الإدارة العامة للجمارك السودانية - تعرفة جمارك السيارات وبعض الإجراءات

الإدارة العامة للجمارك السودانية - تعرفة جمارك السيارات وبعض الإجراءات


04-05-2013, 05:25 PM


  » http://sudaneseonline.com/cgi-bin/sdb/2bb.cgi?seq=msg&board=430&msg=1365179147&rn=0


Post: #1
Title: الإدارة العامة للجمارك السودانية - تعرفة جمارك السيارات وبعض الإجراءات
Author: Mohammed Abuzaid
Date: 04-05-2013, 05:25 PM


على موقع الادارة العامة للجمارك السودانية

1- جمارك العربات موديل 2013م
رابط صفحة الموقع
ملحوظة :
الأسعار قابلة للتغيير كل ساعة



Post: #2
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-05-2013, 05:31 PM
Parent: #1


2- الاستيراد المــــؤقــــــت للسيارات

لفتح الرابط اضغط هنا

Post: #3
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-05-2013, 05:34 PM
Parent: #2


3- قائمة الأمتعة الشخصية المعفاءة من الرسوم الجمركية للمغتربين فى حالة العودة النهائية


Post: #4
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-05-2013, 05:36 PM
Parent: #3


4- إجراءات تخليص الركاب وأمتعتهم


Post: #5
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-06-2013, 02:08 PM
Parent: #4


5- ضوابط استيراد السيارات المستعملة بواسطة الشرائح المستثناة
رابط الصفحة



Post: #6
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: mustafa bashar
Date: 04-06-2013, 02:17 PM
Parent: #5

سلامات
والله بوستك جميل
..
.
داير اسال عن جمارك ماكينة سيارة اذا عندك معلومات؟
احترامي الوافر

Post: #7
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-06-2013, 02:32 PM
Parent: #6


أستاذ مصطفى
حبابك يا جيش

للفائدة . . .
ولان الكتير من الشباب محتار بالسنين في اسعار الجمارك خصوصا جمارك العربات
وما بين سؤال موظفي السفارات والقنصليات وشركات الشحن واحيانا الاتصال على السودان

للاسف ما عندي فكرة عن موضوعك
وباذن الله يجي واحد من الشباب يديك الاكيدة


كل الود


Post: #8
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: mustafa bashar
Date: 04-06-2013, 04:14 PM
Parent: #7

تحيات
سؤال تاني
في واحد بيسأل عن بيع الاستحقاق الخاص بالإعفاء، وهو قد مر عليه سنوات سته
ونوى الرجوع الأخير
إلى البلد؟
..
..
تحياتي، والراجل ده مضايق بالحيل ، منتظر ردكم،
وماعنده قروش يشيل عربيه ولا عجلة من هنا!!!

Post: #9
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-06-2013, 08:59 PM
Parent: #8


تحياتي أستاذ mustafa bashar

Quote: ضوابط استيراد السيارات المستعملة بواسطة الشرائح المستثناة

بعد الاطلاع على أحكام قرار مجلس الوزراء رقم (274) لسنة 2010م بشأن حظر استيراد العربات المستعملة، وبعد التشاور مع الأجهزة المختصة كافة، أرجو أن انقل لكم التوجيه الرئاسي المتضمن لضوابط استيراد السيارات المستعملة للفئات المستثناة من قرار مجلس الوزراء، وذلك على النحو التالي:ـ
1.يقتصر استثناء استيراد السيارات المستعملة على أربع شرائح هي: الدبلوماسيون، المبعوثون، المعارون، المغتربون العائدون نهائياً للبلاد.
2.يسمح للفئات المذكورة باستيراد سيارة وفق الشروط والضوابط العامة الاتية:ـ
أ- يسمح باستيراد سيارة واحدة، صالون أو بوكس أو مركبة نقل عام مواد.
ب- ألا يتجاوز عمر السيارة (5) سنوات وفق الشروط والضوابط.
ج- يكون الاستيراد مرة واحدة في العمر.
3. تكون الضوابط الخاصة لكل من الفئات الأربعة على النحو التالي:ـ
أ) الدبلوماسيون:ـ
1- تقديم خطاب معتمد من وزارة الخارجية يحدد فترة العمل بالخارج وتاريخ العودة واستلام العمل برئاسة الوزراء.
2- لا تتعدى فترة سريان الاستفادة من هذا الاستثناء ستة أشهر، من تاريخ العودة للسودان.
ب) المبعوثون:ـ
1.لا تقل فترة البعثة عن سنتين.
2.خطاب من الجهة الباعثة تفيد بإكمال البعثة وحصوله على المؤهل العلمي ورجوعه للعمل.
3.إكمال إجراءات استيراد العربة خلال ستة أشهر من تاريخ العودة للبلاد.
ج) المعارون:ـ
1- لا تقل فترة الإعارة عن سنتين.
2- أن تكون الإعارة عبر جهة حكومية وليس تعاقداً شخصياً.
3- تقديم خطاب من الجهة الحكومية المختصة تحدد فترة الإعارة وتاريخ العودة واستلام العمل في وحدته.
4- إكمال إجراءات استيراد العربة خلال ستة أشهر من تاريخ العودة للبلاد.


Quote:
د) المغتربون العائدون نهائياً:ـ
1.لا تقل فترة العمل بالخارج عن ثلاث سنوات.
2.ان تكون العودة نهائية. ( بند غريب اذا كان العنوان اصلا هو ( المغتربون العائدون نهائيا )
3.تقديم صورة من مستندات تأشيرة العودة النهائية.
4.خطاب معتمد من جهاز تنظيم شؤون السودانيين العاملين بالخارج يحدد فترة ودولة الاغتراب وتأكيد العودة النهائية.
5.يتم التحقق من استيفاء تلك الشروط والضوابط وتنفيذ الاستثناءات مباشرة لدى سلطات الجمارك في ميناء الوصول وفي إدارة التخطيط بالرئاسة (ملكية العربة ، رخصة السير ….الخ).
6.تعنون الجهات المعنية الخطابات والوثائق المطلوبة لإغراض تنفيذ الاستثناءات للإدارة العامة للجمارك ممهورةً بتوقيع المسئول الأول في الوحدة او الادارة.


زولك ده مغترب ست سنوات وعايز يرجع نهائي . . .
أ- يسمح باستيراد سيارة واحدة، صالون أو بوكس أو مركبة نقل عام مواد.
ب- ألا يتجاوز عمر السيارة (5) سنوات وفق الشروط والضوابط. ( يعني من موديل 2009م )

وده لا يعني انه معفي من جمارك السيارة مهما كان وضعها . . . التقييم حسب الموديل

في تجار في السودان او في الغربة بتفتش لي زول عامل خروج نهائي زي زولك ده وما نازل بي سيارة
يتم الاتفاق معاه على مبلغ معين مقابل تخليص سيارة بأوراقه ( تقريبا يتم التنازل في محامي ) او حاجة زى كده
بس لازم توفر الضمان والثقة والمعرفة الشديدة بين الطرفين لان هنالك كميات من المشاكل حصلت في مسائل زي دي

بالنسبة للعفش الخاص بصاحب الخروج النهائي :-
بالاضافة الى ماهو موضح في الموقع . . .
يتم التصنيف حسب المهنة في الجواز
وبالتالي يزيد او ينقص عدد المسموح به من العفش لكل مهنة

وممكن الناس تستعين برضو بي أعضاء في المنبر ليهم خبرة في المجال
زي سعادتو صلاح الدين ابراهيم الفضل وكل الملمين بالموضوع من اعضاء المنبر

كل الود


Post: #10
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-06-2013, 09:36 PM
Parent: #8

Quote:
سلامات
والله بوستك جميل
..
.
داير اسال عن جمارك ماكينة سيارة اذا عندك معلومات؟
احترامي الوافر

تحياتى لصاحب البوست المفيد ....
وتوضيح للأخ مصطفى بشار بخصور بيع استحقاق استيراد سيارة مستعملة أو جديدة غير مستوفية لشرط الموديل ...
من الممكن بيع استحقاق العربة لشخص آخر حتى ولو كان غير مقيم بالخارج وذلك بشرط أن تكون السيارة مسجلة فى بلد الإقامة بإسم الشخص المقيم وأن يكون عائدا نهائيا للسودان ويكون قد أوفى بكل التزاماته الضريبية واثبات ذلك بادارة المغتربين وارجو أن اوضح لك بأن فى هذا مخالفة قانونية لو تم كشفها واثباتها مع انه من الصعب اثبات ذلك ... السيارة عند تخليصها من الجمارك تستخرج لها شهادة وارد ياسم الشخص المستفيد الأول وبعد ذلك له الحق فى بيعها لأى شخص ,,,,, وإذن الاستيراد يصدر من ادارة المغتربين بخطاب لادارة الجمارك ياسم المستفيد وموديل السيارة وسنة الصنع ورقم الشاسيه والماكينة ... والجمارك ما عليها الا تنفيذ الأمر ...... ارجو ان اكون قد اوفيت
وتحياتى للجميع


ضابط جمارك بالمعاش
وحاليا وكيل تخليص بجمارك الحاويات بسوبا

Post: #11
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-06-2013, 10:22 PM
Parent: #10

ودى لفائدة الجميع ....
قائمة بالأمتعة الشخصية المعفاة من الرسوم الجمركية للمستحقين المغتربين العائدين نهائيا ( نفس ضوابط استيراد السيارات ما عدا شرط الملكية )
يعنى لو التزمت بالكشف دة ما حاتدفع غير الرسوم الادارية ورسوم الارانيك الجمركية والتى لا تتجاوز 200 جنيه
.................................

يا جماعة والله غلبتنى عديل ارفع ليكم القائمة دى ولو فى اى متبرع ارسلها ليهو فى الايميل ويرفعها هنا لفائدة الجميع او بالعدم يشرحو لينا طريقة رفعها من الكمبيوتر لهذا البوست مع العلم اننى اتبعت كل الخطوات اللازمة لرفعها وقد سبق ان رفعت عدة صور ومستندات لكن المرة دى ابت عديل وفى كل مرة بتجينى رسالة خطأ كالآتى

One or more files failed to upload. The reasons returned are:

Bad file type : pdf

Post: #13
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: جمال محمود
Date: 04-07-2013, 06:04 AM
Parent: #11

Quote:
يا جماعة والله غلبتنى عديل ارفع ليكم القائمة دى ولو فى اى متبرع ارسلها ليهو فى الايميل ويرفعها هنا لفائدة الجميع


تحياتى سعادتك

[email protected]

Post: #14
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-07-2013, 07:50 AM
Parent: #10


يا سعادتك . . .

Quote: تحياتى لصاحب البوست المفيد ....
وتوضيح للأخ مصطفى بشار بخصور بيع استحقاق استيراد سيارة مستعملة أو جديدة غير مستوفية لشرط الموديل ...
من الممكن بيع استحقاق العربة لشخص آخر حتى ولو كان غير مقيم بالخارج وذلك بشرط أن تكون السيارة مسجلة فى بلد الإقامة بإسم الشخص المقيم وأن يكون عائدا نهائيا للسودان ويكون قد أوفى بكل التزاماته الضريبية واثبات ذلك بادارة المغتربين وارجو أن اوضح لك بأن فى هذا مخالفة قانونية لو تم كشفها واثباتها مع انه من الصعب اثبات ذلك ... السيارة عند تخليصها من الجمارك تستخرج لها شهادة وارد ياسم الشخص المستفيد الأول وبعد ذلك له الحق فى بيعها لأى شخص ,,,,, وإذن الاستيراد يصدر من ادارة المغتربين بخطاب لادارة الجمارك ياسم المستفيد وموديل السيارة وسنة الصنع ورقم الشاسيه والماكينة ... والجمارك ما عليها الا تنفيذ الأمر ...... ارجو ان اكون قد اوفيت
وتحياتى للجميع

ضابط جمارك بالمعاش
وحاليا وكيل تخليص بجمارك الحاويات بسوبا


ياخي مشكور على تلبية دعوتنا بحضوركم

وحقيقة الكثير من الشباب في حوجة ماسة جدا لمثل هذه الاستشارات المجانية
معاناة كبيرة جدا تبدأ من عدم الدراية بالجمارك عموما لدى معظم المغتربين
مرورا بإجراءات الجمارك ويمكن مزاجات بعض المسئولين


كل الود


Post: #12
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: محمد فضل ابراهيم
Date: 04-06-2013, 10:28 PM
Parent: #1

تحياتى لصاحب البوست المفيد ....
وتوضيح للأخ مصطفى بشار بخصور بيع استحقاق استيراد سيارة مستعملة أو جديدة غير مستوفية لشرط الموديل ...
من الممكن بيع استحقاق العربة لشخص آخر حتى ولو كان غير مقيم بالخارج وذلك بشرط أن تكون السيارة مسجلة فى بلد الإقامة بإسم الشخص المقيم وأن يكون عائدا نهائيا للسودان ويكون قد أوفى بكل التزاماته الضريبية واثبات ذلك بادارة المغتربين وارجو أن اوضح لك بأن فى هذا مخالفة قانونية لو تم كشفها واثباتها مع انه من الصعب اثبات ذلك ... السيارة عند تخليصها من الجمارك تستخرج لها شهادة وارد ياسم الشخص المستفيد الأول وبعد ذلك له الحق فى بيعها لأى شخص ,,,,, وإذن الاستيراد يصدر من ادارة المغتربين بخطاب لادارة الجمارك ياسم المستفيد وموديل السيارة وسنة الصنع ورقم الشاسيه والماكينة ... والجمارك ما عليها الا تنفيذ الأمر ...... ارجو ان اكون قد اوفيت
وتحياتى للجميع
ضابط جمارك بالمعاش
وحاليا وكيل تخليص بجمارك الحاويات بسوبا
=-=
شكرا سعادتو صلاح الدين ابراهيم للتوضيح والافادة؛
أخي الكريم نرجو بعض التوضيح ؛ لأن المغترب عند العودة النهائية لابد من اسقاط اي ملكية سيارة باسمه لعمل تأشيرة الخروج النهائي.
وحسب علمي يتم استخراج الاستثناء بعد عودة المغترب للبلد واثبات العودة النهائية بجهاز المغتربين ، وفي هذه الحالة لا يمكن للمغترب شراء سيارة باسمه لأنه أصبح بلا اقامة ، لذا يتم شراء السيارة باسم أحد المقيمين ببلاد المهجر حسب رغبة المغترب ويقوم بعمل اجراءات التصدير للسيارة ويشحنها باسم المغترب صاحب الاستثناء وشهادة الوارد تطلع باسم المستلم.
وأكرر لك الشكر والتقدير .

Post: #15
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-07-2013, 09:03 AM
Parent: #12


إنت قصدك ملف PDF الموجود في صفحة قائمة الأمتعة الشخصية المعفاءة من الرسوم الجمركية للمغتربين فى حالة العودة النهائية

3- قائمة الأمتعة الشخصية المعفاءة من الرسوم الجمركية للمغتربين فى حالة العودة النهائية

الملف نفسو لما تفتحو من موقع ادارة الجمارك بصيغة PDF بيظهر معاك منقوص البنود

حاولت رفعه بنفس الصيغة فشلت
واليك البنود الموجودة في الصفحة









ولو عندك ملف تاني ارجو الافادة والشباب قادرين يعالجو مشكلة الرفع


كل الود


Post: #16
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: mustafa bashar
Date: 04-07-2013, 09:55 AM
Parent: #15

شكرا ياشباب
محمد فضل ، محمد ابوزيد، جمال صلاح الدين

معلومات مفيده، ونحن نحتاجها جميعا بسبب ان الدولة في السودان لاتوفر معلومات واضحة،
واحيانا تكون فضفاضة للحد الذي يجعلك تعجز تماما عن فهم المطلوب ، مما يجعل التكلفة مرتفعة ، واحيانا احكاما مزاجية تطلق على قيم السلع،
وخصوصا ان المغترب شخص محدد بقوانين ولوائح يقيم بها في مكان خارج السودان،
كل الدول تقريبا اللوائح واضحة وثابتة ولها عشرات السنين دون تغيير.
لكن في بلدنا العزيز ، تحتاج ان تسال يوميا عندما تنوي عمل شيء

تحياتي لكم وافره

Post: #17
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-07-2013, 01:00 PM
Parent: #15


Quote: وذلك بشرط أن تكون السيارة مسجلة فى بلد الإقامة بإسم الشخص المقيم

إذا افترضنا ان المغترب وطوال فترة غربته, ما كان بيمتلك سيارة وعمل خروج نهائي . . .
هل ده يسقط انتفاعه بالاعفاء المقدم لاصحاب الخروج النهائي ؟ ؟ ؟


Quote: لأن المغترب عند العودة النهائية لابد من اسقاط اي ملكية سيارة باسمه لعمل تأشيرة الخروج النهائي.

حسب علمي . . .
المغترب لو عايز يطلع أي سيارة للسودان ( غير الافراج المؤقت - التريبتك ) . . .
لازم يسقط ملكية السيارة بعمل إجراءات ( تصدير السيارة )
زمان كان ممكن تشتري سيارة على الزيرو من الشركة وتقوم بإجراءت تصديرها مباشرة
الان لازم تنقل السيارة لملكيتك اولا وبعدها تبدأ في اجراءات التصدير.
صاحب الخروج النهائي حيقوم بنفس الاجراءات وبالتالي تسقط ملكية السيارة
في السعودية مثلا . . .



والله أعلم
كل الود


Post: #18
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: mustafa bashar
Date: 04-07-2013, 04:31 PM
Parent: #17

اخي محمد ابوزيد
سلامات
أشكر مجهودك الرائع بالتعريف بما يخص الإجراءات في السودان
..
..
ارجو ان اكون قد فهمت حدبثك جيدا ، فيما يختص بصديقي مغترب السنوات الست...
..
..
يعني المغترب يرجع السودان ويخلص من جهاز المغتربين ده اولا.
ويبدي عدم رجعه نهائيا
ثم بعد ذلك يرجع مكان اغترابه القديم،
ثم يجلب السيارة من هناك ولا كيف؟
اشرح لي هذه النقطة
واكون لك شاكرا ومقدرا

...
تحيات
..
..

Post: #19
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-07-2013, 07:52 PM
Parent: #18

أخيرا .....
وأرجو أن أكون قد وفقت برفع صورة من استحقاق المغترب من الأمتعة فى حالة العودة النهائية بالإضافة للاجراء الجديد وهوفى صالح المغتربين ويتمثل فى امكانية التمتع بالاعفاء الكامل من الامتعة الشخصية وانت لا زلت مغتربا يعنى معناهو الغاء شرط العودة النهائية وذلك بشرط ان يتمتع بهذا الاعفاء مرة واحدة طيلة فترة اغترابه على أن يقدم جوازه او صور منه ( الصفحة الاولى والثانية + صورة من الاقامة سارية المفعول فى حالة الجواز القديم ) أو الصفحة الرئيسية + صورة الاقامة فى حالة الجواز الالكترونى ) مع اقرار مشفوع باليمين بأن لا يكرر طلب اعفاء فى وقت آخر حتى انتهاء الاقامة والمقصود افتكر مرة واحدة فى العمر ......................................................................



برضو قالت لا ....... لاحظت انو حجم الفورم 277 كيلوبايت والباشمهندس بكرى محددة لينا بى 40 كيلوبايت اها العمل شنو والفورم مهم لأنو موضحة فيهو القائمة المحمية والشروط ودى المهمة جدا للكثيرين عشان ما يتورطو ساكت

Post: #20
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: محمد علي شقدي
Date: 04-08-2013, 06:48 AM
Parent: #19

يا ابو زيد ياخي رغم الارقام المخيفة والشروط الصعبه لكن
معرفة الكمين ولا الجهل به
تشكر كتير

Post: #21
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-08-2013, 10:03 PM
Parent: #20

فى انتظار الأخ جمال محمود
ياخى رسلت لي البتاع فى الإيميل لترفعه هنا لفايدة الجميع

Post: #22
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: سيد محمد احمد سيدنا
Date: 04-09-2013, 02:23 AM
Parent: #21



شكرا جزيلا اخى على البوست الجميل

المعلومات جيده جدا بس سؤال واحد

المغترب الذى عصف به كفيله او ظروفه وجاء الخرطوم انشغل بترتيب اوضاعه او اسرته

ومشت الايام والسنيين حقوا فى الاستحقاق ضاع ؟

تحياتى

سيد سيدنا

Post: #23
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Ahmed musa
Date: 04-09-2013, 04:38 AM
Parent: #22

بوست جميل ...
انا في زول عارض لي ياريس كزديل 2007 ..افراج .. دي بتتجمؤك ؟ وجماركها كم ؟ واجراءاتها كيف ؟ ونسعرها كم تقريبا وجماركها كم ؟؟
للعالمين

Post: #24
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: عمر الفاروق
Date: 04-09-2013, 05:52 AM
Parent: #23

تحياتي لصاحب البوست وزواره..
سؤال فني من صديق ..
هل العودة النهائية للمغترب مقصود بيها المغتربين من الرجال فقط ولا النساء بيشملهم الكلام ده ؟
يعني لو مرأة مغتربة هل يحق ليها تشيل معاها طلب جمارك عربية إضافة لي العفش ولا ما مسموح ليها خصوصاً إذا كانت مستوفية كل شروط المغتربين من تسديد رسوم وضرائب وزكاة..

السؤال التاني هل العودة النهائية لأسرة المغترب تدخل ضمن الفئة المعفية ؟؟ يعني راجل قرر يرجع أولاده نهائي بينما يواصل هو في الاغتراب ممكن يستفيد من الحاجات دي؟

السؤال الأخير ..
هل هناك فترة محددة للإعفاء ده؟ بمعنى إنو كتييير من الناس المغتربة بتتفاجأ بقرار السفر النهائي اذا كان بواسطة الكفيل وبالتالي ما بيكون معاها القروش والزمن الكافي لشراء الحاجات دي فهل بيدوك فترة كافية ترجع السودان ترتب وضعك وترسل قروشك يشتروا ليك الحاجات وتشحنا ولا لااازم الحاجات دي تكون بصحبة راكب؟؟

Post: #25
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: nazar hussien
Date: 04-09-2013, 07:55 AM
Parent: #24

كيف يتحصل المغترب ( العائد نهائيا) وبعدين عائد نهائيا دي ليش...
الما عائد نهائيا...ما بركب عربية...واللا ما بنوم ولا بكنس ولا بشرب من تلاجة...

ما يدو اي مغترب الحق في ادخال الحاجات البتهمو مرة واحدة ويختموها في جوازو
دي بتغلبهم؟؟؟؟

من الاجابات الفوق دي ....يبدو ان خطاب اعفاء جهاز المغتربين للجمارك دا عبارة عن كمين..
وذر رماد في عيون ساكت....

انا مغترب في جدة دي وختموا لي خروج نهائي...امشي بي خروجي النهائي
دا لي جهاز المغتربين يديني اعفاء عشان ابلو واشرب مويتو؟؟؟

واضح ان الموضوع فيه استهبال واستخفاف شديد بكل المغتربين...
وانا بي غادي فاتح بوست طويل عريض لذات الاستفسار...
وما لقيت اجابة واضحة...
فقد دقت ساعة العمل....ثورة...ثورة...ثورة...

Post: #32
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-11-2013, 09:41 AM
Parent: #25


الاخ الفاضل - nazar hussien
كل الاحترام والتقدير

Quote: كيف يتحصل المغترب ( العائد نهائيا) وبعدين عائد نهائيا دي ليش...
الما عائد نهائيا...ما بركب عربية...واللا ما بنوم ولا بكنس ولا بشرب من تلاجة...
ما يدو اي مغترب الحق في ادخال الحاجات البتهمو مرة واحدة ويختموها في جوازو
دي بتغلبهم؟؟؟؟

اولا خلينا نسلم بان الجمارك بتتكلم عن ( إستثناء ) ومغلف للناس ومقدم بمفهوم ( الاعفاء )
العفش لصاحب الخروج النهائي ده يسمى اعفاء ؟ ؟ ؟
قبل سنوات كان للمغترب تقييم احسن من الان وكان في اعفاء لسيارة ( معفاة من رسوم الجمارك )
الان استثناء لخمس سنوات عند اثباتك للخروج النهائي
ياخي ديل لليوم ما قادرين يربطو نظام ( الجباية ) بين جدة والخرطوم تقول لى يختموهو في جوازو ومرة واحدة !
انا بتكلم عن السيارات
بخصوص العفش ( تفضل سعادتو صلاح الدين )
Quote: واضح ان الموضوع فيه استهبال واستخفاف شديد بكل المغتربين...

نعم
لان المغتربين سلموا بكل ما فرض عليهم من قرارات
ودفعوا كل ما الزموا به من جبايات

كل الود

Post: #33
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-11-2013, 09:41 AM
Parent: #25


الاخ الفاضل - nazar hussien
كل الاحترام والتقدير

Quote: كيف يتحصل المغترب ( العائد نهائيا) وبعدين عائد نهائيا دي ليش...
الما عائد نهائيا...ما بركب عربية...واللا ما بنوم ولا بكنس ولا بشرب من تلاجة...
ما يدو اي مغترب الحق في ادخال الحاجات البتهمو مرة واحدة ويختموها في جوازو
دي بتغلبهم؟؟؟؟

اولا خلينا نسلم بان الجمارك بتتكلم عن ( إستثناء ) ومغلف للناس ومقدم بمفهوم ( الاعفاء )
العفش لصاحب الخروج النهائي ده يسمى اعفاء ؟ ؟ ؟
قبل سنوات كان للمغترب تقييم احسن من الان وكان في اعفاء لسيارة ( معفاة من رسوم الجمارك )
الان استثناء لخمس سنوات عند اثباتك للخروج النهائي
ياخي ديل لليوم ما قادرين يربطو نظام ( الجباية ) بين جدة والخرطوم تقول لى يختموهو في جوازو ومرة واحدة !
انا بتكلم عن السيارات
بخصوص العفش ( تفضل سعادتو صلاح الدين )
Quote: واضح ان الموضوع فيه استهبال واستخفاف شديد بكل المغتربين...

نعم
لان المغتربين سلموا بكل ما فرض عليهم من قرارات
ودفعوا كل ما الزموا به من جبايات

كل الود

Post: #31
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-11-2013, 09:15 AM
Parent: #23


الاستاذ - Ahmed musa
تحياتي

Quote: انا في زول عارض لي ياريس كزديل 2007 ..افراج .. دي بتتجمؤك ؟ وجماركها كم ؟ واجراءاتها كيف ؟ ونسعرها كم تقريبا وجماركها كم ؟؟

انت بتتكلم عن ( افراج ) يعني افراج مؤقت

الاستثناء لاصحاب الخروج النهائي لموديلات خمس سنوات
تقريبا من موديل العام 2009م

( ولكل قاعدة . . . كاش وضهر قوي )

كل الود

Post: #30
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-11-2013, 08:57 AM
Parent: #22


الاخوة الافاضل
سيد محمد احمد سيدنا
عمر الفاروق
تحياتي

تمت الاجابة من قبل سعادتو صلاح الدين
( لا يفتى ومالك بالمدينة )
مشكور يا سعادتك ولك حق الاجابة مباشرة على أي سؤال

كل الود

Post: #26
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: جمال محمود
Date: 04-09-2013, 08:58 AM
Parent: #21

Quote: فى انتظار الأخ جمال محمود
ياخى رسلت لي البتاع فى الإيميل لترفعه هنا لفايدة الجميع


يا مان سلام

ما وصل الايميل !

Post: #27
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-09-2013, 09:15 PM
Parent: #26

هذه محاولة للإجابة على بعض الإستفسارات وذلك بعد إذن صاحب اليوست .......
Quote: المغترب الذى عصف به كفيله او ظروفه وجاء الخرطوم انشغل بترتيب اوضاعه او اسرته

ومشت الايام والسنيين حقوا فى الاستحقاق ضاع ؟

للأخ سيد محمد احمد ... مدة السماح للإستفادة من الإعفاء هو عام من تاريخ الدخول للسودان وهو موضح فى ختم الدخول بالجواز وفى حالة الظروف الإستثنائية فى تقديرى يمكن تمديد الفترة وذلك يرجع لجهاز السودانيين بالخارج والجمارك ما عندها دخل بالموضوع وهى تنفذ قانون جهات أخرى فقط يعنى بالواضح جهاز المغتربين هو الجهة المفوضة لمنح الإعفاء وكذلك استثناء السيارات من شرط الموديل وليس الجمارك..

Quote: هل العودة النهائية للمغترب مقصود بيها المغتربين من الرجال فقط ولا النساء بيشملهم الكلام ده ؟
يعني لو مرأة مغتربة هل يحق ليها تشيل معاها طلب جمارك عربية إضافة لي العفش ولا ما مسموح ليها خصوصاً إذا كانت مستوفية كل شروط المغتربين من تسديد رسوم وضرائب وزكاة..

السؤال التاني هل العودة النهائية لأسرة المغترب تدخل ضمن الفئة المعفية ؟؟ يعني راجل قرر يرجع أولاده نهائي بينما يواصل هو في الاغتراب ممكن يستفيد من الحاجات دي؟




الأخ عمر الفاروق ... العودة النهائية التى تمنح المغترب أعفاء لأمتعته الشخصية وحق استيراد سيارة على لا يتجاوز عمرها 5 سنوات هى حق للشخص الذى أكمل ثلاثة سنوات إغترلب وعاد نهائيا ويمكن اثبات ذلك بإلغء الإقامة وقام بسداد كل التزاماته الضريبية وبالنسبة للسيارة يجب أن تكون مملوكة للمغترب ببلد الغربة أما بالنسبة لأسرته إذا فيها شخص يعمل هناك واستوفى كل الشروط السابقة فهو يستحق اعفاء منفصلا والجمارك تشترط أن يكون مكان الشحن هو من بلد الأغتراب ....
بالنسبة للسؤال الثانى من حق المغترب أن يستفيد من اعفاء الامتعة الشخصية فقط وذلك بشحن امتعته المضمنة فى كشف الأمتعة الشخصية الموضح فى مداخلة سابقة دون ان ينهى فترة اغترابه وذلك كالآتى :
ابراز الصورة الاولى والثانية من جواز السفر مع صورة من الإقامة وذلك فى حالة شحنه لأمتعته دون استقبالها بالسودان على أن تكون البوليصة باسمه مع إرفاق اشهاد مشفوع باليمين موثق من السفارة السودانية ببلد الإغتراب بأن لا يطالب بأى اعفاء من الرسوم الجمركية طيلة فترة اغترابه يعنى مرة واحدة فى العمر وذلك بعد عمر طويل انشاء الله............

الأخ جمال محمود

Quote: يا مان سلام

ما وصل الايميل !


يا راجل والله رسلتو ليك ( شوف الجنك ميل )
على العموم تانى برسلو ليك

Post: #34
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-11-2013, 09:50 AM
Parent: #27


الاخ العزيز - صلاح الدين ابراهيم الفضل
تحياتي

( لا يفتى ومالك بالمدينة )
مشكور يا سعادتك ولك حق الاجابة مباشرة على أي سؤال

بخصوص الملف ارجو ارساله لي على الايميل . . .
[email protected]
بعد اذن الاستاذ جمال محمود

وسأقوم بعمل اللازم لرفعه لفائدة الجميع

كل الود

Post: #29
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-11-2013, 08:12 AM
Parent: #20


شقدي يا حبيب
اهلا وسهلا
Quote: يا ابو زيد ياخي رغم الارقام المخيفة والشروط الصعبه لكن
معرفة الكمين ولا الجهل به
تشكر كتير

مشكلتنا حتى الدراية والمعرفة الممكن تخلينا نناقش او نعترض ما موجودة
جهاز المغتربين بدل يكون عون للمغترب ومعبر عن حاله ومناقش ومقدر لاحواله
للأسف اصبح اداة تسيير قرارات وموجهات واداة جباية ليس الا
وليس له أي علاقة لا من قريب ولا بعيد بهموم المغترب
سكوت المغترب عن كل شئ وفي كل شئ هو السبب الاساسي لما اوصلنا اليه جهاز المغتربين

كل الود

Post: #28
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-11-2013, 07:52 AM
Parent: #18


الاخ الفاضل - mustafa bashar
تحياتي
وعذرا للتأخر
Quote: ارجو ان اكون قد فهمت حدبثك جيدا ، فيما يختص بصديقي مغترب السنوات الست...
..
..
يعني المغترب يرجع السودان ويخلص من جهاز المغتربين ده اولا.
ويبدي عدم رجعه نهائيا
ثم بعد ذلك يرجع مكان اغترابه القديم،
ثم يجلب السيارة من هناك ولا كيف؟


زولك حسب ما فهمت مغترب ليهو ست سنوات
وعايز يعمل خروج نهائي وعايز يستفيد من الاعفاء ( فرق الموديل ) ببيعه للغير

انا شرحت موضوع التصدير للسيارة من بلد الاغتراب من خلال تجربة غربة
وللاسف حتى موظفي السفارات او القنصليات ما بتلقى منهم فائدة في موضوع الخروج النهائي ده

اجراءات الداخل ( السودان ) ما عندي فيها معلومية
والسؤال يوجه مباشرة لسعادتو هو الممكن يفتينا في المسألة دي

كل الود

Post: #35
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: mustafa bashar
Date: 04-11-2013, 12:33 PM
Parent: #28

الأخ العزيز محمد ابوزيد

سلامات واحترامات
شكرا لمجهودك الرائع التنويري فيما يخص المغتربين
..
..
ننتظر سعادتو بخصوص الرد
يعني المغترب معفي من فرق الموديل فقط؟
كم تساوي نسبة الفرق في الموديل في المائة؟
اذا اعتبرنا السيارة اكسنت موديل 2009؟
1-كم هي قيمة لجمارك لها كاملة لل(اكسنت)؟
2- جمارك مع فرق الموديل؟
حتى يكون الشخص يمتلك مساحة للمقارنة بين الاسعار الجمركية الامختلفة..
لك مني الود أجزله

مصطفى بشار

Post: #36
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-11-2013, 10:06 PM
Parent: #35

Quote:
زولك حسب ما فهمت مغترب ليهو ست سنوات
وعايز يعمل خروج نهائي وعايز يستفيد من الاعفاء ( فرق الموديل ) ببيعه للغير

انا شرحت موضوع التصدير للسيارة من بلد الاغتراب من خلال تجربة غربة
وللاسف حتى موظفي السفارات او القنصليات ما بتلقى منهم فائدة في موضوع الخروج النهائي ده

اجراءات الداخل ( السودان ) ما عندي فيها معلومية
والسؤال يوجه مباشرة لسعادتو هو الممكن يفتينا في المسألة دي


الأخوة الأفاضل
لا تخلطو بين الاستثناء والأعفاء .....
الاستثناء خاص باستيراد سيارات المغتربين عند العودة النهائية واستوفو كل الشروط التى اوضحناها سابقا وللأخ صاحب السؤال الاستئناء الغرض منه ان يجلب المغترب السيارة التى كان يمتلكها وهو بالغربة على ان لا يتجاوز عمرها خمسة سنوات وطبعا طالما السيارة ملكه بحضر مستندات الملكية لابرازها لسلطات المغتربين وطبعا هو بكون شحنها قبل عودته للبلاد وطالما هو يملك هذه المستندات واستوفى الشروط فمن حقه التمتع بالاستثناء ( والاستئناء لا يعنى اعفاء من الرسوم الجمركية ويدفعها زيو وزى اى مواطن مقيم داخل السودان فقط هو يتميز عنهم بامكانية ادخال سيارة موديل متأخر لخمسة سنوات والمواطن العادى لا يمكنه االا استيراد سيارة موديل السنة )

Quote: ننتظر سعادتو بخصوص الرد
يعني المغترب معفي من فرق الموديل فقط؟
كم تساوي نسبة الفرق في الموديل في المائة؟
اذا اعتبرنا السيارة اكسنت موديل 2009؟
1-كم هي قيمة لجمارك لها كاملة لل(اكسنت)؟
2- جمارك مع فرق الموديل؟
حتى يكون الشخص يمتلك مساحة للمقارنة بين الاسعار الجمركية الامختلفة..
لك مني الود أجزله


الأخ الكريم ....
فرق الموديل لا يعنى شىء بالنسبة للرسوم الجمركية وهو يعنى فقط السماح باستيراد سيارة متأخرة عن السنة الحاضرة حتى خمسة سنوات فقط كما ذكرنا أعلاه .... ولكن بالتأكيد الرسوم الجمركية تقل عن رسوم سيارة موديل السنة الحاضرة يعنى سيارة موديل 2012 تقل رسومها بمقدار 10% و2011 تنقص 20% و2010 تنقص 30% وهكذا دواليك حتى 50% كحد أقصى للتخفيض ويتم ذلك بغض النظر عن حالة السيارة وعدد الكيلومترات .

Quote: بخصوص الملف ارجو ارساله لي على الايميل . . .


الأخ محمد ابوزيد
بخصوص الملف هو تقريبا نفس الأشياء التى ظهرت فى أحد المداخلات ولكن تأتى اهميته فى انه الفورم الأصلى الصادر من الجمارك واسفله شروط استيفاء الأعفاء مع أهم شىء وهو الأعفاء الجزئى والذى من خلاله يمكن للمغترب الاستفادة من اعفاء الامتعة الموضحة بالكشف وهو لا زال مغتربا ولا ينوى العودة للبلاد وانشاء الله ارسله لك فى الايميل الموضح
وشكرى وتقديرى لصاحب البوست ولجميع المتداخلين وانا على اتم استعداد للرد على استفسار ما استطعت الى ذلك سبيلا

Post: #37
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Dr. Ahmed Amin
Date: 04-13-2013, 09:00 PM
Parent: #36

سلام وتحية أخي محمد أبوزيد ..

وشكر وتقدير جنــابو صــلاح الدين الفضل ..

عندي إستفسار (حتى نتمكن من معرفة الطريقة التي تحسب بها الجمارك) ..

سيارة موديل 2013 (على الزيرو) سعرها كمثال 16000 دولار ( ستة عشر الف دولار)

كم من الممكن أن تكون جماركها ؟ ( كل الرسوم) ...

انتظر اجابة هذا السؤال للأهمية ...

Post: #38
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-13-2013, 09:43 PM
Parent: #37

Quote:
سلام وتحية أخي محمد أبوزيد ..

وشكر وتقدير جنــابو صــلاح الدين الفضل ..

عندي إستفسار (حتى نتمكن من معرفة الطريقة التي تحسب بها الجمارك) ..

سيارة موديل 2013 (على الزيرو) سعرها كمثال 16000 دولار ( ستة عشر الف دولار)

كم من الممكن أن تكون جماركها ؟ ( كل الرسوم) ...

انتظر اجابة هذا السؤال للأهمية ...


الأخ الفاضل د. احمد امين
الرسوم الجمركية تحسب من القيمة التى بحوزة قسم العربات والتى تقديمها بواسطة السفارة السودانية ببلد المنشأ ولا تحسب بفاتورة الشراء المقدمة بواسطة المورد ...... أما بخصوص اقتراحك بأن قيمة السيارة موديل 2013 بواقع 16000 دولار فهى تحسب كالآتى :-

اولا القيمة 16000 ×102% = 16320 $ (CIF) وتعنى القيمة حتى وصولها لميناء التخليص يعنى التأمين وكدة .
ثانيا تحويل القيمة أعلاه للجنيه السودانى -- 16320× 4.42 = 72134.4 ج سودانى ( حسب سعر الدولار الجمركى حاليا )
جملة الرسوم حوالى 190% من القيمة بالجنيه السودانى وتعادل :- 137055.36 طبعا دى بالتقريب ....
وكان صبرت لى بديك النجيضة بس أهم حاجة انت ادينى المعلومات كاملة كالآتى :-
1/ ماركة وموديل السيارة
2/ سنة الصنع بالسنة والشهر
3/ السى سى ( يعنى سعة الماكينة ونوع الوقود )
4/ دبل كابين ولا كابينة واحدة ( ده فى حالة البكاسى )
5/ عدد الأبواب
6/ التكييف
7/ القير اتوماتيك أم عادى
والحاجات دى يتوقف عليها تقييم السيارة
وتحياتى لصاحب البوست والزوار

Post: #40
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Dr. Ahmed Amin
Date: 04-13-2013, 10:01 PM
Parent: #38

Quote: وكان صبرت لى بديك النجيضة بس أهم حاجة انت ادينى المعلومات كاملة كالآتى :-
1/ ماركة وموديل السيارة
2/ سنة الصنع بالسنة والشهر
3/ السى سى ( يعنى سعة الماكينة ونوع الوقود )
4/ دبل كابين ولا كابينة واحدة ( ده فى حالة البكاسى )
5/ عدد الأبواب
6/ التكييف
7/ القير اتوماتيك أم عادى
والحاجات دى يتوقف عليها تقييم السيارة


شكراً جنابو صلاح الدين .ز ويديك العافية .ز ما قصرت ..

ساعود بالمعلومات باسرع ما يمكن ...

احترامي

Post: #42
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-14-2013, 09:28 AM
Parent: #37


دكتور أحمد أمين
تحياتي

Quote: اولا القيمة 16000 ×102% = 16320 $ (CIF) وتعنى القيمة حتى وصولها لميناء التخليص يعنى التأمين وكدة .
ثانيا تحويل القيمة أعلاه للجنيه السودانى -- 16320× 4.42 = 72134.4 ج سودانى ( حسب سعر الدولار الجمركى حاليا )
جملة الرسوم حوالى 190% من القيمة بالجنيه السودانى وتعادل :- 137055.36 طبعا دى بالتقريب

بحسب ما جاء في كلام جنابو صلاح الدين . . .
الواحد عشان يصدر سيارة للسودان حيتكلف ما يعادل ثلاثة اضعاف قيمتها
! ! ! ! ! !
! ! ! ! ! !
السؤال . . .
ماذا قدمت الدولة للمغترب من امتيازات ! ! !
والمغترب شايل عن الدولة ملايين الهموم اذا هى لم تنتبه لذلك

كل الود

Post: #43
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-14-2013, 09:41 AM
Parent: #36


يا سعادتك
تحياتي
Quote: الأخ محمد ابوزيد
بخصوص الملف هو تقريبا نفس الأشياء التى ظهرت فى أحد المداخلات ولكن تأتى اهميته فى انه الفورم الأصلى الصادر من الجمارك واسفله شروط استيفاء الأعفاء مع أهم شىء وهو الأعفاء الجزئى والذى من خلاله يمكن للمغترب الاستفادة من اعفاء الامتعة الموضحة بالكشف وهو لا زال مغتربا ولا ينوى العودة للبلاد وانشاء الله ارسله لك فى الايميل الموضح

وصلني الايميل مع ملف مرفق
والملف المرفق محمي ( راجع ايميلك لفك الحماية )





كل الود

Post: #39
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: محمد فضل ابراهيم
Date: 04-13-2013, 09:57 PM
Parent: #1

وكان صبرت لى بديك النجيضة بس أهم حاجة انت ادينى المعلومات كاملة كالآتى :-
1/ ماركة وموديل السيارة
2/ سنة الصنع بالسنة والشهر
3/ السى سى ( يعنى سعة الماكينة ونوع الوقود )
4/ دبل كابين ولا كابينة واحدة ( ده فى حالة البكاسى )
5/ عدد الأبواب
6/ التكييف
7/ القير اتوماتيك أم عادى
والحاجات دى يتوقف عليها تقييم السيارة
وتحياتى لصاحب البوست والزوار
=-=
شكراً سعادتو على التنوير جزاك الله خير
1/ سيارة هيونداي توسان .
2/ موديل 2013 أو 2014
3/2000 سي سي بنزين
5/ الابواب 4
6/ تكييف
7/ قير اتوماتيك.
ـ فتحة سقف .
ـ سي دي .
ـ بدون كاميرا خلفية.
ـ دفع ثنائي (والدفع الرباعي).
ـ قيمتها 19 ألف دولار تقريباً.

* وتكملة الجميل قيمة السيارة في السوق .

ومرة أخرى جزاك الله خير
وشكرا لصاحب البوست

Post: #41
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: nazar hussien
Date: 04-14-2013, 07:18 AM
Parent: #39

ابواب البيوت الداخلية 100 في 215 (خشبية) 12 باب جماركا كم؟؟؟
وبالمرة الباركيه البغطي مساحة 215 متر مربع مبنية بي كم؟؟؟

ننفك من البناء يطلعوا لينا ناس الجمارك...
ننتهي من ناس الجمارك...ونودي حاجاتنا يسرقوها...
نأجر...المستأجر يكسر الاقفال والمواسير واللمبات...
نشيل ايجارو نصلح بيه...تصحي الصباح تلقاه
في دنقلا...

تشتكيه في محكمة الامتداد...يقولوا ليك امش اعلنو...
تشيل الاعلان...المعلن يقول ليك داير خمسين الف
تديه الخمسين الف يقول ليك وين حق الترحيل...
ترحلوا يقول ليك عليك الله اقيف لي جنب محل الصعوط دا
تقيف ليه...يتونس ويسف ويجيك...يقول ليك هسي الوقت راح
نتلاقي بكرة...تلاقيه بكرة...يقول ليك نسيت اوراق الاعلان
في المحكمة...تمشي معاه المحكمة تلقي زول تاني دافع ليه
اكتر منك يسوقوا بي باب تاني وانت مستني...

تنزل تفتش ليه...ما تجاوبك الا ست الشاي...

وتتعوض الله في باركيهك وخمسينك وايجارك ومواسيرك ولمباتك...دا كان لقيت موتور الموية في محلو

Post: #44
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-14-2013, 09:48 AM
Parent: #41


السؤال من الاخ Mohamed Taha
من على شريط الفيس بوك


نص السؤال . . .
Quote: سؤال يا شباب
هل بالضرورة تكون ملكية السيارة تامة معاك 6 شهور حتى تستحق الاستثناء
؟ ؟ ؟


كل الود

Post: #45
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-14-2013, 10:17 AM
Parent: #41


الأخ المبجل
nazar hussien
تحياتي

Quote: تديه الخمسين الف يقول ليك وين حق الترحيل

Quote: تلقي زول تاني دافع ليه
اكتر منك يسوقوا بي باب تاني وانت مستني

Quote: وتتعوض الله في باركيهك وخمسينك وايجارك ومواسيرك ولمباتك...دا كان لقيت موتور الموية في محلو

هذا هو حالنا وما الت اليه احوالنا
سلمنا وركنا وسنسلم ونركن . . .
اذا لم يكن هنالك وعى يبث في اساس المجتمع
للمطالبة بكامل الحقوق والإلتزام بكل الواجبات
وما ضاع حق وراءه مطالب
مع العلم ان اليد الواحدة ما بتصفق

كل الود


Post: #46
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: عمر الفاروق
Date: 04-14-2013, 11:42 AM
Parent: #45

هل يمكن للمرأة تصدير سيارة موديل قديم من السعودية تحديداً في حال الخروج النهائي وهي طبيبة جاءت بفيزا مستقلة ؟؟ خصوصاً وإنو قيادة المرأة غير مسموح بها وبالتالي لا أتوقع أنه يسمح بنقل ملكية السيارة للمرأة ..دي إجابة إجتهادية مني بكن صحبي عايز إجابة نجيضة لو زول عندو الأكيدة.. 

Post: #47
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: nazar hussien
Date: 04-14-2013, 02:26 PM
Parent: #46

Quote: هل يمكن للمرأة تصدير سيارة موديل قديم من السعودية تحديداً في حال الخروج النهائي
وهي طبيبة جاءت بفيزا مستقلة ؟؟ خصوصاً وإنو قيادة المرأة غير مسموح بها وبالتالي لا أتوقع أنه
يسمح بنقل ملكية السيارة للمرأة ..دي إجابة إجتهادية مني بكن صحبي عايز إجابة نجيضة لو زول عندو الأكيدة..


يا عمر كان مرأة كان راجل...أغلب قوانين العالم دا لا تسمح بتسجيل ملكية سيارة لشخص
لا يحمل رخصة قيادة سارية المفعول ومعترف بها لدي الدولة المطلوب تسجيل الملكية لديها..
يا رخصة قيادة...يا رخصة تجارية...

Post: #48
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-14-2013, 09:05 PM
Parent: #39

Quote: 1/ سيارة هيونداي توسان .
2/ موديل 2013 أو 2014
3/2000 سي سي بنزين
5/ الابواب 4
6/ تكييف
7/ قير اتوماتيك.
ـ فتحة سقف .
ـ سي دي .
ـ بدون كاميرا خلفية.
ـ دفع ثنائي (والدفع الرباعي).
ـ قيمتها 19 ألف دولار تقريباً.

* وتكملة الجميل قيمة السيارة في السوق .
[/QUOTE

الأخ محمد فضل ابراهيم

تجد أدناه رسوم كل سيارات التوسان وزى ما قلنا سابقا فاتورة الشراء لا قيمة لها عند التقييم فقط يؤخذ بالتقييم الموجود عند الجمارك وقد حصلو عليه من الملحقيات الاقتصادية ببلد منشأ كل سيارة ...


Quote: توكسان أتوماتيك 2000CC ( دفع رباعى)


دفع رباعى


108000 جنيه

توكسان أتوماتيك 2000 CC ( بنزين /فتحة سقف)


دفع رباعى


112500 جنيه

توكسان أتوماتيك 2000 CC ( بنزين)


دفع ثنائى


103000 جنيه

توكسان أتوماتيك 2000 CC ( بنزين فتحة سقف)


دفع رباعى


107500 جنيه

توكسان أتوماتيك 2000 CC ( جـــــاز)


دفع رباعى


113200 جنيه

توكسان أتوماتيك 2000 CC ( جاز/عادية)


دفع ثنائى


110600 جنيه

توكسان أتوماتيك 2700CC ( بنزين)


دفع رباعى


147600 جنية

توكسان أتوماتيك 2700CC ( بنزين- فتحة سقف)


دفع رباعى


151500 جنيه

توكسان أتوماتيك 2700CC ( بنزين)


دفع رباعى


130200 جنيه


أما بخصوص قيمة السيارة فى السوق ... وعد منى أجيب ليك الأكيدة
ولك ودى

Post: #49
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: محمد فضل ابراهيم
Date: 04-15-2013, 06:58 PM
Parent: #48

أما بخصوص قيمة السيارة فى السوق ... وعد منى أجيب ليك الأكيدة
ولك ودى
=-=
الأخ صلاح الدين ابراهيم الفضل
مع التحية والتقدير
عارفك ما بتقصر
جزاك الله خير
محمد فضل ابراهيم

Post: #50
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-15-2013, 07:42 PM
Parent: #49

الأخ محمد فضل
تحياتى .... كما وعدتك استفسرت عن سعر السيارة توسان 2013 فل اتوماتيك على الزيرو من احد التجار المتخصصين فى هذا الصنف من السيارات وعندو معرض شرق منزل الزعيم الأزهرى فأفدنى بهبوط عام فى اسعار السيارات وأن سعر التوسان الآن وصل ل 240 الف جنيه وقد كان قبل حوالى الشهر يتراوح بين 300 الى 280 الف جنيه ..... اها يا اخوى ضرب اخماسك على اسداسك وشوف حتعمل شنو ؟

Post: #51
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Dr. Ahmed Amin
Date: 04-15-2013, 08:12 PM
Parent: #50

سلام اخي محمد ابوزيد ..

Quote: بحسب ما جاء في كلام جنابو صلاح الدين . . .
الواحد عشان يصدر سيارة للسودان حيتكلف ما يعادل ثلاثة اضعاف قيمتها
! ! ! ! ! !
! ! ! ! ! !
السؤال . . .
ماذا قدمت الدولة للمغترب من امتيازات ! ! !
والمغترب شايل عن الدولة ملايين الهموم اذا هى لم تنتبه لذلك

كل الود


يعني زمان كانوا بقولوا قيمة جمارك العربية " تشتري عربية ليك والثانية للدولة"
هسي شايف الحكاية بقت كتيره .. يعني اظنها بقت " تشتري عربية ليك والثانية للحكومة والثالثة لـ ......... وين يا ربي؟؟

والله سيئ مؤسف بحق وبلدنا دي بالصورة دي لا حينفع فيها استثمار ولا غيره .. مش لو غيروا القانون ..

حلييييييل سودانا الزمان ياخ ...

Post: #54
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-16-2013, 09:41 AM
Parent: #51


Dr. Ahmed Amin حبابك

Quote: يعني زمان كانوا بقولوا قيمة جمارك العربية " تشتري عربية ليك والثانية للدولة"
هسي شايف الحكاية بقت كتيره .. يعني اظنها بقت " تشتري عربية ليك والثانية للحكومة والثالثة لـ ......... وين يا ربي؟؟
والله سيئ مؤسف بحق وبلدنا دي بالصورة دي لا حينفع فيها استثمار ولا غيره .. مش لو غيروا القانون ..
حلييييييل سودانا الزمان ياخ ...

هههههه
نسأل الله السلامة وسرعة الجرى

كل الود والإحترام


Post: #52
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: محمد فضل ابراهيم
Date: 04-15-2013, 08:43 PM
Parent: #50

توكسان أتوماتيك 2000 CC ( بنزين)
دفع ثنائى
103000 جنيه
=-=
الأخ محمد فضل
تحياتى .... كما وعدتك استفسرت عن سعر السيارة توسان 2013 فل اتوماتيك على الزيرو من احد التجار المتخصصين فى هذا الصنف من السيارات وعندو معرض شرق منزل الزعيم الأزهرى فأفدنى بهبوط عام فى اسعار السيارات وأن سعر التوسان الآن وصل ل 240 الف جنيه وقد كان قبل حوالى الشهر يتراوح بين 300 الى 280 الف جنيه ..... اها يا اخوى ضرب اخماسك على اسداسك وشوف حتعمل شنو ؟
=-=
مرة ثانية وثالثة والى ما لا نهاية شكراً الأخ صلاح الدين
ما قصرت تب
قيمة السيارة حوالي 71 الف ريال سعودي + جمارك 103 ألف جنيه تقريبا + استخدام شهرين تلاتة (الاجازة) ومن ثم ضرب اخماس × اسداس كما قلت سعادتك
ومن ثم
يا خسرنا وكسرنا يا جبرنا
مع الشكر والتقدير وكل الاحترام

Post: #53
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: Mohammed Abuzaid
Date: 04-16-2013, 09:23 AM
Parent: #52


الأخ الفاضل جنابو صلاح الدين
تحياتي

مشكور كتير ولا عدمناك
وصل الملف



كل الود


Post: #55
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: nazar hussien
Date: 04-16-2013, 09:58 AM
Parent: #53

يا محمد ويا شباب
تحياتي

الابواب الخشب...للبيوت 100 في 215 جماركا بي كم

Post: #56
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-16-2013, 08:42 PM
Parent: #55

Quote: يا محمد ويا شباب
تحياتي

الابواب الخشب...للبيوت 100 في 215 جماركا بي كم


الأخ نزار

أدينى فرصة ليوم بكرة وأجيب ليك الأكيدة

Post: #57
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: nazar hussien
Date: 04-16-2013, 10:50 PM
Parent: #56

والله انت اللي فيهم بارك الله فيك
اها هادي قعدة في الضل يا حبيب

Post: #58
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: صلاح الدين ابراهيم الفضل
Date: 04-17-2013, 08:56 PM
Parent: #57

Quote:

والله انت اللي فيهم بارك الله فيك
اها هادي قعدة في الضل يا حبيب


الأخ نزار حسين وحسب وعدى لكم تؤخذ الرسوم الجمركية على الأبواب الخشبية كالآتى :-

الأصل فى تقييم الجمارك هو 550 دولار للطن الواحد يعنى التقييم بالوزن وليس بالقطعة الواحدة وفى هذه الحالة الرسوم الجمركية على الطن الواحد هى 1959 جنيها .....
أما فى حالتك فحسب ظنى انها كمية بسيطة يعنى حوالى 7 الى 8 ابواب وزى ما قلت سابقا أن الجمارك لا تتشدد فى هذه الحالة وفى الغالب يمكن تخفيض الرسوم فى حالة الاستعمال الشخصى ولا تتجاوز الرسوم التى يمكن تحصيلها فى حالتك 150جنيه للباب الواحد بالمقاسات التى ذكرتها ...
أرجو أن أكون قد أوفيت بما وعدتك به
وجاهز انشاء الله لأى استفسار
ودمت يا اخى

Post: #59
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: nazar hussien
Date: 04-18-2013, 07:25 AM
Parent: #58

Quote: أخ نزار حسين وحسب وعدى لكم تؤخذ الرسوم الجمركية على الأبواب الخشبية كالآتى :-

الأصل فى تقييم الجمارك هو 550 دولار للطن الواحد يعنى التقييم بالوزن وليس بالقطعة الواحدة وفى هذه الحالة الرسوم
الجمركية على الطن الواحد هى 1959 جنيها .....
أما فى حالتك فحسب ظنى انها كمية بسيطة يعنى حوالى 7 الى 8 ابواب وزى ما قلت سابقا أن الجمارك لا تتشدد فى
هذه الحالة وفى الغالب يمكن تخفيض الرسوم فى حالة الاستعمال الشخصى ولا تتجاوز الرسوم التى يمكن تحصيلها فى
حالتك 150جنيه للباب الواحد بالمقاسات التى ذكرتها ...
أرجو أن أكون قد أوفيت بما وعدتك به
وجاهز انشاء الله لأى استفسار
ودمت يا اخى


شي يا يابا تتبارك ما تتشارك...شحتّ ربي والرسول سيدي...
ربنا يقوي بصرك وبصيرتك ويخدر دراعك...كان تبنت بيه البتاب يقوم ورتاب...

أوفيت ساكت وكفا...

بلاي بعد ما النجار نشر الخشب قلت ليه اقيف لامن نشوف خبر الجمارك شنو؟؟

أها من دربي دا بقول ليه غز قلم رصاصك في رأسك وجر منشارك

شكرا جزيلا يا صلاح... لا عدمناك يا رجل...وقطعا سأحتاجك مجددا

Post: #60
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: زول ساكت
Date: 05-12-2013, 08:10 AM
Parent: #59

مشكورين شباب وشيوخ
عندي سؤالين بخصوص اورنيك 48 ماهو ومن نخصل عليه
وهل خطاب الامين العام المصود به الامين العام لجهاز المغتربين
وهل يتم الحصول على هذا الخطاب بعد شحن العفش ام بعد وصوله ام متى
واخيراً هل يمكن ان اطلب خطاب للعفش وبعد فترة اطلب آخر للعربية
ودمتكم

Post: #61
Title: Re: الإدارة العامة للجمارك السودانية - تعرفة جمارك السيارات وبعض الإجر
Author: فتح العليم محمد أبوالقاسم
Date: 06-09-2013, 07:16 AM
Parent: #1

الاستاذ محمد ابوزيد المحترم

تحياتى واحترامي
هل من تحديث لموضوع جمارك السيارات وخصوصا نتوقع قدوم نفر كبير من السودانيين من السعودية .