Post: #1
Title: راجل شنو ... ضل حيطة بس
Author: اسعاد محمدانى
Date: 04-07-2013, 10:00 PM
و كمان جالوص و ملطوشة بزبالة مخلوطة بموية جنبة لا ريح ترميها و لا مطرة تموصها ثابتة و الضل يمشي و يجي في و زمنوا .
في قعدة القهوة امبارح خالتك سكينة زعلانة علي بتها الدايرة تفوت بيتها و تهمل و يليداتها , في شان الرجل لا بصرف علي وليداتوا و كل يوم المراة داقيها و معلم علي و شها و تحت تحت بقولوا داير يعرس فيها
غايتوا جنس محن يا ثريا يا بتي ,, يا امي و هو راجل حنس دا بستوي بيه شنو دا و جعي قلب ساكت اخير منو الطلاق , اسكت يا بت طلاق شنو كمان انت داير الناس تاكل لحمها بقولت مطلقة مطلقة , اخير بي سجموا دا تقعي معاهوا بدل كلام الناس و ذي ما قالوا اهلنا ضل راجل و لا ضل حيطة , يا امي الزواج دا هو شنو مش الامان و الاطمنئان و الرجل و المراة لو بيناتهم مافي الاحترام اخير ضل الحيطة , يا بت ما تفلسفي لي قومي تقوم قيامتك و حات البني دخولك الجامعة شوف عيني غلطة كبير ... يتواصل
°°°°°°°°°°°°°°°°°°°°°°°°°°°°°°°°°°
ذي ما بقول عمنا الموج ديك و جدادات العدة يمتنعون
|
Post: #2
Title: Re: راجل شنو ... ضل حيطة بس
Author: كمال سالم
Date: 04-07-2013, 10:27 PM
Parent: #1
وكذلك بعض النساء أفضل منهن الحيطه وضلها .
أكرر ( بعضهن ) كما قال ود الموج برضو .
سلام يا صاحبة البوست .
|
Post: #3
Title: Re: راجل شنو ... ضل حيطة بس
Author: ALGARADABI
Date: 04-07-2013, 10:36 PM
Parent: #2
ضلنا المرسوم
ولا الضل الوقف ؟؟
|
Post: #18
Title: Re: راجل شنو ... ضل حيطة بس
Author: اسعاد محمدانى
Date: 04-08-2013, 06:18 PM
Parent: #3
الاخ عمر القرضابي شكراً علي الطلة
Quote:
ضلنا المرسوم
ولا الضل الوقف ؟؟ |
بيني و بينك دا ضل المرسوم علي رمل المسافة هههههههههههه
تخريمة
شكراً علي المساعدة في تلفون العريس
مودتي
|
Post: #17
Title: Re: راجل شنو ... ضل حيطة بس
Author: اسعاد محمدانى
Date: 04-08-2013, 06:07 PM
Parent: #2
Quote: وكذلك بعض النساء أفضل منهن الحيطه وضلها .
أكرر ( بعضهن ) كما قال ود الموج برضو .
سلام يا صاحبة البوست .
الاخ كمال سالم مساء الخيرات مع مراعاة فروق التوقيت
المستجدات طرت علي الكل بس بعض الرجال شذوا عديل كدا
ممنونة علي المرور
|
|
Post: #4
Title: Re: راجل شنو ... ضل حيطة بس
Author: اسامة عثمان السيد
Date: 04-07-2013, 10:43 PM
Parent: #1
| Quote: ذي ما بقول عمنا الموج ديك و جدادات العدة يمتنعون |
هههههههههههههههههههههههه
وش يتضحك من الاضان للاضان
|
Post: #5
Title: Re: راجل شنو ... ضل حيطة بس
Author: وضاحة
Date: 04-07-2013, 10:47 PM
Parent: #4
راجل يرفع ايدوا على مراة هو زاتوا راجل
والله راجل يرفع ايدوا علي اعمل فيه عملية يحكوا بيها الناس فى المجالس واختوا عبرة لى اى راجل يحاول يعمل كده
وكمان ما بصرف على اولادوا دا راجل بالله
اخير ليها تندمس ساى
رجال اخر زمن
|
Post: #6
Title: Re: راجل شنو ... ضل حيطة بس
Author: زهير عثمان حمد
Date: 04-07-2013, 11:04 PM
Parent: #5
الاخت أسعاد وضيوفها الكرام
تحياتي
أمكن كمان يكون هو ذاتو ضل ضحي ما عندو عمر!
شراكة مجنوة ومضحكة
أها كنا مارين قلت أقول سلام
|
Post: #7
Title: Re: راجل شنو ... ضل حيطة بس
Author: yousif saeed ali
Date: 04-07-2013, 11:11 PM
Parent: #6
كنت أمشي مع إحــدى الفتيآت على الرصيف !
واذا بسيـآرة فآخــرة
تتوقف امامنا!
فتركتني و ذهبت مسرعة!!
فقلت لها :الى اين؟
فقالت: انه اكثر منك مالاً وأنا ذاهبة معه
فركبت في السيارة و تركتني و حيدا ،،
فقال لها سائق السيارة : انا لم اتوقف لاجلك!!
انا توقفت للرجل الذي يمشي معك
أنا السائق الخاص به ؟!
|
Post: #8
Title: Re: راجل شنو ... ضل حيطة بس
Author: Dawalbait Hamid
Date: 04-07-2013, 11:35 PM
Parent: #5
راجل يرفع ايدوا على مراة هو زاتوا راجل
والله راجل يرفع ايدوا علي اعمل فيه عملية يحكوا بيها الناس فى المجالس واختوا عبرة لى اى راجل يحاول يعمل كده
وكمان ما بصرف على اولادوا دا راجل بالله
اخير ليها تندمس ساى
رجال اخر زمن
الصـــاح ( نسوان آخر زمــن ) والمرة إن فاس ما بتكسر الراس
رجال زمان ما بتقال فيهم الكلام ده والراجل البتعمل فيهو مره زي الكلام القلتي يســــــتاهل
وأركبي فيهو ودلدلي رجلينك
|
Post: #9
Title: Re: راجل شنو ... ضل حيطة بس
Author: الزبير بشير
Date: 04-08-2013, 07:37 AM
Parent: #8
سلام لجميع المرور
صاحبه البوست اسعاد
اكلات مفضلة: بامية ( حددي مفروكه وله تبيخ - طبيخ )
باذن الله يوم الاحد القادم معكم في Antwerp زيارة عمل ، هناك في بورداب
الستره واجبه لا خير في ضل الحيطه
الزبير الختمي
سلام خاص لبنت الاخت وضاحه ، مشتاقين ، ما باين ليك حس ، و ما لو بريقك و لمعانك في المنبر خفق
|
Post: #10
Title: Re: راجل شنو ... ضل حيطة بس
Author: انصاف ابراهيم عبدالعزيز
Date: 04-08-2013, 12:09 PM
Parent: #9
الضللة ذاته خشم بيوت ..... ضل مسلح ........ وضل جالوص ......... وضل تحت السطوح ............ قول لى ظلك اقول لك موضعك من زواية الضل المنكسر ......... بجيك راجعة
|
Post: #11
Title: Re: راجل شنو ... ضل حيطة بس
Author: وضاحة
Date: 04-08-2013, 12:31 PM
Parent: #10
| Quote: سلام خاص لبنت الاخت وضاحه ، مشتاقين ، ما باين ليك حس ، و ما لو بريقك و لمعانك في المنبر خفق |
الزبير الختمى مشتااااقين
بت اختك مشغووووولة و الله
صورة بروفايلك الجديدة شرط ههههه
دا منو غايتوا شبهنا دا اصلوا ما بودر
والله والله الزول الفى لاصورة دا يشبه ابوى شبه مبالغة بس ابوى على احلى شوى
|
Post: #12
Title: Re: راجل شنو ... ضل حيطة بس
Author: أيمن الطيب
Date: 04-08-2013, 12:46 PM
Parent: #11
وضاحة إنت الحاصل شنو !!
العريس لما جاك قلتى عايز تكملى تعليمك!! Quote: رجال زمان ما بتقال فيهم الكلام ده والراجل البتعمل فيهو مره زي الكلام القلتي يســــــتاهل
وأركبي فيهو ودلدلي رجلينك |
 كلام الضو ده ما تديهو البحر,,,
|
Post: #13
Title: Re: راجل شنو ... ضل حيطة بس
Author: وضاحة
Date: 04-08-2013, 12:56 PM
Parent: #12
أمونة مشتاقيين
انا رديت للبت سعاد على اساس انوا الراجل البدق مرتوا
قلت ليها البمد ايدوا على مراة ما راجل
والله صحى
هو لو راجل بمد يديوا على مراة
لكن قصة المراة لو فاس وما بعرف شنو دا كلام زول جاهل ساى
المراة والله شدة ما بتقطع الراس تقطع ليك حنانوا زاتوا
بعدين كل زول على حسب تربتوا
الرجال اولاد الناس بتربوا على احترام المراة لانها اموا فى الاول واختوا وزوجتوا وام اولادوا
الرجال البدقوا النسوان ديل شكلن اماتن ادقعوا او اتربوا فى بيت ما سوى
فما اكرمهم الا كريم وما اهانهم الا لئم
|
Post: #15
Title: Re: راجل شنو ... ضل حيطة بس
Author: فايزودالقاضي
Date: 04-08-2013, 01:46 PM
Parent: #13
من غيرنا يعطي للنساء معنى ان يعيشوا ولا ينتحروا ...
الضل زاتو مذكر ..
اسعاد ازيك ..(اوع يكون الراجل عملها ؟)
|
Post: #23
Title: Re: راجل شنو ... ضل حيطة بس
Author: اسعاد محمدانى
Date: 04-08-2013, 07:04 PM
Parent: #15
Quote:
من غيرنا يعطي للنساء معنى ان يعيشوا ولا ينتحروا ...
الضل زاتو مذكر ..
اسعاد ازيك ..(اوع يكون الراجل عملها ؟) |
فايز ودالقاضي عاش من شافك اسفيرينا هههههههههههههههه
الاصل الحيطة و الحيطة مؤنث
هههههههههههههههههههه خاطري نموذج مثالي
|
Post: #19
Title: Re: راجل شنو ... ضل حيطة بس
Author: Dawalbait Hamid
Date: 04-08-2013, 06:34 PM
Parent: #13
[QUOTE]المراة والله شدة ما بتقطع الراس تقطع ليك حنانوا زاتوا
عملتها واحدة قبل مدة ( جريدة الخرطوم )
( أرسل المغترب المسكين لزوجته لتشطيب البيت لأنه نازل إجازة عندما وصل وجدها مع عشيقها السباك وفي داخل منزله
فقتل السباك وإذا بزوجته تتناول نفس السكين وتقتل زوجها)
عرفنا الراجل بدافع عن شرفه لكن الملعونة دي بدافع عن شنو
أكيد يا وضاحة إنتي ما زي دي لكن ( حنانو دي تخوف ) أكيد ده ما هظار
ومن دربي ده لا قلت ليك لا قلتي لي البقدر على مرة راجلة زيك ما ولدوه
( ألمي حامي ما لعب قعونج )
ضوالبيت ( هناي بعد ده )
|
Post: #22
Title: Re: راجل شنو ... ضل حيطة بس
Author: اسعاد محمدانى
Date: 04-08-2013, 06:54 PM
Parent: #10
| Quote: الضللة ذاته خشم بيوت ..... ضل مسلح ........ وضل جالوص ......... وضل تحت السطوح ............ قول لى ظلك اقول لك موضعك من زواية الضل المنكسر ......... بجيك راجعة |
الغالية انصاف شوق كتير و الف حمدلله علي السلامة
ضل جالوص يا بت منتظرة زوايك
خليك عافية
|
Post: #21
Title: Re: راجل شنو ... ضل حيطة بس
Author: اسعاد محمدانى
Date: 04-08-2013, 06:49 PM
Parent: #9
Quote: سلام لجميع المرور
صاحبه البوست اسعاد
اكلات مفضلة: بامية ( حددي مفروكه وله تبيخ - طبيخ )
باذن الله يوم الاحد القادم معكم في Antwerp زيارة عمل ، هناك في بورداب
الستره واجبه لا خير في ضل الحيطه
الزبير الختمي
|
الاخ الزبير الختمي سلامات يا اخي ,, اصلاً جيت جيعانة و بالبامية المفروكه انت كملت الجوعة , خلاص بالله معاها كسرة خمير ههههههه مرحب بيك الف في جارتنا انتفيربن و البورداب موجودين اديهم بس لكزه
كلام الستره دا هو مربط الفرس , المراة قبل الزواج ما كانت مستورة في بيت ابوها ,, ضرب و اهانة و سترة في خطوط متوازية ما بتلموا ابداً
رحلة سعيدة و موفقة
احترامي
|
Post: #20
Title: Re: راجل شنو ... ضل حيطة بس
Author: اسعاد محمدانى
Date: 04-08-2013, 06:38 PM
Parent: #8
الاخ اسامة عثمان السيد مش كدا حاولت جادة انزل ليك صورة وش سمح بلحيل بس الله يجازي التكنلوجيا ضيعتني هههههههههههه
مشكور يا اخي علي المرور في البوست الكلوا عترات دا .
°°°°°°°°°°°°°°°°°
الاخت و ضاحة حقيقي بعض النساء مغلوبات علي امرن و الله يكون في عونهن
°°°°°°°°°°°°°°°°°°°°°°°
الاخ زهير علي الاقل ضل الضحوية محترم لا بضرب و لا بقهر
°°°°°°°°°°°°°°°°°°°°°°°°
الاخ يوسف سعيد ذكرتني بقصة المغترب الخاطب بت جيرانهم ليهوا عشرة سنة لمن كون نفسه و رجع للعرس لقي البت الصغيرة كبرت و زاد حلا , قال يا الصغيرة و يا ماداير عرس
°°°°°°°°°°°°°°
الاخ ضوالبيت حاولت انزل الوش الاخضر البضحك بس الله غالب ماقدرتة ,, انت من زمن المراة كان بقت فاس
|
Post: #26
Title: Re: راجل شنو ... ضل حيطة بس
Author: Dawalbait Hamid
Date: 04-08-2013, 09:22 PM
Parent: #20
Quote:
الاخ ضوالبيت حاولت انزل الوش الاخضر البضحك بس الله غالب ماقدرتة ,, انت من زمن المراة كان بقت فاس[/
الأخت إسعاد
والله ما قلتي إلا الحقيقة ( أنا فعلا من زمن الفاس )
قربت أربعن يا ريت أربعن والله قربت أسبعن ( أحفادي في الجامعات)
ومع الإعتذار لول أبا بريعمة أهلنا البقارة عندهم مثل ( المره دور بيها العصا)
يعني لما تمسكها في إيديك وبعدين تكوس الحاجة البدقها بيها لأنك لو مشيت تجيب حاجة تدقها بيها بتفرتق
وعند أهلنا دار حمر ( مر أحدهم براجل بشاكل في مرته ولم يعجبه ذلك فرمى بفأسه أمام راجل المره الذي
اخذ الفأس وجندل حرمته وصار ينظر إليها وهي تعوم في دمائها فقال له صاحب الفأس ( أني مستعجل طبق لمرتك وعطيني فأسي)
دي الفاس الجابت لي الكلام معاكي ومع وضاحة والظاهر حظي مع النسوان ضارب من زمان وكل ما أقول حاجة أتلطش
مرة كتبت في النشاط بعنوان ( خســئت جامعة أنتن فيها ) وعينك ما تشوف إلا النار 0
الواحد فينا قال أحسن يمشي جنب الحيط ، لقينا موضوعك عن ضل الحيطة إتناولناه بأسلوب ناس زمان وجات الفاس في الراس ووضاحة وصفتنا بالجهل ولوقلنا كملنا القراية جوه وبره السودان حيقولوا لينا ( القلم ما بزيل بلم )
الرجاء الإستمرار فالبوست بنكهة جديدة لم يعهدها المنبر والله يوفقك
وزي ماناس آخر زمن جاهزين ( من حنانوا ) أدوا ناس زمان فرصة عشان تقارنوا
ضوالبيت
|
Post: #28
Title: Re: راجل شنو ... ضل حيطة بس
Author: اسعاد محمدانى
Date: 04-10-2013, 09:23 PM
Parent: #26
Quote: :
الأخت إسعاد
والله ما قلتي إلا الحقيقة ( أنا فعلا من زمن الفاس )
قربت أربعن يا ريت أربعن والله قربت أسبعن ( أحفادي في الجامعات)
دي الفاس الجابت لي الكلام معاكي ومع وضاحة والظاهر حظي مع النسوان ضارب من زمان وكل ما أقول حاجة أتلطش
مرة كتبت في النشاط بعنوان ( خســئت جامعة أنتن فيها ) وعينك ما تشوف إلا النار 0
الواحد فينا قال أحسن يمشي جنب الحيط ، لقينا موضوعك عن ضل الحيطة إتناولناه بأسلوب ناس زمان وجات الفاس في الراس ووضاحة وصفتنا بالجهل ولوقلنا كملنا القراية جوه وبره السودان حيقولوا لينا ( القلم ما بزيل بلم )
الرجاء الإستمرار فالبوست بنكهة جديدة لم يعهدها المنبر والله يوفقك
وزي ماناس آخر زمن جاهزين ( من حنانوا ) أدوا ناس زمان فرصة عشان تقارنوا
ضوالبيت |
الاخ ضؤالبيت سعيدة جد بحوارك ههههههههههههه تبري و تستبري من التلطش و انشاءالله ناس فلان و فلانة
بس بيني و بينك انت كمان عنوانك بعمل صداع نصفي
مودتي
|
Post: #14
Title: Re: راجل شنو ... ضل حيطة بس
Author: مها عبدالمنعم
Date: 04-08-2013, 01:06 PM
Parent: #1
سلامات يااسعاد
ضل الحيطه دا ذكرني قبل فتره كدا وفي اول تجربه اخراجيه لي عملت فلم وثايقي عن المطلقه كيف تستعيد حياته بعد الطلاق
سميتو ضل الحيطه ...كان مقصود نقول منو انه في بعض رجال اخير منهم ضل الحيطه واسع وكبير مش مايل وقصير
|
Post: #16
Title: Re: راجل شنو ... ضل حيطة بس
Author: عبداللطيف شريف على
Date: 04-08-2013, 02:54 PM
Parent: #14
يا جماعة فى شنوو
الدقو منو ...؟؟
الحكاية بين جيلين وحوار جميل ...
فعلا المفاهيم تغيرت ....
ولا لعودة الجاهلية وضرب النساء انا لا اسمح لزوج ابنتى بضربها مطلقا .......؟
الشيخ فى فتاوى على الهواء :::
(هدية لوضاحة الفنجرية)
الرجل :يا شيخنا مرتى شرانية وما بتسمع الكلام ....
الشيخ: اهجرهن فى المضاجع
الرجل : ذهبت الى مجلس الرجال ونمت هناك ,احضرت لى غطاء وقالت لى احسن خلصنا من خلقتك .....!
الشيخ : اضربها بطرف المسواك ...؟؟ (وش مبتسم شديد)
الرجل : يا شيخنا شالتنى ورمتنى بالبلكونة ....!.!! (وش اساريره متفحمه)
والزول شكله حيفتش له ضل حيطاية ....!.!!
جداد الخلاء وجداد الوادى مرحب بهم ....
|
Post: #24
Title: Re: راجل شنو ... ضل حيطة بس
Author: Nagat Sid Ahmed Elshiekh
Date: 04-08-2013, 07:49 PM
Parent: #16
| Quote: كلام الستره دا هو مربط الفرس , المراة قبل الزواج ما كانت مستورة في بيت ابوها ,, ضرب و اهانة و سترة في خطوط متوازية ما بتلموا ابداً |
سلام صاحبة البوست وضيوفها.....
كل شئ ولا إهانة كرامة الإنسان وخاصة المرأة وهي الزوجة الأخت والابنة،.
|
Post: #25
Title: Re: راجل شنو ... ضل حيطة بس
Author: محمد فضل الله المكى
Date: 04-08-2013, 08:05 PM
Parent: #24
| Quote: [Qقلت ليها البمد ايدوا على مراة ما راجل |
أفرض مادِّي إيدو عايز يناوِله الماهية؟
|
Post: #30
Title: Re: راجل شنو ... ضل حيطة بس
Author: اسعاد محمدانى
Date: 04-10-2013, 09:35 PM
Parent: #25
| Quote: أفرض مادِّي إيدو عايز يناوِله الماهية؟ |
الاخ محمد فضل الله المكي ماهية و الله دا موضوع داير بوست براهوا
معظم الرجال مابعترفوا اصلاً بالرقم الحقيقي مع وش عابس ^_^ و زعلان ههههههههههههههههههههه
|
Post: #29
Title: Re: راجل شنو ... ضل حيطة بس
Author: اسعاد محمدانى
Date: 04-10-2013, 09:27 PM
Parent: #24
Quote: سلام صاحبة البوست وضيوفها.....
كل شئ ولا إهانة كرامة الإنسان وخاصة المرأة وهي الزوجة الأخت والابنة،. |
مشكورة الاخت نجاة سيد احمد علي المرور و خليك طيبة
|
Post: #27
Title: Re: راجل شنو ... ضل حيطة بس
Author: اسعاد محمدانى
Date: 04-08-2013, 10:02 PM
Parent: #16
الاخت مها عبدالمنعم اتفق معاك تماماً و ما عارفة لمتين الجاية من السماء تتحملا الواطي
الاخ عبداللطيف تسلمي و لقدام و حقيقي ما في زول برضي بالاهانة
نواصل
ثريا طالبة في السنة الاخيرة بكلية علم النفس , تحاول جاهدة مساعدة النساء علي التغلب علي مشاكلهن تعمل تحت التدريب في عيادة اخصائي شهير , في احدي الايام الخريفية و هي تستقل ركشة من حي المسالمة مرورا بسوق العناقريب الي شارع الاربعين في فترة الظهيرة و كالعادة السوق في ظل الضجة و بطء حركة السير و اثناء محاولة صاحب الركشة التسلل خلال العربات لاجاد منفذ , فجاة اذا بسيدة اربعينية تركب في الركشة دون سابق انزار , سأل صاحب الركشة السيدة مستغرباً راكبه شنو طوالي بدون احم و لا دستور لم ترد السيدة , بل ظلت نظراتها و كانها في عالم ثاني , اوقفت ثريا صاحب الركشة عن محاولته لانزال السيدة , قائلة خليها بنوصلها في طريقنا و انا بدفع ليها , حاولت ثريا بهدوء التحدث للسيدة , المطر بعمل في السوق عمايل بطالة عليك النبي شوف البرجوب دا و الريحة العغفة دي بس الله يعين الناس الفارش تعبانة دي , لم تحرك السيدة ساكن لمحاولات ثريا العديدة , قبل صنية التجاني الماحي اوقفت الركشة و سألت صاحبة الركشة عن الحساب و رد صاحب الركشة الف جنية في تلك اللحظة خطرت فكرة علي راس ثريا و نزلت مع السيد و حاولت ان تدفع معها حسابها الا انها قالت , شكراً جزيلاً يا بتي انا معي قروش و ردت ثريا ممكن امشي معاك لقدام ردت السيدة انا ماشية التجاني الماحي محل المجانيين دحين بفوتي معي , ردت ثريا اي عندي زول عيان هناك , بدون مقدمات سألت المراة ثريا انتي متزوجة ردت ثريا لا لسة بس ادعي لي يا خالتي يجيني عريس , ابتسمت المراة معلقة مابنصحك , خليك كدا في بيت ابوك معززة مكرمة , و فجاة بدات الدمعة تسيل من خد السيدة قبل عشرين سنة عرست لي بتي كانت قمري زيك كدا في عز شبابها الا كان الزمن برجع مابعرس ليها , لايه يا خالة تقول كدا العرس ماسترة , دا كان زمان يا بتي و الرجال ماتوا في كرري , عشرين سنة بتي منجضة مشاكل البيوت الزمن دا ما زي زمان , طليقها الله لا رحموا دنيا و اخرة كان عذب بنيتي في الدنيا قبل الاخرة , مالوا يا خالة عمل ليها شنو , خلي عقلها يفوت عندها وليد من مشكل البيت طلع عندو مرضي الوحدة , قاصدة توحد يا خالة بس ياهوا دا , عشرين سنة صبر في شان الخوف من كلام الناس و في شان ما تكون عذبة و الناس تكل و شها في الطلعه و النزله , عشرة سنة يا بتي مابعرفها هي راجل و لا مراة و صبرة في شان و ليدها الا الصبر فات حدوا قبل ستة سنة عرس المسنوح , عرس ليهوا شنه و رنه في النادي و العروس اصغر منو بكتير و في دا كلوا سكنها مع بتي في البيت و فرض خدمة البيت كله علي بنيتي كلوا ما تشكي , بقول ليها يا بتي ضل الراجل مهم , الا يوم القدر كتب , حصل شنو يا خالة بتي كتلت المراة و بقت بتصرخ ليومنا الفينا دا , الصبر الصبرتوا بنيتي دا ايوب ما صبروا
|
Post: #31
Title: Re: راجل شنو ... ضل حيطة بس
Author: اسعاد محمدانى
Date: 04-10-2013, 09:40 PM
Parent: #27
حامد بدري · الأكثر تعليقا
عليمو الله يااختنا وبعيد عن ايو تنميط فوق سودانا ده تزعلو ولا ترضو مسؤولية ايو طلاق او تشتت اسري وراو راجل ضلول بس المشكلة ناس الاحصاء ماشايفين شغلوم
تعالو اعملو لينا دراسه سيسولوجية يالل
شكراً جزيلاً الاخ حامد بدري عفيت منك ما قلت الا الحقيقة
|
|
|