظي مانالو
وحـرسه حـولو يدور استعدالو والبدر لو غاب يضوي في بدالو




نواصل ..
Post: #84
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-18-2006, 05:01 AM
Parent: #83

وصف الخنتيلة ....... صالح عبدالسيد أبوصلاح



هاك يا زميل وصف الخنتيلة جمال تاجوج المافي متيله
رويحتي كتيله قليبي يشابي حسب ترتيله
صدير هزار وضميرها فتيله وليها وريد اريل في نتيله
الروبة ظليله ناديه معتمة لاخمه دليله
لولا قمر محيك هاليله كنا نتوه في ظلمة ليله
وضبيها زميله تقوده يتاتي القامه ويميلا
جبينها تلوح انواره جميله تفوق القمره بعد تكميله
وليها نفيله تعوم واردافها يلازمو كفيله
وليها طباع الصيد جفيله عليها القافية وجب تقفيله



نواصل ..
Post: #85
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-18-2006, 10:33 AM
Parent: #84

عمر البنا

ولد بمدينة أم درمان سنة 1900م ..
تعلم القرآن في مدرسة والده محمد عمر البنا ..
ثم انتقل إلى مدرسة أم درمان الأميرية حتى المرحلة الثانوية ..
بعدها اتجه للعمل الحر رافضاً رغبة والده في الدخول للكلية الحربية ..
متوجهاً إلى رفاعة مشرفاً على أعمال والده الزراعية والرعوية وأصبح وكيلاً له ..
بدأ كتابة الشعر في العام 1916 وحتى الثمانيات ..
وهو من أسرة شاعرة فوالده الشاعر محمد عمر البنا شاعر المهدية وصاحب قصيدة ..
الموت صبر واللقاء ثبات والموت في شأن الإله حياة
وشقيقه الشاعر عبدالله محمد عمر البنا أشهر شعراء السودان وأحد أستاذة الجيل في كلية غردون ..
ويعتبر البنا من الرواد الأوائل في تأليف الأغنية السودانية فقد كانت محصورة في ذاك الوقت على الرميات والطمبور والدوبيت ..
شكل ثنائية كبيرة مع الفنان كرومه وقد نالت أغنية ..
والمحك في النوم جوز نواعسك راني طرفي قصده يراك وما قصدت تراني
وما بسيب حبك حتى لو ضراني
نالت شهرة كبير جاراها العديد من شعراء الحقيبة ..
كان يلحن معظم قصائده بنفسه وكان يغني أحياناً كثيرة ..
ويعتبر البنا أكثر إستخداماً للنسيم في أشعاره ..
وكان يحب أم درمان كثيراً لذلك تجد معظم قصائده تتحدث عن أم درمان ..


زهرة الروض الظليل

زهرة الروض الظليل جاني طيبك
مـع الـنسيم العليل زاد وجدي
نــوم عـيني أصـبح قـليل

يـا زهـرة طـيبك جـاني ليل
أقـلق راحـتي وحار بي الدليل
كـنـت أراك مــع الـخـليل
وأسـجد أمـامك خـاضع ذليل

دائـمـاً أنـوح وأقـول حـليل
صـفي الـقلب الـقدره جـليل
كـلما يـجي لـيل أكون عليل
أنـا في الثرى وهو في الإكليل
يـالليلك عـفافك دائـماً زميل
يـالمن طـيبك زهـر الـخميل

لـو مـرّ نسيمك على ألف ميل
يـخـلي الـعالم طـرباً تـميل
يـا أهيف يا ذو الطرف الكحيل
يا الصدرك عالي وخصرك نحيل
مـناي فـي الـدنيا قبل الرحيل
أرى شـخصك لـكن. iiمستحيل

امـتـى تـعود أيـامي الـقبيل
يـا حـبيبي أوجـد للقاك سبيل
ومـعاك يـتخاذل فـي قـبابل
شـفـاء دا قـلـبي iiالـوبـيل

قـال لـي صحيح جسمك هزيل
أحـمر الغرام في أعضاك نزيل
لـو مـا بـخاف عقلي الهزيل
كـنت أوصـلك ولي عياك أزيل



نواصل ..
Post: #86
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 04-18-2006, 11:17 AM
Parent: #85

الليل الهاجع ............ عمر البنا

في الليل الهاجع غرد يا ساجع أذكر أحبابي وهيج أشجاني

أرجوك يا بلبل حين تقفل راجع غرد وأذكر نوم عيني الناجع
وهجراني الطال وبكاي وحناني وأشواقي الزادت تحتاج لمراجع
عسى يرحم حبي لي عقله يراجع وبي عين الرحمة والرضا يرعاني

تايه في نعيمك والخير الهامع لك راحة الدنيا والخد اللامع
منظر جذاب بي حسنه سباني أنا نايح ودائماً للنقيضين جامع
من قلبي النار ومن طرفي مدامع الحب غلاب بالموت أنباني

الحور لي حسنك متذلل وخاضع والبدر لنورك يا جميل متواضع
غصنك فضاح للأس والباني يشبهك البدر كأنه معاك راضع
سبحان من أنشاك لمأواك واضع فوق كل الأنجم لمجدك باني

مضروب لحظاتك غير شك ما نافع لي عازلك وعاطفك سهمك ما رافع
جبار ومهاب تسبي الفرسان يهواك الناسك والكاهل واليافع
قلبه وفي الحال يسلى الأوثان

ما بخشى عزول في هواك يرافع وما بخشى رماح وسيوف ومدافع
بس بخشى جفاك يا نور إنساني مظلوم من بعدك شكواي ليك رافع
ونحول اعضاى عن حالي يدافع يا سكينة قلبي وصحاي ووساني

يا ظبي الأنس لك سعدك تابع بين روض الجنة والنيل النابع
ما بين ظلال في نعيمك هاني ما تجاسر طيار لسماك الرابع
حتى يعشم في طلوع السابع دم بين علاك في سرور وتهاني



نواصل ..
Post: #87
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 05-10-2006, 07:26 AM
Parent: #86
Post: #88
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-15-2006, 05:32 AM
Parent: #87

خليل فرح

المولود في 1894 والمتوفى في 1932

ولد الخليل في قرية دبروسا بحلفا القديمة بين الحضارات العتيقة ..
بدأ تعليمه في خلوة أحمد هاشم وحينما أراد الالتحاق بالمدرسة الوسطى اختير ليتعلم صنعة بمدرسة الصنائع بكلية غوردون لأن عمره كان أكبر من العمر المقرر ..
ومنذ صغره كان يسمع الغناء والشعر في بيته وشارك في الرقص والطرب ..
وفي مدرسة الصنائع التقى بالمثقفين والمهتمين بالشعر وكان مقرباً لهم ..
وفي شبابه حاول أن يكتب الشعر بالعربي ولكن أحد أقربائه وهو محمد علي بدري حبب إليه الكتابة بالعامية ..
كان يحب التنزه بالقارب في النيل وكانت ليالي الأنس والسمر في صاي قد أنبتت في روحه الأشواق والأحلام ..
كان الخليل مرموقاً محترماً بين المجتمع السوداني وكان رؤسائه يصفونه بالمتمرد المعوق ..
بدأ حياته مع المرض منذ فترة طويلة وكانت تهاجمه النزلات الشعبية التي غزت رئتيه فكان دائماً الذهاب للمستشفى كان متصلاً بجمعية اللواء الأبيض ولكنها كانت حذره في التعامل مع الذين يختلطون بالمجتمع أو السهر مع أصدقاء ليست لهم علاقة مع الجمعية وحتى الفتيات التي كان يلتقي بهن نفرن منه وتركنه وتوجس منه الرؤساء وعرفوا أنه على صلة بالحركات الوطنية ..
ولما تمكن منه المرض نصحه أصدقائه بالذهاب لمصر والعلاج هناك ولكنه كان يحب حياته تلك وكان يحب بلاده وعاشق لفتاة كانت ترعاه فصبر على ذلك .
كان يعرض أشعاره على أصدقائه ويشاركونه فهو يحيا بفنه مع الآخرين ويحيى بفنه الآخرون .
مائه وخمسين جنيهاً هي كل ما حصده من العمل الحكومي سنة 1929م بعد أن استغنى عن خدماته ، بعدها استجاب لأصدقائه وذهب للقاهرة ودخل بواسطة إدريس بك خادم الملك فؤاد وهو من أقرب الأقربين إليه المستشفى للعلاج ويدبر له عملاً ولكن طابت للخليل ليالي القاهرة ورحل عن بيت خاله الملحق بسراي عابدين ليسكن مع أحمد الزبير بمنشية البكري ولعله القدر الذي جعله يقابل ابنة الجوهري الارمني التي نظم فيها قصيدة ..
بين جنائن الشاطئ وبين قصور الروم
حي زهرة روما وأبكي يا محروم ..
ولاقت هذه القصيدة شهرة كبيرة وترجمت للانجليزية فقدم له الخواجة أرمان والد ماري بهدية ماليه قدرها خمسون جنيهاً من الذهب ولكن الخليل رفضها ..
وهناك الكثير من عرائس شعره وردن على لسان الرواية العليم بأسرار شعره أحمد الزبير وكانت حبيبته الخالدة سكينة جاءت سيرتها في قصيدة فلق الصباح ..
وجاء الخليل بلون جديد من الغناء فقد أدخل الغناء بالعود بعد أن كان الرق مسيطراً عليه في فترة العشرينات وكان الخليل يلحن أغنياته ويغنيها بصوته وترك للمغنين حرية تقديمها وقد عرف الغناء على يده بغناء الصالونات الذي يجمع الخاصة وهو غير غناء الحفل الذي يجمع العموم . وكانت شلته تتكون من الأصدقاء وزملاء العمل وهم في مجموعهم المتخرجين من كلية غوردون فكان له أثر في شعره وألحانه . فكانت عازه في هواك من أشهر الأغنيات السودانية الخالدة وهناك الكثير من أغنياته التي أصبحت إرث فني سوداني ..



عازه في هواك

عازه في هواك عازه نحن الجبال ولليخوض صفاك عازه نحن النبال
عازه ما سليت وطن الجمال ولا ابتغيت بديل غير الكمال
وقلبي لي سواك ما شفته مال خذيني باليمين أنا راقد شمال

عازه ما سليت جنة بلال وملعب الشباب تحت الظلال
ونحن كالزهور فوق التلال تشابي للنجوم وأنا ضافر الهلال

عازه في الفؤاد سحرك حلال ونار هواك شفا وتيهك دلال
ودمعي في هواك حلو كالزلال تزيدي كل يوم عظمة أزداد جلال

عازه جسمي صار زي الخلال وحظي في هواك صابو الكلالا
وقلبي لسه ما عرف الملال لأنه ود قبيل وكريم الخلال

عازه ما شكت مر الحجال ولا السوار بكى وفي يمنها جال
وعازه في الفريق للطيق مجال قبيلة بت قبيل ملأ الكون رجال

وعازه في ربوع أم در شمال عازه في حذا الخرطوم قبال
وعازه من جنان شمبات حبال وعازه في الفؤاد دوى يشفي الوبال


فوق وردت قصيدة في الضواحي ..

نواصل ..
Post: #89
Title: Re: ما بين زول ساكت وصـديق المـوج تــيه وإتـاكا ..
Author: Mohamed Abdelgaleel
Date: 05-15-2006, 10:59 AM
Parent: #88

Quote: لـو مـرّ نسيمك على ألف ميل
يـخـلي الـعالم طـرباً تـميل
Post: #92
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-15-2006, 03:49 PM
Parent: #89

الزول الجميل محمد عبدالجليل ..

شكراً لك وأنت تواصل معنا هذه الرحلة الطويلة ..
ويقيني بأن هناك الكثير من روائع الحقيبة ..
موجود وعلينا الاجتهاد في الوصول اليه ..
ومعكم يكون الطريق يسير ..

دم بألف خير ..
Post: #94
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-22-2006, 03:05 PM
Parent: #88

ما بال طرفي .. خليل فرح

ما بال طرفي عنه النوم قد أبقا
واسترسل الدمع حتى أخجل الورقا
في يوم عرس أرانا كل فاتكة
باللحظ بالقد بالخصر الذي نطقا
ونغمة من رخيم الصوت كاد لها
عقولنا ان ترينا الطيش والترقا
قابلننا بعيون زانها حور
والسحر معني علي اطرافها نطقا
واصطف جمعهم المأنوس وانفردت
منهن جؤزرة تحكي المها الحدقا
وخلفها سائق يحدو اذا خشيت
منه اللحاق تمد الردف والعنقا
ان رامت البعد عنه قام يجذبها
من الروادف حقف أو كثيب نقا
بقامة مثل غصن البان إذ غسقا
ووجهها القمر الوضاح مبسمه
قد زانه لعس السفلي وما نطقا
وشلخها في انتصاب لا اعوجاج له
كألف فارس بالخدين ملتصقا
والجيد لو لا حلي فيه تكنفه
رأيت فيه حباب الماء مندفقا
كأنما هي بلور تعهده
وصائف الروم لم تنظر به رنقا
يزهو بها الوشي ادلالا برونقها
وإن تجرد كان الحسن متفقا
تلك الفتاة التي هام الفؤاد بها
والطرف من عائدات الشوق قد أرقا
تهافتت نحوها أبصارنا عجبا
بخلقها فأرتنا أحسن الخلقا



ونواصل ..
Post: #95
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-22-2006, 03:16 PM
Parent: #88

الشرف الباذخ


نحن ونحن الشرف الباذخ
دابي الكر شباب النيل
قوم وم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل



ونواصل ..
Post: #96
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-22-2006, 03:24 PM
Parent: #88

بين جناين الشاطىء .. خليل فرح


بين جناين الشاطىء وبين قصور الروم
حي زهرة روما وأبكي يا مغروم
دره سالبه عقولنا لبسوها طقوم
ملكة باسطة قلوبنا تبين عليها تقوم
في الطريق ان مرت بالخلوق مزحوم
كالهلال الهل الناس عليها تحوم
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضو فوقه فنار
منه هل الشارع منه بق ونار
طالعة ما بتقابل زي لهيب النار
تحرق البتهابل والبعيد في نار


ونواصل ..
Post: #97
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-22-2006, 03:31 PM
Parent: #88

ود مدنى .. خليل فرح


ما له اعياه النضال بدني
روحي ليه مشتهيه ود مدني
ليت حظي سمح واسعدني
طوفه فد يوم بي ربوع مدني
كنت أزوره ابويا ود مدني
واشكي ليه الحضري والمدني
آه علي حشاشتي ودجني
وحنيني ولوعتي وشجنى
دار ابويا ومتعتي وعجني
يا سعادتي وثروتي ومجني
حين سألنا حاوي الوصب
من خمايل قرية القصب
قالوا جات سيرتك علي النصب
ونحن بين الروضة والقصب
صنفه بعرها قالن إن تصب
تربط الأحلام مع الخصب
كان حبيبنا وحاشا ما نصبي
ومن زمان فارقنا وهو صبي
تاني ما سمعنا انقطع خبره
يا حليلم طشوا ما اتخبروا
واحدة فيهن قالت انجبروا
فقر ابونا
وخدمة النبرو
الكنانة أكرمت نزلي
واغدقت من خيره كل زلي
إن حييت أو مت في الازل
ده مقدر طبعه في الازل
غايته بختم نفثتي الخطرت
بي تحية من حشاي شطرت
للتدور والطايره والما طارت
وسلاما ما الغصون خطرت



ونواصل ..
Post: #91
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-15-2006, 03:23 PM
Parent: #67

شاعرنا الجميل يوسف حمد النيل ..
ولك مني الكثير من التحايا يا صديقي ..
شكراً لك وأنت تمدنا بمرورك متعة التواصل ..

حبي وتقديري ..
Post: #93
Title: Re: ما بين زول ساكت وصـديق المـوج تــيه وإتـاكا ..
Author: ثابت محمد
Date: 05-16-2006, 11:27 AM
Parent: #1



الجميل معتصم دفع الله
هل أتـاك حديث شـوقنا إليكم ؟؟

مسو نووركم وشوفو الفي جبينو صباح
الصباح إن لاح لا فايدة في المصباح
ثم
يشهتد الله أننا قد أطفأنا أنوارنا عند زيارتك لنا
دخلتنا عنوة عكس سريان الدم ومن نوافيره الكبرى
لايزال جمالك فينا وسنورِّثه لمن بعدنا

أدامك الله
Post: #98
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 05-23-2006, 01:58 AM
Parent: #93

يامعتصم الله يقدرنا على جزاك ياخي

اها خد دي من بيت الكلاوي بقا


لبنى وسعاد
بصوت عبدالله الماحي
Post: #100
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-29-2006, 09:50 AM
Parent: #98

يديك العافية يا عبس ..
دا الكلام ولا بلاش ..
خلاس نحن على أعتاب الصفحة التانية ..
وانا مجهز ليها خروف كامل ..

شكراً للبني وسعاد ..
ياخي دا كلام حلو بلحيل ..

تسلم ..
وخليك متابع ريثما يعود ودالموج ..
Post: #99
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 05-29-2006, 05:19 AM
Parent: #93

ثابت البطل ..
تحياتي يا جميل ..

مسو نوركم ..
هي كلمة اغريقية تعني أطفوا الأنوار ..
ويقال بان هناك اغريقي كان يعمل في الخرطوم ..
يقوم بتنبيه المواطنين باطفاء الأنوار ليلاً ..
لذلك أخذ الشاعر هذه الكلمة منه ..
وكتب هذه القصيدة الرائعة ..

والعهدة على الراوي ..

شكراً لبادي وللاغنية ولك يا ثابت ..
Post: #101
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-10-2006, 05:57 AM
Parent: #99

نعود ..
لنواصل الحديث عن حقيبة الفن وشعرائها ..
مع صديق الموج وزول ساكت ..
وكل الجميلين الهنا ..




ننوه إلى أن المرجع لسيرة الشعراء هو كتاب ..
حقيبة الفن .. شعراء وفنانين ..
المؤلف .. محجوب عمر باشري ..
Post: #102
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-10-2006, 06:12 AM
Parent: #101

الشاعر .. عبيد عبدالرحمن

نشأ في حي العرب حيث صفت الطبيعة وكان والده صاحب صنعة فتلقى عنده صناعته سمكرياً وكان الوالد قد سلك طريق الصوفية الطريقة الاحمدية وكانت الطرق الصوفية حماية للنفوس في بلد لم ينتشر فيه التعليم ، فهي المربي والمعلم وقد تربى الكثيرون في رحابها وقد نشأ عبيد على هذه التربية والقيم في بيته فعرف الخير والشر وتربى على المثل وعرف الفواصل وما هو متاح وما هو مسموح وما هو محرم وما هو محظور وتعرف على صديقه ورفيق حياته سيد عبدالعزيز وتوثقت العلاقة بينها وعرفا في الآخر سر العلاقة وكلاهما شاعر .
وفي حي العرب في تلك الفترة شباب يعشقون الأدب ويعكفون على القراءة وتلقي الدروس فكانت المودة والالفة بين الناس واختفى الفساد ولم يرى الناس غير الجمال والأدب والأمل ، ترك عبيد عبدالرحمن حرفته وعمل خياطاً وتحول للتنجيد ثم عمل في الحكومة .
في تلك الفترة صمم عبيد عبدالرحمن أن يكمل حياته فاختار زوجة كانت هي وحي إلهامه وكانت هي القدر الذي وهبه الفن والشعر جعلها قصيدة محكمة ..
الجبين هو المصباح ..
والصافي أن لاح ..
فلا حاجة للمصباح ..
أصبحت حياته محكمة يرسمها الحب ويرعاها الحنان يحيطها الأحباب والأصدقاء يلتقي بسيد عبدالعزيز وخالد آدم ومن المادحين للرسول الكريم وكان يستمع لتلحين الشعر وأداء المدائح فانصرف فترة مع سيد عبدالعزيز لكتابة المدائح وفي هذه الفترة ظهر زنقار وشاعت موسيقى التم تم وكان المادحون يرتلون المدائح على ألحانها وكان جيل الغناء القديم يغني على لحن المدائح واستعاد بعد ذلك دولته وقد أتاح السيد عبدالرحمن لشعراء الغناء الاستماع إليهم في مجالسه ، فشاعت الموسيقى في السودان وتهافت المغنون على شعر عبيد ولكنه كان ذو كبرياء وأنفة والشعر عنده له حرمة ودونه حجاب فلم يحظ الكثيرون بشعره كي يتغنوا به .
نشبت خلافات بين الشعراء والفنانين وكانت الساحة خاوية ووقف عبيد مع صديقه سيد عبدالعزيز وبعد انتهاء الخلافات ترك شعر المديح وكان قد انشد شعره الكثيرون .
وقد نشأ ونماء عبيد في فترة الشيخ محمد ودالرضي والعبادي وحدباي وعتيق والمساح وأبوصلاح والظاهر أنهم لم يتأثروا بأسلوب بعضهم البعض فلكل منهم طريقة وهذا يدل على الأصالة وعلى التفرد ، فعبيد عبدالرحمن بحق هو شاعر الأحلام والأطياف .




نواصل ..
Post: #103
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-10-2006, 06:18 AM
Parent: #102

أفكر فيه وتأمل .. عبيد عبدالرحمن


أفكر فيه واتأمل اراه اتجلى واتجمل
هلالي الهل واتكمل

تفاصيل قولي والمجمل سأصبر يا اخي ايه اعمل
إذا قلب الفتى تحمل مصايب الدهر وألامه
ارى الصبر الجميل اجمل

حديثي ودمعي يتسلسل فصول في رواية تتمثل
ابين في مواقف اتوسل وعن رؤيا الحبيب حالا

ترك افكاري تتضلل بعذرة البيهو يتعلل
وقيع لرضاه بتزلل وما هماهو يا سيدي
ده واحد اصله بتدلل

صريح قانون هواك خول هلاكي وعنه ما تحول
حقيقة وليس تتأول صريع لحظات سيوف لحظك
وحالي أن شفته تتهول

هواه بجسمي يتخلل مجاري الدم إذا تحلل
فما شرع الهوى حلل لقانا نهار ولا في الليل
إذا اللايلل

تذكر عهدنا الأول صحي الأيام بتتدول
قريب يوم داك ما طول مضت أيامه يا حليلها
قت أحلام وتتأول


نواصل ..
Post: #104
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-10-2006, 06:23 AM
Parent: #103

الليل .. عبيد عبدالرحمن


الليل ما بنومه لأني حارس نجومه

طول يا ليل وهود عاجبني طول الليل
الليل سكونه جميل الليل نسيمه عليل
الليل به النساك نتأمل الأفلاك
الليل به العشاق تتذوق الأخلاق
تتناجى بالأرواح ولشدة ما بترتاح
ما دايراه تاني صباح

أن حارس كواكبه هايم في ظلامه ساير في مواكبه
سابح في خياله وما عاشق جماله
بس لي فيهو ذكرى وماخد عنه فكرة
يكون فيه التلاقي وأنظر فيه حبي
والحابيهو قلبي ينظر ما ألاقي

يا ليل انت شايف توليهي وهيامي
يا ليل انت عارف أشياء عن غرامي
أما بلغك يا ليل بالله عيرني سماع
أحكيك حبي الضاع وتغير الأوضاع
هويت محاسن إنسان في غاية الإبداع
عاهدني حبيتو ولقيته عهده خداع
قتليهو الوداع


نواصل
Post: #105
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-10-2006, 02:56 PM
Parent: #101

هــواك وهــواي
وميرغني المأمون وأحمد حسن جمعة ..
دي تصبيره من أغنيات شاعرنا الكبير محمد عبد الله الأمي ..

ريثما نعود لسيرته الذاتية ..
ويعود الموج ..
وزول ساكت ..
وخال العيال ..
وثابت محمد ..
وكل الأحباب الكانوا معانا من البداية ..
Post: #106
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 07-26-2006, 00:09 AM
Parent: #105

Quote: ريثما نعود لسيرته الذاتية ..
ويعود الموج ..
وزول ساكت ..
وخال العيال ..
وثابت محمد ..
وكل الأحباب الكانوا معانا من البداية ..


يامعتصم تحيات
ياخي انا لاريثما ولاحاجه

ريثما دي صديق الموج براهو كملا
Post: #107
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 07-26-2006, 01:21 AM
Parent: #106

عباس كيفك ..
حقو البوست دا نسميهو ..
"ريثما" نعود لاحقاً ..
والله ود الموج دا جننا عديل كده ..
أها ريثما يعود ..
خلينا نكمل الباقي المشوار طويل ..

كن بخير ..
Post: #108
Title: Re: ما بين زول ساكت وصـديق المـوج تــيه وإتـاكا ..
Author: Mutwali Malik
Date: 08-07-2006, 07:10 PM
Parent: #107

اخي الرائع معتصم دفع الله
هذا ولعمري اجمل بوست وقعت عليه عيناي ولعمري دي زي ريثما
سوف اكون من المتابعيين والمشاركيين حتما
محمد بشير عتيق هو شاعري المفضل
ولد في ابوروف في العام 1909م وكان والده معلما للغة العربية والقران الكريم
غير شادن الارام- غناء كرومة
غير شادن الارام لاشك عيشي حرام
يانفسي ذوبي غرام
زيد يافؤادي ضرام مابين شوق وصرام
اصبح هواك اجرام تعشق خشيف رام
هل في الثريا مرام
كل ماخطر نسام او لاح بريق نسام
اشجاني تضحي جسام عمري العزيز ينسام
اصلوا الغرام اقسام
ما الفي تهامة وشام مرعاه نال وبشام
ده المابينا لو غشام والبين شلوخ ورشام
يسبي الوليد وهشام
عد مانظمت كلام في شعري من الام
او عازلي ابدي ملام ما لاح بريق في ظلام
مليون تحية سلام
- الخشيف هو الظبي الصغير
- الوليد وهشام هما ابناء عبدالملك بن مروان
Post: #109
Title: Re: ما بين زول ساكت وصـديق المـوج تــيه وإتـاكا ..
Author: غادة عبدالعزيز خالد
Date: 08-07-2006, 10:53 PM
Parent: #108

يا الهى يا معتصم
كيف غاب عن انظارى
مثل هكذا بوست
جميل حد الجمال
راقى حد الرقى
و رائع حد الروعة

كل الود
غادة
Post: #110
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 08-08-2006, 02:37 AM
Parent: #109

الحبيب معتصم
دعني قليلاً ريثما ارحب بالضيوف الجدد
متوكل

وغاده
نيابةً عنك وعن صديق الموج الريثمالي
Post: #111
Title: Re: ما بين زول ساكت وصـديق المـوج تــيه وإتـاكا ..
Author: Mutwali Malik
Date: 08-08-2006, 10:39 AM
Parent: #110

متوكل
متولي مالك يازول وشكرا علي الترحيب
Post: #114
Title: Re: ما بين زول ساكت وصـديق المـوج تــيه وإتـاكا ..
Author: زول ساكت
Date: 08-09-2006, 00:09 AM
Parent: #111

Quote: متولي مالك يازول


عذراً اخونا متولي
والعتب على النظر

سامحنا
Post: #113
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-08-2006, 12:07 PM
Parent: #109

العزيزة غادة ..
شكراً لأنك هنا ..
وشكراً لرقيق كلماتك ..
هذا البوست محاولة مع الأحباب للحديث عن الحقيبة وشعرائها ..
وهي كما تعلمين فترة هامة في تاريخ الفن السوداني ..
واجب علينا توثيقها ونشرها ما أمكن ..
نشكر جميع المتداخلين بدون فرز لأنهم أثروا هذا البوست بمداخلاتهم القيمة ..

حضورك يسعدني ..
لك مني التحايا والتقدير ..
محبتي ..
Post: #112
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-08-2006, 11:42 AM
Parent: #108

الجميل متولي ..
مرحبتين حبابك اليوم السعيد الليلة جابك ..
ياخي منور البوست جمل الله أيامك ..
وشكراً للإضافة الثرة وننتظر منك الكثير لتمدنا به ..
ونحن مثلك نحب الشاعر المرحوم عتيق ونحب أشعاره وكتاباته ..
وزي ما ورد في كتاب حقيبة الفن شعراء وفنانون ..
بأن عتيق ولد في العام 1914 ويمكننا أن نجد من يدلنا على التاريخ الصحيح ..
وسوف أعود له لاحقاً من ضمن كوكبة من شعراء الحقيبة ..
يلا يدك معانا ريثما يعود صديق الموج ..
وهناك الكثير الكثير نحتاج أن نعرفه عن هذه الحقبة من تاريخ الفن السوداني ..
وعن الشعراء والفنانين كذلك ..

محبتي وتقديري ..
Post: #115
Title: Re: ما بين زول ساكت وصـديق المـوج تــيه وإتـاكا ..
Author: Mutwali Malik
Date: 08-10-2006, 11:09 AM
Parent: #112

اخي زول ساكت سامحتك
اخي الرائع معتصم تاريخ ميلاد شاعرنا عتيق كما ورد في كتابه ديوان عتيق هوالعام1909م
كان يحكي عن كرومة مايشبه الاساطير من ذلك انه يلحن القصيدة في يوم واحد يتسلمها من الشاعر في الصباح فاذا هي نابضة تغني في المساء وربما شهد اليوم مولد قصيدتين او ثلاثة
كانت المكانة الاولي لصالح عبدالسيد ابوصلاح غني له غزال الروض جوهر صدر المحافل - يامن فاح طيب رياه - ياليل ابقي لي شاهد واخريات
كما غني لعمر البنا جناين اسيا - نسايم الليل - زيديني - امتي ارجع لامدر واعودا وغيرهن
ثم جاء شاعرنا عتيق فغني له الكثير غير شادن الارام - زاهي في خدرك - ياناعس الاجفان - ارجوك يانسيم وغيرهن سوف نتطرق لهم لاحقا
Post: #116
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-10-2006, 12:04 PM
Parent: #115

شكراً متولي على هذه الإضافة ..
ونتوقع المزيد عن روائع الحقيبة ..
ولا ننكر الدور الكبير الذي لعبته في تغيير خارطة الفن السوداني ..
وهنالك الكثيرون الذين يحفظون أغاني الحقيبة والحكايات التي تحكى عنها ..
وكل مره نخرج بشوية عن تلك الفترة من الحبيب صديق الموج ..
ولكن الزول دا شابكنا ريثما يعود ..
أها ننتظره ريثما يعود ليتحفنا بما يملك عن الحقيبة ..

فكن معنا ..
لك فائق محبتي وتقديري ..
Post: #117
Title: Re: ما بين زول ساكت وصـديق المـوج تــيه وإتـاكا ..
Author: Mutwali Malik
Date: 08-11-2006, 10:07 PM
Parent: #116

جسمي المنحول - عتيق
جسمي المنحول براه جفاك يامليح الزي
كيف حبي يحول وفؤادي معاك يازينة الحي
حلمك ياجميل ا نا داني رحول تركني هواك بين ميت وحي
كيف ليك وصول وسكونك فوق لي سهيل وثري
النوم من عيني دوام مفصول دموعي تلاقي وتسرف ري
دي الساحرة عقول بروق في غيم ولا در في لمي
خدودك ام ازهار في حقول سقاني غرامن صافي حمي
الطرفة وقول احور متناعس وطرفي صحي
تشوف في قوامه المال مفقول الظلمة شعور والقمرة محي
انا دمعي هطول احن لي لماك وقاسي علي
يصح في هواك تعذيبي يطول يالبين اترابك لاهي خلي
من ردفه كسول بي جيده وعينه يسبي ظبي
بالشوق يانسيم ابقي لي رسول لو يعطف ثانية يزيل البي
Post: #118
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-12-2006, 02:41 AM
Parent: #116

محمد بشير عتيق ..

يقول الأستاذ محجوب عمر باشري في كتابه حقيبة الفن شعراء وفنانون عن الراحل عتيق :
عقاب يشد الجداب بالصحارى ويحلق بالجفاء لا ينام الليل وهو ساهر مستهام يجذب الأطياف فهي عرائس الجن لا تسمع منها عراراً تضئ شمعة الإلهام روحه وينساب الشعر منه خيوطاً تنير ويتدلى الوحي كالأنجم وكأنها آدم هجلن ما خلق إلا شاعر وبشيراً بالشعر عشقته الحياة من الشباب الباكر فهو عتيق الشعر لو كان الأولمب يلم أبناه في الدنى لجمع أشتات الملهمين أهل الجنان والفراد يس وإن هم خلقوا من صلصال كالفخار ، إلا أن الله علمهم البيان فأقاموا هم الشعراء الملهمون السباقون الذين يقومون فيخرجون اللؤلؤ المكنون .. يزرعون الحياة جمالاً وصفاء ونقاء ولكنهم لا يزرعون .. رزقهم عند ربهم روحاً وريحاناً وجنات نعيم ..
تفتحت عيناه على النور فسبح ربه نور السموات والأرض فلحاظه التي تسجد للحق والجمال ما رأت إلا أن تكتوي بوهج الحديد والنار ، أن أصبح حداداً وأهل الروح ما كان منهم إلا النساج والدباغ والنجار والحذاء ، عمل صانعاً في السكة الحديد تصطبغ ملابسه بالزيت وتنهري أنامله بالمطرقة والسندال ولكن روحه عند مليك مقتدر صاعدة في السماء . انتهى
كان يحب القراءة وكان يجوب بدراجته بحثاً عن الكتب والمجلات شغوفاً بالشعر والأدب والفن وكان يدرس ويتعلم حينما يعود إلى سكنه وفي الأمسيات يجلس مع أصدقائه يناقشون قضايا الأدب والشعر والسياسة وكان هذا في خرطوم الثلاثينيات خرطوم الحرية والانطلاق .
التقى في ذلك الوقت بكبار الشعراء العبادي ومصطفى بطران وحدباي والتجاني يوسف بشير وقويت علاقته وصلاته بهم ..
وفي تلك الفترة جمد كتابة الشعر الغنائي وهو الشعر الغنائي ويقول الأستاذ محجوب بأن عتيق اتجه لتصوير الأحداث السياسية والاجتماعية مع عميد الرواية المسرحية خالد أبو الروس فكتب شعر المحاورات وفي نفس الفترة نقل إلى مدينة بورتسودان حيث التقى مجموعة من المهتمين بقضايا الوطن والمهمومين به مؤمنين بالحق والحرية منهم على سبيل المثال المرحوم مبارك زروق ، فأبدع عتيق في نظم شعره في الوصف والغزل حيث البحر وسواحله فغنى له كثير من الفنانين .
ويقول الأستاذ محجوب أيضاً اتجه عتيق للسياسة وأصبح من عيون نقابة العاملين وتمرس في الجهاد شاعراً مقاتلاً وتعرض للحبس والإعتقال ونسوا الشاعر المجاهد وزجوا به في السجن ولكن السجن أحب إليه فهو حريته وانطلاقه .


جسمي المنحول

جسمي المنحول براه جفاك يا مليح الزي
كيف حبي يحول وفؤادي معاك يا زينة الحي
حلمك يا جميل أنا ناوي رحول
تركني هواكي بين ميت وحي
***
الساحرة العقول
بروق في غيم ولا در في لمي
خدودك أم أزهار في حقول
سقاني غرامن صافي حمي
***
الطرفة وقول
احور متناوم وطرفي صحي
يبين في قوامه البان مفقول
الظلمة شعور والبدر محي
***
الردفة كسول
بي جيدة وعينه يسبي ظبي
بالشوق يا نسيم أبقاني رسول
عسى قلبه يريم ويزيل البي
Post: #119
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-12-2006, 02:51 AM
Parent: #118

هل تدري يا نعسان .. محمد بشير عتيق

هل تدري يا نعسان أنا طرفي ساهر
جسمي اضمحل بغرامك وأنت زاهر
***
أنا حال ظاهر
عاشق نبيل يا جميل ليك حبي طاهر
وشاعر مجيد لغناك فنان وماهر
بسحر جمالك وكرم خلالك وعشان جمالك
أهوى القمر والنيل وأهوى الأزاهر
***
ليل ونهار أنا لي حيك بهاجر
أخذني نورك يا ساحر المحاجر
لا أخشى لوم في هواك لا أخشى زاجر
مهما ألاقي من طول فراقي
وفرط إشتياقي
حافظ عهودك وحياة خدودك ياللي هاجر
***
حسنك بديع يا وديع في عصره نادر
حكم صفاك مولاك ذو حكمة قادر
مكتوب هواك لي ضناي يا حبيبي صادر
ماكر شفاي وأراك على طبي قادر
وأنا برضه أمل تعطف تجامل بمس الأنامل
تشفي الجروح والروح ولي لقاي تبادر
Post: #120
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 08-12-2006, 02:56 AM
Parent: #119

صباح النور .. محمد بشير عتيق

صباح النور عليك يا زهور
صباحك يوم يقاس بدهور
***
يلوح للعين من نورك نور
شعاع الشمس على البنور
جهرت عيونا كفاك يا نور
قلوبنا رميتن في التنور
***
زاهي وطاهر الما مفرور
عليهو جناح الرضا مغرور
حياته سعادة وكله سرور
جماله يغني عليهو سرور
***
رأيتك جالس بين خدور
البدر حداه انكسفو بدور
تفوق نيشان ممتاز في صدور
العظماء المثلوا أعظم دور
***
في دلك وحسنك موفور
وأنا ودمعي جرى مجرى البسفور
تزيدني دلال وعناد ونفور
وبرضي أقول ذنبك مغفور
***
يا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور
Post: #121
Title: Re: لازم يكون فوق ..
Author: أبوبكر عبد القادر العاقب
Date: 09-13-2006, 05:38 AM
Parent: #1

المعتصم ،
بوست دة في زمتك ما تطول منو غيبتك،
Post: #122
Title: Re: لازم يكون فوق ..
Author: خالد عبد الله محمود
Date: 09-13-2006, 12:05 PM
Parent: #121

البوست دة كنت داسيهو وين يا معتصم؟؟؟؟؟


منتهي الروعة و منتهي الجمال


عليك الله واصل فيهو و ما تخليهو ينزل





بعدين طلب صغير كدة: دمعة الشوق
Post: #124
Title: Re: لازم يكون فوق ..
Author: معتصم دفع الله
Date: 09-14-2006, 01:46 AM
Parent: #122

كيفك يا خالد تحياتي ..

تسلم كتير يا حبيب ..
ربنا يقدرنا ونكمل باقي المجهود ..

الأغنية ح تكون عندك إن شاء الله خليك متابع ..

محبتي ..
Post: #123
Title: Re: لازم يكون فوق ..
Author: معتصم دفع الله
Date: 09-14-2006, 01:32 AM
Parent: #121

تحياتي يا أبوبكر ..
سعيد بمرورك الجميل ..
ربنا يقدرنا ونكمل ما بدأناه طبعاً بي وقفتكم معانا ..

محبتي ..
Post: #125
Title: Re: ما بين زول ساكت وصـديق المـوج تــيه وإتـاكا ..
Author: أبوبكر عبد القادر العاقب
Date: 09-14-2006, 07:07 AM
Parent: #1

ربوع هندَ



معتصم يا غالي ، "هندَ" دي وين؟ التي ذكرها الشاعر في سايق الفيات، مع الود الجزيل
Post: #126
Title: Re: ما بين زول ساكت وصـديق المـوج تــيه وإتـاكا ..
Author: Mutwali Malik
Date: 09-19-2006, 01:41 PM
Parent: #125

ورجعنا تاني مع عتيق وكانت ليلة سامرة وساهرة في منزل الشاعر الكبير عبدالرحمن
الريح ضمتهم مع الفنان الكبير كرومة فنظم عتيق هذه القصيدة
ليلة ويالها من ليلة
ليلة ويالها من ليلة كانت ليلة مامنظورة
داخل جنة في مقصورة جلسة علي رفاق مقصورة
حافلة بكل فن محصورة فيها حبينا سمح الصورة
منو البدري ماخد صورة
ليلة ويالها من ليلة توزن الف ليلة وليلة
لينا الروضة سافرة خمارة دانية قطوفها يانعة ثماره
نحنا بلابله وسماره نحنا اهلتا واقماره
عالي نظامنا حالي وثامنا
هاهو طربنا هاهو مدامنا
مادام الحبيب قدامنا
طبعا ياخي نحنا الليلة اسعد ناس في اعظم ليلة
نامي شبابه زاهي خضاره لامع جسمه يخفي نضاره
من ثغروا البروق اتضارو
يسكر عرفه غير ماتعرفه والاغرب شعوره وظرفه
هم عن شخصه لاينحرفه
اعمال حبي ليه جليلة وازهار شعري بي اكليله
برضي اشوفه فيهو قليلة
Post: #128
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 09-20-2006, 05:31 AM
Parent: #126

متولي ..
كيفك يا حبيب ..
ها أنت تتحفنا بروائع عتيق ألف رحمة ونور تنزل على قبره ..
يظل عتيق متفرد في شعره وله لونية خاصة لا نزال نستمتع بها ..
هذه القصيدة وهذه الأغنية أعشقها جداً وأطرب لها ..
تجدها هنا بصوت على السقيد من بعيد لبعــــيد .. من غناء الراحل عوض الجاك ..

من بعيد لبعيد ..
لو سمحت ظروفك ..
اسمح لي أشوفك ..
***
ما يكون مني خوفك ..
أنا عاشق الفضيلة ..
والمثل النبيلة ..
***
من بعيد لبعيد ..
وري العين جمالك ..
لو لحظات قليلة ..
***
الحسن الأكيد ..
والحب المنزه ..
عن أغراض وكيد..
***
الروح والجمال والسحر الحلال ..
هم احسن خلال ..
هم اكرم نفيلة ..
بل اعظم خصيلة ..
في السودان اصيلة ..
***
بس بالله فيد ..
عن هجراني ظلماً..
ماذا تستفيد ..
يا أروع مثال ..
في الحياة والخصال ..
وعلى كل حال ..
هجرانك وصال ..
وروحك روح جميلة ..
للأخلاق زميلة ..
Post: #127
Title: Re: ما بين زول ساكت وصـديق المـوج تــيه وإتـاكا ..
Author: معتصم دفع الله
Date: 09-20-2006, 05:12 AM
Parent: #125

تحياتي أبوبكر ..

هند دي مثلها مثل الكثيرات من ملهمات شعراء الحقيبة ..
في ذلك الوقت كانوا يستحون من ذكر أسماء النساء أو الملهمات أو الحديث عنهن ..
لذلك يصعب علينا تحديد مكانها ومن هي ..
وفي إنتظار من يفتينا أكثر ويورد لينا بعض النماذج ..

شكراً يا أبوبكر على الإضافة ..
خليك متابع معنا ..

محبتي ..
Post: #129
Title: Re: ما بين زول ساكت وصـديق المـوج تــيه وإتـاكا ..
Author: علاء الدين حيموره
Date: 09-20-2006, 11:40 AM
Parent: #127

طلب خاص يا رائع


جسمي المنحول