الصورة مزورة .. وعلاء لا يكذب ( توجد صور جثث وأشلاء وأطراف مبتورة)

** الصورة مزورة كدا بس غلاط ساي وما في أي زول يطالبني بدليل أو براهين .. مزورة يعني مزورة ..
** علاء لا يكذب لأنو بالمنطق كدا زول عارف انو تلاتة أرباع المنبر ( خبراء ومنظرين وعارفين أية حاجة في أية حاجة وعوام ) متربصين بيهو ومنتظرين منو أقل هفوة
عشان ينتفوا ريشو يقوم يجازف ويغامر ويقنطر نفسو بالسذاجة دي ... لا .. دا كلام ما بقبلو عقل اللهم إلا كان الزول دا كان في اللحظة ديك
منعنش وشبعان شاي بى لبن وخاتي جمبو صحن فول مدمس.
** انتظروني أجيب ليكم صور الأشلاء والأطراف المبتورة والجثث المتعفنة ..
............
ملحوظة : هذا البوست تحت شعار : الشهرة مع الجماعة عرس .
يتبع ........

اللهم جنبنا من يعرض بجثثنا بعد موتنا وإكفنا مقتك وغضبك يا رب العالمين
لا حول ولا قوة إلا بالله الذي أكرم الانسان وجعله ظلوما جهولا.

طلحة تنظير شكلك شارب شاى ساده مع تسالى.
العنوان مدغمس وما معروف شايت وين.

بدر الدين أنا شايت في قون الشهرة متاعب .
إذا قلتا الصورة مزورة أو قلتا حقيقية فدي نفس الشوتة اللي بتؤدي لى نفس القون .
هسع عليك الله شوف البوست دا في ظرف دقائق معدودة اتملأ كليكات كيف ؟؟
خليك ذكي وأشرب شامبيون ما تاكل بتيخ يا بدر ياخ .

والله يا طلحة بمناسبة المنعطف التاريخي ده
حقو الواحد يمشي يفتح بوست عنوانه :
(النجيضة!!!!!وقطع طلحة قول كل خطيب )
تصدق وتآمن بالله أنا لي هسي ما شفت الصور دي
ولا عايذ اشوفا زاتو
ياخي أوباما رفض عرض صور بن لادن لأنو للموت
حرمته رغم تشكيك المشككين فما بالك نحن البندعي الإسلام
لا ومش كده وبس البورد قائم وقاعد حتي السلفيين وأنصار
السنة أدلو بدلوهم من ناحية تقنية (هم زاتم عندهم خبراء انت
قايلم بلعبو كمان) ولما حاولت انصح واحد فيهم يا شيخنا الكلام ده
غلط وحرمة الموت وإكرام الميت دفنه وووو ، أحرجني وقال لي يازول
انت ما خبير ما تتناقش معاي
غايتو الله في يازول

طلحة
ازيك

ان يكرم شخص رياضى لم يحقق انجاز
فهى تماثل بوستك تماما
هههههههههههها بالله مش بقيت زى ملاسى
لوووووووووووول

علاء الدين ليس لديه خبرة فى التقنية
لكن الاشياء قاعدة يجدها مجهزة من جماعة الامن الاكترونى
وهم كشاطين مهدى الله محسن لا يهم كتير انكشاف الشخص المودى
غرضهم فقط ارباك المنبر وصرف الاعلام عن فشل الجيش
وضجاياهم من القوات المساعدة,,

نهنئك على انسبابك فى ساسا يسوس

يا طلحة علاء الدين سماهم "هلكى"، وجماعتهم ختوهم في براويز جميلة، بعد ما إنتقو ا لهم أجمل الصور، وسموهم شهداء.

غرِّد مَعي على تويتر

يا أمين علي الشيخ والله فعلا شىء مؤسف شديد عرض الجثث والأشلاء والأطراف المبتورة مهما كانت
المبررات والدوافع .. لا حول ولا قوة إلا بالله .

أبقوتة صاحبنا زمان سلامات .. غايتو على قدر معرفتي في التقنية دي فعلاء عندو خبرة وخبرة كبيرة ..لكن دا ما الموضوع..
الموضوع يا حبيب عرض الجثث والأشلاء لبني آدم مات والمفروض يتم اكرامو .

انتصارات ذات مهلكة دنيا وآخرة يا طيفور .. ربنا يهديهم ويبطلوا البعملوا فيهو دا .

يا علاء ما تتعب نفسك معاي .. مزورة يعني مزورة .. ومال نشتهر ليكم كيف ..؟
من ناحية تانية أعرض عن عرض جثث الموتي يا حبيب .. الدنيا فانية بكل ما فيها .