Post: #2 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 07:50 AM Parent: #1
احب فريق برشلونة وانحاز له ضد اى فريق عدا بايرن ميونيخ .... بايرن ميونيخ العشق القديييييييم من زمن ناس رومينغيا وبول برايتنر وبيكنباور وسيب ماير ، وماتيوس ، وكلينسمان ، ونمرة 7 القصير داك نسيت اسمو ....
Post: #3 Title: Re: عفواً ليس ضد (البايرن) يا (برشلونة) ... Author: عمر الفاروق Date: 04-22-2013, 07:54 AM Parent: #2
Quote: ونمرة 7 القصير داك نسيت اسمو ...
تومس هيسلر؟
Post: #7 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 08:19 AM Parent: #3
Quote: تومس هيسلر؟
تعرف انا خلطت بين هيسلر وليتبارسكي والاخير كان بلبس 7 في المنتخب لكن الاتين قصار .........
Post: #4 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 07:56 AM Parent: #2
كنا ننتظر الجمعة بفارغ الصبر حتى نشاهد مباريات الدوري الالماني في عصر ماقبل الفضائيات والتشفير ... بايرن ميونيخ كان دائماً في الموعد بزيه الاحمر المميز وطريقة لعبه الرجولية القتالية .... التى لاتعرف اليأس او الاستسلام
Post: #5 Title: Re: عفواً ليس ضد (البايرن) يا (برشلونة) ... Author: خالد عبد الله محمود Date: 04-22-2013, 08:00 AM Parent: #4
الوقت داكـ يا جنابو فريقي المفضل كان هامبورج و لا أدري أين هو الآن ..
حالياً أنا مع برشلونة ضد أي فريق في العالم ماعدا الهلال السوداني
Post: #6 Title: Re: عفواً ليس ضد (البايرن) يا (برشلونة) ... Author: محمد عبد الماجد الصايم Date: 04-22-2013, 08:13 AM Parent: #5
البرشا ح يطير فرررررر!
Post: #9 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 08:23 AM Parent: #6
Quote: البرشا ح يطير فرررررر!
يسمع منك ربنا ........ بس لو حصل الكلام ده مافي مصلحة ريال مدريد
Post: #10 Title: Re: عفواً ليس ضد (البايرن) يا (برشلونة) ... Author: عبدالوهاب علي الحاج Date: 04-22-2013, 08:27 AM Parent: #6
سلام يا جنابو
Quote: ونمرة 7 القصير داك نسيت اسمو ....
اظنك قاصد الشافع الاسمو "ليتبرسكي" اخطر جناح شمال مرّ على االمانيا والعتالي بريجل فردة باك مافيش اخوه .. زمان قبل الفضائيات دي ما كنا بنعرف غير الدوري الالماني ولو تذكر المباريات المسجلة يوم الجمعة من شركة Transtel زمن !
Post: #13 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 08:31 AM Parent: #10
Quote: اظنك قاصد الشافع الاسمو "ليتبرسكي" اخطر جناح شمال مرّ على االمانيا والعتالي بريجل فردة باك مافيش اخوه .. زمان قبل الفضائيات دي ما كنا بنعرف غير الدوري الالماني ولو تذكر المباريات المسجلة يوم الجمعة من شركة Transtel زمن !
Post: #12 Title: Re: عفواً ليس ضد (البايرن) يا (برشلونة) ... Author: صبري طه Date: 04-22-2013, 08:29 AM Parent: #6
Quote: البرشا ح يطير فرررررر!
وما تنسى جري رونالدو لن يفلح مع شباب دورتموند ...
Post: #14 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 08:35 AM Parent: #12
Quote: وما تنسى جري رونالدو لن يفلح مع شباب دورتموند ...
اتمني فوز الريال على دورتموند لكي يفوز البايرن بالكأس بعد ان يجرع الريال مدريد شر هزيمة
Post: #8 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 08:21 AM Parent: #5
Quote: حالياً أنا مع برشلونة ضد أي فريق في العالم ماعدا الهلال السوداني
خت في بطنك بطيخة صيفي هههههه عمرهم ما حيتلاقو الا في الاحلام ههههههههههه
Post: #11 Title: Re: عفواً ليس ضد (البايرن) يا (برشلونة) ... Author: وليد التلب Date: 04-22-2013, 08:28 AM Parent: #8
لا نحب لابسي الاحمر ........... كلاهما
فالابيض الملكي هو عشقنا
وانشاء الله الاتنين يطيروا
علي وزن الكديسين الاكلو بعض ومافضل فيهما الا الضنب
Post: #15 Title: Re: عفواً ليس ضد (البايرن) يا (برشلونة) ... Author: حامد بدري Date: 04-22-2013, 08:37 AM Parent: #11
Quote: البرشا ح يطير فرررررر!
تطيير ماترررك ياابداقوسه جاقكن بنجمي ناس البوسطي سلام البوصلة حقت كرة القدم متحركه مابين الالماني والايطالي والانجليزي الان اسباني وفي الاسباني كدي شوفو المنتخب كم لاعب برشلوني في الاساسيين بايرن فريق قوي وطموحو مالنهائي بس عايز يشيل الكاس اهم حاجة الكاس لو مابرشلوني مايكون لفريق الدجاج الابيض الملكي
Post: #28 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 11:34 AM Parent: #15
Quote: بايرن فريق قوي وطموحو مالنهائي بس عايز يشيل الكاس اهم حاجة الكاس لو مابرشلوني مايكون لفريق الدجاج الابيض الملكي
ياحامد كده نحن متفقين لو الكأس ماشالو ابايرن ميونيخ يبقي برشلونة ريال مدريد لا !!!
Post: #16 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 08:37 AM Parent: #11
Quote: لا نحب لابسي الاحمر ........... كلاهما
فالابيض الملكي هو عشقنا
وانشاء الله الاتنين يطيروا
علي وزن الكديسين الاكلو بعض ومافضل فيهما الا الضنب
والاحمر عشقنا من لدن المريخ حتى بايرن ميونيخ مروراً بليفربول
Post: #18 Title: Re: عفواً ليس ضد (البايرن) يا (برشلونة) ... Author: د.يوسف محمد طاهر Date: 04-22-2013, 08:41 AM Parent: #8
سلام جنابو : عمر بصراحة الكرة الألمانية بصفة عامة عادت إلى عهدها القديم ..... وهذا الفريق من أقوى الفرق العالمية ......... ما عارف بعد ما يستلمو قوارديولا حيبقى شنو؟
Post: #29 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 11:39 AM Parent: #18
Quote: وهذا الفريق من أقوى الفرق العالمية ......... ما عارف بعد ما يستلمو قوارديولا حيبقى شنو؟
حيبقي نار منقد بس يادكتور ... لكن بصراحة غوارديولا سيكون امام تحدي حقيقي لاثبات ان تجربته مع برشلونة يمكن ان تتكرر مع فرق اخري
Post: #17 Title: Re: عفواً ليس ضد (البايرن) يا (برشلونة) ... Author: أبوذر بابكر Date: 04-22-2013, 08:41 AM Parent: #2
السلام عليكم يا قوم
اخانا عمر وبقية الرهط الكريم
لقد صبأت وايم الحق يا عمر
هههههههههه
كيف تخلى شى تانى يشاركك فى حب برشلونة ؟
نحن غايتو ما قاعد نشجع برشلونة
نحن بنعشق برشلونة ونموت فيه عديل
يا زول كدى استغفر وحاول انسى حكاية البايرن دى
صاح نحن لينا كم سنة ما عندنا دفاع تب لكين حتى ميسى وديفيد فيا وسانشيز بمسكو خط الدفاع من قدام مرمى الفريق التانى هو ذاتو عايزين نلغى حكاية دفاع ووسط وهجوم دى، زى ناس هولندا زمان
غايتو الفريق الوحيد البكون زى متعاطف معاه لما يلعب مع برشلونة هو اياكس امستردام يمكن عشان الفريقين اخوان بالرضاعة ههههههههه
بالمناسبة انتو قاصدين توماس هاسلر ده ؟
الزول ده ما لعب فى البايرن نهائى
كان هو اهم لاعب وسط فى المنتخب الألمانى، وهو الجاب هدف التأهل لألمانيا لكأس العالم فى ايطاليا
كان بلعب فى كولون وبعد مونديال ايطاليا مشى يوفينتوس وبرضو لعب فى روما
ولما رجع المانيا تانى مشى دورتموند وتانى ما متذكر لعب وين لغاية ما اعتزل
لكين المتأكد منه انه ما لعب للبايرن
Post: #19 Title: Re: عفواً ليس ضد (البايرن) يا (برشلونة) ... Author: صبري طه Date: 04-22-2013, 08:51 AM Parent: #17
يا جنابو .. بعدين ما تنسى عبارة ود البُشرى الشهيرة "يا بكري شيل"
Post: #20 Title: Re: عفواً ليس ضد (البايرن) يا (برشلونة) ... Author: نزار شنقراى Date: 04-22-2013, 09:25 AM Parent: #19
Quote: اتمني فوز الريال على دورتموند لكي يفوز البايرن بالكأس بعد ان يجرع الريال مدريد شر هزيمة
هذا الحديث اعاد الى ذاكرتى تفاصيل المواجهه الاخيره بين الفريقين حيث توعدنا انصار البايرن وعندها ..
ضربوا ضرب قرائب الابل بخماسيه او رباعيه لا اذكر .. وان غدا لناظره قريب.
Post: #32 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 11:50 AM Parent: #20
Quote: هذا الحديث اعاد الى ذاكرتى تفاصيل المواجهه الاخيره بين الفريقين حيث توعدنا انصار البايرن وعندها ..
ضربوا ضرب قرائب الابل بخماسيه او رباعيه لا اذكر .. وان غدا لناظره قريب.
ونحن هاهنا قاعدون لتلقي التهاني هههههههه
Post: #21 Title: Re: عفواً ليس ضد (البايرن) يا (برشلونة) ... Author: محمد عمر الفكي Date: 04-22-2013, 09:26 AM Parent: #19
ياخي انت دفعتك مفروض يكون لواء وانت طالع والله حقو يا عمر اعرفك على واحد قريبي، الماني مووت يومو البكون في فريق الماني لاعب في اي بطولة ان شاء الله بطولة "شدت" بيتهم بتكون فيهو حالة طوارئ تحسباً للخسارة، فشنو ناس البيت بخلوهو يمشي يحضر الكورة، ناس البيت بضربوا تلفون عشان يعرفو التنيجة مما يلقو الالمان مهزومين طوالي بطفي الانوار يا ولد وامش نوم وخلي باب الحوش داك فاتح في ناس بتجي مخصوص عشان تتفرج عليهو ما على الكورة ما يفعله دي كانيو هذه الايام بالنسبة له تسخينة ما قبل بداية المبارة الحمد لله انه زولنا دا ما بسكر والا كان فضحنا في الواسعة ان شاء الله بكرة يا عمر سارة تلم وليداتها ومن بدري ينوموا
Post: #22 Title: Re: عفواً ليس ضد (البايرن) يا (برشلونة) ... Author: ياسر منصور عثمان Date: 04-22-2013, 09:34 AM Parent: #21
البايرن حا ينتف ريش الطاؤوس الكتالوني
Post: #23 Title: Re: عفواً ليس ضد (البايرن) يا (برشلونة) ... Author: ياسر منصور عثمان Date: 04-22-2013, 09:35 AM Parent: #22
بس نصيحة يا سعادتو
شوفوا طريقة تشغلوا عمر الفاروق عن حضور المباراة
لأنو ممكن عادي يقلب النتيجة المتوقعة
زول سرو باتع
Post: #24 Title: Re: عفواً ليس ضد (البايرن) يا (برشلونة) ... Author: ABUHUSSEIN Date: 04-22-2013, 10:41 AM Parent: #23
Quote: البرشا ح يطير فرررررر!
يا معفن بكره ما تقفل التلفون....... قال يطير فرررررررررر قال.....
Post: #25 Title: Re: عفواً ليس ضد (البايرن) يا (برشلونة) ... Author: محمد عبد الماجد الصايم Date: 04-22-2013, 10:50 AM Parent: #24
خلي بالكـ الـ (فرررررر) دي وجعت الكتلان بالحيل!!
Post: #26 Title: Re: عفواً ليس ضد (البايرن) يا (برشلونة) ... Author: ABUHUSSEIN Date: 04-22-2013, 11:08 AM Parent: #25
Quote: خلي بالكـ الـ (فرررررر) دي وجعت الكتلان بالحيل!!
خلي بالك إنت إنو الفرق بيني و بينك 13 درجة في السلم الإسباني... يا وهم
و ما تقفل التلفون
عمر عثمان إزيك ياخ...
Post: #27 Title: Re: عفواً ليس ضد (البايرن) يا (برشلونة) ... Author: محمد عبد الله الامين Date: 04-22-2013, 11:15 AM Parent: #26
Quote: اظنك قاصد الشافع الاسمو "ليتبرسكي" اخطر جناح شمال مرّ على االمانيا والعتالي بريجل فردة باك مافيش اخوه .. زمان قبل الفضائيات دي ما كنا بنعرف غير الدوري الالماني ولو تذكر المباريات المسجلة يوم الجمعة من شركة Transtel زمن !
كلوو من مامون الطاهر خلي الرياضيين السودانيين كلهم يشجعو البايرن ما كان بجيب غير مبارياتو في البوندسليقا يا عمك ..... بس الزمان اختلف انه زمن الكاتلونيين ..... برشا ... برشا ... برشا
Post: #36 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 12:08 PM Parent: #27
Quote: كلوو من مامون الطاهر خلي الرياضيين السودانيين كلهم يشجعو البايرن ما كان بجيب غير مبارياتو في البوندسليقا يا عمك .....
فعلاً والله ....... الزول ده وين بالله سنين ماشفتو ولاسمعت عنو خبر
Quote: بس الزمان اختلف انه زمن الكاتلونيين ..... برشا ... برشا ... برشا
البرشا تأهل بشق الانفس والبايرن تاهل بجدارة وبكرة بتتأكد من كلامي ده يامحمد
Post: #39 Title: Re: عفواً ليس ضد (البايرن) يا (برشلونة) ... Author: عمر السلمة Date: 04-22-2013, 03:36 PM Parent: #27
نتمناها لبرشلونة ولكن ... الله يكضب الشينة ..
زمان كنت معجب جدا بإسم فريق (مانشينغلاد باخ ) إسم روعة عديل كدا وقدر ما نحاول ننطقو يغلبنا ههههههه وكمان صيحة المذيع واااااااا هداف
تحياتي للجميع
Post: #43 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 05:57 PM Parent: #39
Quote: زمان كنت معجب جدا بإسم فريق (مانشينغلاد باخ ) إسم روعة عديل كدا وقدر ما نحاول ننطقو يغلبنا ههههههه وكمان صيحة المذيع واااااااا هداف
ههههههه ياعمر الالمان في لغتهم عندهم (الشخشة) دي كتيرة خلاص
Post: #71 Title: Re: عفواً ليس ضد (البايرن) يا (برشلونة) ... Author: ياسر منصور عثمان Date: 04-24-2013, 06:55 AM Parent: #27
Quote: البايرن حا ينتف ريش الطاؤوس الكتالوني
نتف جد
Post: #35 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 12:03 PM Parent: #26
Quote: و ما تقفل التلفون
عمر عثمان إزيك ياخ...
ياابوحسين التلفون ده بقفلو مننا لكن انت امشي ليهو بالدرب عدييل المافي شنو هههههههه تحياتي ياعمك ......
Post: #34 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 12:00 PM Parent: #22
Quote: البايرن حا ينتف ريش الطاؤوس الكتالوني
زعمطة وموية سخنة ههههههههههههه
Post: #33 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 11:56 AM Parent: #21
Quote: ياخي انت دفعتك مفروض يكون لواء وانت طالع والله حقو يا عمر اعرفك على واحد قريبي، الماني مووت يومو البكون في فريق الماني لاعب في اي بطولة ان شاء الله بطولة "شدت" بيتهم بتكون فيهو حالة طوارئ تحسباً للخسارة، فشنو ناس البيت بخلوهو يمشي يحضر الكورة، ناس البيت بضربوا تلفون عشان يعرفو التنيجة مما يلقو الالمان مهزومين طوالي بطفي الانوار يا ولد وامش نوم وخلي باب الحوش داك فاتح في ناس بتجي مخصوص عشان تتفرج عليهو ما على الكورة ما يفعله دي كانيو هذه الايام بالنسبة له تسخينة ما قبل بداية المبارة الحمد لله انه زولنا دا ما بسكر والا كان فضحنا في الواسعة ان شاء الله بكرة يا عمر سارة تلم وليداتها ومن بدري ينوموا
ههههههههههههههه زمان اخوك كا ببكي عديييييييل كده هههههههه كأس العالم 1982م النهائي المانيا وايطاليا وفازت ايطاليا انا ببكي لي تاني يوم الصباح هههههههه ومن اليوم داك كرهت ايطاليا ............ السنة الفاتت رأسية دروغبا قربت تعمل لي ذبحة هههههههههههههه غايتو بكرة الله يستر
Post: #31 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 11:47 AM Parent: #19
Quote: يا جنابو .. بعدين ما تنسى عبارة ود البُشرى الشهيرة "يا بكري شيل"
هييييييع نحن ما عندنا يابكري شيل الا كان يشيل يرفع في العنواين فووووق هههههه انت قايلني هلالابي وال شنو ياصبري ههههه
Post: #30 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 11:46 AM Parent: #17
Quote: لقد صبأت وايم الحق يا عمر
هههههههههه
كيف تخلى شى تانى يشاركك فى حب برشلونة ؟
عمي الالوان ههههههه ياابوذر ففي داخل المستطيل الاخضر لا اري غير اللون الاحمر
Quote: الزول ده ما لعب فى البايرن نهائى
كان هو اهم لاعب وسط فى المنتخب الألمانى، وهو الجاب هدف التأهل لألمانيا لكأس العالم فى ايطاليا
كان بلعب فى كولون وبعد مونديال ايطاليا مشى يوفينتوس وبرضو لعب فى روما
ولما رجع المانيا تانى مشى دورتموند وتانى ما متذكر لعب وين لغاية ما اعتزل
لكين المتأكد منه انه ما لعب للبايرن
واضح انو نحن ملخبتين بين هيسلر وليتبارسكي بعدين لانو لعيبة بايرن ميونخ هم العمود الفقري للمنتخب الالماني ده برضو مرات بتسبب للزول في لخبطة خصوصا مع اللعيبة القدامي .....
Post: #37 Title: Re: عفواً ليس ضد (البايرن) يا (برشلونة) ... Author: ياسر منصور عثمان Date: 04-22-2013, 12:15 PM Parent: #30
Quote: فعلاً والله ....... الزول ده وين بالله سنين ماشفتو ولاسمعت عنو خبر
الاستاذ مامون الطاهر ...موجود وعندو برنامج عن الكرة العالمية في قناة الخرطوم الفضائية
Post: #38 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 12:20 PM Parent: #37
Quote: الاستاذ مامون الطاهر ...موجود وعندو برنامج عن الكرة العالمية في قناة الخرطوم الفضائية
شكراً ياسر ........
Post: #40 Title: Re: عفواً ليس ضد (البايرن) يا (برشلونة) ... Author: احمد محمد بشير Date: 04-22-2013, 04:39 PM Parent: #2
Quote: احب فريق برشلونة وانحاز له ضد اى فريق عدا بايرن ميونيخ .... بايرن ميونيخ العشق القديييييييم من زمن ناس رومينغيا وبول برايتنر وبيكنباور وسيب ماير ، وماتيوس ، وكلينسمان ، ونمرة 7 القصير داك نسيت اسمو.
برضي زيييك ... إنت بتسمع لي حبيبو وبتشجع البير يا زول انت شكلك كده زيي في اي حاجة
أما الريال وما ريال .. فسيغادر المنافسة .. وهارد لكم مقدما رابطة مشجعي الريال بالبورد و نحب نذكركم يا ريالاب انه دورتموند وبنفس نجومه هزمكم في دور المجموعات و القرعة لمتكم تاني مع الدورتموند
Post: #41 Title: Re: عفواً ليس ضد (البايرن) يا (برشلونة) ... Author: Abdullah Idrees Date: 04-22-2013, 05:08 PM Parent: #40
عمر عثمان والله انت زول بطنك غريقة كيف !! بالله عايز بايرن يفوز عشان كنت بتشجعو زمااااااااااان زمن مامون الطاهر والتيليماتش زمن الابيض × اسود ؟ بس بيني وبينك دي كان مفروض تكون مباراة نهائي ، افضل فريقين بلعبو كورة هجومية جميلة في العالم ... ما نطلق مسيخنا ساي وبكرة يرشونا .. لكن شوفو ليكم طريقة لي ميسي ما سجل هدف من اكتر من اسبوعين ودي حاجة غريبة جدا طبعا .. ألابا و شفاينشتايغر و خافي مارتينيز الراجيهم ما يرجاني ..
فيفا بارسا ..
Post: #42 Title: Re: عفواً ليس ضد (البايرن) يا (برشلونة) ... Author: طارق جبريل Date: 04-22-2013, 05:15 PM Parent: #41
يا عمك البرشا اولا ثم البيرن ثانينا لكن الملكي دة اصلو ما يشيلها حتى لو يشيلها امل أم علقة
تليشة: التشجيع الصاح برشلون بايرن ميلان ارسنال اجاكس غلاطة سراي
Post: #46 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 06:12 PM Parent: #42
فرقك دي ياطارق جبريل كلها مية مية بس عندي تحفظ على (ميلان) ففي ايطاليا لا اشجع إلا (روما) وبس
Post: #45 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 06:08 PM Parent: #41
Quote: عمر عثمان والله انت زول بطنك غريقة كيف !! بالله عايز بايرن يفوز عشان كنت بتشجعو زمااااااااااان زمن مامون الطاهر والتيليماتش زمن الابيض × اسود ؟
مانية
ههههههههههههههههه كنت بشجعو زمان واسي وبكرة ، تفتحت اعيننا على الكرة الالمانية وملكها المتوج بايرن ميونخ
Quote: لكن شوفو ليكم طريقة لي ميسي ما سجل هدف من اكتر من اسبوعين ودي حاجة غريبة جدا طبعا ..
تتذكر الحركة العمله فولر لاعب المانيا مع ريكارد لاعب هولندا في كأس العالم 1990م وقام الحكم طردهم الاتنين وفازت المانيا على هولندا !!! اها بس يقوم واحد من ناس بايرن ميونخ يتلح ليك ميسي ده لمن يطردوهم الاتنين هههههههههه بس المشكلة انو ميسي ده دغيل خلاص اصلو مابنفعل ولابزعل هههههههه
Post: #44 Title: Re: عفواً ليس ضد (البايرن) يا (برشلونة) ... Author: omer osman Date: 04-22-2013, 06:02 PM Parent: #40
Quote: برضي زيييك ... إنت بتسمع لي حبيبو وبتشجع البير يا زول انت شكلك كده زيي في اي حاجة
القلوب شواهد ياعمك .......
Quote: أما الريال وما ريال .. فسيغادر المنافسة .. وهارد لكم مقدما رابطة مشجعي الريال بالبورد و نحب نذكركم يا ريالاب انه دورتموند وبنفس نجومه هزمكم في دور المجموعات و القرعة لمتكم تاني مع الدورتموند
دورتموند حيكون حجرة عثرة عديييل امام الريال وان تخطاه سيتخطاه بصعوبة بالغة !!!
Post: #47 Title: Re: عفواً ليس ضد (البايرن) يا (برشلونة) ... Author: Emad Mohamed Date: 04-22-2013, 08:41 PM Parent: #44
Quote: تعرف انا خلطت بين هيسلر وليتبارسكي والاخير كان بلبس 7 في المنتخب لكن الاتين قصار .........
ولا واحد فيهم ما لعب فى بايرن ميونخ. (الاتنين لعبو فى فريق كولون). لكن الملاحظ انو المريخاب دائماً بميلو لتشجيع الفرق التى تلبس الزى الاحمر (البايرن ومان يونايتد والاهلى المصرى) فاصبح عمى الالوان حائلاً بينهم وبين ابداعات فرق اخرى كثيرة, فقد اثبتت فرق كثيرة امثال ريال مدريد, برشلونة, يوفنتوس, ميلان, انترميلان, شيلسى, دورتموند, ......الخ علو كعبها فى المنافسات الاوربية وخصوصاً ضد بايرن ميونخ والذى عجز العام الماضى وبترسانتة الحالية وفى ميونخ وبعد ان كان متقدماً قبل ثوانِ من نهاية المباراة من تحقيق الفوز على عواجيز شيلسي اصحاب المركز الرابع فى البريمير ليق. البايرن يعيش على امجاد الماضى (السبعينيات). جنابو اذكر آخر مرة فاز فيها البايرن ببطولة اوربية.
البرشا الافضل حتى ولو خسر.
Post: #56 Title: Re: عفواً ليس ضد (البايرن) يا (برشلونة) ... Author: omer osman Date: 04-23-2013, 07:03 AM Parent: #47
Quote: ولا واحد فيهم ما لعب فى بايرن ميونخ. (الاتنين لعبو فى فريق كولون).
لايفتي وعماد في المنبر ....
Post: #48 Title: Re: عفواً ليس ضد (البايرن) يا (برشلونة) ... Author: Ahmed Yassin Date: 04-22-2013, 09:42 PM Parent: #2
Quote: حب فريق برشلونة وانحاز له ضد اى فريق عدا بايرن ميونيخ
سعادتك بايرن ميونخ او اي فريق الماني وحتى المانشافت ينقصهم شىء مهم جدا جدا في عالم كرة القدم والشىء دا متوفر في الايطاليين وفي الاسبان وفرق الانجليز المان يونايتد وليفربول وشيلسي ينقصهم الدهاء لانه شوف المنتخب الالماني دا وصل كم مرة للنهائي ونصف النهائي وحتى البايرن وصل كتير جدا لكن في نصف النهائي والنهائي يختلفون جدا جدا تلقاهم في الادوار الاولى والربع النهائي زي الحصين ويطلعوا اي فريق عندك في نهائي 99 مع المان يونايتد كلنا عارفين الحصل ماشين بعيد ليه في نهائي السنة الفاتت شوف الوجعة تخلي دروغبا في اخر الدقائق يطير ؟ من هسي اقول ليك... وداعا حاجة اسمها البايرن
Post: #49 Title: Re: عفواً ليس ضد (البايرن) يا (برشلونة) ... Author: Ahmed Yassin Date: 04-22-2013, 09:48 PM Parent: #48
للمعلومية ... المانشافت لعب (13) مباراة نهائية في كاس العالم وامم اوروبا والحصيلة: (6) مرات فوز ودا غير المركز التالت والرابع لا يعد ولا يحصى
Post: #50 Title: Re: عفواً ليس ضد (البايرن) يا (برشلونة) ... Author: Ahmed Yassin Date: 04-22-2013, 09:52 PM Parent: #49
بالمناسبة دي نهدي توقيع البايرن منشن لى جنابو عمر
Post: #51 Title: Re: عفواً ليس ضد (البايرن) يا (برشلونة) ... Author: مازن عادل النور Date: 04-22-2013, 10:47 PM Parent: #50
ميسي يتدرب مع الفريق في ميونخوصل فريق برشلونة الإسباني اليوم إلى مدينة ميونخ لملاقاة بايرن في قبل نهائي دوري الأبطال الأوروبي. ولم ينجح البرسا في الفوز علي بايرن بأرضه في المنافسات الأوروبية، بحصيلة تعادلين وهزيمة على ملعب ميونخ. وبالمثل فإن أرقام برشلونة سلبية أمام بايرن ميونخ على ملعب كامب نو، بهزيمتين أمام الفريق الألماني وانتصار واحد كان كاسحا عام 2009 في دوري الأبطال حيث فاز الفريق الكتالوني برباعية. من ناحية أخرى تأمل جماهير البرسا أن يحصل نجم الفريق، الأرجنتيني ليونيل ميسي على الاذن الطبي لمواجهة الفريق البافاري، حيث انه يتعافى من اصابة. ومن ضمن المشجعين الذين وصلوا لميونخ لدعم الفريق، جيرارد ابن عم المدافع إريك أبيدال والمغني الإسباني جوان مانويل سيرات.
##مقتبس ##
الألمان يا جنابك أصبحت لديهم متلازمة " عقدة الإسبان " و يا يوم بكرة ما تسرع فعلا مباراة قمة و كرة القدم مستديرة مودتي لك ولضيوفك ود الغرب - مازن عادل
Post: #52 Title: Re: عفواً ليس ضد (البايرن) يا (برشلونة) ... Author: عبد العزيز محمد عمر Date: 04-22-2013, 11:01 PM Parent: #51
المقصود هو ليتبارسكي ... وليس توماس هاسلر ..
المهم .. أحد معشوقي طرف في النهاية ... ودا الزيت ...
Post: #53 Title: Re: عفواً ليس ضد (البايرن) يا (برشلونة) ... Author: عمر الفاروق Date: 04-23-2013, 05:28 AM Parent: #52
يا جماعة إنتو قاصديين بيير ليتبارسكي الواااحد ده ؟؟ شككتوني في نفسي لأنو ليتبارسكي ما اكن بي القصر الشاذ داك ..يعني صعب نقدر نقول عليهو اللاعب القصيير.. ليتبارسكي كان عندو ميزة تانية بيتوصف بيها ..كعوجة كرعينو وطريقة جريتو .. غايتو ده ليتبارسكي حقي البعرفو وكنت مدمنو للدرجة الرسلت لي واحدة المانية تلحقني بي توقيع منو أيام الشباب :) :) :)
Post: #54 Title: Re: عفواً ليس ضد (البايرن) يا (برشلونة) ... Author: حامد بدري Date: 04-23-2013, 05:40 AM Parent: #53
Quote: آخر المباريات بين الفريقين :
بايرن ميونخ 0-2 برشلونة ، 27 يوليو 2011 ، مباراة ودية
هذه كلمة التاريخ لصالح برشلونة ياحامد لكن اليوم سيكتب سطر جديد في ذلك التاريخ لصالح البايرن ان شاء الله
Post: #58 Title: Re: عفواً ليس ضد (البايرن) يا (برشلونة) ... Author: omer osman Date: 04-23-2013, 07:12 AM Parent: #51
Quote: الألمان يا جنابك أصبحت لديهم متلازمة " عقدة الإسبان " و يا يوم بكرة ما تسرع فعلا مباراة قمة و كرة القدم مستديرة
اليوم سيضع البايرن حداً لهذه العقدة بهزيمة لبرشلونة تسير بها الركبان .......
Post: #59 Title: Re: عفواً ليس ضد (البايرن) يا (برشلونة) ... Author: omer osman Date: 04-23-2013, 07:15 AM Parent: #50
Quote: بالمناسبة دي نهدي توقيع البايرن منشن لى جنابو عمر
الف شكر يا احمد ...... بالجد هدية جميلة
Post: #57 Title: Re: عفواً ليس ضد (البايرن) يا (برشلونة) ... Author: omer osman Date: 04-23-2013, 07:10 AM Parent: #49
Quote: للمعلومية ... المانشافت لعب (13) مباراة نهائية في كاس العالم وامم اوروبا والحصيلة: (6) مرات فوز ودا غير المركز التالت والرابع لا يعد ولا يحصى
نسبة ممتازة قياساً بأن كل مرات الفوز تمت على فرق عريقة وذات وزن فليس من المتوقع ان يصل الى تلك المراحل فريق ضعيف
Post: #62 Title: Re: عفواً ليس ضد (البايرن) يا (برشلونة) ... Author: Abdullah Idrees Date: 04-23-2013, 07:48 AM Parent: #57
صحيح ملاحظة مهمة رغم انها لا تمثل مؤشر موضوعي يمكن الحكم من خلاله .. المانشفات كان قاسم مشترك دايما في النهائيات او المربع الذهبي لكاس العالم وامم اوروبا ، اعتقد كان طرف في النهائي في كاس العالم 82/86/90 تلات مرات على التوالي فاز في واحدة بس ، والمانشافت دائما ركيزتو الاساسية هي البايرن والاخير ايضا خسر نهائيات كثيرة ووصل لربع النهائي مرات كتيرة برضو .. لكن في المقابل الاحصائيات برضو بتقول انو برشلونة خسر نهائي دوري الابطال اربعة او خمسة مرات ، ووصل لربع النهائي اكثر من عشر مرات بينها ستة مرات متتالية في السنوات الاخيرة ، فالفريقين بتشاركو في الحتة دي .. رغم اني بشجع برشلونة بشكل مطلق لكن بايرن فريق مرعب ، يمكن خطورتو مع برشلونة اقل من خطورتو مع الريال لانو متوازن جدا في كل خطوطو والفوارق بين لعيبتو ما كبيرة وتشكيلتو فيها لاعبين متنوعين على المستوى البدني من حيث القامة وعلى المستوى المهاري والسرعة ، يعني عندهم كل انواع اللاعبين ، في ريال مدريد مثلا الفرق بين رونالدو والبقية فرق الليل للنهار ، في برشلونة في مشكلة قصر القامة لمعظم اللاعبين والضعف البدني .. البايرن بامكانه الاستحواذ على الكرة (غوستافو / شفاينشتايغر / مارتينيز / ريبري - كروس) وبامكانه شن هجمات مرتدة سريعة جدا (روبن -ريبري) وبامكانه احراز الاهداف من كرات ثابتة وضربات راسية (مانزوكيتش - غوميز -فان بويتن) .. ولديهم حارس مرمى بارع جدا احتياط بمستوى عالي يكفي ان فيه ماريو غوميز الذي سيبدأ اليوم ..
Post: #63 Title: Re: عفواً ليس ضد (البايرن) يا (برشلونة) ... Author: omer osman Date: 04-23-2013, 08:01 AM Parent: #62
Quote: لانو متوازن جدا في كل خطوطو والفوارق بين لعيبتو ما كبيرة وتشكيلتو فيها لاعبين متنوعين على المستوى البدني من حيث القامة وعلى المستوى المهاري والسرعة ، يعني عندهم كل انواع اللاعبين
بالضبط ياعبدالله وانت بالمناسبة ذكرت حاجة مهمة جدا وافتكر هي سر تفوق الكورة الالمانية وحضورها الدائم في المناسبات الناس ديل ماعندهم حكاية (السوبر استار) زي باقي الفرق والدول عشان كده في جماعية وعطاء وبذل جماعي ولاتوجد حساسيات بين اللعيبة ... حتى نجومهم الذين اشتهروا على مستوي العالم لايتم التعامل معهم باعتبارهم (سوبر استار)
Post: #64 Title: Re: عفواً ليس ضد (البايرن) يا (برشلونة) ... Author: د.يوسف محمد طاهر Date: 04-24-2013, 04:23 AM Parent: #63
مبروك للبايرن بس ما توقعت هذا الفوز الكبير 4 / صفر
Post: #65 Title: Re: عفواً ليس ضد (البايرن) يا (برشلونة) ... Author: محمد عبد الماجد الصايم Date: 04-24-2013, 05:47 AM Parent: #64
لا نعرف نقول ليكـ مبروكـ ولّ هارد لكـ .. غايتو احتياطا كـدا: صباح الخير
Post: #66 Title: Re: عفواً ليس ضد (البايرن) يا (برشلونة) ... Author: omer osman Date: 04-24-2013, 05:55 AM Parent: #65
Quote: لا نعرف نقول ليكـ مبروكـ ولّ هارد لكـ .. غايتو احتياطا كـدا: صباح الخير
طبعاً مبروووووك امبارح كانت ليلة ما منظور مثيلة .... المريخ غالب وبايرن ميونخ غالب .......
Post: #67 Title: Re: عفواً ليس ضد (البايرن) يا (برشلونة) ... Author: khaleel Date: 04-24-2013, 06:02 AM Parent: #66
مع انو ما بحب كورة ناس اوربا ديل
Post: #68 Title: Re: عفواً ليس ضد (البايرن) يا (برشلونة) ... Author: omer osman Date: 04-24-2013, 06:08 AM Parent: #67
Quote: مع انو ما بحب كورة ناس اوربا ديل
ياهندسة ماقادر اشوف الفيديو ، اكتب لي اسمو عشان اشوفو بمتصفح تاني
Post: #69 Title: Re: عفواً ليس ضد (البايرن) يا (برشلونة) ... Author: khaleel Date: 04-24-2013, 06:13 AM Parent: #68
اهداف برشلونة 0-4 بايرن ميونخ
دا اسم الفيديو
Post: #70 Title: Re: عفواً ليس ضد (البايرن) يا (برشلونة) ... Author: omer osman Date: 04-24-2013, 06:20 AM Parent: #69
Quote: اهداف برشلونة 0-4 بايرن ميونخ
الف شكر ياهندسة .......
Post: #72 Title: Re: عفواً ليس ضد (البايرن) يا (برشلونة) ... Author: omer osman Date: 05-02-2013, 06:14 AM Parent: #70
7 / صفر ....... كتيرة والله صراحة كنت اتمناها لريال مدريد
Post: #73 Title: Re: عفواً ليس ضد (البايرن) يا (برشلونة) ... Author: ياسر منصور عثمان Date: 05-02-2013, 06:58 AM Parent: #72
