Post: #1 Title: أنهيار عالمي ومحلي في اسعار الذهب و 228 جنيها للجرام في الخرطوم Author: معتصم محمد صالح Date: 04-15-2013, 02:56 PM
انهارت اسعار الذهب بصورة مفاجئة في البورصات العالمية لتستقر عند 1403 دولار حتى الان مع توقعات بانخفاض اخر فاقدا اكثر من 200 دولار للاونصة الواحدة خلال اقل من اسبوعين وشهدت الاسعار المحلية انخفاضا حادا تبعا لذلك بينما شكلت اسعار العملات المتدنية مزيدا من الضغط على سعر المعدن النفيس محليا ليستقر سعر الخام عند 228 جنيها للجرام عصر اليوم .
Post: #2 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: محمد إبراهيم علي Date: 04-15-2013, 03:05 PM Parent: #1
نيستا سلام قبرص حتبيع دهبها ومن وراءها ايطاليا والبرتغال دي من الاسباب التي ادت لانخفاض اسعار الذهب قالو الحكومة كامشة ليها تجار دهب اوعى تكون كنت معاهم هههههههه
Post: #3 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: nazar hussien Date: 04-15-2013, 03:20 PM Parent: #2
Quote: انهارت اسعار الذهب بصورة مفاجئة في البورصات العالمية لتستقر عند 1403 دولار حتى الان مع توقعات بانخفاض اخر فاقدا اكثر من 200 دولار للاونصة الواحدة خلال اقل من اسبوعين وشهدت الاسعار المحلية انخفاضا حادا تبعا لذلك بينما شكلت اسعار العملات المتدنية مزيدا من الضغط على سعر المعدن النفيس محليا ليستقر سعر الخام عند 228 جنيها للجرام عصر اليوم .
يا نيستا إزيك ما فهمنا حاجة الاونصة فيها كم جرام...نحن بنعرف الدهب بالجرامات بس.... هسي في السودان قاعد يجيك زول يقول ليك اديني حلق 5 أونصة؟؟؟
.
Post: #5 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: ismeil abbas Date: 04-15-2013, 03:26 PM Parent: #3
سلام معتصم..إن شاء الله أنت وأحبابنا ما يتضرروا............سلام....
أنا عايز أشترى أشترى ألأن.........؟؟؟؟؟؟
وبماذا تنصح...سلام وتحية.
Post: #6 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: معتصم محمد صالح Date: 04-15-2013, 03:28 PM Parent: #5
حبيبنا اسماعيل
تحياتي
اعتقد انه افضل وقت للشراء .
Post: #7 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: معتصم محمد صالح Date: 04-15-2013, 03:29 PM Parent: #3
سلامات يا نزار
الاونصة فيها 31.10347 جرام
تحياتي
Post: #4 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: معتصم محمد صالح Date: 04-15-2013, 03:22 PM Parent: #2
تحياتي استاذ محمد
بالضبط ياها قصة قبرص وايطاليا والصين ايضا .. لكن هنالك توقعات بقفزة مفاجئة ..
طبعا كنت من اوائل المكموشين ..
Post: #8 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: ahmedona Date: 04-15-2013, 03:30 PM Parent: #4
Quote: الاونصة فيها كم جرام...نحن بنعرف الدهب بالجرامات بس....
Post: #9 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: الحاج حمد الحاج Date: 04-16-2013, 10:35 AM Parent: #8
مساء الأمس و في سوق الذهب بجدة رايت مجموعة كبيرة من الهنود و الباكستان يقومون بالشراء و هناك ربكة واضحة في السوق بين التجار و الشراء كان في حدود 144-148 ريال سعودي للجرام أما البيع يبدأ من 165 ريال و اكتر حسب نوع الذهب (كويتي-بحريني-تركي) و حسب الشغل..بعض التجار توقف عن الشراء النقدي و لكن عمليات الاستبدال مع دفع الفروقات مستمرة (دهب قديم مع جديد و دفع الفرق).
Post: #10 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: وضاحة Date: 04-16-2013, 10:38 AM Parent: #9
انت من زمن الكشوش الدهب هسي الناس بقت تلبس الماس ولولى
Post: #11 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: garjah Date: 04-16-2013, 10:45 AM Parent: #9
سلام لصاحب الخيط وضيوفه الكرام
أذكر سنة 1998 كان بـ35 ريال الجرام .
وفي 2004 كان بــ 70 ريال
وبعدين دخل في حالة قفز مستمر الى ان وصل 200 ريال
Post: #12 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: الحاج حمد الحاج Date: 04-16-2013, 10:55 AM Parent: #11
Quote: انت من زمن الكشوش الدهب هسي الناس بقت تلبس الماس ولولى
النسوان عندهم الدهب دا( بالاضافة الى الناحية الاقتصادية) فيهو ناحية بوبارية و دي ما بتتحقق في السودان الا بالدهب الأصفر الواحد دا لكن دهب أبيض و الماس دي عندهم مجرد اكسسصوارات..حواء السودانية لا تزال تتمسك بالكشكشة و لا تؤمن الا بالدهب الأبيض و لم تتغير مع الزمن بالتزين بالمجوهرات الخفيفة او المعادن الأغلى من الذهب.
Post: #13 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: وضاحة Date: 04-16-2013, 11:04 AM Parent: #12
انا بشترى من داماس فقط او السليماني فى الدوحة لما امشى السودان واخش سوق الدهب مع بنات اهلى والله بندهش حتى طريقة العرض متخلفة وبدايئة وما بتعكس جمال الاشياء
وما جميل زاتوا الدهب ومتخلف وما استايل وجنى وجن النسوان البتكشكشوا
داماس وبث
Post: #14 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: محمد إبراهيم علي Date: 04-16-2013, 11:07 AM Parent: #12
حمد لله على سلامتك يا عمك
Post: #15 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: Sayed Bekab Date: 04-16-2013, 11:17 AM Parent: #14
سلامات يا معتصم و مشتاقوووون و حمد الله علي السلامة و لسه ما شوفنا حاجه
اسعار اليوم 1387 دولار للإونصه
خلي العرسان يفرحووووو هههههه
Post: #16 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: عبدالله احيمر Date: 04-16-2013, 12:32 PM Parent: #15
معتصم
حمد لله على السـلامة
تأثـير الانخفاض دا على الدولار شــنو ؟
Post: #17 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: الحاج حمد الحاج Date: 04-16-2013, 02:27 PM Parent: #16
Quote: تأثـير الانخفاض دا على الدولار شــنو ؟
من أسباب انخفاض الذهب ارتفاع الدولار ثم استقراره عند اعلى مستوى له مقابل العملات الأخرى و هو كان اعلى سعر خلال شهر كامل.
Post: #18 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: smart_ana2001 Date: 04-16-2013, 05:40 PM Parent: #17
Post: #19 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: smart_ana2001 Date: 04-16-2013, 05:42 PM Parent: #18
Post: #20 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: عبدالله احيمر Date: 04-17-2013, 09:28 AM Parent: #19
من أسباب انخفاض الذهب ارتفاع الدولار ثم استقراره عند اعلى مستوى له مقابل العملات الأخرى و هو كان اعلى سعر خلال شهر كامل.
شـكرا الحاج
وهل نطبق ذلك على الوضع في السـودان
Post: #21 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: Hafiz Bakhit Date: 04-17-2013, 01:21 PM Parent: #20
ارتفاع طفيف اليوم في السعر...انشاء الله يزيد كمان وكمان
Post: #22 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: الحاج حمد الحاج Date: 04-17-2013, 01:29 PM Parent: #20
وهل نطبق ذلك على الوضع في السـودان الأخ عبدالله احيمر شكرا ليك كتير و حقيقة في السودان ارتفعت قيمة الجنيه السوداني قليلا مقابل الدولار بعد الاتفاق بين السودان و جنوب السودان على ضخ البترول و بعده مباشرة تصادف الانخفاض الكبير في اسعار الذهب و الذي كان نتيجة للانخفاض العالمي كما ذكر الاخوة..لك كل الود
Post: #23 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: الزنجي Date: 04-18-2013, 10:02 AM Parent: #22
سعر جرام الدهب عيار 21 بدبي اليوم بدون مصنعية 155 درهم عيار 18 بي 135 درهم عيار 22 بي 162 درهم
Post: #24 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: Hafiz Bakhit Date: 04-20-2013, 08:41 PM Parent: #23
اسعار اليوم للاونصة وبارتفاع مطمئن للمستثمرين..وسيعود لوضعه الطبيعي في الشهرين القادمين لما فوق ال1600 سعر اليوم $1,469.49 $1,513.57
Post: #25 Title: Re: أنهيار عالمي ومحلي في اسعار الذهب و 228 جنيها للجرام في الخرطوم Author: Hafiz Bakhit Date: 04-21-2013, 11:13 PM Parent: #24
اسعار اليوم and#1634;and#1633; ابريل $1,470.09 في ارتفاع بسيط بسبب الويكند . يتوقع الارتفاع من يوم الاثنين.
