ما يختــص ب الكـــوز الشاف الرســـــــــول (ص) فــــى المنام(سـوابــق)

3 سوابق تحرش جنسى
5 سوابق شيكات بلا رصيد
4 سوابق خيانة امانة
ثم سابقة اغتصاب قاصر

7 بلاغات كاذبة
وبلاغ كيدى ....حسب المصدر (المختص )


نتابع

لمعرفتي بـ أبوبكر عبدالله صاحب الفيديو بالسنوات الطويلة / كل تلك التهم ما عندها أساس صدقني أخي معاوية ..

أبوبكر ممكن يكون زول بسيط و تفكيروا تفكير زول بسيط / لكن قطع شك و لا واحدة من الحاجات و التهم دي فيه .


إحترامي

قيادي بالمؤتمر الوطني :رأيت الرسول مجتمعاً بنافع و البشير و علي فيديو

سلام يا معاوية,,

Quote: 3 سوابق تحرش جنسى 5 سوابق شيكات بلا رصيد 4 سوابق خيانة امانة ثم سابقة اغتصاب قاصر 7 بلاغات كاذبة وبلاغ كيدى ....حسب المصدر (المختص )

سؤال لو سمحت..
المصدر المختص دا لو قالو ليهو اثبت الكلام دا بقدر يثبتو!!!
لأنو الماسورة ما بعيدة أبدا!!وبكرة الشغلة بتبقى فى أمرا ضيق,,
الفوق دى كلها تُهم مفروض صاحبا يكون على الأقل زار السجن مرة مرتين!!
يعنى الزول دا لو طار ما ممكن تصدر ليه شهادة حسن سير وسلوك!!

تحياتى,,

الوزير محمد أحمد عمر في صيف العبور قال حصل على جنسية الرسول (ص) في توريت وجاؤه في المنام قال نحن جاين من قادسية السودان نصركم مؤزر!!!!!!!!!!!

موضوع جاهز لي إنو ينجر فيه زي ما عايز و كان متخيل إنو أي نجر يمر مرور الكرام زي ما بحصل كل مرة
طالما إنو مصادرو(ست الشاي) و (التمرجي) و (بتاع الخضار) و الدراويش بصدقوه لقاها ماشه...

و ما أتوقع إلقى ليه زول إقيف ليه في وشو علشان كدا جهجهتوه شديد....


و ما بعيد على زول لجأ لي إساءة أمو من أجل إكون مناضل لا يشق له غبار من اللجؤ لي الكذب و النفاق للوصول لي نفس الهدف....

و طالما الناس بتتفرج عليه و هو بألف في الكذب و التلفيق و رمي كل الناس بما ليس فيهم ف إتوقعوا المزيد و المزيد....

الغريبة لسه في الناس اللي بطبلوا ليه كمان

دنيا .........

دي بعض مصادرو للربع الحالي فقط :-

Quote: حسب المصدر (المختص )

Quote: (الخبر ) كما جا من المصدر (عيسى السجمان)

Quote: المصدر (المادح)

Quote: المصدر (خضر التمرجى)

Quote: المصدر (قرفان الكان جوووه)

Quote: المصدر مصدر موثوق ..

والله يا طوربيد زول نجر ليهو نجره زي دي اي شي متوقع منو سواها حامضي شديد

Quote: Sudan Rebel · الأكثر تعليقا · ‏190‏ من المشتركين سلام يا طوربيد مايغشاكا شر , وابو الحصين بعد فشل محاولته القذره فى تشويه صورة الطوربيد مازال يمارس مطارداته والتي تعتبر بعوض فى اضان فيل , هاك يا طوربيد دي النجيضه بتاعة الزول دا كبها فوق على مسئوليتي (الشخشيه ) ......... الراجل الاحتلم دا طلع بطل دولي ..والله صحي :) الزول القال شاف نافع مع الرسول اسمو ابوبكر ودي قصتو: هو ابوبكر عبد الله المشهور ب ( بكير ) من ابناء البطاحين ويسكن منطقه شمبات وهو متزوج من احدى اقارب البشير وهو من اوائل من انضمو لقوات المجاهدين فى بدايه التسعينات وعمل فى جهاز الامن لفتره طويله وكذلك له حادثه مشهوره فى العام 95 حيث قاوم مختطفى طائرة سودانير التى كانت متوجهه الى الاردن وقام مختطفوها بانزالها فى لندن حيث تمت اصابته من قبلهم بعده طعنات واحتفت به الصحف اللندنيه ووصفوه بالمتهور الشجاع ومالبث ان فضحت الصحف المصريه سيرته الذاتيه وانه لايعدو ضابط امن فى نظام البشير الذى كانت خلافاتهم فى ذروتها مع مصر بسبب محاوله اغتيال حسنى مبارك ... وهو كذلك كان من مقاتلى السائحون فى اوائل التسعينات ومالبث ان كون كتيبه خاصه باشراف مباشر من صلاح قوش وعلى كرتى تسمى عرين الاسود تلقت تدريبات عاليه فى معسكر جهاز الامن بمنطقه كررى وقامت بتنفيذ عده عمليات فى مناطق الشرق والاستوائيه ولكن ناصبهم العداء ابراهيم شمس الدين وزير الدفاع وقتها وسرعان مانشب بين بكير وابراهيم شمس الدين خلافا مدويا استدعى لتدخل البشير شخصيا مما جعل ابراهيم شمس الدين يهدد بالاستقاله ان لم يتم تصفيه هذه الكتيبه وفى اخر المطاف تمت تصفيه الكتيبه . المدعو بكير لديه دور كبير فى انشقاق السائحون الاخير وكان له صوتا عاليا مطالبا بطرد كل الاصلاحيين والمنتسبين للشعبى فى السائحون كما يتهم بان له دور خفى فى كافه عمليات الاعتقال التى طالتهم في الفترة الاخيرة .